- فى تحليل الامس اعطينا الجانب الفنى ما يستحقه دون اغفال الاشاره الى نقاط الخروج ولو بشكل مختصر ، لكن اليوم حابب اتكلم عن كيفيه المتاجره مع نماذج الهارمونيك ودمجها مع التحليل الكلاسيكى فى نقاط الدخول والخروج
- لو حضرتك مهتم بالهارمونيك فالاغلاق اعلى 14100 تم تفعيل متاجره شراء اختصارها BAMM وحتى اكتمال منطقه 14700-14800 كمنطقه مرحج الانعكاس منها لاسباب مذكوره بالامس ومن الجائز امتداد هذه المنطقه الى مستويات 15000-15150 ، لكن الاهم عندى ازاى تتعلم المتاجره سواء فى اتجاه الترند الاصلى او حتى فى الكوانتر ترند لان السوق ملىء بالفرص فى الاتجاهين حتى من غير تطبيق اليه الشورت سيلنج اللى مصدعين بيها دماغنا والمحرمه شرعا لاسباب ذكرتها سابقا واللى دايما البهوات اللى بيطلعوا يتكملوا عنها بيقولوا نصف الحقيقه وماحدش بيقول ان فى الاسباب الجوهريه للهبوط البيع بيكون مضاعف يعنى البيع العادى مع بيع الشورت سيلنج والا حضرتك جلسات الداو جونز اللى كانت 1000 نقطه و1200 نقطه ما نفعهمش الشورت سيلنج ليه فى ايقاف نزيف السعر وكان البيع فى الجلسات دى معظمه بيع شورت، ولما حضرتك تعرف ان الشورت سيلنج واحد من اسباب الهاى فولتيلتى فى بعض الاوقات اللى بيسود فيها عدم اليقين!! ماحدش هيقول الكلام ده لانه المطلوب ان حاجه زى دى تعدى بالزوء او العافيه فى ظل السبات العميق للازهر وشيخه عضو لجنه السياسات سابقا ايام جمال مبارك ،ونفكر برضوا حبابينا يا ترى المارجن والسيم داى عمل حاجه للسوق المصرى !! انا ضد اى حاجه هتكون مخالفه الشريعه الاسلاميه وضد الاسلام ولو حتى هتجيب مليارات الدولارات او حتى هتخلى البورصه العرجاء دى تصل الى 100 الف نقطه
كفايه بئا ربا كفايه ، دى بقيت حاجه تقرف الصراحه، احنا بقينا غارقين حتى النخاع فى الربا ولولا حلم ربنا علينا لكان نسف الارض بمن عليها وهيحصل لو تمادينا فى الربا
عموما نرجع تانى للمتاجره ولو اكتمل نموذج الهارمونيك عند اى منطقه من المناطق المذكوره وقتها هتراقب الشموع الانعكاسيه مع ملاحظه التشبع الشرائى على مؤشر RSI فغالبا انت فى الحاله دى امام انعكاس يرقى الى التاكيد بنسبه 99% وقتها هيكون عندنا اهداف للهبوط اولها نسبه 38% من ادنى نقطه فى النموذج وحتى نقطه اكتمال النموذج ، ثم ثانى الاهداف نسبه 62% من طول السونج السابق وفى حاله تجاوز نسبه 62% اشتغل على نسب الفيبوناتشى العاديه بعدها زى نسبه 78.6% ، 88.6% 100% وهكذا
- طيب لو اكتمال النموذج ما حصلش والسعر وقف فى منتصف الطريق ومود السوق اتغير ايه العمل !!
فى الشارت رقم 2
عندنا 3 مستويات يمكن الخروج عليهم كلاسيكيا خاصين بنمط معكوس الرأس والكتفين وكل واحد منهم له مزايا وعيوب لكن فى الاخر تعريف هويتك للسوق كمضارب او مستثمر قصير الاجل او متوسط الاجل هيفرق فى اختيار نقاط ايقاف الخسائر ، فعلى سبيل المثال لو انت بتضارب على السوينج انت مش محتاج الا انك تراقب الشموع الانعكاسيه وتاكيدها وتخرج بعدها، اما لو انك مضارب مش بتستنى كتير فى الاسهم يبقى الافضل انك تخرج بكسر الترند الصاعد والخروج المبكر ده هيقلل خسارتك بشكل عام ، اما بقيه المستويات صحيحه فنيا لقصير الاجل وحسب ادارتك لاموال محفظتك
- اخيرا نخلى بالنا شويه من ظل الشمعه العلزى لجلسه 11/6/2019 فكثير من الاحيان ظلال الشموع لما بتكون طويله نسبيا بتكون مقاومات محتمله والاخطر منها ان السوق يعمل قمه اعلى من ظل الشمعه العلوى ويرجع يقفل عند ادنى سعر وبفوليوم عالى وقتها هيكون السوق امام قمه مؤكده بنسبه تصل الى 99%
