بسم الله الرحمن الرحيم
سبحان الله لما تقرأ القرأن الكريم وتتدبر اياته ولو كنت ملم باللغه العربيه هتكتشف اد ايه ان القران الكريم لا يمكن يكون واحد من الانس او الجن كتبه كما ادعى البعض سابقا ، لكن شوف مثلا دقه الوصف واستخدام اللغه العربيه فى موضعها فى ايه قرأنيه زى " وهزى اليك بجذع النخله تساقط عليكى رطبا جنيا" هتلاحظ ان حرف الهاء وهو حرف رخو لين فى اللغه العربيه مخرجه اقصى الحلق(تقريبا منتصف الحنجره ) مناسب لحاله السيده مريم وهى فى حاله مخاض الولاده وانا كنت اتكلمت قبل كده عن الايه دى فى ان ربنا امرنا بالاخذ بالاسباب فى كل نواحى الحياه واظن مافيش اضعف من حاله مخاض الولاده والضعف والوهن اللى بتكون عليه المرأه ورغم كده ربنا امر السيده مريم بالاخذ بالاسباب وانها تهز النخله وتسيب النتيجه على مسبب الاسباب ، لكن الروعه فى استخدام حرف الهاء اللبن والرخو فى الفعل هزى وهو فعل امر للسيده مريم فهزى هنا يعنى حركى برفق وهنا التناغم بين استخدام الفعل والحاله البدنيه للسيده مريم ، لكن لما نشوف ايه قرأنيه تانيه زى " انا ارسلنا الشياطين على الكافرين تؤزهم ازا) فالأز هنا يعنى الحركه بعتف واستخدام حرف الهمزه فى تؤزهم هو حرف خشن يفيد الشده ومخرجه من اقصى الحلق ايضا ، لكن لو حاولت تجرب مخرج الحرف بتسكينه هتلاقى ان الهاء بتقبل السكون لانه حرف لين لكن الهمزه ما تقبلش السكون لكن تقبل الحركه اللى قبلها بمعنى لو اللى قبلها كان مفتوح تنطق مفتوحه وهنا كان اللى قبلها حرف الواو يقبل الضمه عشان كده قبلت الضمه وبالتالى ربنا بيقول انه جل وعلا بيسلط الشياطين على الكافرين لتزعجهم وتدفعهم دفعا الى الباطل وهنا سؤال هو الكافر محتاج شيطان لاغوائه ؟! ماهو بيرتكب كل المعاصى والشيطان مش فى حاجه له اصلا لكن سبحان الله الشيطان هنا بيحارب القطره السليمه للانسان،لان حتى الكافر ممكن يجى عليه اوقات يفكر فى عجائب صنع الله وبالتالى يؤمن فحتى ده مش هيسيبه او يترك له هذه اللحظات ، هى المعركه كده بين الشيطان وبنى ادم ولخصها الشيطان لما قال فبعزتك وجلالك ايه ! لاقعدن لهم صراطك المستقيم فشغلته انه يثنى اى حد عن الصراط المستقيم حتى الكافر او الفاسد لو للحظات فكر انه يتوب مش هيسمح له باللحظات دى ونخلى بالنا يا جماعه من نقطه ان الانسان لما بيبعد عن ربنا المولى عز وجل قال ايه " ومن يعش عن ذكر الرحمن نقيض له شيطانا فهو له قرين وانهم ليصدونهم عن السبيل" وفى موضع تانى قال ايه المولى عز وجل "واما من اعطى واتقى وصدق بالحسنى فسنيسره للحسنى جزاء الخير لازم يكون خير ، اما الجزء من الايه القاسى جدا "واما من بخل واستغنى وكذب بالحسنى والعياذ بالله فسنيسره للعسرى" والعياذ بالله يعنى اللى كذب بربنا واستغنى عنه وكذب بلقائه وبلا اله الا الله وبالجزاء فى الاخره فالجزاء هيكون التيسير له فى الشر وزياده معاصيه وبالخذلان فى الدنيا والاخره
اللهم انفعنا بما قلنا وسمعنا وقرأنا ، اللهم امين
