سؤال لاخوانا فى التحليل الاساسى ، وبعيدا عن ارتداد ازمه 2008 واعتقد لو سئلت اى حد منهم عن الاسباب الاقتصاديه لهذا الارتداد ! مش هتلاقى عنده اجابه . و ليه نروح بعيد ماهى الازمه تقريبا بنفس تفاصيلها عشناها العام الماضى ومع اسرع واقصر سوق هابط فى التاريخ حد منهم يقدر يجاوبنا عن اسباب الارتداد من ناحيه الاساسيات !!! واعتقد اننا شوقنا ازمه كورونا ازاى هددت سلاسل الامداد نفسها يعنى الموضوع اثر فى جانب العرض كمان ما كانش خاص بجانب الطلب فقط زى تقريبا الازمات السابقه وضيف على كدا كمان الاغلاقات اللى حصلت فى النصف الثانى من 2020 واللى سببت فى انكماش لبعض الدول المتقدمه فى النصف الثانى وصل الى 14% وبالتزامن مع ارتفاع اعداد مصابى كورونا يعنى ما كانش فيه سبب من الاساسيات يدعوا الى الارتداد بهذا الشكل او فى 2008 بل العكس هو الصحيح وده فنيا اولى علامات الارتداد (راجع دوره المشاعر فى الاسواق)
بلاش من كل ده
الشارت اللى امام حضراتكم لليورو/ دولار ، الباوند/دولار مافيش شك ان بينهم POSITIVE CORRERLATION وان قوه العلاقه بينهما تقترب من الواحد الصحيح
كلنا عارفين المشاكل اللى بتعانيها بريطانيا ويكفى مشاكل البريكست عليها وتداعيات ما بعد البريكيست ومنطقه اليورو عندها مشاكل ايضا بس حضرتك تفتكر منطقه البورو مشاكلها اكبر ولا بريطانيا !
يكفى معرفه ان انكماش الناتج المحلى البريطانى فى 2020 بنسبه 9.9% وهى من اكبر التراجعات بالنسبه للدول الغربيه وده اسوء تانى انخفاض منذ 1709 اللى كان وصل الى 13%
نرجع تانى للشارت ومنذ قاع مارس 2020 الى اعلى قمه مسجله للعملتين فى يناير ثم فبراير نجد ان الباوند ارتفع بنسبه 24.7% فى مقابل اليورو ارتفع بنسبه16.1% ، والى يوم 5/4/2021(تاريخ كتابه البوست) ارتفع الباوند بنسبه 21.8% مقابل ارتفاع اليورو بنسبه 11.1% يعنى تقريبا ما يقارب الضعف وهنا من المفترض اننا بنتكلم عن عمله يعنى تأثر مباشر بالاقتصاد
بالتاكيد انا عارف ان مافيش برنامج اقتصادى على اى قضائيه هيقبل ان ضيفه يلخص الموضوع فى جمله قد تكون مبهمه للاغلب الاعم من المهتمين بالاسواق ويقول ابحث عن "سيكلوجيه المتعاملين" وانها هى اللى بتقود الاسواق الماليه بمختلف انواعها الرئيسيه(اسهم -سلع- فوركس- مشتقات ماليه-سندات) و ان NEGATIVE MODE, POSITIVE MODEهما من يشكل ما يعرف (بالباترن PATTERN) او النموذج او الموجه (PSYCOLOGICAL STATE OF THE MARKET) وعندما يكتمل الباترن تحدث الانعكاسات فى الترند المسيطر او السائد
يا ساده ارجعوا الى الكساد العظيم عام 1929 وكيف تنبأت به الاسواق الماليه قبل حدوثه بشهور وارجعوا الى ما كتبناه عن لحظه منيسكى منتصف 2017 ان 2018 لن يمر نصفها الاول قبل حدوث تصحيح متوسط الاجل وان 2019-2021 موعد انتهاء دوره جاغلر قصيره الاجل(9-11 عام) البادئه عام 2009 بعد امتدادها
