سكر لندن على الرسم اليومى وتطبيق عملى لمروحه الترندات وشخصيا بعتقد انه من افضل الامثله لتوضيح شغل الترندات ، ولو بصينا على الترند رقم 1 هتلاقى ان درجه ميله حوالى 49 درجه وهو يقترب من الزاويه المثاليه عند 45 درجه ولاحظ كده سلوك السعر بعد كسر الترند ده ! هتلاقى ان السعر هبط بشكل عمودى (FREE FALLING) وهو بالمناسبه ترند اساسى قصير الاجل مكتمل بعدد 4 ملامسات وفى فترات زمنيه تكاد تكون متساويه وارجع كده للمشاركه اللى اتكلمنا فيها عن الترند وما يخصه
الترند رقم 2 هو تعديل للترند رقم 1 بعد كسره وزاويه ميله اكتر تسطحا من الترند رقم 1 ونفس الكلام عن الترند رقم 3 وكنت قلت كقاعده عامه قبل كده ان كسر ترند فرعى قد يصل بالسعر الى كسر الترند الاساسى وبالتالى مرشح سكر لندن الى الوصول الى الترند رقم 3 عند مستوى 450 متغيره صعودا زمنيا وربما كسره الا ان يكون لمستوى 470 القوى جدا رأى اخر
الشكل الموجود يمكن اعتباره رأس وكتفين وهنا نقدر نستبدل الاغلاق تحت خط العنق لصعوبه اغلاق السعر تحته بالاغلاق تحت مستوى 484 بدون مشاكل او الرجوع الى وجهه نظر المحلل وبالتالى النمط مكتمل بالاغلاق تحت مستوى 484 لمستهدف قد يصل الى 360 دولار ، وتقديرى الشخصى ان الترند رقم 3 رغم ضعفه الى انه قادر على دعم السعر
