مقارنه بين اهم القطاعات الحيويه فى المؤشر

بسم الله الرحمن الرحيم

• مقارنه بين اهم 3 قطاعات فى البورصه حاليا من وجهه نظرى ، قطاع الاتصالات،قطاع البنوك ، قطاع العقارات ، واعتقد اننا تحدثنا سابقا عن قطاع الاتصالات كأفضل قطاع فى البورصه المصريه ،واسئلوا جلوبال تيلكوم ، بالرغم حاليا بدءت علامات الضعف تظهر عليه واعتقد ان القطاع ربما يكون مقبل على تراجع، كما هو واضح من وصوله لمناطق الذروه السعريه ، والتشبع الشرائى المفرط ،وبالتالى على من يمتلك اسهم فى القطاع  ان يكون منتبها لجنى الارباح فى اى جلسه
• القطاع الثانى وهو قطاع البنوك ، اعتقد انه اكتمل نموذج هارمونيك "خفاش بديل بيعى " عند مستوى 3400 ، وبدء التراجع بعد ظهور ما يعرف باخفاق الموجه FAILURE SWING الذى اكده السعر بكسر مستوى 3267 نقطه ، وقد يكون التراجع مناسب لتكوين كتف ايمن لمعكوس رأس وكتفين ، وان كنت شخصيا ارى ان هذا القطاع ينتظره صعود ربما بدايه من الاسبوع القادم ،والتجارى الدولى اقترب بشده من دعم جيد عند منطقه 37.5-38
• القطاع الثالث وهو قطاع العقارات، وهناك نموذج "كابوريا بيعى" يكتمل عند مستوى 1400 نقطه ، وبرغم وجود FAILURE SWING على مؤشر القوه النسبيه ،الا ان السعر لم يؤكده حتى الان الا بكسر مستوى 1275، ولكن النصيحه هنا لمن يمتلك اسهم فى قطاع العقارات ان يتوخى الحذر، فعلامات الضعف موجوده على القطاع ولا ينقصها الا التاكيد ، ولا مانع ان يتحرك القطاع بشكل عرضى بين مستويات 1275 -1345 طالما يحافظ القطاع على دعمه عند 1275
• لاحظ ان هناك اشكاليه بين الانحراف (DIVERGENCE) وFAILURE SWING( فشل الموجه فى اختراق القمه التى تراجعت منها ، حرف M ، او فشل الموجه فى كسر القاع الذى ارتدت منه ، حرف W ) فالبعض يعتبر ان الفيلور سوينج هو نوع من انواع الانفراج وانا اؤيد هذا الرأى والبعض الاخر يعتبره ظاهره قائمه بذاتها وليس له علاقه بما يفعله السعر، وعند دخول مؤشر القوه النسبيه مناطق التشيع الشرائى(اعلى خط 70)، فان  ظهور الفيلور سوينج يعتبر مؤشر قوى على حدوث تغير فى الاتحاه فى المدى القصير(اشاره بيع) ، والعكس عند دخول السعر مناطق التشبع البيعى (تحت خط 30) فانه مؤشر قوى على تغير الاتجاه فى ا لمدى القصير (اشاره شرائى)، وفى كل الاحوال لابد من تأكيد السعر للانفراج او للفيلور سوينج

الانفراجات (DIVERGENCES)

بسم الله الرحمن الرحيم

بالنسبه يا جماعه لموضوع الانفراجات (DIVERGENCES) رغم انى مش من هواه التعليم المباشر فى التحليل الفنى ، بس حبيت اوضح  نقطه فنيه ، يمكن اغلبنا بيقع فيها ، وهو ان اول ماحد بيشوف الانفراج ده موجود على مؤشرات المومنتم، بيتكلم عنه وكأنه اشاره على الهبوط او الصعود مسلم بها رغم ان الكلام ده مش مظبوط ، عمنا مارتن برينج وهو افضل من كتب عن الانفراج له تشبيه بليغ  بيقول فيه ، لو انت خارج الصبح ولاحظت ان السماء ملبده بالغيوم، هتتوقع ان الدنيا ممكن تمطر! وهتعمل حسابك انك تاخد ما يحميك من المطر ، بس هل تقدر تجزم بان الدنيا هتمطر فعلا لمجرد ان السماء ملبده بالغيوم ! التأكيد مش هيجى غير لما تشعر فعلا  بقطرات المطر بدأت تتساقط !

هكذا هو الانفراج ، مؤشر على ان الاتجاه ممكن ان يتغير ، ولكن لابد من السعر نفسه ان يؤكده ، والتأكيد يأتى باحد الطرق الاتيه:-

1- كسر ترند

2-اكتمال نموذج

3- انعكاس فى القمه او القاع تؤكده الشموع

4- تقاطع المتوسطات البسيطه سلبا او ايجابا

وكقاعده عامه: الانفراج يحتاج الى زمن ، فكلما كان زمن الانفراج كبيرا، وكلما كان هناك عددا من الانفراجات السلبيه بين القمم   ، كلما كان ذلك دليلا على ضعف بنيه الاتجاه ، والعكس بالعكس

الانفراج بشكل عام بينقسم الى نوعين

اولا : الانفراج الكلاسيكى

وهو موضوح بالجزء رقم 1 فى  الصوره رقم واحد، ينقسم الى نوعين :  اما انه انفراج سلبى ، على شكل حرف M والسعر فيه بيحقق قمه اعلى من قمه لكن مؤشر المومنتم يقوم بعمل قمه اقل من قمه ، والعكس فى الانفراج الايجابى ، السعر يقوم بعمل قاع اقل من قاع ، ومؤشر الزخم يحقق قاع اعلى من قاع

ثانيا :  الانفراج الخفى

موضج بالجزء رقم 2 فى الصوره رقم 1  والصوره رقم 3 ، وايضا هو نوعين ، انفراج خفى ايجابى وفيه السعر يقوم بعمل قاع اعلى من قاع والمؤشر يقوم بعمل قاع اقل من قاع، والنوع التانى وهو الانفراج الخفى السلبى ، وفيه السعر يقوم بعمل قمه اقل من قمه ، ومؤشر المومنتم يقوم بعمل قمه اعلى من قمه والنوع ده بيكون اقوى من الانفراج الكلاسيكى

النوع التالت : وهو الانفراج المبالغ فيه موضح بالجزء رقم 3 من الصوره رقم 1 وهو مش شائع اوى وفيه منه نوعين ، الاول وهو الانفراج السلبى، يقوم السعر فيه بعمل قمتين متساويتين ومؤشر المونتم يقوم بعمل قمتين متناقصتين ، والنوع التانى، السعر يقوم بعمل قاعين متساويين ومؤشر المونتم يقوم بعمل قاع اعلى من قاع ، وبيكون الشكل العام اشبه بالدبل توب او الدبل بوتوم

الصوره رقم 2 ، بتوضح مثال على تأكيد السعر للانفراج يكسر خط ترند صاعد كمثال على انفراج سلبى(الاسهم الزرقاء) واشاره بيع ، ونفس الصوره بها مثال على كسر ترند هابط كمثال على انفراج ايجابى(الاسهم الحمراء) واشاره شراء

بالم هيلز

بسم الله الرحمن الرحيم

• بالم هيلز على الفريم اليومى ، وقناه صاعده اصطدم السهم بحدها العلوى عند مستويات 2.75-2.85 ، والسهم يجد صعوبه فى اختراق الحد العلوى للقناه،  ، وفى حال اختراق الحد العلوى للقناه ، ربما يجد السهم له مستهدف عند 3.25 متغيره صعودا مع الوقت ، تقديرى الخاص ، ان السهم مرجح له التراجع من المستويات الحاليه او ان يسير بشكل عرضى لاخذ العزم الكافى لمواصله الصعود
• هناك انفراج سلبى موجود على مؤشر RSI  ربما يكون اشاره على التراجع فى المدى القصير، ولكن لا يعتد به ما لم يؤكده السعر بكسر 2.60

عن بيان الحكومه الرشيده

بسم الله الرحمن الرحيم

اعلنت الحكومه عن برنامجها  "المتفائل" امام مجلس الشعب ، اللى فى سابقه تاريخيه يصفق رئيس مجلس الشعب لرئيس الوزراء ، بعد انتهائه من الخطاب ويمدحه قبل القاء خطابه ، ومن المفترض انها الجهه الرقابيه على الحكومه، ده غير منظر النواب وهما واقفين طابورعلى الوزراء عشان الامضاءات ، نفس منظر برلمان موافقون ايام حسنى مبارك ، مش كده وبس ، ده السيد رئيس مجلس القلل كون لجنه من 50 عضو ، لمناقشه بيان الحكومه منهم 28 عضو من دعم مصر الموالى للسيسى و6 معينين ، وماحدش عارف اختارهم على اى اساس ! وحصلت مشكله بين النواب بسبب الموضوع ده ، وسلملى على الرقابه

نيجى للبيان نفسه واعتقد اننا سمعنا بيانات مشابهه من عشرات السنين ، وتقريبا بنفس الجمل حتى شعار البرنامج منقول يعنى مافيش اى ابداع ، ونفس الاسباب الواهيه لتبرير الفشل ، والملفت للنظر ان الاخ رئيس مجلس الوزراء، مافيش مره كلمنا مثلا ، عن اطار زمنى لتنفيذ بنود البرنامج ، او ايه هى الاليه المتبعه فى تحقيق البرنامج والخطوات اللى المفروض تكون معروفه للناس ، يعنى مثلا عشان اخفض عجز الموزانه من 11.5% الى 9%-10% المقترحه المفروض اعمل ايه ! المفروض الباشا يبقى عنده خطه اجرائيه وزمنيه للحل  لعرضها على المجلس ، على الاقل انا كنائب اقدر اناقش الخطه والاجراءات لكل محور من محاور البرنامج، لكن الموضوع مش بالنيه والكلام الانشائى  ، فين الكلام الجاد عن تحسين الخدمات للمواطن ، او اننا نشعر ان فيه اهتمام حقيقى بالامن القومى المائى او بقضيه التنميه بشكل عام وفى سيناء بشكل خاص

اعتقد انه كلام كله مطاط ، ووعود الناس شبعت منها ، وبيان تقليدى انشائى يستخف بالعقول ويفتقر حتى الى معلومه احصائيه واحده ، لكن الحمدلله عرفنا من البيان ، انه لسه فى مزيد من الخياطه للشعب المصرى
وعلى رأى المثل الشعبى :  " يا مستنى السمنه من بطن النمله "

فعلا انها حكومه رشيده فى نظام سياسى رشيد

اوراسكوم للاتصالات

بسم الله الرحمن الرحيم

• اوراسكوم للاتصالات على الشارت اليومى ونموذج قاع مزدوج (حواء-حواء) اكتمل بالاغلاق اعلى 73 قرش  لمستهدف قد يصل الى 96 قرش، ولكن السهم من الواضح انه تأثر بمقاومته الثانويه عند مستوى 78 قرش ووصوله الى مناطق التشبع المفرط  وبدء التراجع من مستوى 79 قرش ، وبشكل عام ربما يكون السهم  اكد بدايه التراجع اليوم نأثرا بتصريحات ساويرس ، وهو على كل حال تراجع مطلوب للسهم وللسوق اجمالا، وان كنا تحدثنا سابقا عن ان نماذج القاع المزدوج عندما تكون ما يعرف بالعروه يكون ادائها صعودا اقوى وهذه الايجابيه مرتبطه حاليا باختراق مستوى 79 قرش
• التراجع للسهم كما قلنا مفيد للسهم ومن الممكن ان يكون التراجع لتكوين الكتف الايسر لنموذج انعكاسى اكبر يبدو ظاهرا بشكل واضح على الشارت ، وهو معكوس الرأس والكتفين وهو نمط شائع فى اكثر من سهم قيادى وعلى شارت السوق نفسه
• مضارب السوينج من الممكن ان يكون بجلسه اليوم بدء فى جنى ارباحه ، او جزء منها على الاقل ، ومن بداخل السهم وحقق مكسب  ، من وجهه نظرى الشخصيه عليه مراقبه نطاق 63-73  ، فاعتقد ان مضارب السوينج فى تفكيره الان هذه المنطقه للدخول مره اخرى عند ظهور اشارات ايجابيه

EGX30

بسم الله الرحمن الرحيم

• المؤشر الرئيسى على الشارت اليومى ، وتحليل موجى للموجه البادئه من 5526  ، وما زلنا حتى الان نتبنى ان المؤشر على الارجح قد انهى التصحيح عند قاع 5526  ، ما لم تجد معطيات اخرى تجعلنا نغير من هذا الرأى  ، وفى مره اخرى باذن الله ربما نضيف بعض الملاحظات  ، الى الاخوه الذين يتبنون سيناريو ان المؤشر فى موجه C هابطه منذ قمه 10066
• حسب رأينا الحالى فى ان المؤشر منذ قاع 5526 يصحح فى موجه اولى على فريم INTERMEDIATE ، مكونه من 5 موجات فرعيه على فريم MINOR  ، انتهى المؤشر من موجتين على هذا الفريم ، الاولى عند قمه 6261 (ربما فى الترقيم البديل باللون الاخضر تكون انتهت عند قمه 6132) والثانيه عند قاع 5753  ، والمؤشر حاليا فى الموجه الثالثه الممتده  ، وتحديد فى ا لموجه الرابعه الفرعيه منها على فريم MINUTE  ، والتى غالبا ستأتى تصحيح جانبى معقد ، اما دبل فلات او مثلث ، وغالبا اذا جاءت مثلث فسيتحرك المؤشر فى نطاق 7300-7600 ، وبشكل عام فان الموجه الرابعه عمقها ينتهى فى حدود الموجه الرابعه الفرعيه من الثالثه الممتده ، اى فى نطاق 7250-7300 ثم بعدها يصعد المؤشر فى موجه خامسه MINUTE تستهدف غالبا 7800 او اكثر، (غالبا الموجه الخامسه تأتى مساويه للموجه الاولى او اكبر منها فى حال ان الموجه الرابعه كان تصحيحها معقد) لنتهى الموجه الثالثه MINOR عند حدود 7800 او قد تصل الى مستويات 8200 ، ثم يهبط المؤشر مره اخرى لتكوين الموجه الرابعه MINOR  ، واخيرا يصعد بعدها المؤشر فى موجه خامسه MINOR  ، وبذلك ينهى المؤشر اول موجه على الفريم الاكبر، وهو INTERMEDIATE والتى ربما تقديريا تصل الى نطاق 8400-8600 نقطه ويفشل هذا السيناريو بكسر 6260

ملاحظات

• تحدثنا فى التحليل السابق ان المؤشر يحتاج الى تكوين قاع لرسم نموذج معكوس الرأس والكتفين لتأكيد تكوين اتجاه صاعد فى المدى المتوسط حسب نظريه داو، وربما حسب التحليل الحالى قد يكون هناك صعوبه -ولكن ليس مستحيل- فى الهبوط الى مستويات 6800 مثلا لتكوين كتف ايمن لنموذج الرأس والكتفين، وان كنت شخصيا افضل ان يتراجع المؤشر لافراغ مؤشراته واخذ العزم الكافى وتكوين نموذج انعكاسى يؤكد ان هناك ترند جديد بدء، وليس هناك افضل من النماذج الانعكاسيه القويه مثل معكوس الرأس والكتفين ، ولكن ربما البديل حاليا ان تكون الموجه الرابعه الفرعيه التى بصددها المؤشر حاليا تأتى على شكل مثلث او تصحيح جانبى، لبناء رايه او علم فى حاله اختراق 7610 قد تصل بالمؤشر تقديريا- بعدم كسر دعم 7360 -الى حدود 9000 نقطه (بدايه قياس العلم او الرايه من قاع السوينج عند 6034) -وشخصيا لا اثق كثيرا فى نماذج العلم او الرايه واذا تجاوز المؤشر هذه المستويات ، فغالبا ستكون هذه الرايه جزء من نموذج سكالوب صاعد يكتمل بالاغلاق اعلى 7609 لمستهدف يصل الى حدود  9500  ، واعتقد فى هذه الحاله ان الموجه الاولى لن تكون كافيه بمفردها للوصول الى هذه المستويات
• هناك بعض من الاصدقاء على الفيسبوك اثنين منهم يتبنون ان المؤشر فى موجه C من فلات ، وان المؤشر حاليا فى الموجه الثانيه منها  ، وفى نقاش معهم تحول تشاؤهمهم الى تفائل غريب بأن هذه الموجه من الممكن ان تقترب من مستويات 10000 نقطه ، باعتبار ان الموجه الثانيه من الممكن ان تصحح 99% من الموجه الاولى ، واعتقد انه خطأ فادح ان نردد هذا الكلام لاكثر من سبب ، اولهم:- انه من النادر ان تصحح الموجه الثانيه 99% من الموجه الاولى ، ثانيا:- عندما تأتى الموجه الثانيه تصحيح معقد كالفلات غير المنتظم  ، فمن الصعب ان تصل هذه الموجه الى 99% من الموجه الاولى ، لان هذه المستويات لا تناسب ابدا التصحيح المعقد ، وانما اخر هذه الموجه ان تصل الى 61.8% من الموجه الاولى اى تقريبا الى حدود 8600 نقطه ، ثالثا هل من المنطقى ان نطلق عنان الارقام بهذا الشكل دون ربطه بمكونات الموجه الثانيه نفسها (A-B-C) ومن المفترض حاليا -حسب تقديرهم- ان المؤشر فى الموجه C من الثانيه، واذا طبقنا ما نعرفه من قواعد فى نسب الفيبوناتشى ، وما نعرفه من تصحيح الفلات الغير منتظم ، فان مستويات 8000 نقطه هى اخر ما تستطيع اليه الوصول هذه الموجه ، واعتقد فى هذه الحاله ان من يقولون بان هذه الموجه تستطيع الوصول الى 8600  او اعلى من ذلك ، عليهم التشكك فى التحليل الخاص بهم ويدعون ربهم جاهدين ، ان لا يصعد المؤشر الى اكثر من مستويات 8000 حتى يحتفظوا ببارقه امل فى صحه ما يعتقدون، كما نتمسك نحن بتكوين قاع اعلى من قاع 5753 وتكوين نموذج انعكاسى لتأكيد بدايه اتجاه جديد
•  الثبات اعلى 7500 يعطى مزيد من الثقه للقوه الشرائيه لاعاده لاستهداف 7700 ثم 8200 على ان يكون مستوى 7100 هو نقطه الخروج للمستثمر قصير الاجل وبالنسبه لمتوسط الاجل وطويل الاجل فعليهم استغلال اى تراجعات للاضافه الى مراكزهم الشرائيه

الصين وحلول خارج الصندوق

بسم الله الرحمن الرحيم

فى الصين تصريح  لرئيس الوزراء انه مش عاوز يخفض عمله بلده  مره اخرى لان خفض العمله –حسب قوله- مش هيزيد من تنافسيه الشركات الصينيه وبيقول ان الصين هتعتمد على تنظيم  الاداره  الاقتصاد وتدعيم قطاع الخدمات واخيرا هتلجأ الصين لتخفيض الضرائب باكتر من 500 مليار يوان لخلق محركات نمو جديده للاقتصاد وانا كنت اتكلمت قبل كده عن اجراءات شبيهه اخدتها اليابان  من تخفيض للضرائب وزياده الاعانات الماليه للمواطنين واخرها انها خفضت فائده البنوك بالسالب وكل ده لحفز الانفاق الاستهلاكى اللى تراجع بشده واثر على الاقتصاد اليابانى

حط التصريح ده جنب تصريح زير الخزانه الامريكى جاك ليو ان الصين عندها ادوات جيده  لاعاده نمو اقتصادها عن طريق دعمها لدخل الاسر والاعتماد على  اقتصاد يقوده الاستهلاك

بالذمه ده كلام !

اعانات ماليه ايه وتخفيض ضرايب ايه ! يا ناس اتعلموا من الاصلاح الاقتصادى فى مصر ام الدنيا

ده من ابجديات الاصلاح الاقتصادى فى مصر انك تخفض عملتك عشان تنافسيه الشركات وزياده الصادرات و انك حتما ولابد تزود ضرايب على الناس وتفتش فى جيبوهم اول بأول (لسه فرض ضريبه القيمه المضافه ) وفى الاخر تصبح علىها من فائض اموالك الكتيره وبطيب نفس كمان

وزى مانتوا شايفين كده لا عندنا فقر ولا حال ناس واقف ولا ايتها مشكله خالص....... ابسلوتلى

بالعكس بقا ده احتا بقينا مثار ودهشه للعالم كله من مستوى الرفاهيه اللى وصلها المواطن المصرى رغم المؤامرات الكونيه الى بتتعرضلها البلد واللى خلت ناس زى القطريين والاتراك والامركان وسكان الكواكب الاخرى يحسدونا على اللى احنا فيه

يا ناس .....اليس منكم رجل رشيد !

عن التعديل الوزارى وعوده وزاره قطاع الاعمال

بسم الله الرحمن الرحيم

بالنسبه للتعديل الوزارى الجديد وبعيدا عن ان منهم من كان مرتبط ارتباطا وثيقا بجمال مبارك والعهد البائد ، او من هو مندوب عن رجال الاعمال فى الوزارات الاقتصاديه، او انهم مؤيدين قلبا وقالبا لمزيد من تخفيض الجنيه والمتوقع له ان يصل حجم تخفضيه الى 35% فى نهايه 2016 حسب جبى بى مورجان، الا ان الكثير لم ينتبه الى امر مهم جدا وهو : عوده وزاره قطاع الاعمال مره اخرى  وهى الوزاره التى ارتبط اسمها دائما بالخصخصه وهذه المعلومه يجب ربطها بأمرين 

اولا: ترجيح ان تعود الخصخصه بشكل جديد عن طريق ربما طروحات البورصه او شكل اخر يختلف قليلا عن الشكل السابق

ثانيا: بقاء وزير التخطيط مهندس  قانون الخدمه المدنيه وعدم تغييره يوحى باصرار الدوله على تمرير هذا القانون رغما عن مجلس القلل وحصيله التوقعات السابقه:- تشريد المزيد من الموظفين، وزياده معدلات البطاله، وربما التفريط فى مزيد من اصول الدوله بابخس الاسعار
شالوا الضو وجابوا شاهين

جلوبال تيلكوم

بسم الله الرحمن الرحيم

• جلوبال تيلكوم على  الشارت اليومى واداء اكثر من رائع لهذا السهم وكنا تحدثنا فى مشاركه بتاريخ 21/2/2016 عن نموذج قاع مزدوج حقق مستهدفه عند 2.45 وهو بالمناسبه نموذج الفراشه الحالى الذى نتحدث عنه اليوم فى المتاجره ، واشرنا الى اهميه مستوى 2.20 الذى كان نقطه انطلاق السهم الحقيقيه
• السهم كون نموذج هارمونيك "كابوريا بيعى" اكتمل عند مستوى 2.62 واعتقد اذا استمر السهم  كثيرا فى السير عرضيا  فربما تكون اولى اشارت فشل النموذج ومتابعه الصعود
• بالنسبه لمن دخل بعد اختراق 1.97 او قبلها عليه مراقبه السهم جيدا عند مستوى 2.45 وهو نقطه حمابه ارباحه من بعد يوم 28./3/2016 اما اذا هبط السهم قبل ذلك اليوم فعليه مراقبه كسر الترند الفرعى رقم 1(هو الانسب نظرا لملائمته لحركه السعر اكثر من الترند رقم 2 الذى يبدو مسطحا اكثر وبعيد عن حركه السعر) عند مستويات 2.40-2.42 واما المتاجره شورت فمن دخل عند 2.67  فله الاختيار باغلاق صفقته عند 2.23 او انتظار كسرها والوصول الى مستويات 1.95 ومن وجهه نظرى الشخصيه لابد من اجراء عند 2.23 مثل جنى جزء من الارباح  وفى كل الاحوال ايقاف الخسائر للشورت بالاغلاق اعلى 2.67
• اهميه النقطه 2.2 فى ان السهم غير اتجاهه فى المدى المتوسط الى صاعد وهى نقطه اكتمال قاع مزدوج ارتكزعليه السهم فى تغيير اتجاهه فى المدى المتوسط واعتقد ان السهم ما زال امامه صعود حتى 2.90 على ان يكون كسر الترند رقم 1 هو ايقاف الخسائر عند مستوى 2.40 متغيره صعودا مع الوقت بمقدار قرش كل يومين تقريبا بدءا من الغد (دعوم الترندات دعوم متحركه)

حديد عز (تحليل موجى)

بسم الله الرحمن الرحيم

• حديد عز على الشارت الشهرى والسهم يسير منذ بدايه تداوله على فريم السيكل انتهى من الموجه الاولى سيكل عند قمه 46.36 وبدء فى تضحيح الموجه الثانيه سيكل منذ 2006 وهى الموجه الحاليه التى نحن فيها وهناك احتمالين لهذه الموجه

الاحتمال الاول

• ان تكون الموجه الثانيه سيكل التى جاءت على شكل موجه مركبه (W-X-Y) قد انتهت عند قاع 3.28 فى عام 2011 وبالتالى فالسهم حاليا فى الموجه الثالثه سيكل التى تستهدف منطقه 76-7-82 كتصحيح شائع عن هذه الموجه وربما يصل الى ابعد من ذلك ونحن ذكرنا فقد التصحيح الشائع (162%-175% من الموجه  الاولى - علاقه داخليه) وتحديدا السهم انتهى من تكوين موجتين على فريم PRIMARY الاولى عند قمه 19.50 والموجه الثانيه عند قاع 6.11 وقد كانت هذه الموجه على شكل تربيل زجزاج وبدء فى تصحيح الموجه الثالثه PRIMARY من الثالثه سيكل والتى من المؤكد انها ستكون ممتده واقل مستهدف لها عند 32 جنيه، وقد يرجح هذا السيناريو وجود مقلوب رأس وكتفين فى طور التكوين (الرأس عند قاع 3.28 والكتف الايمن عند 6.10 والكتف الايسر عند 5.84) ومن المعروف ان نماذج الرأس والكتفين او مقلوبها يعتبر رأس النموذج هى نهايه الموجه الصاعده الرئيسيه  اذا كان النموذج رأس وكتفين القمه وتعتبر رأس مقلوب الرأس والكتفين نهايه الموجه الهابطه الرئيسيه

الاحتمال الثانى

• هذا الاحتمال يعتمد على ان الموجه الثانيه سيكل البادئه من قمه 46.36 عام 2006 ربما لم تنتهى بعد ويكون السهم حاليا فى الموجه Y وهى الموجه الاخيرمن الموجه المركبه الام وبدلا من ان يكون السهم انهى موجتين من الثالثه سيكل حسب الاحتمال الاول يكون السهم حاليا فى الموجه C انترميديت اخر موجات الموجه Y المكونه من 3 موجات فرعيه (A-B-C) وتحديدا السهم يصحح الموجه الرابعه منها الصاعده على فريم MINOR   ومن المفترض انها تكون انتهت عند نطاق 9-9.20 او قد تصل الى نطاق 10.75-11.75 ثم يهبط السهم مره ثانيه لتكتمل الموجه الخامسه والاخيره  عند مستوى 6 تقريبا او اعلى نسبيا  حسب طول الموجه الرابعه  وفى اقصى طول لها تنتهى عند حدود 3 جنيه او اعلى نسبيا وربما يرجح هذا الاحتمال هو خط الترند الواصل بين قمه الموجه ا لاولى والمار بقمه الموجه B الفرعيه فلو كان التصحيح انتهى فمن المفترض ان الصعود من قاع 3.28 يخترق هذا الترند وفى زمن قليل ويواصل السهم تقدمه ليكون اولى علامات تأكيد انتهاء التصحيح
• بشكل عام فان السوق المصرى يضع المحلل فى حيره من امره  لترجيح احد الاحتمالات وليس التأكيد فالتحليل الفنى لا يوجد فيه تأكيد خصوصا التحليل الموجى  ومن خلال تجربتى الشخصيه استطيع ان اقول " اليقين فى التحليل الفنى والاسواق الماليه انه لا يقين " وانا من انصار ان ندع الايام ان تثبت احد الاحتمالين او تأتى باحتمال اخر فهذا وارد جدا ، فنظريه اليوت هى ممارسه الاحتمالات للوصول الى اليقين ولكن فى اعتقادى انه بعد ان يصبح يقين
• اعتقد بتحليل التجارى الدولى وحديد عز- من وجهه نظرى- فقد وضعنا ايدينا على اهم سهمين مؤثرين فى المؤشروواضح ان هناك تبادل  للادوار بين القياديات للمحافظه على زخم الصعود الذى بدء يضعف واعتقد انه اذا استمر الهبوط فالارجح ان يصل المؤشر الى نطاق 7250-7300

ملاحظات على التجارى الدولى

بسم الله الرحمن الرحيم

• الحقيقه فى تحليل الامس ما كانش فيه فرصه انى اربط التحليل الكلاسيكى بالتحليل الموجى لان الشارت كان هيزدحم اكتر والمشاركه هتطول اكتر ماهى طويله وفضلت انى اربط التحليلين ببعض عشان الصوره تضح اكثر امام القارىء ونناقش السهم بموضوعيه  واثره على تحرك  المؤشرونخلص من السهم ده بقا
• الشارت الاسبوعى عليه نموذج رأس وكتفين مركب (ثنائى الرأس) اكتمل بالاغلاق تحت مستوى35.90 تقريبا لمستهدف يصل الى 23.5 ،  السهم عمل بولباك مرتين لاختبار خط العنق وفيه طريقه عمنا مارتن برينج اتكلم عنها كمؤشر على فشل النموذج ، وهى انك تسحب خط ترند يصل بين القمه والكتف الايمن واختراق الترند الهابط ده هو بدايه فشل النموذج ويتم التأكد من ذلك بالاغلاق اعلى الكتف الايمن عند 44.57 وطبعا الاغلاق اعلى 47.38 يعنى فشل النموذج رسميا وطبعا فشل النموذج ده هيحوله لنموذج تجميعى وفى الحاله دى انتظر رالى صاعد قوى جدا وربما فى هذه الحاله نتأكد من انتهاء تصحيح الموجه الرابعه اليوتيا وترجيح احد السيناريوهات اللى اتكلمنا عنها امس
• لاحظ ان خط عنق النموذج والخط الواصل بين القمه والكتف الايمن انشأوا مثلث هابط اعتقد انه لا قيمه له فى وجود كبير النماذج السلبيه وهو الرأس والكتفين الا فى حاله المتاجره  وانا مش عاوز اتكلم عن نقاط دخول او خروج فى السهم او متاجره لانى ما زلت عند رأيى ان السهم ده من الاسهم المحرمه شرعا وهو سهم ربوى وتقريبا انا اول مره فى حياتى اقوم بتحليل السهم فى المدونه لانى مش عاوز حد يتأثر ايحابا برأيى ويشترى فيه وانا استخرت ربنا فى تحليل هذا السهم وعقدت النيه ان يكون تحليل هذا السهم من باب معرفه تحرك المؤشر فقط ، وبذكر الناس للمره المليون من خطوره الربا على المسلم ومش عاوزين ندخل على بيوتنا فلوس حرام ويكفى حديث عن الرسول صل الله عليه وسلم  فيما معناه ان الربا مقسم الى 99 درجه اقل درجه فيه كأن يزنى الرجل مع امه والعياذ بالله ، واللى معاه السهم ده يخلص منه ولو حتى بخساره واكيد ربنا هيعوضه عن ترك معصيه بافضل منها او اللى مش عاوز يخسر يسترد رأس ماله مصداقا لقوله تعالى "وان تيتم فلكم رؤؤس اموالكم لا تظلمون ولا تظلمون" واللى كسب من السهم بدون علم فخلاص يكفى لتوبته الندم على ما فعل  اما من  يعلم فتوبته التبرع بمكسبه فى المصارف العامه زى المستشفيات او لبناء طرق وما شابه لكن ما يتبرعش بالفلوس دى لمسجد ، وبالتالى انا ابرء الى الله من اى فرد يقوم بالشراء فى السهم ده تأثرا برأى ايجابى فى السهم فالحمدلله لسنا من المبشرين او الداعين الى الحرام ولسنا ممن يدعون لاى سهم ايجابا او سلبا وارجعوا الى التنويه المكتوب فى المدونه ، فالحمدلله نحن خارج البورصه منذ عام 2010 وما نقوله هو رأى فنى بحت نبذل فيه اقصى طاقه ونأخذ بكل الاسباب الممكنه حتى نعطى معلومه صحيحه او تحليل اقرب الى الواقع وانا حبيت اقول الكلام ده عشان يكون اساس التعامل ونتفق عليه اذا ما حدث وقمت بتحليل هذا السهم مره اخرى اواى سهم اخر بدلا من التكرار فى كل مره ..... دمتم بخير

التجارى الدولى (تحليل موجى)

بسم الله الرحمن الرحيم

• التجارى الدولى على الشارت الشهرى -مقياس لوغارتيمى- وتحليل موجى لمحاوله قراءه سلوكه فى الفترات القادمه او تحديدا فى السنوات القادمه فالسهم يصحح على فريم السيكل وهو فريم يمتد لسنوات وهناك سيناريوهان للسهم احداهما موجود على الشارت الاول وهو الاكثر تفاؤلا والاخر موجود على الشارت الثانى وهو سيناريو ايجابى ايضا بشكل كبير

الشارت الاول

• الحقيقه ما دعانى لتبنى هذا السيناريو هو فوليوم وزخم الموجه الخامسه الاعلى من زخم وفوليوم الموجه الثالثه وكماهو معروف ان الموجه الخامسه فى الدرجات اعلى من PRIMARY غالبا ما يكون فيها الفوليوم مساوى او اعلى من فوليوم الموجه الثالثه وحسب هذا السيناريو فان السهم انتهى من موجتين سيكل الاولى عند قمه 24.38 فى عام 2010 والثانيه عند قاع 9.45 عام 2011 ومنذ ذلك الوقت يبنى السهم فى موجته الثالثه سيكل المكونه من 5 موجات فرعيه، ويعتبر السهم فى الموجه الخامسه INTERMEDIATE من الاولى PRIMARY من الثالثه SYCLE والمرجح لها ان تصل بالسهم الى قرب قمته عند 47
• لاحظ ان الموجه الثانيه سيكل المنتهيه عند قاع 9.45 ربما البعض يظن ان الحدود الزمنيه غير متناسقه مع زمن الموجه الاولى وكما قلنا سابقا ان اى موجه على نفس الدرجه تحتاج الى تحقيق شرطين او احدهما على الاقل فى بعض الحالات وهى ان تساوى هذه الموجه ثلث الموجه المرتبطه معها سعريا وزمنيا وغالبا فى الموجات الدافعه تكون الحدود السعريه هى الاهم وهنا الموجه الثانيه صححت بنسبه 62% تقرببا من الموجه الاولى اى انها محققه للشرط السعرى ولو لاحظت انه لا وجود لامكانيه ان يكون السهم فى الموجه الثانيه-حسب هذا السيناريو- كتصحيح موجه فلات غير منتظم فسلوك الموجه البادئه من 47.36 وهى فى هذه الحاله من المفترض انها تكون الموجه C لفلات غير منتظم ليس سلوك موجه دافعه وتستيطع بكل بساطه ان تقوم بعدها 3,7,11 وهكذا بالاضافه ان التداخل بين الموجات كثير
• اعتقد من الملاحظات هنا ان تستطيع التأكد من ان الموجه البادئه من قمه 47.36 والمنتهيه عند قاع 28.90 هى موجه رابعه وهى موجه مركبه (دبل فلات) فغالبا عمق الموجه الرابعه يصل الى حدود نهايه الموجه الرابعه الفرعيه من الموجه الثالثه الممتده وكان من المفترض ان تنتهى فى حدود 35 جنيه وهنا تجاوزت الموجه هذه الحدود والسبب فى تقديرى زخم الموجه الرابعه الواضح على الماكد هيستوجرام
• مستهدفات الموجه الثالثه سيكل فى هذه الحاله تبدء من 47 . او 63 (مرجحه) وقد تصل فى احسن احوالها الى 112(لاحظ نقص البيانات الخاصه ببدايه سعر تداول السهم )

الشارت الثانى

• السيناريو الموجود عليه يبدو منه ان السهم انتهى من 4 موجات سيكل عند قاع 9.45 ويبنى فى الموجه الخامسه والتى غالبا  ستكون هى الممتده وتحديدا السهم حاليا فى الموجه الثالثه PRIMARY التى ربما تستهدف القمه التى تراجعت منها او تصل الى 57 جنيه
• من الشكل العام يبدو للبعض ان الموجه الثالثه هى الممتده وفى هذه الحاله اعتقد ان كل ما وصل اليه السهم حاليا من مستهدفات ينسف اى علاقه متعارف عليها  بين الموجتين الخامسه والاولى وفى ظل ايضا نقص المعلومات عن طول الموجه الاولى المنتهيه فى عام 98 ولكن فى بعض الحالات النادره جدا يحدث امتداد لموجتين من اصل 3 موجات دافعه(الاولى -الثالثه -الخامسه)  - راجع شارت الذهب - وفى هذه الحاله لو اعتمدنا على ما يعرف بالعلاقات الداخليه بين الموجات نجد ان الموجه الخامسه من الممكن ان تصل الى قمه 49 جنيه اما اذا اعتمدنا على ما يعرف بالعلاقه الخارجيه  فقد تصل الموجه الخامسه الى حدود 64 جنيه وربما الاعتماد على هذه العلاقه اصدق فى تحديد مستهدفات السهم فى ظل غياب نقص المعلومات (فى هذه الجاله العلاقه الخارجيه تعتمد على  ان الموجه الخامسه تساوى 161.8% من مجموع الموجتين الاولى والثالثه مضافا الى قمه الموجه الثالثه وهو المستهدف الاكثر شيوعا فقد تصل هذه العلاقه الى 261.8% )

GOLD

بسم الله الرحمن الرحيم

• الذهب على الشارت الديلى  وتحليل موجى للموجه الحاليه (B) التى يصححها الذهب بدايه من قاع 1046 ويتضح من شكل الموجه الحااليه انها بادئه بموجات دافعه ومن ثم المرجح ان تكون الموجه B ان تكون موجه زجزاج بنائها الداخلى 5-3-5
• انتهى الذهب من تكوين 3 موجات على فريم MINOR وحاليا يصحح فى الموجه الرابعه الهابطه وغالبا عمق هذه الموجه ينتهى بالقرب من نهايه الموجه الفرعيه الرابعه الاقل منها بدرجه(الرابعه MINUTE) من الموجه الثالثه الممتده اى ربما تستهدف قاع 1193 او بالقرب منه(قد تنتهى عند مستوى 1205)

خواطر سياسيه

بسم الله الرحمن الرحيم

اتكلمنا قبل كده اكتر من مره ، فى ان علاج المشاكل الاقتصاديه يبدء بتنقيه البيئه السياسيه المحتقنه فالاقتصاد هو مرآه السياسه وهما وجهان لعمله واحده ، وفى الايام الاخيره ظهرت اخبار عن نيه مصالحه بين الدوله وجماعه الاخوان المسلمين ، واعتقد ان زياره حماس قد تصب فى هذا الاتجاه ، وربما ايضا هناك اتجاه دولى او عربى تحديدا خصوصا من الجانب السعودى لاحتوائهم، فالسعوديه تستعين بهم فى مشكله اليمن ،  لكن لا احد يستطيع التكهن ان كانت ستتم هذه المصالحه فعليا ام لاء وعلى اى اساس سيتم تسويه النقاط الملتهبه بين الجانبين، خصوصا موضوع الدماء التى سالت ، و بالتأكيد -اذا حدثت هذه المصالحه- فسيكون امر جيد للدوله المصريه بشكل عام، ومع قيام الامن بدوره وهدوء الساحه السياسيه ومزيد من الاجراءات الايجابيه لصالح الانتاج ومكافحه الفساد ومع محاولات البنك المركزى اعتقد ان كل ذلك سيصب فى صالح الناحيه الاقتصاديه

فلا اصلاح اقتصادى بدون اصلاح سياسى وهو ما ننادى به دائما

وعلى الله تيسير الامور لما فيه الصالح العام

التجارى الدولى

بسم الله الرحمن الرحيم

• التجارى الدولى على شارت الساعه ومن خلال تحليله ربما نستيطع قراءه حركه المؤشر، وواضح ان السهم كان يسير فى قناه عرضيه مائله الى الصعود ، ثم بدء الزخم فى السهم منذ سعر 32 ، وكان نتيجته اختراق الحد العلوى للقناه عند تقريبا مستوى 37.5  ، وهو ما يعنى ان هناك تسارع فى الاتجاه ، ادى الى تعديل القناه لتناسب الصعود العمودى للسهم ، واستطاع السهم تحقيق مستهدف القناه عند مستوى 41.5
• السهم حاليا يعانى من مقاومه 41.5 ، وما زال بعيد التجربه على هذه المقاومه ، لكن  يفتقد الى العزم الكافى لاختراقها واعتقد ان هناك دبل توب فى طور التكوين يكتمل اذا تم كسر مستوى 39 لمستهدف يصل الى 36.25 ، وان كان ابدى السهم حاليا اثناء كتابه المشاركه بعض التماسك عند مستوى 40 جنيه  ، وربما يتحرك عرضيا فى نطاق 39-41.5 حتى يفرغ مؤشراته من ناحيه  ، ومن ناحيه اخرى يستعد لاخذ العزم الكافى للتجريب على مستوى 41.5
• لاحظ ان الانفراج السلبى الكلاسيكى الموجود على مؤشر القوه النسبيه ، هو يعطى مؤشر ربما على تراجع السهم ، لكن لا اهميه له حاليا طالما ان السعر لم يقم بكسر مستوى 39

EGX30

بسم الله الرحمن الرحيم

• المؤشر الرئيسى على فريمات مختلفه (اليومى-الاسبوعى-الشهرى) وهناك بعض الاشارات الايجابيه تحتاج الى تأكيد اكثر من السعر نفسه لكن هذا لا ينفى الاداء الرائع للمؤشر خلال الاسبوع الماضى وانجز خلالها ما لم  يفعله منذ فتره كبيره وبزخم غير متوقع ونبدء اولا بالفريم اليومى (الفريم رقم 2):-
• ارتكز المؤشر مبدئيا على نموذج قاع مزدوج كنت شخصيا شككت فى الوصول الى مستهدفه طبقا للتاريخ القريب للمؤشر وبعض الملاحظات الفنيه الاخرى لكن المؤشر خالف توقعى بهذا الزخم فى الصعود حتى اننى رشحت المؤشر لاستهداف 7200 فى المدى المتوسط وربما يكون توقعى الحالى ان المؤشر يرسم فى نموذج مقلوب رأس وكتفين مركب وينتظر تحديدا رسم الكتف الايمن منه واذا صح هذا التوقع واستطاع المؤشر اكمال هذا النموذج  فسيؤكد به بدايه الانعكاس فى المدى الطويل بالرغم من ان المؤشر المصرى تعود غالبا فى تكوين قيعانه الرئيسيه بالارتكاز على نموذج الوتد الهابط بعكس المؤشر الامريكى الذى غالبا ما يرتكز على مقلوب الرأس والكتفين وكان اخرها عام 2009 ، ومن الظواهر الايجابيه وجود الانفراج الكلاسيكى الايجابى الثلاثى المصحوب بالزخم وزياده الفوليوم ووصلت مؤشرات الزخم الى مناطق التشبع الشرائى المفرط (MEGA OVERBOUTHT) وهى ظاهره كما قلنا سابقا عاده مصاحبه لتكوين القيعان الرئيسيه وتستيطع الرجوع الى قاع 2009 للتأكد من وجود هذه الظاهره والزخم القوى الذى ادى الى ارتفاع المؤشر بنحو 3 الاف نقطه فى ارتفاع متتالى لمده 4 شهور تقريبا وربما ان التاريخ يعيد نفسه ايضا هذه المره ، ومناطق التشبع المفرطه بهذه الصوره لم يدخلها المؤشر الا 4 مرات سابقا منذ الازمه الشهيره مره عام 2009 ومرتين عام 2012 ومره عام 2014، وبالمناسبه فان حاله الشك والارتياب المصاحبه دائما لتكوين القعيان هى متكرره فى مثل هذه الحالات واعتقد ان السعر نفسه بعد اختراق 7200 مطالب بتأكيد القاع اكثر باختراق مستوى 7700 وهو الهدف القادم للمؤشر ثم من بعده 8200
• على الفريم الاسبوعى (الفريم رقم 3) ايضا وجود الانفراج الايجابى الكلاسيكى  فى المدى المتوسط وكقاعده عامه كلما طال زمن الانفراج وزاد الانفراجات بين القمم او القيعان كلما كان الحركه بعده قويه سواء كانت صاعده ام هابطه وقد يكون جزء من تفسير الصعود الحالى فنيا بجانب قرارات البنك المركزى
• على الفريم الشهرى (الفريم رقم 1) هناك نموذج شموع ايجابى يمكن اعتباره  بولش هرامى وتقريبا هذا النموذج من الشموع كان متكررا اثناء الموجه الهابطه لكن دائما كانت الشمعه الثالثه المؤكده لايجابيه النموذج تأتى بشكل سلبى ويتواصل الهبوط وربما هذه المره وحتى الان المؤشر يؤكد ايجابيه هذا النموذج واعتقد ان الاغلاق الشهرى اعلى من سعر اغلاق الهرامى (تقريبا حدود 6000) وفوق اعلى سعر للهرامى (تقريبا 7115) هو مؤشر ايجابى جيد ننتظر ترجمه هذه الايجابيه فى اختراق المستويات المشار اليها سابقا
• لاحظ اننا تحدثنا سابقا عن دخول الاموال الذكيه والتأكد من دخولها خصوصا عند ارتفاع الفوليوم بشكل مفاجىء وما حدث للمؤشر خلال الايام الماضيه يؤكد دخول هذه الاموال وطبقا لقاعده  "الجهد مقابل النتيجه " فهناك جهد مبذول تمثل فى زياده الفوليوم وكانت نتيجته صعود المؤشر(فوليوم شرائى) والعكس اذا كان هناك فوليوم كبير ولم يحدث صعود فاعلم انه فوليوم بيعى حتى ولو كانت الشمعه ايجابيه( بيع خفى بداخل الفوليوم )
• ربما فى الاسبوع الماضى اتبع المؤشر جنى الارباح فى نفس الجلسه ثم يفاجئنا بالصعود حتى مع مقاومات قويه كان المنتظر عندها ان يتراجع لكن متابعه المؤشر من جلسه الغد مهمه خصوصا ان المؤشر عند مقاومه ليست سهله ولا اعلم ماهو رد فعل السوق غدا على قرار رفع الفائده  الذى يصنف نظريا على انه قرار سلبى بالنسبه للبورصه والنصيحه الدائمه ان لا تحول مركز رابح الى مركز خاسر وتعامل على ان تؤمن ارباحك ولو بجنى جزء منها مع اى هبوط

نقض بعض الاقوال فى قرارت البنك المركزى الاخيره

بسم الله الرحمن الرحيم

فى اطار التعليق على قرارت البنك المركزى الاخيره ، اسوء ما تلاحظه محاوله تجميل الوضع من المسئولين وبعض الابواق سواء فى فضائيات او صحف مقروئه او حتى على  صفحات التواصل الاجتماعى، تحت عنوان ظريف اسمه خبراء وربما استثنى واحد فقط قرأت له هو المهندس مجدى طلبه نائب رئيس غرفه الصناعات النسيجيه فهو الوحيد اللى اقنعنى لانه وضع يده على جزء كبير من اصل المشكله وهو ما اكدناه اكثر من مره ، 

بغض النظر عن ان كل الحلول اللى تم اتخاذها عشان ازمه الدولار تبتعد عن حلول الازمه من جذورها لاننا اتكلمنا فى الموضوع ده كتير،  لكن فى  المشاركه دى هتعرض لنقض بعض الاقوال وان معظم من تكلم ذكر نص الحقيقه او كلام تجارى يسوقوه للناس ، مع العلم ان اى قرار خاص بالسياسه النقديه حتى وان كان ظاهره الايجابيه لكن ربما يكون له اضرار سلبيه من الناحيه الاقتصاديه زى ما هنوضح ، ولا تنسى عزيزى القارىء ان الاقتصاد مرآه السياسه

لما ناس تطلع علينا وتقول ان المواطن لازم يتحمل ويدفع تمن الاجراءات الاخيره عشان الاصلاح الاقتصادى و الخروج من عنق الزجاجه والكلام  الظريف ده ، طب عاوز افكرهم ان المواطن المصرى بيدفع التمن من 60 سنه ومن غير عائد حقيقى عليه ، بل العكس هو اللى بيحصل ان حاله بيزداد سوء واحب افكر الناس كده !  من كام سنه واحنا بنسمع المطصلحات دى زى عنق الزجاجه والاصلاح الاقتصادى وهدفنا محدودى الدخل وكأن الزجاجه دى العنق بتاعها ديق علينا احنا بس  وان الاصلاح الاقتصادى ده  فى مصر عباره عن "طق حنك" وفى الاخر محدودى الدخل بقوا معدومى الدخل

حد فاكر برنامج الاصلاح الاقتصادى بتاع حسنى مبارك فى اوائل التسعينيات وقال نتايجه هتظهر عام 95 ! ومن قبله السادات لما قال ان السلام سيأتى معه التنميه والرفاهيه ، واخيرا الزعيم الملهم  اللى قال مؤتمر الفنكوش الاقتصادى هيجى من وراه ارقام فلكيه وبالمناسبه بعد سنه كامله من انعقاده يا ترى ايه المردود بتاعه ! 

هى نفس منظومه الكذب الكل بيمارسها واخرها فى القرارات الاخيره للبنك المركزى من تخفيض قيمه العمله ورفع سعر الفائده  ، واللى طلعوا يهللوا للقرارات دى  بدون ماحد يتكلم فيهم عن السلبيات اللى هتقع على المواطن وعلى الدوله نفسها طالما بقيت هذه القرارات بمعزل عن اصل المشكله

 القرار الاول:- لما معظم اللى اتكلم فى الموضوع وقال ان تخفيض سعر العمله هيقضى على وجود السوق الموازيه ووجود سعرين للعمله وده معوق امام الاستثمار المباشر الاجنبى وانه هيحقق زياده الصادرات  والكلام الجميل ده ، طب احب افكرهم، هو وجود سعرين للصرف معوق لللاستثمار الاجنبى المباشر ووجود بيئه سياسيه محتقنه مش معوق! هو وجود ارهاب ومافيش امن ده مش معوق! البيروقراطيه والتشريعات فى مجال الاستثمار ده مش معوق! مؤسسه الفساد القويه فى مصر ده مش معوق !

اظن احنا اتكلمنا هنا عن تخفيض العمله فى بلد بتعانى من اختلال هيكلى فى بنيه الاقتصاد والاثار  السلبيه سواء على المواطن من تحمله لموجه تضخميه مضاعفه نتيجه زياده الاسعار المحليه وما يعرف بالتضخم المستورد وقلنا الاثار على ميزان المدفوعات واخيرا الاثر على عجز الموزانه الدائم اللى بعد الاجراءات الاخيره دى مرشح انه يصل الى  اكثر من 300 مليار جنيه بعد ما كان المستهدف 250 مليار ، وعاوز افكر الناس باجراءات التعويم -الجزئى- للجنيه ايام عاطف عبيد 2003 وكان نفس الكلام بيتقال يا ترى حد من المواطنين حس بحاجه ! اللهم الا الغلاء وتدهور اكتر فى قيمه العمله وانخفاض فى القوه الشرائيه و انخفاض فى الثروات 

تخيلوا فى دراسه اجريت على 22 دوله ناميه فى اخر 20 سنه بعد تخفيض العمله لم تؤتى هذه الخطوه بأى جديد بل العكس حصل فى بعض الدول لان اقتصاديات الدول الناميه بتعانى من اختلالات مزمنه عكس الدول المتقدمه اللى فى بعض الاحيان بتلجأ للخطوه دى لما اقتصادها بعانى مما يعرف بالاختلالات الدوريه نتيجه طبيعه الدوره الاقتصاديه..

القرار التانى :- وهو رفع سعر الفائده والظاهر من القرار منع الدولره ودعم الجنيه المصرى بزياده الطلب عليه والتحوط ضد التضخم وده كلام لا غبار عليه لكن الحقيقه القرار ده عشان ينجح محتاج حاجتين:
 اولا: رفع سعر الفايده بنسبه كبيره جدا تفوق معدلات التضخم (نسيته 10%) اللى المفترض انه يكون فى حدود طبيعيه مسيطر عليها من قبل الدوله واللى مرشح للزياده خلال الايام القادمه بالاضافه الى ان موضوع منع الدولره ده كلام مشكوك فيه طول مانت مش قادر تتحكم فى الطلب على الدولار وهتتحكم فيه ازاى وميزانك التجارى بيحقق عجز سنوى لا يقل عن 50مليار دولار، اما زياده الادخار بالجنيه فاعتقد انه مراهنه غير مضمونه خصوصا ان المدخرين بالدولار بيحققوا فائدتين اولهم الفائده على المدخرات الدولاريه (5.75%) وثانيهم الاستفاده من ارتفاع قيمه الدولار نفسه(نمو بنسبه 8.5%) وبحسبه بسيطه كده هتلاقى العائد وصل الى 14% يبقى ايه اللى يحلينى احول من الدولار للجنيه ابو فائده 10.75% ضيف على كده موضوع التضخم مش بيقل فى الحاله المصريه لان اللى بيحصل ان الناس بتحول مدخراتها الموجوده اساسا فى بنوك  بتصرف فائده اقل الى بنوك بتصرف فائده اعلى او من ودائع البريد وهكذا زى ما حصل فى شهادت قناه السويس والناس سحبت فلوسها من البنوك عشان خاطر العائد الاكبر اللى كان وقتها وصل 12.5% وبالتالى جزء بسيط جدا هو اللى هيروح للادخار لا يتعدى نسبته 15% فى ظل معروض من النقود يقارب 2 تريليون جنيه
 ثانيا  : دور الدوله فى الرقابه على الاسواق واعتقد ان الكل حاسس ان مافيش دوله اصلا ولا هما فاضين للكلام ده ! ويمكن المفاجأه للبعض ان رفع سعر الفايده فى حد ذاته بيزود التضخم نتيجه لارتفاع تكاليف الانتاج(تكلفه الاقتراض بتزيد-عماله بتقل-انتاج بيقل) وطبعا المصنعين او المستوردين ماحدش بيتحمل منهم حاجه وكله على حساب المواطن وضيف كمان الاثر السلبى على البورصه - الا لو انصلح حالها خلال الفتره القادمه - مش بس كده القرار ده لوحده هيحمل خزينه الدوله ما بين 15-16 مليار جنيه (1.7 مليار دولار)  نتيجه رفع تكلفه الاقتراض الداخلى واللى معناه مزيد من عجز الموزانه (كل زياده فى رفع سعر الفائده 1% تتحمل الدوله امامه 10-11 مليار جنيه خدمه الدين الداخلى) والدوله هتجيب منين ! مافيش غير التفتيش فى جيوب الناس ونفضل فى نفس الدايره اللى مش هتنتهى

ومن الاخر كده كل اللى بيحصل ده هو تنفيذ لقرارات صندوق النقد الدولى عشان قرض 3 مليار دولار وعشان تاخد الختم منهم وده مش جدبدومعروف من اول تحرير اسعار الطاقه واللى  اكد الكلام ده وزيره التعاون الدولى- صبى صندوق النقد الدولى فى مصر- فى خبر قالت فيه ان مصر ما زالت عندها مساحه للاقتراض الخارجى ، بس هو السؤال يا ترى 3 او 4 مليار دولار هيعملوا حاجه لمصر ! طب هو الرز الخليجى اللى فى اقل تقديراته 20-25 مليار دولا ر اح فين؟!  ويا ترى عمل حاجه ! يا ناس ده فى مجله الايكونوميست سنه1979 كان تصريح فضيحه فى رساله من الغرب للسادات قالوله فيها "يتوجب عليك العمل لاطعام شعبك فنحن غير قادرين على الاستمرار فى اطعام 50 مليون نسمه "

يعنى دوله بحجم مصر عايشه على الشحاته الخارجيه والسلف الداخلى وفى الاخر يقولك اصلاح اقتصادى وتنميه فى بلد اسف اقول ان  حتى اكل الكلاب والقطط بتستورده وتم فيها تدمير الصناعه والزراعه عن عمد

مع ان حلول بسيطه كان ممكن تساهم  ولو بجزء فى حل ازمه الدولار وازمه عجز الموزانه زى لو اصدرت صكوك اسلاميه دولاريه بنسبه معينه لتمويل المشروعات او زى ما قلت فى المشاركه السابقه انك توفر الغاز لقطاع  الاسمده هتسفيد من وراه بحوالى 3 مليار دولار او انك توقف الفساد الموجود على الاقل فى قطاع حيوى زى قطاع الطاقه والبترول واسئلوا الاخ سامح فهمى(قبل ما يمسك الوزاره كان فيها فائض 200مليار جنيه) ، وطالما قررت المصالحه مع الفاسدين  تقدر تاخد منهم اللى هيدفعوه بالدولار وتقدر بسهوله جدا تقلل السفه فى الانفاق الحكومى واهدار المال العام عشان تقلل عجز الموازنه وتشتغل بجد فى حل مشاكل المصانع اللى طاقتها الانتاجه لا تزيد عن 40%  ، تخيلوا ان صناعه استراتيجيه زى الحديد لا تعمل الا بنسبه 30% من طاقتها ومن الاخر عشان تتحكم فى الطلب على الدولار لازم تصلح ميزانك التجارى وعشان تصلح الميزان التجارى لازم تنتج بجد عشان تعرف تصدر، وتشوف حل للمصانع اللى اغلقت ووصل عددها الى 1800 مصنع وتجتمع مع البهوات بتوع غرفه التجاره  والصناعه وشعب التصدير وتحدد اولوياتك فى التصديرعلى الاقل فى المدى القصير وتحد من السفه فى استيراد السلع المستفزه وان يكون عندك خطه جاهزه للمشروعات اللى محتاجاها البلد تعرضها على المستثمرين الاجانب يعنى يكون عندك استثمار موجه يخدم التنميه بجد 

اعتقد ان اللى عاوز يحل بجد عنده حلول كتير لكن هنعمل نفسنا اننا بنحل ونضحك على الناس  معروفه النهايه والتاريخ القريب يشهد بكده .
بالمناسبه البلد دى غنيه جدا بقالها 7000 سنه بتتسرق وما زالت صامده ومش هتكلم عن قوى بشريه فيها ولا موقع ولا موراد طبيعيه تكفى فقط الخيرات الموجود فى سيناء واه لو تعرفوا حجم الخير الموجود فى البقعه المباركه زى ما شرفها وباركها سبحانه وتعالى بهذه التسميه

عن الطرح الحالى لشركه "دومتى"

بسم الله الرحمن الرحيم

تابعت رودود افعال كثير من المهتمين بشأن الاسواق الماليه بخصوص طرح شركه دومتى والحقيقه كانت معظم الاراء سلبيه تجاه هذا الطرح خصوصا فى الظروف التى يمر بها الاقتصاد المصرى من تراجع ومعوقات كثيره ومن ناحيه اخرى التراجعات الحاده للبورصه ونقص السيوله وكان دائما توقع الفشل الجزء الاكبر مبنى منه على فشل طرح شركه اعمار

وانا شخصيا اتفهم اسباب تخوف هذه الأراء  الخاصه بالاقتصاد وشح سيوله السوق المصرى لكن لا وجه للمقارنه بين طرح شركه اعمار وطرح شركه دومتى فالتقييم دائما والمقارنه تتم فى اطار الظروف المحيطه وقت الطرحين

فطرح شركه اعمار فشل لاسباب تقريبا معظمها معروف فقد كان توقيت الطرح غير مناسب فى ظل تراجع البورصات العالميه ومن قبلها تراجع البورصه المصريه وبالاضافه الى التراجع بشكل عام لقطاع العقارات على المستوى العالمى وقتها

اما ظروف طرح دومتى تختلف فى الوقت الحالى  فالبورصه افضل حال نسبيا فى ظل دخول سيوله جديده وفى ظل ان دومتى تنتمى لقطاع حيوى وهو قطاع الاغذيه الذى يسجل نموا جيدا على المستوى الداخلى كما ان الاقبال على القطاعات الدفاعيه سجلت زياده ملحوظه عن قطاع العقارات المتراجع محليا وعالميا وهو ما يعنى من وجهه نظرى الشخصيه ان المقارنه ليست فى محلها

واعتقد ان هذه الاراء تناست طرح ايديتا وهى شركه فى نفس المجال وفى فتره وجيزه حقق السهم نموا ما يقرب من 100% 

وشركه دومتى تمتلك اساس مالى جيد وقدره على النمو تترواح نسبيا بين 20%-25% ومضاعف ربحيتها يصل الى 11.5 مره مقارنه بمتوسط ربحيه قطاع الاغذيه على مستوى الوطن العربى والذى يبلغ حوالى 17 مره  متضمنا شركات كبيره فى هذا المجال مثل شركه المراعى التى تتداول عند مضاعف ربحيه يبلغ 21 مره وحلوانى اخوان يتداول عند مضاعف ربحيه يبلغ 16.5 مره وايديتا التى تتداول عند مضاعف ربحيه يبلغ 34 مره بالاضافه الى ان تدفقاتها الماليه خلال السنوات القادمه تبدو جيده

والشركه لها حصه سوقيه محترمه تبلغ تقريبا 40% من سوق الجبن ونحو 7% من سوق العصائر وتعتبر من اهم 5 علامات  تجاريه فى سوق العصائر خلال عامين فقط من دخول هذا السوق وهناك تقريبا مصنع سيتم انشائه بتكلفه 100 مليون جنيه لزياده القدره الانتاجيه للشركه واعتقد -اذا سارت الامور بشكل جيد- ستكون هذه الشركه هى القائد فى قطاعها خصوصا وان اكبر شركات هذا القطاع وهى جهينه بواجه مالكها مشاكل سياسيه قد تؤثر على وضعها التنافسى اذا جاءت الرياح بما لا تشتهى السفن

ولكن من السلبيات الموجوده فى هذا الطرح -حسب وجهه نظرى الشخصيه- ان سعر الطرح مبالغ فيه حتى ولو كان اقل من القيمه العادله له عند تقريبا 11.30جنيه  بالاضافه اننى لا افهم ماهو الهدف من رفع نسبه المؤسسات واصحاب الملائات الماليه الكبيره الى 90% وهو ما يتنافى مع توسيع قاعده الملكيه

ونرجوا ان يكون الطرح موفق لاجتذاب شرائح جديده من المستثمرين ودخول سيوله جديده للبورصه المصريه ويكون حافزا للحكومه لطرح البنوك والشركات المميزه التى تمتلكها والتى يثق فيها الشعب بشكل كبير لدعم البورصه بشكل غير مباشر وتغيير النظره الى السوق المالى كأداه تمويليه جيده للحكومه بدون  ان تحمل نفسها نكاليف تمويليه ترهق بها كاهلها المثقل بالديون

بايونيرز

بسم الله الرحمن الرحيم

• بايونيرز على الشارت اليومى  ونموذج وتد صاعد متسع ، يعتبر من نماذج الميجافون التى تتميز بانها نماذج سوينجات ، يسهل المتاجره معها بالشراء عند نقاط التماس مع الحد السفلى للنموذج ، والبيع عند ملامسه الحد العلوى ، وان كان يفضل الشراء عند نقطه التماس الثالثه للحد السفلى للنموذج (هنا عند مستوى 6.25) .
• غالبا نماذج الميجافون يكون بداخلها نماذج اخرى خصوصا عندما يكون النموذج كبير، وهنا بداخل النموذج الكلاسيكى ، يوجد نموذج هارمونيك "فراشه بيعى " قدم فرصه اخرى لمن فاته الدخول عند 6.25 بان يدخل بالاغلاق اعلى مستوى 7.38 (متاجره BAMM)  وحتى نقطه اكتمال النموذج عند مستوى 8.62
• ربما اكتمال نموذج الفراشه يتبعه تراجع خصوصا وان هناك شمعه النجمه الطائره بكل تاكيد الانعكاس يحتاج الى تاكيد بشمعه اخرى اغلاقها اقل من اغلاق 8.28 وفى هذه الحاله الصعود الاخير بسمى "صعود جزئى "  وقد يكون مؤشر على تراجع السهم وربما استهداف الحد السفلى لذلك يحب مراقبه السهم -اذا ما قرر الهبوط - عند مستوى 8 جنيه وجنى الارباح الكلى او الجزئى -حسب ما تريد- بالاغلاق تحت هذا المستوى
• لاحظ ان الكسر لاسفل هو المعروف عن هذا  النموذج فى غالب الاحوال(73%) ولكن لا يمنع ذلك الكسرلاعلى  فى بعض الحالات
• اى صعود اعلى 8.62 يفشل نموذج الهارمونيك وان كنت موجود فى السهم  فلا تاخذ اى اجراء فى هذه الحاله حتى تظهر اشاره اخرى على التراجع

اين القاع !

بسم الله الرحمن الرحيم

الحقيقه السؤال اللى  بتسئله كتير القاع فين !

خلينى اقول ان توقع القاع   يظل فى حيز التوقع والاجتهاد وغالبا القاع بيتعرف بعد تكوينه وانا كنت اتكلمت فى مشاركه للمؤشر امس قلت ان فيه مؤشرات ممكن نستطلع بيها القاع  منها ارتفاع الفوليوم والزخم الشرائى المصحوب بظاهره (MEGA OVER BOUGHT)  ونضيف عليهم اليوم :- تداول اسعار الاسهم  تحت قيمتها الحقيقيه ، والتشائم وتوقع المزيد من الهبوط وللاسف هنا بنعانى من  عدم وجود مقياس حقيقى نعرف منه  نفسيات المتعاملين والترجمه الحقيقه لها على مؤشرات موثوق بها

وبشكل عام عشان ما نشغلش نفسنا بالسؤال ده خلينا نفكر بشكل منظم ومنطقى وتسئل نفسك كام سؤال كده

ااولا:- قدراتك فى المتاجره ومدى انضباطك !

ثانيا:- طبيعه شخصيتك ان كنت بتحب المغامره او انك متحفظ بشكل عام

ثالثا:- الفتره الزمنيه اللى انت بتشتغل عليها

واعتقد ان 3 اسئله دول يقدروا يصيغوا شخصيتك الاستثماريه وطريقه شغلك مع البورصه

فلو انت راجل قدراتك كويسه بتعرف تشترى وتبيع ومنضبط فى ايقاف الخسائر وعندك استعداد للمغامره فتقدر تشتغل مضارب سوينج يعنى تركب الموجه من اولها وتعرف تنزل منها قبل نهايتها واعتقد ان الاسلوب ده مش محتاج انك تعرف القاع فين وزيه تقريبا الناس اللى عاوزه مبلغ معين بجانب مرتبها او معاشها انك تستغل اى تراجعات للمؤشر فى تعديل مراكزك لو انت موجود بالفعل فى السوق او دخول جديد تحقق منه ربح معقول بدون طمع وتكون عارف تحمى ارباحك فين بدون ما تحول مكسبك لخساره اما لو كنت شخص متحفظ  وامكانياتك مش كويسه فى المتاجره  وبتحب المتاجره على فترات زمنيه ممتده نسبيا (3شهور الى اقل من سنه)فأنت يهمك اولا الاتجاه وبناء عليه هتاخد قرارك بالدخول ولو انت موجود بالفعل فى السوق  وفى اتجاه هابط فمن الافضل وقتها انك تستغل الموجات الصاعده لتخفيف مراكزك الشرائيه اما المستثمر طويل الاجل( سنتين الى خمس سنوات) فبيستغل فترات الهبوط دى فى تكوين مراكز شرائيه بغرض الاحتفاظ وبيختار القطاعات الجيده اللى ليها مستقبل خلال السنوات القادمه على ان يختار شركه او اكثر تتميز بالمركز المالى الجيد والثبات النسبى فى الارباح وتنويع الاستثمارات والقدره على النمو لان  الحاجات دى هتنعكس عليه فى شكل توزيعات  او زياد ربحيه سهمه.

 وبالتالى انشغال الناس بالسؤال عن القاع ملهوش اهميه قصوى الا عند نوع واحد تقريبا من اللى قولناهم وشخصيا انا افضل فى حالات الشك وعدم اليقين  بالترتيب كده :- المتاجره مع الموجات الصاعده ولو بتحقيق مكسب بسيط ، او الشراء على مراحل بغرض الاحتفاظ ، او الابتعاد نهائيا عن السوق

والمحبوس فى اسهمه باسعار عاليه للاسف ملهاش حل غير الانتظار الا لو كان معاه كاش يقدر يعمل بيه حاجه من اتنين اما انه يعدل بيه اسعاره فى نفس السهم  باسغلال اى صعود ويعتبر الجزء اللى داخل بيه كأنها متاجره جديده وعند تحقيق ربح يخرج ويطرح الربح ده من سعر السهم اللى شارى بيه وبكده يقلل من سعر شراء السهم او الحاجه التانيه انه يدخل فى اسهم جديده يحقق منها ربح  والربح ده يطرحه من اجمالى خسايره . لكن ما تحاولش انك تضيف فلوس لمركز خسران لمجرد انك تقلل متوسطك وبعد كده ياخدك السهم وينزل يبقى انت كده ضاعفت خسارتك ...

 الكاش مهضوم حقه يا جماعه على السفره المصريه 

هيرمس

بسم الله الرحمن الرحيم

• هيرمس على الشارت الديلى واداء جيد فى اخر جلستين  وعلى الشارت هنا عاوزين نتعلم حاجه  فى تفكير صانع السهم او المحترفين وخدها قاعده كده ان اى صانع سهم مش عاوز يدفع فلوس كتير وتقدر تقول كده انه بيسلك الطرق اللى مش يلاقى فيها عقبات كتير والمقاومات اثناء الصعود عامله زى بوابات الطرق السريعه اللى لازم عشان تعدى تدفع فيها وعشان الناس دى تريح نفسها من دفع الجمارك الكتير بيلجأوا لحجاتين اما الفجوات لاختراق مناطق العروض (المقاومات القويه) او الصعود بحركه سريعه ببارات اسبريدها كبير وفليوم عالى  حتى يجبر المشترين العالقين على الاحتفاظ باسهمهم وعدم بيعها وبالتالى يوفر على نفسه عناء دفع اموال للخلاص من هذه العروض ولكن الاسلوب ده بيكون له مخاطره لان العروض دى بيتقال عليها عروض معلقه يعنى فى اى هبوط هيضطر انه ياخدها بسعر عالى اذا ما اضطر الى مواصله الهبوط واى صعود صحى لابد له اولا من التخلص من العروض المعلقه بقدر الاستطاعه حتى يضمن الصعود بدون مناوشات كثيره
• على الشارت هنا فتح فى جلسه الامس بجاب لان المنطقه الحاليه للسهم منطقه مليانه بالعروض لكن فى اعتقادى انه هيواجه مشكله مع منطقه 9-9.80 لان فيها بياع قوى ومع الصعود اللى موجود بفوليوم اقل من المتوسط اعتقد ان البنزين عنده ممكن يكون خلص او على وشك الانتهاء  ، وضيف على كده ان السهم اصبح فيه تشبع شرائى مفرط ولو لاحظت هتلاقى على الماكد ان خط اشاره الماكد باللون الاحمر فى معظم الاحوال لما بيلامس بارات الزخم السهم بيرتد وربما ان السوق ممكن يكون داخل على جنى ارباح فكل الاشارات التحذيريه دى تخليك  قريب من متابعه السهم وتكون محضر قرارك سواء بالخروج او بجنى كلى او جزئى للارباح لان لو قرر السهم الهبوط لازم تراقب حدود الفجوه عند 8.11-8.83  فربما تكون هذه المنطقه هى هدف السهم فى الهبوط  ولو السهم قفلها بسرعه خلال جلستين الى ثلاث جلسات اعرف انها فجوه (اشتغاله) ولو السهم هبط وما غطاش الفجوه دى  تعتبر علامه جيده للسهم ودعم يقدر يرتكز عليه لاخد العزم الكافى لاختراق منطقه 9-9.80 القويه
• لاحظ مش كل الفجوات فى بدايه الصعود بتسمى فجوات انفصاليه او بتكون دليل على الصعود فمنها ما يتم اغلاقه بسرعه وبيتقال عليها فجوات عاديه بتحدث فى احيان كتيره لما السهم يكون ضعيف او سيولته قليله وغالبا كده خدها كقاعده او يشبه القاعده ان الفجوات بتحدث فى الاسواق ضعيفه السيوله

تعليقا على تخفيض الجنيه امام الدولار

بسم الله الرحمن الرحيم

اتكلمنا من كام يوم على ان التعويم -الجزئى- اتى لا محاله  بعد الاجراءات الانكماشيه اللى  بتنتهجها الدوله وبعد بالونات الاختبار من تسريب اخبار التعويم ثم نفيها و اخيرا بعد خبر مهم مر مرور الكرام بان البنك المركزى مهمته حاليا المحافظه على العرض عند 9 جنيه  وان المستوردين فعليا بتعاملوا بالدولار على اساس 9 جنيه وللاسف مش كل التصريحات حول الهدف من التعويم للجنيه لازم نصدقها لانها بتكون معظمها بعيده عن الحقيقه ولكن تبقى الحقيقه فى ان هذا التعويم تنفيذا لقرار اصحاب المعالى ، صندوق النقد والبنك الدوليين

بغض النظر عن التضارب اللى حصل فى التصريحات والتوقيت الخاص بالقرار ، شخصيا مش لاقى تبرير لرئيس البنك المركزى فى اقل من اسبوع عمل عطاء للدولار سعره 7.83 وبيقول انه مافيش تعويم الا بعد بناء احتياطى يقدر 25-30 مليار دولار واذ فجأه كده  نلاقيه بيخالف تصريحاته وبيخفض الجنيه بحوالى 115 قرش ليرتفع الدولار الى 9 جنيه وبيقول ان توحيد سعر الصرف هيصب فى مصلحه بناء احتياطى نقدى قوى يصل الى 25-30 مليار فى نهايه 2016 دولار طب يا حج هو البيضه الاول ولا الفرخه ! ومين اللى هيجاسب على المشاريب فى خساره الدوله فى اقل من اسبوع ما بين العطائين- بين سعري 7.83 وسعر 9 جنيه- (خساره تقريبا اكترمن 500 مليون جنيه)

ما زلت بكرر ان كل هذه الاجراءات هى مسكنات ربما تضر بالاقتصاد والمواطن فى المدى الطويل اكثر ما تفيده فهناك اصرار عجيب على عدم معالجه اصل المشكله والاهتمام بالفروع وكأننا يعنى  بنمثل انا بنعالج المشكله فعلا ويا ريت نرجع كده للتاريخ القريب بيقول ايه ! ونسئل شويه اسئله من خلالها نعرف القرار ده هيفيد فى ايه وهيضر فى ايه

منذ 2011 وحتى الان تم تخفيض الجنيه بما يوازى 35% من قيمته ونفس الكلام بيتكرر هو هو عن زياده الصادرات وجذب الاستثمار المباشر والكلام الكبير وكانت المحصله ايه ! صفر. مع انى فى مشاركه قبل كده بتاريخ 8/9/2015 بعنوان "تعليق على قرار وزير الاستثمار وكدابين الزفه" قلت ان اى تخفيض  للعمله عشان يكون له اثر ايجابى لابد له من شروط واهمها حاجه اسمها مرونه الانتاج المحلى يعنى هل الانتاج المحلى قادر على الزياده بنفس نسبه التخفيض ! اعتقد الاجابه واضحه طب يا ترى مرونه الطلب الخارجى على الانتاج المحلى اخبارها ايه ! بمعنى هل هيزيد الطلب الخارجى على انتاجك المحلى - ده لو كان عندك انتاج اصلا- طب هيزيد ازاى فى ظل دوله بتستورد المواد الخام والسلع الوسيطه يعنى من الاخر تكلفه المنتج هتزيد لان سعادتك مش بنتج اصلا  وبالتالى تكلفه المنتج هتزيد يبقى هتنافس ازاى ! وقلنا ان المعادله فى الاخر هى معادله صفريه بل بالعكس  تخفيض العمله ممكن يكون اثره  سلبى نظرا لارتفاع تلكفه المواد الخام ومن ثم اعاقه بعض الانشطه وهروب رؤؤس الاموال المحليه 

طب لو كان القرار ده المقصود بيه انى اجذب الاستثمار الاجنبى المباشر وغير المباشر وانى ازود الصادرات والاكلاشيهات الجميله دى  هو مش برضوا ربنا سبحانه وتعالى عرفوه بالعقل ! ... السؤالين المهمين هنا هما اولا: ازاى اجذب استثمارات اجنبيه فى بيئه سياسيه مضطربه  فى ظل وجود ارهاب مصطنع ودوله تفتقد للامن والاستقرار ! وبيئه طارده للاستثمار ومعوقه له وابسط الاشياء حتى  التشريعات الخاصه بمجال الاستثمار مش عاوزين يعالجوها بجد وثانيا : ازود ازاى صادرات فى دوله لا تصدر باكثر من 22 مليار دولار وتستورد بحوالى 80 مليار دولار ودوله تعتمد فى معظم السلع الى بتصدرها على مواد خام مستورده (ودنك منين يا جحا) بالاضافه الى افتقادها للقواعد الانتاجيه الثابته.

تعالوا كده  نسئل يا ترى ايه اثر القرار ده  على عجز الموازنه و الميزان التجارى وميزان المدفوعات وخدمه الدين والتضخم طبعا انا مش محتاج اشرح فى كل جزئيه من الجزئيات دى  لكن باختصار كده  كما يقول علماء الاقتصاد ان اثر تخفيض العمله على ميزان المدفوعات(ميزان المدفوعات اشمل واعم من الميزان التجارى الذى يختص بالعلاقه بين الواردات والصادرات فقط) ايجابى فى المدى القصير وبالشروط اللى قلتها اولا لكن يبقى الاثر فى المديين المتوسط والطويل سلبى نظرا لان الاختلالات فى الاقتصاديات الناميه هى اختلالات هيكيله وليس ادل على ذلك من عجز الموزانه المصريه  ... طب والتضخم !

لما يطلع رئيس شعبه المستوردين امبارح يقول ان الاسعار هترتفع تانى  فى ظل وجود تضخم معدلاته اصلا 10%   ومن السلبيات لارتفاع الاسعار الحد من الانفاق الاستهلاكى لتنشيط التجاره الداخليه الذى يشكل رقم كبير فى الناتج القومى المصرى   ...طب وفوائد خدمه الدين ! هتزيد طبعا لانك بتسدد بالدولار وكل اللى قلته ده  بيساهم  فى زياده عجز الموازنه وبالتالى كله منفد على بعضه وفى الاخر لف وارجع تانى وكله فى سبيل حمايه معدومى الدخل

يا ساده المشكله مش انى اوحد سعر الصرف لان كقاعده معروفه عند الاقتصاديين ان الاقتصاديات الناميه صعب  ايجاد سعر صرف موحد فيها  ومش عاوز اقول ان لسه هيتم مضاربات فى السوق الموازى نتيجه تخفيض الجنيه و يمكن قريب هتشوف الدولار فى السوق الموازى عند 11 و12 جنيه وكان يكفى القرار الايجابى بانك  رفعت القيود عن حريه تداول النقد الاجنبى فى الوقت الحالى فى ظل انك كمان يومين هترفع سعر الفائده على الجنيه المصرى . المشكله انك لازم تقتنع بحل الازمه السياسيه فى البلد اللى هى اساس كل شىء وانك تتحول الى اقتصاد انتاجى وتعمل بسرعه على دعم الصناعات اللى ليك ميزه نسبيه فيها واهمها قطاع الغزل والنسيج عشان توفر مصدر ثابت من النقد الاجنبى بدلا من الاعتماد على مصادر طياره لا تتسم بالثبات وتتأثر باقل الازمات العالميه والاقليميه  وان كان البعض بيظر على ان  الخطوات دى متوسطه وطويله الاجل فاحنا طرحنا بعض حلول قصيره الاجل قبل كده وقولنا  اولا :  الحد من االسفه فى  استيراد السلع الاستفزازيه  ثانيا :  اتاحه تمويل الشركات صغيره ومتوسطه الحجم هيساهم فى انعاش قطاع الاستثمار ، ثالثا: رفع القيود والمعوقات على النشاط الاستثمارى وتسهيل اجراءت البدء فى النشاط الاستثمارى(اجراءات الشباك الواحد)  رابعا: توفير الغاز لقطاع مهم زى قطاع الاسمده هيوفر 3 مليار دولار سنويا ويمكن الاستفاده من القطاع ده بعد كده فى التصدير. .

خلينا نشوف اثر القرار ده على البورصه .. من المفترض انه قرار ايجابى لانه هيعمل اعاده تقييم لكافه الاصول الثابته و الورقيه (الاسهم والسندات ) وبالتالى الاسهم هتنخفض قيمتها وهتكون جاذبه للاستثمار اكتر لكن لازم نربط الايجابيه دى بحاجتين اولا ان تخفيض العمله بيكون له اثر سلبى على هروب بعض رؤؤس الاموال الوطنيه وبحثها عن فرص افضل خارجيا(خروج سيوله)  والحاجه التانيه رفع سعر الفائده على الجنيه فالطبيعى وقتها لو فيه اموال خرجت من البورصه او موجوده بعيدا عن السوق هتوازن بين فائده بنكيه تصل الى 15% وباقل المحاطر وبين العائد من البورصه فى ظل التراجعات التى اصابتها  خصوصا وان هناك علاقه طرديه بين رفع سعر الفائده وزياده معدلات الادخار  وربما يعاد رسم  هذه المعادله فى حال صعود البورصه خلال الايام القادمه واعاده الثقه للمستثمرين مع العمل على انجاح الاكتتابات الجديده واولها دومتى وبالتالى اجتذاب شرائح جديده من المستثمرين وضخ سيوله جيده تحتاجها البورصه

دردشه اليوتيه عن EGX30

بسم الله الرحمن الرحيم

• المؤشر على الشارت الاسبوعى ودردشه اليوتيه والحقيقه من فتره وبيشغلنى سلوك الموجه التصحيحه البادئه من مستوى 10066 وانا عندى تصور نبقى نتكلم عنه لما نيجى للشارت التانى لكن خلينا الاول نقول انه كان فيه اخوه اعزاء تبنوا سيناريو ان المؤشر فى الموجه C  بريميرى من التانيه سيكل لكن لاحظت ان ترقيم الموجات محتاج تعديل فالغالبيه  قامت بترقيم الموجه البادئه من قمه 12000 سنه 2008 وحتى قاع 3578 فى عام 2011 على انها الموجه A بريميرى ثم الموجه الصاعده B التى انتهت عند مستوى 10066 وحاليا المؤشر فى الموجه C منذ قمه 10066، الحقيقه الملاحظه المهمه هنا هى فى الموجه A نفسها اعتقد انه صعب جدا ان تنتهى الموجه A عند قاع 3578 الا فى حاله ان تكون الموجه هى فلات حصل فيها فشل مزدوج للموجتين B و C وهى من الحالات النادره جدا والاهم من كده يا ترى فعلا الموجه دى فلات ! تعالوا كده نحكم من خلال الموجه B فيها البادئه من قاع الازمه الشهير عند 3380 والمنتهيه عند 7693 الموجه دى صححت فقط 50% من الموجه A(الترند الهابط من قمه 12000 وحتى قاع 3380) واحنا قلنا قبل كده ان الموجه الفلات عشان يتقال عليها فلات الموجه B فيها على الاقل تصحح 61.8% ، اقل من كده ما تكونش فلات وكقاعده عامه عشان الموجه C تفشل وما تكسرش الموجه A حاجه من اتنين اما الموجه تكون فلات حصل فيها فشل للموجه C او انها تكون موجه مركبه ثنائيه (DOUBLE THREES)  تنتهى بمثلث وبالتالى اللى هيمشى على النظام ده لازم يعرف ان الموجه A بريميرى جاءت على شكل موجه مركبه ثنائيه(زجزاج-ومثلث) مكونه من 3 موجات W-X-Y  منتتهيه بمثلث عند قاع 5155 والتعديل فى الشارت الاول باللون الاخضر 
• ممكن فيه ترقيم بديل لنفس السنياريو انها تكون فلات واحنا فى الموجه C منها بس الموجه A منها انتهت عند قاع 3380 وان الموجه X عند قمه 7693 تكون هى الموجه A انترميديت من B بريميرى وقاع 3578 يكون الموجه B انترميديت من B بريميرى ثم الموجه C انترميديت انتهت عند قمه 10066 وبكده تكون الموجه B بريميرى اكتملت(اللون  الاورانج )
• انا شخصيا عندى سيناريو برجحه طالما ان المؤشر لا يكسر قاع 5500 والسيناريو ده مبنى على ان الموجه الاولى سيكل انتهت عند قمه 12000 نقطه فى عام 2008 وان الموجه التانيه سيكل انتهت عند قاع 5150 وكانت على شكل موجه مركبه ثنائيه زى ما قلت وهنا الموجه محققه شروطها الزمنيه والسعريه وبالتالى هنكون منذ قاع 5155(انتهاء المثلث) فى موجه ثالثه سيكل هتكون ممتده  مكونه من 5 موجات فرعيه على درجه البريميرى انتهينا من الموجه الاولى منها عند قمه 10066 واحنا حاليا فى الموجه التانيه وفى تقديرى الخاص انها انتهت عند قاع 5526 والحقيقه انا برجح السيناريو ده حتى الان لان سلوك الموجه الحاليه اللى احنا فيها والبادئه من قمه 10066 من وجهه نظرى مش سلوك موجه خماسيه دافعه(IMPLUSE) لاكتر من سبب ، اولهم:- انه لا يوجد امتداد حقيقى فى الموجات الخامسيه المرقمه فى الشارت الثانى فبرغم ان الموجه التالته هى اطول الموجات لكنها غير ممتده وهنلاقيها اقل من 162% من طول الموجه الاولى

ثانيا:-على مؤشر الماكد اعدادات 5,35,5 وهى نفس اعدادات مؤشر اليوت وحتى لو سيبت اعدادت الماكد زى ماهى هتلاحظ زى ماهو واضح فى التظليل ان الزخم الخاص بالموجه التالته زخم ضعيف جدا لا يتناسب ابدا مع سلوك الموجه التالته

ثالثا :- وده الاهم ان القنوات السعريه المتوازيه  لها اهميه فى معرفه الموجات الدافعه من الموجات التصحيحيه واصول رسم هذه الموجات ان يمر احد حدود القناه بين الموجه 0 والموجه الثانيه وفى المقابل الحد الثانى للقناه يمر بالموجه الاولى  بتوزاى مع الحد الاخر وفى الحاله دى خنلاحظ ان هناك ملامسات كثيره بين السعر وجانبى القناه موضوح بالاسهم وفى الموجات الخمسايه بيكتفى ب4 ملامسات بين الموجات الخامسيه على نفس الدرجه اما فى حال ان الملامسات كانت اكبر من 4 فذلك يكون مؤشر قوى على ان الموجه تصحيحيه وبما ان هناك ما يشبه - اذا تجاوزنا فى القول- التماثل فى شكل الموجات سواء السعرى او الزمنى فالاغلب ان تكون هذه الموجه هى تربيل زجزاج(مشهور عنها الملامسات الكثيره لحدود القناه) انتهت عند مستوى 5526 ونسيب الايام تثبت صحه هذا الاحتمال من عدمه وربما فيه ناس هتكون متوقعه انه لسه فيه هبوط خصوصا وان الدنيا مش لطيفه سواء على مستوى الاحداث الداخليه الخاصه بالبلد او على مستوى الاقتصاد العالمى وممكن تستبعد سنياريو اننا نكون خلصنا تصحيح ودى وجهه نظر لها احترامها بس احب افكر الناس بحاجه وهو سيناريو 2009 واظن ما كانش فيه اسوء منه وكانت الناس متوقعه ان فيه هبوط اكتر واعتقد ان الاسواق ارتدت وقتها لا لشىء الا ان الناس وصلت لمرحله  من الاحباط واليأس شديده ودى دائما يتكون اولى مراحل السوق الصاعد فلو عندنا اجماع حقيقى ويستند لمقياس صحيح على اننا وصلنا الى هذه المرحله اعتقد ان ده ممكن يكون اولى الخطوات نحو الصعود وفى اعتقادى ان الاسهم الغالب منها انتقل من ايدى المتدوالين العاديين الى ايدى الميكرز ووصلت نسبه التصحيح لهذه الاسهم اكثر من 70%  وده ايضا من اشارات بدء الصعود ويبقى ان نتأكد من الفوليوم وارتفاعه وظهور ما يعرف بالشراء المفرط (MEGAOVERBOUGHT) فدائما هذه الظاهره تكون مصاحبه لتكوين القيعان الرئيسيه وشخصيا اذا تم كسر مستوى 5526 هكون مع السيناريو اننا فى موجه  C من فلات ولا توجد اى مشكله

• لاحظ فى حاله اذا كان سيناريو المؤشر فى موجه فلات  واننا فى الموجه C منها فغالبا هيكون سيناريو الهبوط اشبه بالكابوس لان فى هذه الحاله الترند الصاعد من قاع 3380 الى 10066 كان ترند ضعيف والموجه B فيه تعتبر فشلت فى الوصول الى مستويات 12000 وده بيعطى الفرصه الاكبر للموجه C انها تصحح كامل الموجه B وفى الحاله دى لا تقولى 5000 ولا 4500 مرجح وقتها ان يصل المؤشر الى مستويات 4000 وربما اقل ونسئل الله الا يتم هذا السيناريو
• ربما البعض هيتكلم عن الشارت الشهرى وانه الصوره على الشهرى مش هتكون زى الاسبوعى هقوله الصوره واحده ونفس القناه لو رسمتها هى هى ولاحظ ان كل ما الفريمات الزمنيه بتكبر بيحصل ضغط للموجات وبتكون اشبه بما يسمى MISSING WAVES(موجات مفقوده) والمفروض فى التحليل الموجى انك تبص على الفريمات الصغيره عشان هى اللى هتوضحلك الصوره  وتركيب الموجات بشكل افضل
• نخلى بالنا فى جلسه اليوم المؤشر وصل الى مستويات التشبع المفرطه (MEGA OVERBOUGHT) وحقق مستهدف القاع المزدوج عند 7000 نقطه ..... BE TRRIGERED

دردشه عن الفوليوم ج2

بسم الله الرحمن الرحيم

اتكلمنا امس عن الفوليوم واهميته واستعرضنا حاله من الحالات المهمه فى تحليل الفوليوم وهى الفوليوم المفرط اللى بيظهر فجأه على احد بارات السعر ولازم تعرف كده كقاعده فى تحليل الفوليوم ان اى صعود بدون فوليوم حقيقى هو صعود كاذب لن يستمر طويلا وغالبا هذا الصعود بيكون صعود افراد وليس المحترفين واى انخفاض فى الفوليوم اثناء الهبوط يعنى ان القوى البيعيه على وشك ان تنتهى نظرا لابتعاد المحترفين عن المشاركه فى هذا الهبوط و ان الانعكاس قريب والقاعده الثانيه ان هناك مبدء يسمى "الجهد مقابل النتيجه" فندما تجد فوليوم مفرط ظهر فجأه على احد الشموع  اثناء الصعود او عند مقاومه فعليك ان تسئل نفسك ماهى نتيجه الفوليوم الكبير (الجهد المبذول) هل تبعه صعود او اختراق للقمه فان كان هناك صعود بعد هذه الشمعه او تم اختراق القمه (النتيجه) فهذا مؤشر على دخول المحترفين اما ان تبع هذا الفوليوم المفرط هبوط او لم يتم اختراق القمه فاعلم ان هذا الفوليوم كان يحتوى على عروض غير ظاهره(تصريف) واليوم هنكمل بعض الاشارات اللى ممكن المستثمر يستيطع قرأتها على الشارت  ومن خلالها يقدر يحدد اشارات البيع او الشراء  او بدء حركه صعود او هبوط وايضا بعض تحركات المحترفين (الميكرز)

عندنا من الحالات الشهيره  على بيع المحترفين وانتهاء الصعود 3 نماذج بارات او شموع وهى شمعه الاب ثراثت (الدفع لاعلى) و BUYING CLIMAX ذروه الشراء و PIPE TOP البايب توب

من اهم الشموع هى شمعه الاب  ثراثت اللى بيستخدمها المحترفين - وانا كنت شرحتها قبل كده فى احد التحليلات - وهى شمعه اسبريدها بيكون كبير(المدى السعرى) والفوليوم فيها بيكون عالى وهى شمعه تسمى بالمصيده فبيتم رفع السعر فى بدايه الجلسه فوق اعلى سعر للشمعه السابقه لها وبيتم حبس المشترين فى اسعار عاليه ثم يبدء المحترفين بالتصريف عليهم والنزول بالسعر الى قاع الشمعه او بالقرب منها واهم 3 عناصر فيها هم الفوليوم وطول الشمعه والاغلاق عند القاع او بالقرب منه اما ان كان الاغلاق عند المنتصف فمعنى كده ان الطلب ما زال موجود(DEMAND STILL ALIVE) ولو الفوليوم ضعيف بنضطر فى الحالتين دول نحتكم الى شمعه الغد فهى اللى بتاكد الهبوط عن طريق اغلاق اقل من اغلاق شمعه الاب ثراست ويا حبذا لو كان هذا الاغلاق اقل من اقل سعر لشمعه الاب ثراثت ولو جاءت الشمعه الثانيه ايجابيه علينا الانتظار للشمعه الثالثه باغلاق اقل من اقل سعرللشمعه السابقه لها

الاشاره الثانيه وهى شمعه ذروه الشراء وبتكون شمعه الفوليوم فيها عالى ومداها السعرى ضيق حيث ان المحترفين بيمتصوا كل اوامر الشراء لتوقيف السعر وعدم ارتفاعه رغبه منهم فى انهاء الصعود وده اللى بيفسر ارتفاع الفوليوم فى هذه الشمعه

تالث اشاره وهى البايب توب  وتقريبا نفس اللى اتقال فى شمعه ذروه الشراء حيث يتكون شمعتين يتساوى اعلى سعر فى كل منهما وبتكون واضحه رغبه المحترفين فى امتصاص كل اوامر الشراء وتثبيت السعر عند حد معين لا يتجاوزه الطلب

اخيرا شمعه ضعف الطلب هى  تقريبا مش موجوده على الشارت هنا لكن نقدر نوصفها بانها شمعه مداها السعرى ضيق والفوليوم فيها ضعيف نتيجه لابتعاد المحترفين عن المشاركه فى هذا الصعود الكاذب

من الاشارات القويه على الشراء هو الهبوط بشمعه مداها السعرى كبير والفوليوم فيها عالى والاغلاق يكون بعيد الى حد ما عن القاع او فى المنتصف وتانى اشاره وهى ذروه البيع  وبتكون الشمعه مداها السعرى ضيق والفوليوم فيها عالى نظرا لامتصاص المحترفين لاوامر البيع وعدم رغبتهم فى الهبوط اكثر من ذلك وثالث الاشارت هى البايب بوتوم  وهو شكل شمعتين يتساوى فيهما اقل سعر لتاسيس دعم جديد يدافع عليه المحترفين بعدم نزول السعر اقل من ذلك وكل هذه الاشارت موجوده على الشارت ويبقى توضيح بعض الامور الاخرى على تحركات وشغل المحترفين مثل ما يعرف بالاختبار فقد يرتد السعر من احد الدعوم او يتم اختراق مقاومه ولكن لا يستقر السعر اعلاها كثيرا  فيلجأ المحترفون فى مثل هذه الحالات من التخلص من البيع الموجود بما يعرف بالخلخله فيعود السعر هبوطا مره اخرى ليتخلى البائعين عن اسهمهم فى المناطق القريبه من الدعم وبالتالى يصعد المحترفون بالسعر مره اخرى بدون مدايقات كثيره تعترض طريقهم ومن اشهر النماذج على حاله الاختبار هو القاع المزدوج فهو حاله معبره عن  اعاده اختبار منطقه كان العرض(البيع) فيها كبيرا ومن خلال هذه الحركه - الاختبار- يكتشف المحترفين حجم البيع ان كان ضعيفا  عن طريق انخفاض الفوليوم او كان قويا عن طريق ارتفاع الفوليوم وعلى الشارت هناك حالتين واحده لاختبار ناجح صعد السهم بعدها مباشره-وهو المفترض- والحاله الاخرى هى نموذج يدرس فى تحرك المحترفين فبرغم ان اختبار الدعم كان فاشلا ولم يصعد السهم بعده مباشره الا ان البيع واضح انه كان كبيرا اضطر معه المحترفون الى امتصاص فوليوم البيع عن طريق السير عرضيا  بدلا من كسر الدعم رغبه منهم فى تاسيس دعم عند هذه النقطه والدفاع عليه وانتهت هذه المناوره بما يعرف بشمعه ذروه البيع كما هو مشار اليها ثم صعد السهم بعدها مخترقا منطقه تسمى منطقه العروض (البيع) او المقاومه بشمعه مداها السعرى كبير وفوليوم عالى وفى بعض الحالات حتى لا يدفع المحترفون اموالا طائله فى استلام هذه الاسهم من المتداولين العاديين يلجأون الى الفجوات لتخطى هذه العروض واجبار اصحابها على الاحتفاظ باسهمهم بدلا من بيعها او فى بعض الحالات بلجأون الى صعود سريع بشموع مداها السعرى كبير حتى يمنعون من هم خارج السوق الى الدخول وايضا اجبار البائعين العالقين فى السوق على الاحتفاظ باسهمهم بدلا من بيعها

حديد عز

بسم الله الرحمن الرحيم

• حديد عز على الشارت اليومى والسهم ادى ادائا ملفتا للنظر فى اخر الجلسات تاثرا بقرار تخفيض سعر الغاز على شركات الحديد واستطاع السهم فى جلسه اليوم اختراق الترند الهابط لنموذج  معكوس البامب اند رن عند مستوى 8.20 ويحتاج السهم الى الاستقرار اعلى هذا المستوى لاستهداف مستويات 10 جنيه
• من الايجابيات للسهم اعتلائه لمستوى 7.52 فقد اصبح السهم صاعدا فى المدى القصير وهو نقطه ارتكاز السهم الحقيقيه ومعها اكتمل نموذج قاع مزدوج يستهدف 8.90 واعتقد انه حقق مستهدفه عند 8.50 ومن افضل نقاط الدخول للمضاربين كانت نقطه 6.60 لمتاجره قصيره حتى 7.52 على ان يكون 6.60 هى نقطه الدعم لهم
• اعتقد ان الثبات اعلى مستوى 7.50 يتيح للسهم اداءا افضل خلال الفتره القادمه ويستيطع من خلاله بناء قاعده يرتكز عليها لاسيتهدافه اولا مستويات 8.90 وهى مقاومه قويه للسهم  ثم 9.30 واخيرا الوصول الى مستويات 10 جنيه

دردشه عن الفوليوم ج1

بسم الله الرحمن الرحيم
* الحقيقه يا جماعه ان الفوليوم فى التحليل الفنى هو اهم عنصر من عناصر التحليل الفنى ويمكن من نقاط الضعف الموجوده كمحللين اغفال هذا العنصر الهام لانه اساس صعود وهبوط الاسواق الماليه وهو العنصر الاهم فى نحركات صناع السوق اللى بيعتمدوا فى الاساس على تحليل الفوليوم ومن خلاله بيعرفوا نقاط الدعم والمقاومه المدعومه من باقى صناع السوق او السهم الى جانب معرفتهم الدقيقه باوامر السوق واصحاب هذه الاوامر ولو المصالح متصالحه بيتكون ما يعرف "بالتكتل" لتكمله الاتجاه المتفق عليه اما اذا كان هناك احد الميكرات داخل عكس مصلحه البقيه فبيحصل صراع اوقات احنا على الشاشه بنستغربه لما نلاقى ان سهم معين المفروض انه يصعد وما يحصلش كده بل بالعكس ممكن نلاقيه هبط ده بيكون تفسيره ان اثناء شراء الميكر (الغشيم) وتجميعه للاسهم بيتم امتصاص البيع عن طريق باقى صناع السوق وبيؤدى ذلك الى ارتفاع السعر على الميكر (الغشيم) ومع تزايد ارتفاع السعر بيتوقف الميكر الغشيم عن الشراء وبينهار سعر السهم لانه هو الوحيد اللى كان بيشترى شراء مؤثر فيه ودى بتكون زى قرصه ودن كده للناس اللى شاربه عصير رجاله اذا حبت انها تخالف المصالح الفاسده وفى الاخر الناس البسيطه هى اللى بتدفع التمن
وطبعا من وقت للتانى هنشوف تغيير للاستراتيجيات عشان ماحدش يقتفى اثرهم لكن على الاقل فيه نقاط واضحه لازم ناخد بالنا منها زى ظهور الفوليوم العالى غير المعتاد فى شمعه يوميه عن متوسط التنفيذ السابق لان ده بيكون مؤشر اما على دخول اموال ذكيه حقيقيه (شراء) او بيكون عرض خفى(بيع) موجود بداخل هذا الفوليوم وعلى فكره بتكون الشمعه وقتها اسبريدها واسع واغلاقها عند اعلى سعر وشمعه بتقول انها ايجابيه(شمعه يوم الخميس الماضى فى المؤشر) والناس اللى بتعرف فى تحليل الفوليوم هتعرف الى بقوله ده عشان كده لازم اتاكد من الموضوع ده بالشمعه التاليه فلو كانت الشمعه التانيه ايجابيه فده مؤشر على دخول الاموال الذكيه لكن اذا كانت الشمعه الثانيه سلييه واغلاقها اقل من اقل سعر فده مؤشر على ان الفوليوم العالى فى الشمعه السابقه كان معظمه فوليوم بيع والا ليه الشمعه - التانيه - جاءت سلبيه؟

كمان من الحاجات اللى تاخد بالك منها ان زياده الفوليوم المبالغ فيها بتعمل خلل بين العرض والطلب عشان كده حتى فى كسر خطوط الترند وفى اكتمال النماذج كان دايما بيقولوا ان الكسر بفوليوم عالى دليل على صحه الكسر واعتقد ان بقا فيه مراجعات لهذه الجمله واول واحد لفت النظر الى هذه النقطه هو اداورد وماجى وقال على سبيل المثال ان اهم اسباب حدوث الثروباك والبولباك هو الفوليوم المفرط فى الكسر وتم تعديل مقوله الكسر بفوليوم عالى الى الكسر بفوليوم اعلى من متوسط التنفيذات السابقه على ان يستمر الفوليوم تصاعديا بعد الكسر وهو افضل طرق الكسر ونتستج من الكلام ده فى تحليل الفوليوم انك لازم تنتظر حتى لو الشمعه الثانيه جاءت ايجابيه بعد الشمعه ذات الاسبريد الواسع والفوليوم الكبير فربما تكون الشمعه الثانيه هى مصيده خصوصا اذا جاءت هذه الشمعه بفوليوم كبير واسبريد ضيق

ولو اخدنا مثال حالى على المؤشر هنلاقى الشمعه الخاصه بيوم الخميس اتكلمنا عنها فى تحليل الامس وقولنا اننا ننتظر شمعه اليوم هى اللى هتعطينا مؤشر اذا كان الفوليوم العالى ده فوليوم محترفين (شراء) ولا فوليوم دخول ناس عاديه ممكن يتم عمل مصيده لهم

الحقيقه انا وبكتب المشاركه دى المؤشر بيقترب من مقاومه 6650 وتقديرى انه مش هيقدر يتخطاها فى جلسه اليوم ومن الممكن انها تكون بدايه جنى الارباح لان الفوليوم المبالغ فيه اعتقد انه كان فوليوم بحتوى على بيع خفى من المحترفين او على اقل تقدير ان هذا الفوليوم الكبير احدث خلل بين العرض والطلب باستنفاذ طاقه القوه الشرائيه فى جلسه الخميس وعدم قدرتها على مواجهه العروض(البائع المترقب) عند مستوى 6650
*بمناسبه الكلام عن صانع السوق والاحاديث الخرافيه على قدرته على تحريك اسواق باكملها احب اوضح نقطه مهمه وهى ان لا يستطيع صانع سوق بمفرده تحريك سوق كامل لان ذلك يتطلب اموالا طائله ومجازفه كبيره ولا حتى عندما يجمتع مجموعه مع بعضها فقدره الاسواق اكبر من قدره صناع السوق على تحريكها وان حدث ذلك فيكون فى الاسواق قليله السيوله ولفتره محدوده ولكن كل ما يقوم به صانع السوق استغلال حاله السوق والظروف المحيطه به واللعب على سيكولوجيه المستثمرين وتحقيق اقصى مكسب يستطيعه والدليل على ذلك ماهو تأثير هؤلاء على اسواق الفوركس او اسواق العقود الاجله ذات السيوله الكبيره ! لا شىء لان هذه الاسواق اكبر بكثير من قدرتهم الماليه

EGX30

بسم الله الرحمن الرحيم

• المؤشر على الشارت اليومى واداء اكثر من رائع له طوال الاسبوع الماضى استطاع من خلاله تعويض البطىء النسبى الذى اشرنا اليه فى التحليل السابق واكتمل نموذج القاع المزدوج كما توقعنا ودخل المؤشر الى منطقه الارتداد المقدره بنطاق 6320-6580 التى تحدثنا عنها فى مشاركه بتاريخ 7/2/2016 باستخدام احد اداوت الكبير وليام جان  
• المؤشر حاليا يقف عند منطقه صعبه يوجد بها كلستر مقاومه اولها الحد العلوى للقناه الهابطه طويله الاجل يحتاج المؤشر الى الاستقرار اعلاها لكى تكون اشاره ايجابيه على بدء تغيير الاتجاه فى المديين المتوسط والطويل ويالطبع تاكيد التغير فى الاتجاه يحتاج الى وقت والى تغير فى نفسيات المتعاملين والى اختراق مستويات معينه مثل مستوى 7200نقطه.  المقاومه الثانيه متمثله فى ان مستوى 6570 نقطه يمثل نسبه 62% من اخر سوينج هابط للمؤشر لكن من ناحيه تحليل الفوليوم انا شخصيا يهمنى شكل الشمعه الاخيره والفوليوم الكبير فيها وربما التنفيذ بهذا الحجم له مبرره  من اختراق مقاومات موجوده فى طريق المؤشر وتاكيد الاستقرار اعلى منطقه 6260-6300 التى كانت بوابه العبور لاستهداف المستويات الحاليه لكن فى بعض الاحيان يحتوى الفوليوم المبالغ فيه اثناء الصعود على عرض خفى فى الخلفيه وهناك مبدء مهم فى تحليل الفوليوم وهو "الجهد مقابل النتيجه" واعتقد ان جلسه الغد هى التى ستخبرنا ان كان هذا الفوليوم هو فوليوم دخول اموال ذكيه (طلب حقيقى) فيواصل المؤشر ارتفاعه وهنا سنعرف ان المحترفين بذلوا جهدا حقيقيا كان نتيجيته الارتفاع ام انه فوليوم دخول مستثمرين عاديين وقعوا فى مصيده تصريف المحترفين(عرض خفى) فيتراجع المؤشر واذا حدث الاستنتاج الثانى-تصريف على المستثمرين العاديين- تقديرى الشخصى ان المحترفين سيختبرون دعم 6300 مره اخرى للتخلص من العرض العائم (CROWDS) واختبار قوه السوق من عدمه وسنلاحظ ذلك من انخفاض فوليوم الهبوط او قوته واعتقد انهم اذا ارادو الصعود بأريحيه لاستهداف مستويات 7000-7200 فعليهم فعل ذلك (اعاده اختبار 6300)

كيف تفرق بين الموجه الخماسيه (IMPLUSE) والموجه المركبه الثنائيه (DOUBLE COMBINATION)

بسم الله الرحمن الرحيم

• فى مناقشه مع احد الاصدقاء وتعليقا على تحليل الذهب قال لى ان الموجه التصحيحيه التى يصححها الذهب الان هى موجه مركبه ثنائيه(DOUBLE COMBINATION) والحقيقه ان كل السيناريوهات مطروحه فى التحليل الفنى خصوصا التحليل الموجى فلا احد يمتلك الحقيقه الكامله فيه وكما قال الاستاذ الكبير روبرت بريكتر "لا تنسى ان موجات اليوت هى ممارسه الاحتمالات للوصول الى الحقيقه" ولكن هناك بعض القواعد الارشاديه التى يمكن بها التفرقه بين الموجات الدافعه (IMPLUSE) وبين الموجات المركبه الثنائيه DOUBLE COMBINATION) او التربيل زجزاج فقد يتشابه شكل الموجات الخماسيه فى بعض الاوقات مع هذه الموجات او فد يختلط علينا الامر فى احيان اخرى
• فى المثال الحالى بعيدا عن الشكل المميز للموجات الخماسيه الدافعه من وجود الامتداد اولا(الامتداد غالبا ما يكون فى الموجه الثالثه وعاده ما يكون الامتداد فيها فى الموجه الثالثه من الثالثه الكبيره تسمى  3rd OF THE THIRD كما هو الحال فى المثال الحالى) وثانيا التبادل بين الموجه الرابعه والثانيه وهما خاصيتين مميزتين للموجات الخماسيه الدافعه وبدونهما تصبح الموجات الدافعه هى موجات تصحيحيه، يمكن اللجوء الى بعض القواعد الارشاديه للتفرقه بين الشكل الخماسى  الدافع والموجه المركبه الثنائيه منها ما يلى : 1- الموجات المركبه الثنائيه غالبا ما تنتهى بمثلث

2- الاندفاع الحاصل (THRUST مظلل باللون الاصفر) بعد انتهاء المثلث هو الاساس فى التفرقه بين الموجه الخماسيه والموجه المركبه الثنائيه فاذا كان طول هذا الاندفاع اقل من طول الموجه الثالثه اذا الموجه تكون خماسيه دافعه واذا كان هذا الاندفاع اكبر من طول الموجه الثالثه اذا فالموجه هى مركبه ثنائيه وهنا طول الاندفاع يساوى 297 دولار فى حين ان طول الموجه الثالثه يساوى 600 دولار وهو ما يؤكد على ان ترقيم الموجه الصحيح هو موجه خماسيه ويمكن الاستدلال ايضا من طول هذا الاندفاع على صحه الموجه المثلثيه نفسها فغالبا طول هذا الاندفاع يساوى 75% -125% من اطول موجه فى المثلث وبالتطبيق على المثال الحالى نجد ان هذا الاندفاع يساوى 297 دولا (من نهايه الموجه الرابعه عند E قمه1343 الى قاع 1046) واطول موجه فى المثلث هى الموجه A من قمه (1428 الى قاع 1183) وتساوى 245 دولار  نجد ان الاندفاع يساوى 120% من اطول موجات المثلث وهو ما يعنى ان الموجه المثلثيه صحيحه وانتهت(لاحظ ان هذا الاندفاع اذا كان اكبر من 200% من اطول موجه فى المثلث فغالبا سيكون بدايه لتكوين مثلث متسع)
3- الموجات المركبه الثنائيه (DOUBLE COMBINATION) نادره الحدوث فى الموجه A واذا جاءت تأتى كموجه مركبه تنتهى بمثلث وفى هذه الحاله يحدث للموجه B على نفس الدرجه ما يعرف بفشل الموجه B(اى انها تصحح اقل من 80% من الموجه A) اذا كانت الموجه التى تحتويهم هى فلات منتظم

• لاحظ انه ليس بالضروره ان تكون الموجه الممتده (EXTENSION) هى الاكثر انقساما الى موجات اصغر  (SUBDIVIDED) صحيح ان 90% منها يكون منفسما الى موجات اصغر لكن يظل الامتداد ظاهره اخرى غير (SUBDIVISION) فقد تمتد الموجه فى قليل من الاحيان دون ان تكون SUBDIVIDED فالامتداد فى مفهومه هو الموجه الاطول بين الموجات 1,3,5 (TRENDING IMPLUSE WAVES) وفى الموجه الثالثه حتى تكون ممتده لابد ان يكون طولها على الاقل يساوى 161.8%  طول الموجه الاولى
• الذهب حاليا فى الموجه الخامسه MINUTE من الثالثه MINOR من A على فريم INTERMEDIATE  التى من المفترض انها تكون انتهت عند مستوى 1278 دولار واعتقد انه من الصعوبه حاليا ان يصل الى 1330 دون تصحيح بالرغم من قرار المركزى الاوربى ، وغالبا الموجه B على فريم PRIMARY التى حددنا مستهدفها سابقا عند حدود 1500 دولار ستأتى على شكل موجه زجزاج بسيط بنائها الداخلى 5-3-5 كما هو واضح فى الشكل جهه اليمين