- بالرغم من بعض الاختلافات القائمه بين المحللين الكبار الغربيين حول اهميه ومصداقيه متوسط 200 يوم خصوصا فى اخر عشر سنوات ، الا اننى من الناس المؤمنه جدا بيه وبدوره فى التحليل الفنى رغم انى ابدو فى كثير من كتابتى لا اميل الى استخدام المتوسطات والمؤشرات الفنيه فى بناء تحليل عليها فلست من هواه المدرسه القديمه فى التحليل الفنى واؤمن ان المتوسطات والمؤشرات الفنيه لها دور معين فى التحليل
والحقيقه من اهم الادوار اللى بتلعبها المتوسطات هو تحديد الاتجاه خصوصا لما يكون اتجاه واضح وقوى ، وكنت وضحت قبل كده دور متوسط 200 يوم مع الاسواق الامريكيه من عام 1926 ، ولو نظرنا للشارت رقم 2 لما فتحنا الشارت هنلاقى دور متوسط 200 يوم فى دعم المؤشر لفترات طويله وناخد بالنا من حركه السعر لما بتخترق المتوسط من اسفل الى اعلى(اتجاه صاعد) والعكس، وكمان لما اضفنا له متوسط اسرع زى 50 يوم شوفنا ازاى حركه التقاطع بينهم بتحدد لنا التغير فى الاتجاه ، فتقاطع مؤشر ال50 مع الـ200 من الاسفل يعنى قوه الاتجاه الصاعد زى ماهو حاصل حاليا عند مستويات 14150 والعكس صحيح ، وبالتالى مافيش خوف على المؤشر طالما اعلى 14200 حتى ولو حدث جنى ارباح
