DOLLAR INDEX

بسم اله الرحمن الرحيم

• هل يرتد الدولار صعودا من الحد الاسفل للقناه الهابطه ؟
• الحقيقه ان الارتداد من الحد الاسفل للقناه الهابطه ممكن يعطى فرصه كبيره لصعود  مستقر للدولار فى ظل وجود دايفرجنس خفى ايجابى ، اعتقد انه يتم تأكيده باختراق مستويات 97.56  لنموذج 2B BUY 
• لاحظ ان هناك اختلاف فى الاراء  الفنيه حول نموذج 2B وطرق المتاجره معه ، فنموذج 2B يشبه الى حد كبير القاع المزدوج او القمه المزدوجه لكنه لا يتطلب بالضروره الاغلاق تحت القاع بين القمتين فى نماذج الدبل توب او الاغلاق اعلى القمه بين القاعين كما فى نموذج الدبل بوتوم ، وبالتالى الدخول شراء باختراق 97.16 او 97.56 لا فرق بينهما  الا فى طول النموذج وطبيعه المستثمر نفسه 

كل عام والامه الاسلاميه والعربيه بخير

بسم الله الرحمن الرحيم
كل عام والامه الاسلاميه والعربيه بخير وسعاده وتقدم وازدهار
عيد سعيد على كل المسلمين
تقبل الله طاعتكم

الكل فى خدمه اسرائيل

بسم الله الرحمن الرحيم

عاموس جلعاد وهو رجل شغل مناصب عده فى وزراه الدفاع للكيان الصهيونى قال تصريح بعتبره خطير جدا

قال ان لو نجح الاخوان فى البقاء فى مصر وتحالفوا مع تركيا لاستطاعوا تدمير اسرائيل لكنهم فشلوا فى ذلك بفضل السيسى 🤔🤔

طب نفهم من كده ايه !

فى 24 مارس الماضى نفس الراجل ده قال ان اتفاقيه السلام اللى عملها السادات فى صالح اسرائيل وخدمت اهدافها الاستراتيجيه ! طب يا جماعه كان على ايه الحرب والدم اللى راح والاموال اللى اتصرفت ما كان فيه اخراج ابسط من كده واقل فى التكلفه للمسرحيه دى

يا ترى هما العساكر اللى بيحكموا مصر معانا ولا مع اسرائيل ؟!

اعتقد ان السؤال مش محتاج تفكير كتير

نبذة عن التجارى الدولى

بسم الله الرحمن الرحيم

• ما يحدث للتجارى الدولى  يعتبر طبيعى جدا فى ظل كلامنا قبل كده عن نموذج هارمونيك فراشه بيعى قلنا هيكتمل عند 85 جنيه وبالتالى ما نراه من هبوط شىء طبيعى
• ربما التجارى الدولى يستهدف 80.5 كهدف اول لنموذج الهارمونيك اذا تم كسر مستوى 81.5 هبوطا
• من المهم الحفاظ على دعم 81.5 حاليا ثم اختراق مستوى 85.5 لاستكمال المسار الصاعد على كل الازمنه

نبذه عن EGX30

بسم الله الرحمن الرحيم

• مطلوب من المؤشر الثبات اعلى 13460 حاليا لان كسر المستوى ده يرجح الوصول الى مستويات 13300
• لاستنئناف الصعود مره اخرى  يجب المحافظه على دعم 13460 ثم اختراق مستويات 13700
• الضعف على المؤشر واضح فى عدم قدرته  على اختراق مستوى 13500(القمه التاريخيه السابقه) والاستقرار فوقها  وده بيأكد ان كسر قمه 13500 كان كسر كاذب ، وربما التصريف هيبان بشكل اوضح لو تم كسر مستوى 13460 ، لكن غالبا الشكل العرضى هو اللى هيكون مسيطر الى نهايه هذا الاسبوع

DOLLAR INDEX

بسم الله الرحمن الرحيم

• مؤشر الدولار على فريم 4 ساعات ، وكنا توقعنا سابقا الا يكتمل نمط الرأس والكتفين نظرا لضعفه واستنادا الى الدعم الذى سيلقاه الدولار من توالى رفع سعر الفائده ، لكن فشل توقعنا واكتمل النمط السلبى وما زال مستهدفه عند مستويات 94 نقطه تقريبا 
• ما زال اداء الدولار للمره الثانيه برغم رفع سعر الفائده يأتى عكس معظم التوقعات ويبدو ان المتداولين على الدولار اصبحوا يهتمون اكثر بخطاب يلين المصاحب لقرارات رفع سعر الفائده  حول مستقبل الاقتصاد الامريكى، والاشاره او التلميح الى عدد مرات رفع سعر الفائده عن قرار رفع سعر الفائده نفسه ، ربما المره الحاليه يبدو الامر بالنسبالى لى مفهوما الى حد كبير خصوصا بعد بيانات مبيعات التجزئه ومبيعات التجزئه الاسياسه اللذان جاءا عكس التوقعات من حيث الانخفاض ولاهميتهما بالنسبه للاقتصاد الامريكى ، حيث ان مبيعات التجزئه الاسياسيه ترتبط ببند الانفاق الاستهلاكى والذى يمثل حوالى 70% من النمو الاقتصادى الامريكى ، كما ان القرئات الايجابيه لمبيعات التجزئه بشكل عام تعتبر دليل على صحه الاقتصاد الامريكى ، حتى الارتداد الايجابى الحاصل  وتقليص خسائر الدولار ارتطم بمستويات 97 نقطه ويحتاج الدولار مبدئيا الثبات اعلى هذا المستوى لاستهداف مبدئيا مستويات 98 نقطه وافشال نمط القمه المزدوجه المشوه
• ننوه الى اهميه عدم الاغلاق تحت مستوى 96.47 حتى لا يكتمل نمط سلبى اخر وهو القمه المزدوجه المشوه ودوره هنا - فى هذه الحاله - ان يكمل الاتجاه الهابط

GBP vs USD

بسم الله الرحمن الرحيم

• الباوند / دولار على شارت 4 ساعات ونمط سلبى ، الرأس والكتفين ، والباوند فى محاوله يائسه حتى الان للتجربه على خط العنق المكسور 
• الدايفرجنس الايجابى (اللون الاخضر) على مؤشر RSI لا يتحقق الا بتحقيق نمط القاع المزدوج  وذلك بالاقفال اعلى 1.2769 ، وربما المقاومه عند مستوى 1.2755 تعيق ايضا الفيلور سونج الثيرانى (اللون الاحمر) وبالتالى اعاقه تقدم الباوند خصوصا اذا جاءت قرارت الفيدرالى الامريكى ايجابيه بالنسبه للدولار

GOLD

بسم الله الرحمن الرحيم

• الذهب على الرسم البيانى الاسبوعى  ، وقناه صاعده متوسطه الاجل ، وزى ما قلت قبل كده انه قاعده فى القنوات السعريه ان السعر لما بيفشل فى ملامسه احد جانبى القناه ، ده بيكون اول علامات الضعف وامكانيه انعكاس الاتجاه وفى هذه الحاله ربما يصل السعر الى الجانب الاخر للقناه
• عندنا كمان امكانيه لتكوين قمه مزدوجه ، والنمط حاليا ليس له محل من الاعراب ونبتدى ناخد بالنا منه بمجرد كسر حد القناه الاسفل عند مستويات 1245 متغيره صعودا مع الزمن ثم كسر مستوى 1218 ، او كسر مستوى 50 على مؤشر RSI
• طبعا الذهب ممكن يعانى لحد يوم الاربعاء وهو موعد اجتماع الفيدرالى الامريكى ورأيى انه ممكن يرفع الفائده كمان ربع نقطه اساس بالرغم من انخفاض نسبه التضخم دون 2% حتى ان توقعات السوق للتضخم لمده 5 سنوات بدءت تتراجع بعد ان وصلت الى ذروتها فى نهايه يناير الماضى  والتوقع حاليا ان يظل التضخم دون 2% ولكن ما زال الفيدرالى الامريكى يحافظ على اقل نسبه بطاله محققه عند 4.3% منذ بدايه القرن الجديد وهو من المفترض ان يدفع التضخم الى الارتفاع لكن يبدو ان المشكله الحقيقيه فى نمو الاجور بالشكل المطلوب الذى يبدو هو الاخر فى تراجع مما يحد من ارتفاع التضخم ، ورغم ذلك اعتقد ان الفيدرالى الامريكى ربما يساير رغبات  المتداولون فى اسواق الدين برفع اسعار الفائده مره اخرى وربما فى هذه الحاله يشهد الذهب مزيدا من الانخفاض وغير ذلك هو فى صالح الذهب

نظره على الباوند بعد الانتخابات

بسم الله الرحمن الرحيم

• حركه الباوند على مؤشر الباوند بعد خساره حزب المحافظين لاغلبيه المقاعد فى مجلس العموم ، هنلاحظ ان الباوند اخد اتجاه هابط قصير الاجل بعد اعلان تريزا ماى عن الانتخابات فى اواخر شهر ابرايل الماضى ، وفى جلسه 9/6/2017 فتح بجاب داون والخطوره هنا فى تقديرى كسر الترند الصاعد متوسط الاجل (اللون الاحمر) واعتقد ان الاستقرار تحت الترند ده  يرجح لمزيد من هبوط الباوند لاستهداف مستويات 75 نقطه
• عندنا نمط ايجابى وهو معكوس الرأس والكتفين المركب مكتمل بالاغلاق اعلى مستوى 78 نقطه ويعتبر الهبوط الاخير هو ثروباك على النمط  ، ويفشل النمط ده بالاغلاق تحت مستوى 73.70 نقطه
• المثلث الموجود ليس له قيمه فنيه تذكر الا فى المتاجره فقط بالخروج المبكر فى مثل هذه الاحوال  ولو الباوند كمل هبوط هيتقال على المثلث ده BUSTED SYMMETRICAL TRIANGLE

انما يخشى الله من عباده العلماء

بسم الله الرحمن الرحيم

سبحان الله ، ربنا قال فى كتابه " انما يخشى الله من عباده العلماء" يعنى اكتر واحد من المفترض انه يخشى الله تعالى واعلم بقدرته هم العلماء لاكتمال العلم عندهم عن باقى البشر وكمال العلم يؤدى الى خشيه الله كما اجمع المفسرون ، ورغم كده نلاحظ ان فيه من المحسوبين بالاسم علماء بيبعوا اخرتهم بدنياهم ويا ريت لشىء يستاهل فاروق الباز بعت لرئيس مجلس القراطيس المصرى رساله بيثبت فيها جولوجيا ان تيران وصنافير سعوديه مع انه هو هو فى السبعينات وبصور اقمار صناعيه بعت للسادات ان تيران وصنافير مصريه والصور دى استند عليها خالد على فى اثبات مصريه تيران وصنافير
ليس الجمال بأثواب تزيننا إنّ الجمال جمال العلم والأدب

السلفيين وفقه الاولويات

بسم الله الرحمن الرحيم

انا وفى صلاه التراويح من شويه وكنت بصلى فى مسجد تابع للسلفيين والحقيقه اول مره -من خلال متابعتى للسلفيين- الاقى فى الكلمه اللى بتتقال بين الصلاه ان حد من السلفيين مهتم ومواكب الاحداث اللى بتحصل وبيتكلم عن الفرقه بين المسلمين والاعتصام بحبل الله وان ازاى الغرب عنده خبراء استراتيجين بيخططوا وينفقوا فلوس لبث الكراهيه بين المسلمين وبين الحكام والدول الحقيقه انا كبهير انبهرت 🤣🤣 معقوله جه اليوم اللى اشوف السلفيين مهتمين باالاحداث اللى بتدور حوالينا يا ولاد وبيتكلموا عليها حتى ولو على المتغطى كده وفى وقتها انا مش مسدء اتذكر من حوالى 3 سنوات بعد ما ضرب بشار الاطفال الغلابه بالكيماوى كان امام مسجد سلفى وقتها بيتكلم عن اذن الزوجه لزوجها فى صيام النوافل 🤣🤣🤣 وكعاده السلفيين والمعروف عنهم ان ما عندهموش فقه الاولويات او ما يعرف بواجب الوقت يعنى عادى تلاقى الدنيا بتولع حواليهم واحوال المسلمين رايحه فى داهيه وهما بيتكلموا عن اسبال الازار واطلاق اللحيه والنقاب والقضايا الجدليه اللى مش هتفيد الاسلام لو قارنها بقضايا تانيه تهم المسلمين من وجهه نظرى ان اهم قضيه حاليا للملسمين هى اعاده صباغه الفرد المسلم الصحيح وازاى انك تكون متدين بحق مش تدين شكلى بجلباب قصير ولحيه وخلصت الليله على كده احنا فى معركه بين الحق والباطل وسلاح المعركه دى هى المعرفه ونشر الوعى لازم كل مسلم بعرف قضايا دينه الاساسيه وان ما يدور فى العالم حاليا هو يخص هذا الدين وان الحرب دى هتاخد اشكال كتير ما بين سياسى واقتصادى واعلامى وتلبيس على الناس فى امور كتيره ، مهمه الدعاه مش تعريف الناس بكده وبس لكن كمان ايجاد الحلول والتعامل مع مثل هذه الازمات بما يليق اسلاميا لكن اذا كنا هنساهم فى تغييب الوعى الدينى للناس باننا ناخدهم فى اتجاه دينى يبعدهم عن قضاياهم الدينيه والدينويه الاساسيه ، انا بعتبر ده يتساوى مع ما يفعله الدارويش من الصوفيين وان الموضوع يخلص فى حلقه ذكر وانت بتطوح الاسلام مش دين للدروشه وتغييب الوعى لكن دين ديناميكى قادر على استيعاب المستجدات والتعايش فى كل عصر وزمان وقادر على فرض كلمته فى زمن قليل واسئلوا الفرس والرومان زمان فى اقل من عشر سنوات كانت القوتان العظميان فى ذلك الوقت تحت اقدام المسلمين

الهدف الاستراتيجى من حصار قطر !

بسم الله الرحمن الرحيم

اعتقد ان موضوع الحصار على قطر بسبب الاسباب المعلنه  ، ما يدخلش عقل اى مراهق سياسى ، مش عشان امير قطر امير المؤمنين ولا الخليفه المنتظر ، شخصيا قلت قبل كده وبقول ان انظمه سايكس بيكو كلها ايدك منها والارض ، والكل بيأدى دوره فى المسرحيه وعلى الشعوب انها تتفرج على العرض البايخ

شخصيا عندى اعتقاد ان الهدف الاستراتيجى اللى بيتم التمهيد له منذ عشرات السنين اما انه هيتم فى ولايه ترامب او على الاقل هيتم انجاز الجزء الاكبر منه فى عهده : وهو اغلاق القضيه الفلسطنيه للابد وهدم المسجد الاقصى ، وطبعا فى ظل الهدف ده مافيش مانع من تحقيق اهداف ثانويه تخدم الهدف الاكبر وهو التضييق على الاخوان بدل ما يصفوها بالارهابيه وبالتالى حصارهم والحاجه التانيه اسكات حماس وهو اخر الاصوات المدافعه عن القضيه الفلسطنينه اللى ممكن تكون شوكه فى حلق الغرب 

طبعا الناس ممكن تسئل عن علاقه قطر بالموضوع ده ايه !

الاجابه سهله وهى ان قطر مستضيفه قيادات حماس عندها او معظمهم وكمان مستضيفه عدد لا بأس بيه من الاخوان  وتعتبر الجزيره المنبر الاعلامى اللى لحد ما متنفس سواء للاخوان ولصوت القضيه الفلسطنيه او لبقيه الشعوب اللى ما زالت تحلم بالعدل فى يوم ما ، والطبيعى اسكات هذا المنبر نهائيا او على الاقل تحييده وبالتالى يوم ما يحصل هدم للسمجد الاقصى وبناء الهيكل مكانه او نقل حقيقى للعاصمه اليهوديه الى القدس يبقا كل حاجه متظبطه وتمام  ويضمنوا بنسبه كبيره جدا ان مافيش صوت هيتكلم

الحقيقه احنا لازم فى الامور دى نشوف الصوره كامله ونجمع اجزائها يعنى ما ناخدش الحدث بمفرده وبالتالى عشان تفهم الموضوع كويس ، لازم ترجع من الاول وهو زرع اسرائيل فى المنطقه ليه وبعدها لازم تعدى على كل الانقلابات العسكريه اللى حصلت من ايام الخميسنيات والستيينات واللى جابت حكام موالين للغرب وبدئوا ينفذوا المخطط اليهودى بحذافيره حتى وان بدا منهم المعارض بالكذب للغرب ولليهود زى عبد الناصر وفيصل والقذافى والقائمه تطول

وبألتاكيد لازم تعدى على بعد زرع اسرائيل فى المنطقه ازاى بدء الشغل على تقبل هذا الجزء الخبيث فى الجسد الاسلامى العربى والعمل على صناعه اجيال تؤمن بالتسامح والود مع العدو الاساسى ولازم تقف عند محطات زى 11 سبمتبر وازاى بدء بعدها تنفيذ جزء اخر من المخطط وهو الحرب على الارهاب وكان من نتايجه ضرب قوه معتبره زى العراق فى المنطقه وبدء تفكيك المنطقه العربيه واحده واحده ، ثم استغلال الثورات العربيه وترتيب الاوضاع بسرعه لقلب الوضع مره اخرى على الشعوب التى ثارت وامعانا فى تفكيك الامه العربيه ، ثم اخيرا القبول بالانقلاب فى مصر وتفجير الوضع فى اليمن وليبيا وكذلك فى سوريا ثم تحويل الانظار الى الخلافات العربيه العربيه وشيطنه بعض الحركات والدول لتبدوا هذه العمليه وكأنها غسيل للدماغ العربى بحيث ينسى المصريون والعرب عدوهم الاصلى وهى اسرائيل ويتجهوا الى معاداه تركيا وقطر وحماس 

تذكروا اننا لم نعد نسمع ان اسرائيل هى العدو الاساسى لنا وانها خطر على الامن القومى المصرى او الاسلامى العربى 

بل اصبحنا نسمع عن تركيا وقطر وحماس والاخوان انهم هم الخطر الحقيقى على الامن القومى المصرى الذى لا احد يفهم فى مصر حتى الان ماهو معنى الامن القومى المصرى 

 بدء المخطط منذ زمن بعيد وربما نحن فى الرتوش الاخيره منه ، فهل من استفاقه للشعوب لفهم ما يدور حولها  !

"ويمكرون ويمكر الله والله هو خير الماكرين" صدق الله العظيم

تحليل الفوليوم للموجه الخامسه ورأى بريكتر

بسم الله الرحمن الرحيم

فى ظل بورصه السهم الاوحد حققت البورصه المصريه يوم 6/6/2017 قمه تاريخيه جديده ، وده كان شىء متوقع حتى فى ظل الاداء العرضى اللى غلب على المؤشر فى الفتره اللى فاتت واعتقد اننا اتكلمنا عن ان هذه الموجه تجميعيه سواء فى الداو جونز او المؤشر المصرى ، وحسب تقديرنا ان المؤشر حاليا بدء موجه خامسه ،  وبالتالى ممكن تقابلنا اشكاليه بين ماقاله بريكتر عن الفوليوم فى الموجه الخامسه وهو ان الفوليوم مش بيكون عالى فى الموجه الخامسه وانها بتكون اقل ديناميكه من الموجه التالثه والحاله الوحيده للموجه الخامسه ان يكون فيها الفوليوم عالى وربما يتجاوز فوليوم الموجه التالته اننا نكون فى تصحيح على درجه   CYCLE او اعلى 

فى حين ان تحليل الفوليوم دايما بيتقال فيه انه بعد مرحله اعاده التجميع RE ACCUMULATION (الموجه الرابعه) بيتبقى مرحله بتتميز بانفجار الاسعار و الفوليوم والشموع الطويله وهى اخر مراحل الترند الصاعد وبيتقال عليها FINAL CLIMAX RUN واللى بعدها بيبدء الترند الهابط فى الظهور MARK DOWN

وخىلى بالك ان المؤشر حاليا بيصحح على فريم INTERMEDIATE وهو فريم زمنيا اقل من CYCLE بدرجتين  يعنى من الطبيعى اننا ما نشوفش فوليوم عالى فى الموجه الحاليه اللى تقديرنا انها ممكن توصل الى مستويات 14500-15000

لكن انا شايف ان الصعود من مستويات 12650 (اخر موجات المثلث) ماشى بفوليوم  متوسطه حوالى مليار واعتقد انه ممكن يزيد عن كده خلال الفتره القادمه بعد شهر رمضان باذن الله  برغم كل الظروف اللى حصلت الفتره اللى فاتت ، لاننا هنشوف تصريف من الاموال الذكيه على الناس اللى هتتسابق للدخول بعد اختراق مقاومه 13500 ، وهنشوف فئات جديده بتحاول اللحاق بالقطار ظنا منها ان بدايه ترند جديد بيتكون ،  ومع زياده احساس الاجانب برخص قيمه الاصول فى مصر بعد التعويم ، كل ده من وجهه نظرى هيظهر كزياده فى فوليوم التنفيذ ، وهنا هنقابل المشكله اللى بقول عليها بين كلام بريكتر وبين كلام تحليل الفوليوم  وحتى وان ظل متوسط التنفيذ عند المليار جنيه فى الجلسه ، من وجهه نظرى انه يعتبر معدل عالى للتنفيذ فى ظل الضرائب المفروضه 

وحتى لا يظهر التحليل الفنى متناقض فى بعض اجزائه خلينا نقول ان كلام تحليل الفوليوم هو"الكلام المطلق" وكلام بريكتر هو "تقييد المطلق " 

EGX70

بسم الله الرحمن الرحيم

• المؤشر السبعينى على الشارت الشهرى ، وفى التحليل السابق له بتاريخ 3/5/2017 توقعنا ان يدخل المؤشر فى جنى ارباح بعد تحقيق اول هدف عند 589 نقطه باستخدام اسلوب اهداف الفيبوناتشى المخطط لها ، وقد حدث بالفعل ان دخل المؤشر فى اتجاه هابط قصير الاجل ، وبدء الارتداد صعودا من منطقه الدعوم الاولى التى حددناها له عند مستويات 570 نقطه
• على الرسم البيانى الشهرى لدينا نمط تجميعى ايجابى وهو وتد هابط اكتمل بالاغلاق اعلى مستوى 575 نقطه لمستهدف قد يصل الى مستويات 800 نقطه ، وان كان النمط يعانى من بعض علامات الضعف ، لكن المؤشر يحتاج الى اغلاق شهرى اعلى من مستوى 600 نقطه مبدئيا ثم مستوى 672 حتى نطمئن الى قدره المؤشر على مواصله الاتجاه الصاعد الذى بدءت تظهر عليه علامات الضعف وهناك احتمال لظهور ما يعرف بالدايفرجنس الخفى  السلبى واغلاق المؤشر اعلى 672 يلغى اثر وجود الدايفرجنس الخفى السلبى (BEARISH HIDDEN DIVERGENCE)

EGX30 , COMI vs DJI

بسم الله الرحمن الرحيم

• المشاركه الحاليه باذن الله هتكون مقارنه الموجه الحاليه بين كل من المؤشر الرئيسى للبورصه المصريه ومؤشر الداو جونز وسهم التجارى الدولى على الشارت اليومى ، ويمكن تكون للمتخصصين اكتر بالتحليل الموجى
• بمقارنه شكل الموجه الحاليه على الثلاث مؤشرات هنلاقى ان شكل الموجه يكاد يكون متشابه لحد بعيد والفروق صغيره جدا ، وفى التحليل الموجى ، احنا بنختار التحليل الاقل تشوها طالما انه مافيش ما يدعوا لتبنى سيناريو فيه تشوهات كتير، وعلى سبيل المثال ، بالنسبه لمؤشر البورصه المصريه والتجارى الدولى لو حبينا اننا نقول على الموجه الحاليه انها فلاته هنصطدم بتشوهات للموجه B والموجه C وبالتالى الشكل المناسب للفلاته فى الحاله دى بيتقال عليه FALT WITH DOUBLE FAILURE بمعنى ان الموجه B اخفقت فى تصحيح على الاقل 80% من الموجه A وكذلك الموجه C اخفقت فى تصحيح معظم الموجه B ، والحقيقه ان الشكل ده نادر الحدوث وبيحصل تحت ظروف معينه ، وطالما اننا عندنا السيناريو البديل وهو الاصح فنيا ومناسب لطبيعه الموجه الرابعه عموما ، يبقا ايه اللى يجبرنى على تبنى سيناريو فيه تشوهات كتير ! حتى اللى بيتبنى سيناريو ان الموجه الرابعه انتهت عند قاع 11844 اعتقد ان السيناريو ده يشوبه بعض القصور مش بس عشان ان الموجه الرابعه والتانيه هيكون تصحيحهم حاد ومافيش تبادل ، لكن لان الموجه الرابعه مش بتصحح  اقل من 30% من الموجه الثالثه (زى الموجه الحاليه) الا لو كان تصحيح جانبى  وغالبا بيكون مثلث ضيف على كده  طول الفتره الزمنيه  للموجه دى  وهو ما يناسب الموجات المثلثيه بشكل عام ، قارن كده الداو جونز هنلاقى ان الفلاته الموجوده عليه اقل تشوها وان الموجه  C فقط هى اللى اخفقت فى تصحيح كامل الموجه B
• الجزء التانى وهو الاندفاع THRUST اللى بيحصل بعد الموجات المثلثيه وغالبا الموجه الخامسه فى الحاله دى بتيجى سريعه وحاده وقصيره  وغالبا بيتم تقدير طول الموجه الخامسه بنفس طول اكبر موجه فى المثلث يعنى 100% من اطول موجات المثلث ممكن تزيد 25% فوق او تقل 25% وبالتالى المرجح فى الحاله بتاعنا لمؤشر البورصه ان الموجه الخامسه هتكون ما بين 1700 نقطه الى 2200 نقطه تقريبا مضافه الى مستوى 12648 ، والحقيقه هناك اختلاف فى تقدير الموجه الخامسه فى حاله المثلث المتعاقد وشكلها ومداها ففى الاسواق الماليه القويه دايما بتيجى الموجه الخامسه طويله وممتده PROTRACTED WAVE وقد تتخطى حاجز 161.8% من اطول موجات المثلث والبعض الاخر له رأى فى ان الموجه الخامسه طولها اذا تخطى حاجز 125% من اطول موجات المثلث ففغالبا هتكون الموجه الخامسه قطريه منتهيه TERMINAL PATTERN

EGX30

بسم الله الرحمن الرحيم

• فى المشاركه السابقه الاسبوع الماضى اتكلمنا عن نموذج هارمونيك صغير فراشه بيعى وقلنا انه جزء من نموذج اكبر وهو الكابوريا الغارقه البيعى وبما ان المؤشر اخترق مستوى 13407 نقدر نتكلم باريحيه عن نموذج الكابوريا الغارقه والمفترض فيه اكتماله عند مستوى 14600 ، وبالتالى الاستقرار اعلى 13407 يؤهل لمتاجره حتى اكتمال النموذج
• يمكن البعض يكون عنده تداخل فى المعلومات بين النموذج الصغير اللى اتكلمنا عنه الاسبوع الماضى والنموذج الكبير حاليا  لكن احب اوضح نقطه  فى المتاجره وهى ان الدخول بالاستقرار اعلى 13082 كان فيه مخاطره لكنها محسوبه واظن اتكلمنا عنها واكتمال النموذج الصغير عند 13850  يعنى حاجه من اتنين : اما ان المؤشر يتراجع عند المستوى ده او النموذج نفسه يفشل بتقدم المؤشر وتحقيق مستويات اعلى من 13850 وبالتالى اللى هيدخل يتاجر باستقرار المؤشر اعلى 13407 وحتى اكتمال نموذج الهارمونيك الكبير عند 14600 يتابع فقط سلوك المؤشر عند مستوى 13850 يعنى لو تراجع المؤشر عند 13850 يقدر يخرج وينتظر معاوده الصعود للدخول شراء مره اخرى او على اقل تقدير انه يخفف ويشتغل بمبدء شراء الانخفاضات فى الاتجاه الصاعد ، ولو المؤشر كمل دون تراجع فهو موجود حتى اكتمال النموذج عند 14600 ويتابع ايضا سلوك المؤشر عند المستوى ده
• اعتقد ان مستويات 14500-15000 مستويات مرجح الوصول اليها خصوصا وان اكتر من مدرسه فى التحليل الفنى تؤكد هذه الاهداف ، فمدرسه الهارمونيك الممثله فى نموذج الكابوريا الغارقه الذى يكتمل عند 14600 ومدرسه التحليل الموجى الممثله فى موجه خامسه غالبا هتكون على فريم INTERMEDIATE تستهدف مستوى 14800 على الاقل فى حاله انتهاء الموجه المثلثيه عند مستوى 12345 كما رجحنا سابقا  ، والمدرسه الكلاسيكيه الممثله فى نموذج القاع المزدوج الاستمرارى (نموذج الهارمونيك الحالى) وهو الاوضح على الشارت الاسبوعى من معكوس الرأس والكتفين اللى اتكلمنا عنه سابقا على الشارت اليومى ومستهدفه يصل الى 15000 تقريبا ، اعتقد ان هذه الاهداف من الطبيعى الوصول اليها طالما ان هناك اكثر من اسلوب فى التحليل الفنى يرجح هذه المستويات ولكن مش من الطبيعى الوصول الى هذه الاهداف الا لو كان هناك امر سياسى او اقتصادى كبير خاص بالعالم  او على الاقل خاص بمصر
• للناس اللى عايزه تتعلم هارمونيك ، دايما فى نماذج الكابوريا والفراشه والكابوريا الغارقه استخدام نموذج AB=CD مش بيكون كافى لوحده لكن بنستخدم CD=127%AB او CD=161.8%AB مع استخدام امتدادات BC الخاصه بكل نموذج واخيرا اكتمال النموذج عند النسب المعروفه لكل واحد منهم بواسطه XA ، اعتقد ان اى نموذج هارمونيك قادر على اختبار الثلاث مقاومات دول (فى حاله انه نموذج بيعى) يعتبر نموذج هارمونيك قوى والعكس فى حاله انه نموذج شرائى (اختبار التلاث دعوم)

الاسواق الماليه والقمم التاريخيه الجديده

بسم الله الرحمن الرحيم

ما زالت الاسواق الماليه تخرج لسانها للنظريات القديمه وللبعض الذين دابوا على تكرار هذه النطريات او المقولات التى فقدت بريقها كفزاعه فقط دون  الاخذ فى الحسبان المستجدات التى حدثت للاسواق الماليه والارتباط الايجابى ( POSTIVE CORRELTION) بين بعض العوامل المؤثره على الاسواق الماليه زى رفع سعر الفائده الامريكى والارتباط الايجابى بينه وبين الاسواق الماليه فى السنوات القليله الماضيه ، فى مشاركه بتاريخ 2/5/2016 ردينا بالبحث على المقوله المتداوله واللى كانت بتشبه استراتجيه تداول وهى SELL IN MAY AND BUYING BACK IN NOVEMBER وقلنا وقتها ان فى العصر الحديث اصبحت الموسميه  الخاصه بهذا الشهر محل شك ، خصوصا من عام 1996 ، وفى مشاركه بتاريخ 23/5/2017 بعنوان " حديث جديد عن الفائده" ردينا بالبحث والاثبات على المقوله الشهيره  THREE STEPS AND STUMBLE IN ROW واتكلمنا عن المنطقيه فى التفكير وان الاسواق الماليه لو فيها ضعف حالى كان من المفترض كان يكون فيه اكشن سابق لرفع سعر الفائده وقلنا ان الضعف ده لان الداو فى موجه تجميعيه وامامه لسه موجه صعود لتحقيق قمه تاريخيه جديده واليوم الداو حقق قمه تاريخيه جديده وصلت الى 21224 ، وقبله استنادرد اند بورز ، والداكس 30 والفوتسى100 وربما يكون الداو هو المتأخر الوحيد فيهم

ما زلت بقول وبكرر ان القوالب الجاهزه اللى بيتم استدعائها من البعض فى مناسبات معينه اصبحت ممله اوى ،  ومع الوقت اكيد الناس هتفقد الثقه فىهم  ان لم يتداركوا الامر ويعرفوا ان فيه عوامل اخرى فى العصر الحديث الغت او على الاقل قللت من صلاحيه هذه المقولات والنظريات القديمه ، وتكرار هذا الامور هيعبر اما عن توجه بداخل من يردد هذه القوالب الجاهزه او عدم المامه  بما يدور حوله فى الاسواق الماليه والعوامل المؤثره فيها

وما زلت بقول وبكرر اننا فى حاجه لتطوير النظريات الاقتصاديه والماليه والفنيه خصوصا بعد ما حدث فى 2008 ولازم نهتم اكتر بالجانب السيكولوجى  لربما يقدم لنا تفسير على ما يحدث الان فى الاسواق الماليه 

والسؤال اللى دايما بسئله ........... !

هل ما يحدث فى الاسواق الماليه  خاضع فقط للنظريات الاقتصاديه والماليه  المتعارف عليها ولا هناك ايادى قذره تلعب نفس اللعبه التى تمت سابقا مع نظريه  العظيم وليام جان  ولا احنا فعلا بقينا محتاجين لتطوير هذه النظريات!؟

سؤال ربما تجيب عنه السنوات القادمه