هيرمس

بسم الله الرحمن الرحيم

- فى الشارت رقم 1: حسب السيناريو الموجود على الشارت الاسبوعى ان هيرمس فى موجه رابعه INTERMEDIATE على الارجح انها هتكون مثلث متعاقد ، انتهى السهم من 3 موجات فيه A,B,C وينقصه موجه صاعده تنتهى فى حدود 19-20 جنيه(موجه D) ثم موجه هابطه اخيره (موجه E) تنتهى فى نطاق 16.5-18 وتنتهى هنا الموجه الرابعه INTERMEDIATE ثم صعود فى موجه خامسه INTERMEDIATE مندفعه وسريعه تستهدف على الاقل نطاق 24-26 وفى حاله تجاوز هذا النطاق لاعلى قد تستهدف هذه الموجه نطاق 32.5-34 او اكثر - فى الشارت الثانى : عندنا نموذج هارمونيك خفاش بيعى اكتمل عند 23.33 وحقق هدفه الهابط الاول عند مستوى 15.60، ولكن فى رايى الشخصى ان النموذج ده مش هيقدر يكمل هبوط للهدفق الثانى عند 11.25 ويبغير الاتجاه الى هابط والارجح عندى ان النموذج الخفاش البيعى هيتحول الى نموذج كابوريا بيعى يكتمل فى نطاق 36.75-37.75 وبالتالى هنلاقى ان نموذج الهارمونيك بيدعم مستهدف الموجه الخامسه INTERMEDIATE - بالنسبه للمتاجره حاليا وده الاهم عندى ، فى ناس مع النطاق العرضى خصوصا فى الموجات المثلثيه بتبعد خالص عن السوق ، اما مضاربى السوينجات فيقدروا انهم يستغلوا موجات المثلثات فى المتاجره معاها ، وهنا كان يمكن الدخول عند مستوى 16 جنيه ومن لم يستطع اللحاق كان من الممكن الدخول عند17.17 لاستهداف مستويات 19-20 مع جعل وقف خسارته عند عند 17 او 16حسب محفظته ، ويخرج عند المستويات المحدده ما بين 19-20 ويستنى اخر سوينج هابط للمثلث عند المستويات المقدره ما بين 16.5-18 ويعاود الدخول عندها مره تانيه لاستهداف الارقام المذكوره عاليا ، والاهم من وجهه نظرى ودايما بقولها مش مهم انت دخلت فين ، المهم انك لو غلطت ما تحولش الغلطه لاتنين او تلاته، واى غلطه فى الدخول تقدر تعالجها بالاستوب لوس ، ولو مش عارف تحدد الاستوب لوس بتاعك على الشارت خليه نسبه مئويه من نقطه دخولك زى 5%-10% ، وشخصيا ايام ما كنت فى السوق كنت بضع مع اوردر الشراء اوردر وقف الخساره ، ولما السعر بيصعد بيحصل انك ترحل المستويات دى لاعلى عشان تحافظ على مكسبك -المتاجره مع نماذج الهارمونيك زى ما بكرر دايما من افضل النماذج فى التحليل الفنى اللى تقدر تتاجر معاها بسهوله وهنا اختراق مستوى 13.90 كان بدايه متاجره لونج وحتى مستويات اكتمال نموذج الهارمونيك الخفاش عند 23 على الاقل وقد تمتد الى مستويات 37 لاحتماليه ان يكون هذا النموذج كابوريا بيعى يكتمل عند مستويات 37 ، والفرصه التانيه اللى توافرت بالفعل كان اعاده الدخول عند مستويات 16 بما ان فى معظم الاحيان السير عرضيا بعد اكتمال نماذج الهارمونيك بيكون مؤشر قوى على فشل النموذج فى انه يعكس الاتجاه وبيكمل فى نفس اتجاه السعر الاصلى وفى حاله اعاده الدخول عند 16 من غير ما تفكر وقف الخساره الاغلاق تحت 15.60