- لو حبيت تعرف عن POSITIVE CORRELATION او عن قانون تشارلز داو العمومى اوحتى الدورات الزمنيه او INTERMARKET RELATIONSHIP ممكن تشوف كل ده من خلال شارت التجارى الدولى مع اكبر مؤشر للاسواق العالميه SP500 طبعا حركه التماهى بين التجارى الدولى واس بى 500 تدرس بمعنى الكلمه وبتعكس كل الل قلته سابقا حرفيا خصوصا ما يعرف بفرع من فروع التحليل الفنى وهو INTERMARKET RELATIONSHIP (دراسه العلاقات السعريه بين المنتجات والسلع المختلفه والاسهم والسندات والعملات الاجنبيه المتداوله فى البورصات العالميه)
- عايز بس انبه المتابعين عن السيناريو الاساسى اللى شخصيا بتبعه وسط حاله من عدم اليقين لها اكتر من احتمال وكل الاحتمالات فيها مقبوله ، شخصيا برجح ان المؤشرات سواء الامريكيه او حتى مؤشرات البورصه المصريه خلصت الموجه الرابعه INTERMEDIATE عند قاع 21700 بالنسبه للداو او 2346 SP500 او 12076 بالنسبه لمؤشر البورصه المصريه وبالتالى ما تشهده المؤشرات من تصحيح هو موجه تانيه MINOR من خامسه INTERMEDIATE(موجه القمم التاريخيه) ، والسيناريو البديل ان الموجه الرابعه INTERMEDIATE تكون لسه ما انتهش والاحتمالات فيها هتكون مفتوحه بين فلات او مثلث بنوعيه سواء مثلث متعاقد او متسع ، السيناريوهات دى موجوده من اول السنه تقريبا لكن بنذكر بيها من وقت للتانى عشان الى بيتابع يبقى على بينه من الامر
- فى السيناريوهات البديله فى حاله التجارى الدولى ممكن قاع 53 يتم كسره والسعر مش لازم يروح بعيد ونفس الحال لقاع 2346 فى اسى بى500 لو كانت الموجه فلات او مثلث متسع
- التجارى الدولى على الشارت اليومى حقق اول مستهدف له عند حدود 72 واعتقد ان الارتداد التصحيحى لاعلى مؤقت وممكن يواصل هبوط الى مستويات 71 او حتى 69 ويفشل الترجيح ده باختراق مستوى 76على الاقل
- الحقيقه ان اهم مستوى عندى هو 66 فى التجارى والمستوى ده ربما يكون فاصل فى امور كتير ، واعتقد ان كسره ممكن يرجح احد السيناريوهات البديله المطروحه وهيغير اتجاه التجارى الدولى فى المدى المتوسط الى هابط ، واعتقد ان مستوى 2720 فى اس بى 500 ما زال مستهدف للمؤشر
- ما زال هناك الكثير لترجيح السيناريوهات الهابطه ، وفى اعتقادى ان نتائج الربع الثانى للاقتصاد الامريكى قد تحدد بشكل كبير هل شارفت دوره جاغلر على الانتهاء فى 2019 وبذلك تكون اكبر فتره انتعاش اقتصادى حدثت فى التاريخ ام ما زال هناك امل للاسواق الماليه ان تتنفس حتى 2020 وربما بدرجه اقل 2021
