تعليقا على قرار خفض الفائده وهبوط الاسواق الامريكيه

بسم الله الرحمن الرحيم
كانت الاسواق الماليه تبنى توقعا على ان يكون الخفض فى اسعار الفائده 50 نقطه اساس و ربما كان الحد الادنى لتلك التوقعات هو 25 نقطه ، وربما ايضا كان هذا مطلب ترامب الذى علق كعادته بأن الفيدرالى المريكى مصر على ان يخذله
قد يندهش البعض من هبوط الاسواق الامريكيه فى جلسه لم تعهدها هذه الاسواق منذ 31 مايو الماضى ، لكن ينبغى علينا ان نعرف كيف يفكر العقل الجمعى للاسواق الماليه وكيف يبنى توقعاته المستقبليه وكيف يكون رد الفعل لها عند مخالفه التوقعات ، فالاسواق الماليه دائما تنظر للمستقبل ولا يعنيها الماضى فى شىء
قد يكون هذا الهبوط القوى فى المؤشرات الرئيسيه الامريكيه استاندرد اند بوز 500 والذى هبط بنسبه 1.09% اى ما يعادل تقريبا 33 نقطه ، والداو جونز الذى هبط 1.19% ما يعادل 338 نقطه جاء كرد فعل على النسبه التى تم تخفيض اسعار الفائده بها والتى ربما جاءت اقل مما تطمح فيه الاسواق الماليه ، وكما هو ظاهر فى العنوان الرئيسى لموقع بلومبرج بتاريخ 16/7/2019 تقول فيه ان تخفيض الفائده بمقدار نصف نقطه هو القادر على اصلاح اختلالات سوق السندات ودفع الاقتصاد للنمو، وفى متن الخبر حذرت بلومبرج من خطوره ان يخفض الفيدرالى الفائده باقل من نصف نقطه لان ذلك من وجهه نظرها سيدفع الاقتصاد الامريكى الى الركود واستشهدت على ذلك بأن الفيدرالى الامريكى يمتلك سجلا حافلا من التحرك البطىء لمعالجه علامات ضعف النمو ، ايضا تصريحات جون وليامز رئيس بنك الاحتياطى الفيدرالى فى نيويورك اوحت للاسواق ان الفيدرالى مقبل على تخفيض يصل الى نصف نقطه مئويه خلال اجتماع يوليو برغم نفى البنك الفيدرالى فى نيورك بعد ذلك ان تكون التصريحات اشاره الى قرارت خاصه باسعار الفائده فى المدى القريب ، وربما هناك سبب اخرمن وجهه نظرى لهبوط الاسواق وهو: ذلك التضارب الذى اكتنف تصريحات رئيس الفيدرالى الامريكى وتصريحه بأن نسبه الخفض فى الفائده ليست بدايه لتيسير السياسه النقديه لفتره زمنيه ممتده ثم معاوده نفيه لذلك فى المؤتمر الصحفى ، فقد تكون الاسواق الماليه شديده الحساسيه عند مخالفه توقعاتها او عدم الوضوح فى انتقاء بعض الكلمات لصانع السياسه النقديه
,وبعيدا عن الاسباب الظاهره للهبوط ودائما ما اقول ان الاساسيات والاخبار تخدم التحليل الفنى ، فلدينا نموذذج هارمونيك THE5-0 الشرائى الذى دخل منطقه الانعكاس المقدره (26750-27540) وربما ايضا يتوافق ذلك مع ترجيح ان تكون الموجه الاولى من الثالثه MINOR البادئه من قاع 24680 قد انتهت وبالتالى الداو قد يكون على موعد مع تصحيح يصل به الى مستويات 26000 نقطه ليكتمل نموذج الهارمونيك هناك بمثاليه وكذلك الموجه الثانيه ، ثم يعاود الصعود بعدها ، واى تجاوز هبوطا لمستوى 26000 نقطه يلغى النموذج وكذلك الانعكاس الى اعلى قبل الوصول الى هذا المستوى
اخيرا ، ما زالت الاسواق تتوقع خفض اخر يصل الى ثلاث ارباع النقطه حتى نهايه العام ، واذا كان الفيدرالى الامريكى ما زال يضع سياسته النقديه قيد "الطيار الالى " وهى اداره للسياسه النقديه تعطى اهميه كبيره لتحركات الاسواق الماليه عند اى تغير فى توقعاتها لاسعار الفائده ، فمن المرجح ان يرضح الفيدرالى الامريكى لطلبات سوق المال وان يقوم بدوره بتيسير للسياسه النقديه تنهى العام الحالى بتخفيض لا يقل عن 1% لاسعار الفائده لتصل الى حدود 1.25%-1.50% كما تتوقع الاسواق الماليه

فى اطار الحديث عن التخفيض النتظر لسعر الفائده الامريكى ، والمنظومه المتكامله لاداره السياسه الماليه بشقيها الاقتصادى والنقدى

بسم الله الرحمن الرحيم
ى اطار ان الكل تقريبا متوقع ان يقوم الفيدرالى الامريكى غدا بتخفيض سعر الفائده بمقدار 50 نقطه اساس ، وترجيحى ان تصل الى 25 نقطه اساس فما زالت هناك بيانات قويه عن الاقتصاد الامريكى سواء فى سوق العمل او انفاق المستهلكين او نسب التضخم ، وحتى برغم تباطؤ الاقتصاد الامريكى فى النصف الثانى الا انه جاء اقل من المتوقع ، لكن الملاحظه اللى عايز اتكلم عنها وهى ان سعر الفائده فى الاقتصاديات الرأسماليه له اهمية خاصه جدا بما ان هذه الاقتصاديات تتوافر لديها اسياسات النمو الاقتصادى والبيئه التنافسيه والمناخ الاستثمارى الجاذب للاستثمار واستقرار المنظومه التشريعيه والضريبيه والاحتفاظ بمستويات تضخم منخفضه ، وبالتالى يظل سعر الفائده ذلك المتغير النقدى هو اللاعب الاساسى تقريبا فى المعادله الاقتصاديه ، عكس جموريه الموز التى نعيش بها ، فلا يوجد بها احد الاساسيات المذكوره سابقا وفى الاخير يتم تحميل سعر الفائده كل الخطايا عن عمد او عن جهل
لفت نظرى فى الفيدرالى الامريكى فى السياسه النقديه وعند الحديث عن ميزانيته والاشاره الى وضعيه "الطيار الالى" للوصول الى سعر فائده محايد(ينمو عنده الاقتصاد باعتدال) والتى كانت مقدره ما بين 2.75%-3% يضع عين على الاقتصاد والعين الاخرى على الاسواق الماليه رغم انى ذكرت سابقا ان مافيش علاقه ثابته بين الاسواق الماليه واسعار الفائده وان الاساسيات فى كثير من الاوقات لا تقود الاسواق الماليه ، ولكن هنا عايز اتحدث عن منظومه كامله تدير شرايين الاقتصاد بحكمه وكفاءه عاليه حتى وان تطلب الامر لتدخل مؤسسه الرئاسه نفسها، رغم معارضتى الشديده لاى تدخل خشن من الرئاسه فى توجيه السياسه النقديه الذى يفقد هيبه وحياديه البنوك المركزيه وان كان هذا الصراع سابقا ياخذ الشكل الخفى-وهو ما يجب ان يكون- الا انه فى ظل السياسات الشعبويه التى ينتهجها ترامب واردوغان اصبح الصراع علنيا وعلى الملاء واهتزت صوره الفيدرالى الامريكى وبدا وكانه يخضع للايتزاز السياسى، ورغم ذلك فالكل يعمل على هدف واحد واذا لزم الامر فقد يتراجع الجميع خطوه للخلف او احد الاطراف لكى تسير الامور وهو ما فعله الفيدرالى منذ بدايه العام ووضع مصلحه الاسواق الماليه اولا فى مرحله كانت الاسواق الماليه شديده الحساسيه لاى تغير فى اسعار الفائده ، والتناغم فى الاداء والتكامل بين المؤسسات هو سمه الدول الكبرى والمتحضره عكس جموريات الموز التى تعمل فيها المؤسسات كأنها جزر منعزله حتى ولو وصل الامر الى التصادم والتطاحن فيما بينهم
ربما الحديث عن الاسواق الماليه يقودنا الى الحال المزرى الذى وصل اليه السوق المصرى ، واصبح هذا السوق كأنه لقيط الكل يتبرأ منه ، حتى اصحاب المجال نفسه والعاملين فيه والمستثمرين ، الكل يتعايش مع اوضاعه السيئه وكأن شيئا لم يكن ، فالمسؤلؤن عن جمهوريه الموز مستمتعون بالعرض الهزلى فى صاله القمار ، والمسؤلؤن عن سوق المال عباره عن كراسى تجلس على كراسى ، والعاملون فى المجال والمدعوون بالخبراء لا هم لهم الا اقامه مؤتمرات السبوبه والتقاط السيلفى والكل يتحدث مع بعضه بدلا من الحديث مع اصحاب الشأن ورفع الموضوع لاعلى مستوى فى الدوله وان لم يكن هناك استجابه حقيقيه فالبديل هو الاحتجاج السلمى لتوصيل الرساله لمن يهمه الامر ، والطرف الاخير فى المعادله وهم المستثمرون الذين يتعايشون بسلبيه غريبه مع ضياع اموالهم المستمر ولا احد منهم يحرك ساكنا وكأنهم مستمتعون باغتصاب اموالهم كجزء من متلازمه ستوكهولهم واستمتاع الضحيه بما يفعله بها جلادها او مغتصبها ، فلم نرا منهم على سبيل المثال من يقوم بمحاسبه مجالس الاداره للشركات التى يستثمرون فيها فى الجمعيات العموميه ، او يقومون بما يتوجب عليه فعله من الدراسه والتهئيه العلميه والنفسيه لمجال عالى المخاطر ، او قرار جماعى بالاحتجاج السلمى امام البورصه ، او اخيرا الانسحاب من البورصه وسحب اموالهم المتبقيه من شركات التداول كنوع من العقاب لهم وللقائمين على البورصه ، فقد يكون الهدم فى بعض الاوقات هو بدايه البناء الحقيقى ، ولكنهم كالعاده يختزلون الامر فى شخص واحد لا يملك من امره شىء فهو كما اشرت سابقا مجرد اداه لتنفيذ الاوامر التى تملى عليه ويقوم فى نفس اللحظه بدور الاسفنجه التى تمتص المشاكل والصدمات وتعلق فى رقبته كل الخطايا والاثام تماما نفس الدور الذى تلعبه سكرتاريه الرئيس ، سورى.... اقصد الوزراء ورئيس الوزراء😁😉

سهم التجارى الدولى

بسم الله الرحمن الرحيم
- لو حبينا نقارن اداء  التجارى الدولى باداء المؤشر الثلاثينى بمجرد النظر تقدر تكتشف ان اداء سهم التجارى افضل من اداء المؤشر ، ولو حبينا نعمل مقارنه منضبطه نسبيا ، نرجع الى  قمه 52 اسبوع سابق ومنها نلاحظ ان التجارى الدولى ما زال اعلى قمته المحققه منذ 52 اسبوع عند 68 تقريبا ولكن مع انخفاض فى الفوليوم يقترب من النصف ، فى حين ان المؤشر اسفل اعلى سعر منذ 52 اسبوع بحوالى 3000 نقطه وبنفس نسبه الانخفاض فى الفوليوم  تقريبا
- لو حضرتك مش عايز تشغل نفسك بتفاصيل تعليميه كلاسيكيه او اليوتيه ، او منهجيتى فى التحليل وتوضيح تفاصيل صغيره للقارىء يتبنى عليها التحليل وليه بنرجح سيناريو عن اخر والعقبات فى كل سيناريو، ادعوك بمتابعه مستوى 69 وهو المقابل لمستوى 13400 فى المؤشر وكسر 69 يفتح المجال على الارجح لاستهداف احد مستويات 66 او 64.5 او 62.5 والمستهدف الاخير يؤكد تقريبا  المستهدف الكلاسيكى للرأس والكتفين القادم ذكره...... بس خلاص😁
- على الشارت رقم 1 مقسم الى جزئين ، جزء تحليل كلاسيكى وفيه يظهر نمط سلبى وهو الرأس والكتفين المكتمل بالاغلاق تحت 72 تقريبا لمستهدف قد يصل الى 63 جنيه ، والجزء الاخر تحليل موجى ،وعلى الصوره رقم 2 فيه رد على اى سؤال من اخوانا اياهم اللى ممكن يتفلسف ويفتى وبلغى نمط زى ده بحجه السيمتريه او بحجه معرفش خط العنق منحدر الى اعلى بزاويه حاده ، او ان فوليوم الكتف الايمن اعلى من فوليوم الكتف الايسر والرأس وشخصيا مر عليا حالات زى دى كتير😁 الله يهديهم
- الحقيقه ان مشكله الفوليوم فى الرأس والكتفين كلاسيكا خلصنا منها وما عندناش مشكله فيها بالتوضيح بالمثالاموجود فىا لصوره رقم 2 ، لكن المشكله فى التحليل باليوت😲 ، وعندنا سيناريوهين ، السيناريو الاساسى بيفترض ان الارتداد من قاع 53 هو موجه اولى من خامسه انتهت عند قمه 76.90، ودايما بنبه على اهميه نمط الرأس والكتفين سواء كلاسيكيا لانه مرتبط بنظريه داو او اليوتيا لان فى معظم الحالات بيكون دليل على نهايه الترند الخماسى ، لكن عندنا مشكله فى السيناريو ده وهو ان فوليوم الكتف الايسر اللى بيمثل الموجه الثالثه - فى هذه الحاله - طالما الدرجه الموجيه اقل من INTERMEDIATE وبما اننا بنصحح على فريم MINUTE وهو اقل بدرجتين من فريم INTERMEDIATE فلازم يكون الفوليوم اعلى من الرأس(الموجه الخامسه)  حتى ولو حصل ديفرجنس سلبى، كمانا لموجه الخامسه مش ممتده عشان يزيد فيها الفوليوم عن الموجه الثالثه واللى بتكلم فيه ده خصائص بتحدد شخصيه الموجات ، وللاسف ان رأس النموذج جاءت على شكل بايب توب او سميها قمه تويزر فى الشموع اليابانيه، والشمعه الاولى فىا لنموذج  وهى بتاريخ الانعكاس يوم 30/4/2019 كان الفوليوم مرتفع فيها جدا وارتفاع الفوليوم على غير العاده هو اشاره فى حد ذاته على الانعكاس والبرايس اكشن بعدها اكد هذا الانعكاس ، والشمعه الثانيه كان الفوليوم منخفض فيها جداوبفرق قرش اعلى عن الشمعه الاولى ، واقل من فوليوم الكتف الايسر واعتقد ان فوليوم الشمعه الثانيه بالنسبه للاولى مناسب لتسميه النموذج بالبايب توب وبالتالى عشان يعدى السيناريو ده مبدئيا محتاجين ناخد الشمعه التانيه كقمه للنموذج(الموجه الخامسه) عشان نتفادى المطب ده وان السعر يكسر قاع 69 فى قادم الايام ، والمستوى ده مهم جدا جدا وانا وضعت له حرفين اختصار لاهميته كمستوى مفتاحى لتأكيد السيناريو الاساسى او نفيه وكمان كفلتر اضافى لتأكيد صحه الكسر للرأس والكتفين كلاسيكيا
- السيناريو الاخر البديل ولو اخدنا مشكله الفوليوم  مع الحركه العرضيه فده ممكن يرجح عندى ان التجارى الدولى يعمل على تكوين مثلث اليوتى كموجه رابعه ويتبعها صعود ربما لمستويات 80 جنيه، ويظل مستوى 69 هو المستوى الاهم لان كسره ينفى هذا السيناريو ، وشخصيا ما استبعدش احتمال ثالث وهو ان الموجه الاولى تكون انتهت عند قمه 75.26 وان الموجه الثانيه بتتكون من موجه مركبه نظرا لانها سعريا قليله وزمنيا كمان ، والارجح فى الحاله دى انها تتكون من زجزاج وتنتهى بمثلث

تحديث EGX30

بسم الله الرحمن الرحيم
- كان فيه زمان اول ما بدءت تحليل فنى طرق بستخدمها زى استخدام نسب الفيبوناتشى لتحديد الاهداف المتوقعه ، ونماذج الهارمونيك، او موجات وولف اللى لسه الناس بتقول عليها موجات ولفى ومش عارف جابو الاسم ده منين 😁 ، والادوات دى لها ذكريات عندى نحكيها فى مره تانيه ان شاء الله
طريقه اهداف الفيبوناتشى بتعتمد على بدايه حركه السعر ونهايته بتكوين مقاومه سعريه او دعم (PIVOT POINTS) يرتد السعر منهما ثم فى حاله اعاده التجربه على ايا منهما ونجاح السعر فى اختراق المقاومه فى حاله الاتجاه الصاعد او كسر الدعم فى حاله الاتجاه الهابط تطبق هذه الطريقه ، وينتج عنها اربعه اهداف
وعلى الشارت تطبيق الطريقه فى الاتجاه الصاعد اللى كانت بدايه حركته من قاع 12076وبعد اختراق مقاومه 13223 تم تطبيق الطريقه وكان اخر هدف توقعته هذه الطريقه عند 15078 وتجاوزه السعر حتى 15321 ومنذ قمه 15321 وبعد كسر دعم 14469 اصبحت هذه الطريقه صالحه للتطبيق والتوقع باربعه اهداف فى الاتجاه الهابط حقق السعر ثلاثه اهداف منها وفى انتظار الهدف الرابع عند 13100، فهل يتحقق هذا الهدف !!
عموما خلينا نختبر مصداقيه هذه الطريقه مره اخرى

EGX30 &DJI30

بسم الله الرحمن الرحيم
-ببساطه عشان الناس تفهم يعنى ايه دورات زمنيه ويعنى ايه ارتباط الاسواق ببعضها ويعنى ايه ارتباط ايجابى او سلبى بين الاسواق ، والاهم يعنى ايه مبادىء الدورات الزمنيه زى مبدأ انحراف القمم والقيعان او مبأ التزامن (تزامن القيعان والقمم وحدوثها تقريبا فى نفس الوقت)
- لو لاحظنا هنلاقى ان الداو عمل قمته الشهيره وهى قمه الموجه الثالثه INTERMEDIATE يوم 25/1/2018 ، فى نفس الوقت كان المؤشر عندنا مكمل صعود وعمل قمته يوم 29/4/2018 هنا فيه حوالى 3 شهور بين القمتين وده مثال عملى جدا على تطبيق مبدأ VARIATION فى الدورات الزمنيه ويعنى االانحراف او الاختلاف بين القمم او القيعان
- يوم 9/12/2018 كان المؤشر المصرى كون قاع الموجه الرابعه INTERMEDIATE وبعده تقريبا باسبوعين كان الداو كون قاع عيد الميلاد يوم 25/12/2018 هنا نقدر نقول حصل تزامن فى تكوين القيعان بين المؤشرين واستمر التزامن ده فى تكوين قمه 15300 فى المؤشر المصرى وقمه 26200 فى الداو ، وبعدها المؤشر المصرى كون قاعه للموجه التانيه MINOR يوم 20/5/2019 وبعدها الداو يوم 3/6/2019 كون قاع الموجه التانيه MINOR ، ومن يوم 21/6/2019 الى الان المؤشرين دخلو فى علاقه ارتباط عكسيه والداو مكمل صعود فى الموجه الثالثه MINOR والمؤشر المصرى مكمل هبوط ، والحقيقه شخصيا مش شايف فيه مشكله كبيره للمؤشر حتى لو كسر 13400، لانى فى تحليل سابق بتاريخ 21/5/2019 بموجات اليوت كنت توقعت ان تصحيح الموجه التانيه هيخلص عند 12300 كنسبه شائعه لتصحيح الموجه التانيه او يخلص عند 12750 كاحد نسب التصحيح عن الموجه الثانيه ولكنه اقل شيوعا ، لكن تقديرى كان وقتها طاالما ان التصحيح حاد بيحصل فى بعض الاحيان ان السعر يتداخل مع الموجه التانيه على الدرجه الاقل وهنا الموجه التانيه بدايتها 13200 ونهايتها 12635 وهنا ان ظللته وبالتالى لو تم كسر 13400 فى اعتقادى ان التصحيح ممكن يخلص فى نطاق 12635-13200ا ، لكن نبدء نقلق فعلا فى حاله كسر قاع 12635 ، عشان كده استمرار الارتباط العكسى بين المؤشر والداو حاليا على المستوى الشخصى لا يشغلنى كثيرا طالما كان السعر اعلى 12635 ، واعتقد ان كان تحليلى الموجى صحيح فغالبا لن يستمر هذا الارتباط العكسى كثيرا وسيحدث مره اخرى الارتباط الايجابى بين المؤشرين ، فما زال للاسواق الامريكيه حسب ما نعتقده صعود وربما يسكون صعود قوى حسب تحليلنا لشارت استناندرد اند يورز، وحسب معطيات فنيه كثيره سابقه قدمنها من المفترض ان يكون المؤشر المصرى ادائه افضل من الاداء الحالى وان يكون على الاقل قريب من قمه 15300 ان لم يكن قد اخترقها بالفعل

SP500

بسم الله الرحمن الرحيم
- ترقيم للموجه البادئه من قاع 2346، بعد انتهاء الموجه الرابعه INTERMEDIATE (اللون الرمادى)، حيث بدء المؤشر فى الموجه الثالثه MINOR (اللون الاحمر) من الموجه الخامسه INTERMEDIATE ، والتى غالبا تستهدف مستويات 3700 نقطه اذا كان هذا السيناريو صحيح
- المستهدفات القريبه وحسب الترقيم على الفريمات الزمنيه الاقل نجد ان الموجه الخامسه SUBMINUETTE (اللون الفيوليت) من الموجه الثالثه MINUETTE (اللون الاخضر) من الموجه الاولى MINUTE (اللون الازرق) من الموجه الثالثه MINOR (اللون الاحمر) 😁، غالبا ستاتى ممتده بما ان الموجه الثالثه لم تمتد وقد تستهدف الميديان لاين للبيتشفورك عند مستويات 3150-3200 وهذا المستهدف يتوافق مع الموجه الثالثه MINUETTE (اللون الاخضر) ، مع ملاحظه ان المؤشر سيواجه مقاومه انيه عند مستويات 3030 وهى نسبه 38.2% للبيتشفورك واعتقد يمكن ملاحظه اهميه هذا المستوى مع الاسعار فى الفتره الماضيه حيث كان دعم هام للمؤشر

CRUDE OIL

 IN THE NAME OF ALLAH THE MOST GRACIOUS THE MOST MERCIFUL
IM STILL BEARISH ON OIL, IN SPITE OF GEOPOLITICAL ISSUES LIKE IRAN-US TENSIONS
HOWEVER, THE MAIN COUNT AND ALT- COUNT RELLY ON THE KEY LEVEL $42 TO VALIDATE THEM, MOST LIKELY THE UNDERLYING SUPPORT $26 WILL BE BROKEN IN BOTH CASES TO DOWNSIDE TARGET AROUND 20-22 AREA

السوق اكبر من اى حد

بسم الله الرحمن الرحيم
الجمله دى ممكن تسمعها من ناس كتير فى مجال التحليل الفنى ، وانا معاها بنسبه مليون فى الميه ، بس هل كل اللى بيقولوها مقتعنين بيها فعلا !! ولا هى بقيت تبرير لجهل البعض او لاصحاب مصالح معينه او لاسقاط البعض الاخر ما يتمناه على الشارت او لارضاء الايجو عند البعض الاخر !!
الاجتهاد فى تعريفه ببساطه : هو بذل قدر الاستطاعه ، كم منا وانا مش هعفى نفسى من الجمع بيبذل قدر استطاعته فى التعليم وتطوير نفسه وبالتالى تقديم شىء معتبر فى التحليل الفنى ولما السوق يخالفه يبقى كده عمل ما يتوجب عليه فعله (WAT U HAVE TO DO)
ازاى نثق فى محلل بذل قصاره جهده وهو موجود جوه السوق وله مصلحه معينه فى صعود او هبوط السوق !! وكم واحد ممكن يتغلب على مشاعره الداخليه ويراعى ربنا فى رأيه !!
ازاى نثق فى محلل يبذل قصارى جهده بيتمنى صعود السوق او هبوطه لمجرد التمنى فقط دون تقديم رؤيه فنيه حقيقيه
ازاى نثق فى محلل يبذل قصارى جهده بيعانى من الدغمائيه وقاعد متمسك برأيه الغلط من سنوات رغم ان كل اللى حواليه من معطيات اتغيرت وبتقوله انت غلط !! وعلى كده المفروض واحد زى سامح ابو عرايس قبل ما يجيله الهسهس 😁 لما كان بيقول فى 2008 ان السوق رايح لمستويات 14000و15000، و بعد 9 سنين لما السوق وصل للمستويات دى وبعد ما السوق فقد 75% من قيمته ودخل فى ترند هابط طويل الاجل نكرمه على توقعه اللى ملهوش علاقه بما سبق وتم بناء التوقع عليه ( احترامى طبعا لعلم سامح ابو عرايس رغم اختلافى معاه ايدلوجيا وسياسيا ، لكن برغم انى قرأت له حوالى 4 او 5 مرات لكن شعرت انه واحد فاهم تحليل فنى كويس جدا ومن وجهه نظرى الشخصيه اشهد تقريبا انه الوحيد فى مصر اللى يستحق CMT )
ازاى نثق فى محلل يبذل قصارى جهده وهو مريض نفسى وعنده الايجو عالى والسوق بيخالفه فى كل مره وهو ما زال مش عايز يغير من ادواته او من رأيه لكن بيلف وبيدور عشان ما يقولش انا غلطان ، مع ان من علامات الصحه النفسيه الاعتراف بالخطأ ، وفى الاسواق الماليه مش عيب ابدا يكون عندى مرونه واغير من وجهه نظرى الغلط واتبنى سيناريو جديد
ازاى نثق فى محلل يبذل قصارى جهده وهو ضحل المعلومات الفنيه وبيجرى ورا نموذج شموع يابانيه بيبنى عليه رأيه عن السوق او سهم بمفرده ، او بيعمل فرح لما بيشوف ديفرجنس ، مع ان ابسط المعلومات الفنيه بتقول ان الشموع الفرديه محتاجه لشمعه اخرى تؤكدها والنموذج الزوجى بيحتاج لشمعه ثالثه لتاكيده وان الشموع اليابانيه حسب ستيف نيسون لا يعتمد عليها بمفردها ، والادهى انك تشوف ناس بمجرد ما يحصل ديفرجنس يقيموا الدنيا ولا يقعدوها رغم ان اى سهم او سوق عادى جدا يتعايش مع ظاهره الديفرجنس لشهور وسنوات ويكمل فى نفس الاتجاه والمثال بسيط عندنا ولسه فريش ، لو بصيت على شارت السوق المصرى هتلاحظ ان فيه ديفرجنس سلبى موجود من مستويات 13000 تقريبا وحتى قمه 18400 وكان مستمر لاكتر من عامين والسوق صعد تقريبا اكتر من 5000 نقطه وتلاقيهم بيسئلوا فى بلاهه الجاهلين الله هو ازاى السوق او السهم بيصعد 😁 عادى السوق او السهم يصعد او يهبط حسب الديفرجنس لانه ببساطه الديفرجنس لا يعنى الانعكاس الحتمى وانما هو تباطؤ فى الاتجاه نفسه سواء كان صاعد او هابط
اللى ممكن يزعلك اكتر انك تلاقى اللى بيقع فى الخطأ ده مش ناس عاديين لاء كمان ناس حاصلين على شهادات فى التحليل الفنى ، مع ان من المفترض ان فيه كتاب لمارتن برينج بيدرس عندهم الراجل شرح واستفاض فى ظاهره زى الديفرجنس الكلاسيكى او الديفرجنس الخفى وازاى الراجل بيشدد على ان الديفرجنس عشان نعتمده لازم يؤكده السعر نفسه واتكلمت شخصيا عن 4 حاجات قبل كده بيتم بيها التأكد من الديفرجنس زى خطوط الترند والمتوسطات واكتمال الانماط الانعكاسيه او الشموع الانعكاسيه واقواها خطوط الترند
وبعد كده كل الانماط المذكوره سابقا دى ببساطه عشان يبعد الغلط عن نفسه يقول السوق اكبر من اى حد ، مع ان المفترض اللى يقول كده هما الناس المجتهدين حقا واللى بيقدموا رؤيه محترمه لها سند علمى حقيقى وهم قليل
كيف يستوى المجتهد مع الجاهل او المضل او صاحب الهوى والمرض !
هل يستويان مثلا !!

تحديث EGX30

بسم الله الرحمن الرحيم
- الحقيقه الايام اللى فاتت كنت بحذر من تاكيد كسر 13683، ويمكن كان فيه البعض مندهش من اصرارى على تكرار اهميه المستوى ده
اهميه مستوى 13683 راجعه ان حركه الارتداد من قاع 13400بالنسبالى هى حركه على الارجح ثلاثيه ، وطالما ان الكوانتر ترند حركه ثلاثيه فده دليل على استمرار الترند الهابط وبناخد اول اشاره على كده من القاع اللى بيفصل الحركه الثلاثيه وفى هذه الحاله هنا كان 13683 وبالتالى مرجح عندى على هذا الاساس كسر مستوى 13400 واعتقد ان مؤشر هيرمس سبق المؤشر الثلاثينى فى كسر قاعه اللى كونه يوم 20/5/2019 عند مستوى 1293 وهو المقابل لقاع 13400 فهل يتبعه المؤشر الثلاثينى فى ذلك !! 🤔 مع ملاحظه الارتباط الايجابى بين المؤشرين على الدوام بالاضافه الى تاريخيه مؤشر هيرمس
لكن الى الان المؤشر الثلاثينى والخمسينى متساوى الاوزان لم يؤكدا اشاره مؤشر هيرمس وان حدث كسر لمستوى 13400 هيكون الترقيم مبدئيا زى ماهو موجود على الشارت وزى ما قلت قبل كده فى الحاله دى يخلص التصحيح فى منطقه 12650-13200 على الارجح
لكن هل من الممكن عدم كسر 13400؟!
هو ممكن يحصل الكلام ده ولكن نسبته ضئيله وهنضطر وقتها فى الاغلب اننا نعتبر الارتداد من قاع 13400 وحتى مستوى 14268 موجه خماسيه برغم عدم القناعه بها بنسبه 100% او اعتبار الارتداد من قاع 13400 وحتى قمه 14178 هى موجه اولى جاءت على شكل قطريه اماميه انقطعت فيها الموجه الخامسه والتصحيح الحاصل حاليا هو بمثابه موجه ثانيه لا ينبغى ان تتجاوز 13400 لاسفل وفى الحاله دى حتما ولابد اننا نشوف السعر يخترق قمه 14250، واى تحرك عرضى بين مستويات 13400-14250 لا بتعه اختراق 14250 هو ترجيح للاحتمال الاول بأن يكون الكوانتر ترند هو ثلاثى الحركه سياخذ الشكل الجانبى كنوع من اعاده التصريف ثم يتبعه كسر قاع 13400
No photo description available.

EGX30

بسم الله الرحمن الرحيم
- كنت اتكلمت فى المشاركه السابقه الخاصه باهميه الترندات وعدم كسر الترند الصاعد كان وقتها عند مستويات 13700 تقريبا لان بكسره هيكتمل نمط رأس وكتفين مكمل للاتجاه الهابط ، وحصل كسر للخط عند مستويات 13750 ، والمؤشر حاليا فى حاله بولباك على خط العنق للنمط وهيواجه مشاكل كتير فى حركه الارتداد منها مقاومه خط العنق المتغيره ومقاومه 13700 واللى تاكيد كسرها لاسفل هيتم ترجيح كسر قاع 13400 وبالتالى استمرار الاتجاه الهابط اللى فى تقديرى ممكن ينتهى فى نطاق 13200-12650 فى الحاله دى
الحقيقه ان ظهور الانماط الانعاكسيه فى نهايه الاتجاهات الهابطه برغم انها بتكمل الاتجاه لكن كمان بتكون مؤشر على قرب انتهائه وغالبا الاسعار بتمشى من 10%-20% تحت النمط المكتمل ، لكن تأكيد صحه الكسر كلفتر اضافى مش هنحصل عليها الا بكسر الدعم الهام عند 13400
- الحقيقه ان مؤشرات السوق الفنيه فى المدى القصير مش كويسه وعليها علامات ضعف
وان كان ضعف الفوليوم فى هذه المرحله الضابيبه يؤخذ كدليل ايجابى فى صالح المؤشر الا ان الحذر واجب خصوصا فى حال كسر 13400، وان كان السوق عايز يبدى علامات تحسن ويواصل صعود عليه بعد اختراق خط العنق ومقاومه 13700 انه يخترق الترند الهابط باللون الاحمر عند مستويات 14000 تقريبا متغيره هبوطا مع الزمن ثم اختراق 14250 ليغير اتجاهه الى صاعد فى المدى القصير

GOLD

بسم الله الرحمن الرحيم
- فى التحليل السابق للذهب بتاريخ 6/7/2019 برغم ترجحينا ان يكون الذهب انتهى من الموجه الاولى MINOR من C انترميديت ، الا انه كان هناك شك افصحنا عنه فى اخر المشاركه ، كان خاص بالحركه العرضيه قصيره الاجل والقصيره فى الطول مع المومننتم العالى حتى قمه 1439 بأن تكون هذه الموجه هى موجه ثالثه MINUTE ، وان الحركه العرضيه جزء من مثلث لموجه رابعه MINUTE
- اعتقد فى مشاركه اليوم اكتملت الحركه السعريه لتؤكد اكتمال المثلث وان عوده الانفجار السعرى حاليا للذهب ماهو الا موجه خامسه الاغلب انها ستكون حاده فى سلوكها السعرى وتستهدف على الاقل مستوى 1460 دولار تقريبا (THRUSTهو اندفاع حركه السعر الخارجه من المثلث وتقاس باطول اضلاع المثلث واضافتها الى نهايه اضلاع المثلث فى الاتجاه الصاعد والعكس فى الاتجاه الهابط وما بعد طول هذا الاندفاع يعنى ان الموجه ممتده)

BTC vs USD

IN THE NAME OF ALLAH THE MOST GRACIOUS THE MOST MERCIFUL
DO U REALLY THINK THAT THE NEWS MAKE PRICE ?
HAVE U BEEN WAITING FOR TRUM UNLEASHING SUDDEN ATTACK ON BITCOIN AND OTHER CRYPTOCURRENCY TO DROP BY UP 20% SINCE ANTI CRYPTO TWEET !?😲🤔
IF U THINK SO, LOOK AT THE NEXT CHART BEFORE- AFTER,.... WHAT DO U SEE?
CLEAR FIVE WAVES TOPPED AT $13743, MOVE IN THE DIRECTION OF THE MAIN TREND, THEN WHAT HAPPEND NEXT, FOLLOWED BY THREE WAVES IN A CORRECTION ( WHAT GOES UP MUST COME DOWN)
THE 5-3 MOVE TO FORM THE COMPLETE CYCLE OF EIGHT WAVES ,AND REPEATES ITSELF, SO THIS IS THE BASIC OF HOW FINANCIAL MARKETS ARE PROGRESSING
REMEMBER, AGAIN, PRICE MOVES FIRST AND THEN THE HEAD LINES FOLLOW
EVENTUALLY, I DO THINK ,THAT THE $9100 LEVEL SHOULD BE TESTED, AND MOST LIKELY MINOR WAVE 2 ENDS BETWEEN 7500-9000 AREA

الداو جونز & EGX30

بسم الله الحرمن الحريم
- بالنسبه للداو جونز اتكلمت قبل كده علن نموذج الهارمونيكفى المدى القصير الموجود على المؤشر ووقتها قلت عن امكانيه تجزئه المتاجره اولا على نموذج الشارك البيعى بما اننا قلنا ان الشارك هو جزء من بناء نموذج THE5-0 الشرائى ، وبعد 26950 تقريبا صعودا قلنا عن موذج الشارك البيعى يفشل ويتحول النموذج الى THE5-0 الشرائى وهيكون اكتمال الضلع BC لنموذج THE5-0 الشرائى عند مستويات 27500 تقريبا (اخر مقاومه فى منطقه الانعكاس) قبل التراجع الى مستويات 26100 اذا كان النموذج صحيحا واكتمل بمثاليه ثم يعاود الصعود مره اخرى ، لكن محتاجين نقيم الترند الصاعد للداو حاليا ، لان قوه الترند فى الحاله دى وباقتراض استمراره نتيجه للتحول فى سيكلوجيه الافراد (التفائل بخفض اسعار الفائده ، اقتراب حل المشاكل التجاريه ) والمومننتم العالى غالبا هيرجح فشل النموذج حتى ولو كان المؤشر دخل فى مناطق الاوفر بوت ، فليس الغوص دائما فى مناطق الاوفر بوت او حتى الميجا اوفر بوت او ظهور ديفرجنس سلبى يعنى ان يكون هناك انعكاس وشيك فهذه الظواهر عادى جدا ان يواصل السعر صعوده وهناك تشبع شرائى مفرط او ان يستمر الصعود لشهور وسنوات وهناك ديفرجنس سلبى
- بالنسبه للشارت الثانى معامل الارتباط بين الداو جونز والمؤشر المصرى سلبى وبالتالى نقدر نقول ان العلاقه بينهما حاليا عكسيه ، ولو حبينا الدقه نقدر نقول ان العلاقه بينهما بدءت تضعف من 20/6/2019 واخدت الاتجاه العكسى منذ بدايه 2/7/2019

وما زال الحديث عن اسعار الفائده وعلاقتها بالاسواق الماليه

بسم الله الرحمن الرحيم

الحقيقه لفت نظرى فى شهاده جيروم باول رئيس الفيدرالى الامريكى اثناء شهادته النصف سنويه امام اللجنه المصرفيه فى مجلس الشيوخ وردا على سؤال من السيناتور الجمهورى تيم سكوت عن احجام الشركات عن الاستثمار رغم ان الاستثمار كان قوى فى 2017 وفترات من 2018 رد باول بأن مخاطر الحروب التجاريه اللى بيقودها ترامب فى اكثر من جبهه و بالتالى ضبابيه المشهد الى جانب تباطؤ النمو فى الاقتصاديات الكبرى لهما تأثير كبير على تراجع الاستثمار عايز من سعادتك كده تتخيل لو السؤال ده اتسئل لاى واحد من اللى بيسموهم خبراء عندنا هيكون رده ايه !! ببساطه كان هيقرء من الاسكربيت اللى بيتوزع عليهم ان سعر الفائده هو السبب😁 بالمناسبه تقريبا احنا الناس الوحيده على مستوى شعوب الارض اللى بندخل سعر الفائده واثره فى مشاكل الاستثمار والتغاضى عن عمد عن باقى المنظومه الفاشله فى الاستثمار عندنا، تقدر تقولى ازاى يكون فى استثمار وعندك جيش بيحارب القطاع الخاص وبيزاحمه فى كل مجال ! تقدر تقولى هيكون فيه ازاى استثمار وانت عندك بيئه استثمار طارده له سواء روتين وفساد متفشى وتضخم مرتفع والناس كل يوم تقوم من النوم تلاقى قوانين جديده بتتسلق، والاخطر من كده ومن مجموع حديث الناس الكل بقى خايف يستثمر ويخاطر ومافيش ثقه فى بكره ، مناخ الاحباط بقى مسيطر على الكل وهو ده اللى بيتقال عليه NEGATIVE SOCIAL MOOD وعن نفسى بعتقد انه التفسير المنطقى لهبوط البورصه المصريه ، ومن خلال متابعتى للتحليل الاقتصادى الغربى ما حصلش فى مره تقريبا انى شوفت حد منهم ربط سعر الفائده بالاستثمار ، لكن الكلام كله عن اثر الفائده على مديونيه الشركات والقطاع العائلى خصوصا لما تعرف ان الشركات الامريكيه على سبيل المثال فى اخر 55 عام هى اكثر الشركات عدم وفاءا لالتزاماتها وان ارتفاع اسعار الفائده غالبا بيكون لمنع النمو المتسارع للاقتصاد وبالتالى انفلات التضخم ولكن فى الاخير سعر الفائده مربوط بقدره الشركات نفسها على تحقيق النمو واستقراره الارباح وده اللى شايفينه مع الشركات الكبيره الامريكيه من نتائج الربع الاول لو احنا بنتكلم عن خبراء من المفترض انهم بيقدموا معلومه جديده وبيعملوا تحديث لمعلوماتهم بدلا من استهلاك كلام عفى عليه الزمن وشغل بغبغنات ، والموضوع سهل مش صعب ، ولو اى واحد منهم كلف خاطره انه يراجع علاقات الاسواق بسعر الفائده واعتقد انا اكتر من مره اتكلمت واثبت بالشارتات ان مافيش علاقه خطيه بين سعر الفائده والاسواق الماليه ، وسهل ان اى واحد يراجع الحقبه من 1983-1989واللى فولكر رئيس الفيدرالى الامريكى ايام ريجان تخيلوا رفع سعر الفائده لحد كام ؟! 22% لتتجاوز نسبه الرفع نسبه ارتفاع التضخم واللى عرف بعد كده بمبدأ تايلور ورغم كده الاسواق الامريكيه كانت صاعده ، ومؤشر نيكى اليابانى على سبيل الذكر من 1989-2003 تم خفض الفائده من 6% الى 0.10% ورغم كده المؤشر فقد 80% من قيمته😁 ولسه قريب جدا من 2015-2018 بنتكلم تقريبا فى حوالى 8 مرات متتاليه رفع للفائده ورغم كده الاسواق الامريكيه بتعمل قمم تاريخيه جديده وقبلها من 2004-2006 رفع الفائده 17 مره بشكل متتالى من 1% الى تقريبا 5% وكانت الاسواق صاعده وحققت برضوا قمم تاريخيه، وفى مصر عندنا تم رفع الفائده 7% فى اقل من سنه وكانت افضل فترات البورصه ، وفى بدايه 2018 تم خفض الفائده مرتين وبعدها المؤشر هبط والبورصه فى اداء سىء من وقتها ، ورغم كل ده عندنا ناس فى غيبوبه ولسه بيقولوا ان سعر الفائده بيأثر على الاسواق الماليه ولسه ناس بتكلمنا عن قاعده اديسون من ستينات القرن الماضى😲ويظهر انهم ما زالوا عايشين حقبه الستينيات واعلام احمد سعيد *عندى كده شويه تساؤلات* - يقدر حد من الافاضل يقولنا ايه علاقه سعر الفائده بالتسعير فى ظل بيئه احتكاريه زى مصر وهل المحتكر بيهمه ارتفاع سعر الفائده او انخفاضها ! وهل بيقيم اسعاره فعليا على اسعار التكلفه ولا على حسب قدرته على فرض الاسعار اللى عايزها!! - يقدر حد منهم يقول ان الحكومه هى السبب الرئيسى فى ارتفاع اسعار الفائده فى ظل الطلب المستمر منها على السيوله ومزاحمه القطاع الخاص فى الاقتراض !! - هل حد منهم يقدر يقول ان الجيش بقى غول واطلقت يداه فى الاقتصاد المصرى يفعل به ما يشاء واصبح هو من يعطى ومن يمنع على حسب هواه ، واصبح القطاع الخاص فى كثير من الاحيان اشبه بمقاول الباطن فى ظل سيطره الجيش على معظم الانشطه الحيويه فى البلد وعندى كثير مما يقال فى هذه النقطه وبامثله عمليه ارجئها فى مره اخرى ، ويكلمونا بعد كده عن مناخ الاستثمار والاستثمار المباشر😁 ، ويخرج علينا اذنابهم فى الفضائيات والجرائد ليرددوا ما يملى عليهم ، وشخصيا اعلم 99% منهم كيف يتم وصوله الى هذه الشاشات والمناصب وكيف يتم التقاطهم فى مراحل مبكره مثل مرحله الجامعه😉😉 الكل بيستخبى ورا اسعار الفائده وبيجعلها المتهم الاول والمعوق للنمو حتى من بعض المحللين فى الغرب للتغطيه على الاسباب الرئيسيه والهيكليه فى الاقتصاديات الكبيره ومن اهم الاسباب دى على سبيل المثال عدم قدره كل القطاعات المشاركه فى النمو بنسب معتبره وان الموضوع تقريبا بيكون قاصر على قطاعين الى ثلاثه ، ايضا ضعف الطلب من المشاكل الهيكليه ، وبالمناسبه تبنى سياسه فائده صفريه وعدم اقترانها بحسن وكفاءه الاداره وهو ما يتطلبه الاقتصاد الاسلامى ايضا، قد يكون وبالا على الاقتصاد اذا لم يحفز الانفاق الاستهلاكى وبالتالى يبقى الطلب الكلى ضعيف وهو ما يعرف " بفخ السيوله" وكنت تققدر تلاحظ الموضوع ده فى اول ثلاث سنوات تقريبا بعد ازمه 2008 وفى مشاركه قادمه ان شاء الله هوضح استطلاعات رأى حسب مؤسسه جالوب تقدر تستخلص منها ان مؤشرات الاقتصاد الكلى مؤشرات خادعه وملهاش تاثير حقيقى على ارض الواقع ، وان الانبهارات اللى احنا شايفنها فى الاقتصاد الامريكى فى نظر ما لايقل عن نصف الشعب عباره عن "فنكوش" لعدم احساسهم بتطور حقيقى يمس حياته اومال لو شافوا الفنكوش بتاعنا هيقولوا ايه 😁😁

قطاع البنوك (مشاركه تعليميه)

بسم الله الرحمن الرحيم
* قطاع البنوك *
- يمكن المشاركه دى ما تعجبش ناس كتير خصوصا اللى مش غاويين تعليم تحليل فنى ، لكن شخصيا شايف انها مفيده لكل الناس بما فيهم انا
- على الشارت الاول: بعتبر السلوك السعرى فى تكوين النمط وعكسه ، فى كثير من الاحوال بيكون كاشف لاصحاب الانحيازات المسبقه امثال محللى الامنيات والدوغمائيين😉
- على الشارت عندنا نمط الرأس والكتفين المشوه (غير المتماثل او غير منتظم فى الشكل) واهم اسباب عدم انتظام الشكل هى عدم السيمتريه بين الاكتاف وامتداد احد الاكتاف زمنيا بعيدا عن رأس النمط ، وعشان نكون واضحين ، تشوه الانماط لا يلغيها وحط تحت الجمله دى الفين خط ، ودايما بستشهد بواحد من افضل من له دراسات فى المجال ده وهو بولكوسكى اللى اثبت ان التشوه فى امتداد الكتف الايسر بيكون اداء النمط افضل عن امتداد الكتف الايمن ، وان قاع الكتف الايسر فى معكوس الرأس والكتفين لما بيكون اقصر من قاع الكتف الايمن بيكون اداء النمط افضل لكن بشكل عام قال ان الانماط المنتظمه(SYMMETRICAL PATTERNS) فى المتوسط ادائها افضل بنسبه 38% عن الانماط غير المنتظمه بنسبه 34% (NON SYMMETRICAL PATTERNS)
- نفس النمط هو معكوس الرأس والكتفين المشوه المكمل للاتجاه وهنا النوع ده دايما بشير اليه ومش معروف كتير، انه نمط مكمل للاتجاه بدون ما يعكس اى ترند قبله ، فالانماط المكمله للاتجاه الصاعد مثلا عاده بيكون فيه ترند قصير الاجل كتصحيح ثانوى للترند المهيمن (الصاعد) ينتهى الى تكوين انماط ايجابيه زى معكوس الرأس والكتفين وبالتالى النمط بيكون عاكس للاتجاه الهابط قصير الاجل(بما ان طبيعه النمط اصلا عاكسه للاتجاه) لكنه مكمل للاتجاه الصاعد المهيمن(وظيفته بتتغير من عاكس للاتجاه الى مكمل للاتجاه بما ان مكان تواجده تغير من وجوده فى نهايه ترند هابط ليعكسه الى وجوده فى منتصف الترند الصاعد ليعمل على تكمله اتجاهه)، وبيكون بمثابه فتره لاعاده التجميع للانطلاق مره اخرى فى اتجاه الترند المسيطر (الترند الصاعد) ، لكن هنا هنلاحظ ان النمط مافيش ترند قبله يعكسه بل تجاوز ذروه السعر(OVERSHOOT PEAK) عند 6850 والتصحيح القصير اللى حصل بعد القمه دى كان عباره عن الكتف الايسر للنمط عشان كده بنسميه NOTHING TO REVERSE ، وان كان نمط الرأس والكتفين فى القمه محتاج للاغلاق تحت مستوى 5400 ليكتمل(استبدال الاغلاق تحت خط العنق المنحدر لاسفل وبالتالى صعوبه اغلاق السعر تحته ، بالاغلاق تحت قاع الكتف الايمن وان كان فى بعض الاحيان تترك تقديريه للمحلل نفسه) ، فإن مستوى 7175 متناقصه مع الزمن يحتاجها معكوس الرأس والكتفين ليكتمل ايضا
- الشارت الثانى : من الممكن ان نطلق على الشكل ايضا نمط المتسع فى القمه ، وشخصيا فى حضره الرأس والكتفين او معكوسه لا افضل اى نمط اخر للاستدلال به الا لو كان اضافه فى المتاجره ، وهو ما يحدث بالفعل لمتسع القمه ، فخط المنتصف للنمط الذى يقوم بدوره الداعم للسعر فى كثير من الاحيان قد يكون نقطه شراء جيده فى مثل هذه الاحوال ، كذلك قد يكون خط المنتصف للنمط وعدم تجاوز الاسعار له لاسفل دليل على فشل النمط ليكون عاكسا للاتجاه الصاعد(ترجيح الاختراق لاعلى 60%) ، ولاحظ كيف ان السعر دعم نفسه عند الاقتراب منه ، وفى التشابه مع هذا الموقف بالنسبه لاسهم اخرى هناك فرصه للدخول عند الانتهاء من جنى الارباح للسوينج الاخير فى المثلث لمن فاته الدخول عند القاعين السابقين له، وغالبا سيكون قاع السوينج الاخير اعلى من قيعان المثلث السابقه ، ولو صدق ما اتوقعه فربما نرى نقله نوعيه فى قطاع البنوك ومن ثم السوق اجمالا
- ما زلت اكرر ان المتاجره فى اسهم البنوك الربويه حرام شرعا حتى وان حاولوا اقناعك بأن الامر مختلف عليه والغريبه ان البديل موجود ، وحتى وان سلمنا جدلا بأن الامر مختلف عليه فاين ما قاله النبى صل الله عليه وسلم استفت قلبك !! واين ما قاله عن ترك المتشابه حذرا من الوقوع فى الحرام واستبراءا للدين والعرض ، وهل كثير على الله ان تترك القليل من الحرام او الذى فيه شبهه حتى وان عظم من وجهه نظرك حسبه لوجه الكريم !!
استقيموا يرحمكم الله

التجارى الدولى

بسم الله الرحمن الرحيم
- الحقيقه ان التحرك العرضى فى المدى المتوسط للتجارى الدولى بيرجح كلاسيكيا ان الشكل يكون مثلث سواء كان مثلث صاعد او متماثل مش هتفرق كتير غير فى حاجات بسيطه سواء فى نقاط الاكتمال او المتاجره اللى هى مش مجال حديثى عنها مع التجارى الدولى، فالنمطين يمتلكا نسبه ترجيح للكسر لاعلى تصل ما بين 61%-64%
وبالتالى الاغلاق اعلى 74.50 (متناقصه مع الزمن) للمثلث المتماثل او 75.25 للمثلث الصاعد بتاكد المثلثات كانماط استمراريه لمستهدف تقريبا 84 جنيه
لكن مش عايزين نغفل ان المثلثات بداخلها نمط الرأس والكتفين والحد الاسفل للمثلثات هو خط العنق للرأس والكتفين ، واعتقد ان منطقه 71-72 كسرها يعنى اكتمال الرأس والكتفين وتأكيد صحه الكسر بالاغلاق تحت قاع 69 ، لمستهدف تقريبا ما بين 63-62
- تقدر تعتبر نمط المثلث هو نمط اخر اسمه القيعان الثلاثه التصاعديه والاغلاق اعلى 77 يكتمل النمط لمستهف قد يصل الى 88 جنيه
- تقدر تركز على ارقام معينه تاخد بالك منها لو انت مش محب للتحليل الفنى
بدايه من الاغلاق اعلى 74.5-77 تقدر تقول ان السهم له مستهدفات ايجابيه وهياخد السوق معاه
منطقه 71-72اكتمال الرأس والكتفين وكسر 69 هيأكد سلبيه السهم بنسبه كبيره ومعاه السوق ، اما 66 فالخطر الاكبر فى كسرها لان ده الدعم الاساسى فى المدى المتوسط واللى شايل السهم وتقدر تقول كمان شايل السوق

EGX70&EGX100

بسم الله الرحمن الرحيم
- الحقيقه احنا مقصرين فى متابعه اداء  هذه المؤشرات ، وشخصيا لا اعفى نفسى من هذا التقصير ، برغم انى نصحت الناس قبل كده اصحاب الاسهم الصغيره والمتوسطه بمتابعه مؤشر EGX70 الاكثر تعبيرا عن اسهمهم 
- بمتابعه مؤشر EGX70 وEGX100 هتكتشف ان حركتهم متاخره عن EGX30 وبشكل كبير الحركه اصبحت فى عكس الاتجاه ، ولو لاحظت الاسهم الموجوده على الشارت للاشاره لنمط سلبى وهو الرأس والكتفين هتلاقى نفس النمط ده كان موجود على المؤشر الثلاثينى وانا فى مشاركه بتاريخ 7/10/2018 كنت ذكرت اليوتيا ان قمه 18400 لو نهايه موجه تالته INTERMEDIATE التصحيح هيخلص ما بين مستويات 12000-13500 واكدت الكلام ده بمستهدف الرأس والكتفين عند 11500-11700 مالم يكن للقمه التاريخيه عند 12000 رأى اخر (رابط المشاركه : https://pro-stockcharts.blogspot.com/2018/10/egx30.html )يعنى تقدر تقول كأنك هتشوف اللى حصل فى المؤشر الثلاثينى بيحصل مع المؤشرات دى لكن فى الاعاده مش لايف يعنى 😁 وده فى تقديرى اللى عامل حاله التابين بين اداء المؤشر الثلاثينى وباقى الاسهم الصغيره والمتوسطه
- البيتشفورك على المؤشر المئوى والقناه الهابطه على المؤشر السبعينى ما زالا يشيران الى ان للتصحيح بقيه فالاسعار تستهدف الميديان لاين على البيتشفورك اولا عند 1300 تقريبا ، وكذلك الاسعار قد تجاوزت الميديان لاين للقناه الهابطه وتستهدف حدها الاسفل عند مستويات 500-550 تقريبا ، بالرغم من ان هذه المؤشرات وصلت الى مستويات تاريخيه من التشبع البيعى وقد نرى ارتداد صاعد فى المدى القصير نتيجه لوجود ديفرجنس ايجابى على مؤشر RSI  قبل مواصله الهبوط مره اخرى ، على ان المؤشر المئوى غالبا يستهدف مستويات 1300 نقطه وربما  المؤشر السبعينى مستوى 550 نقطه قد ينتهى عنده التصحيح بنسبه  50%
* بعض الملاحظات*
- مش لازم مستهدف الرأس والكتفين يتحقق كاملا ، فغالبا المؤشر المئوى من المفترض الا يتداخل السعر مع قمه 1200 نقطه واذا حدث تداخل فلابد فى هذه الحاله ان نعيد السيناريو الموجى الذى نتبعه مع هذا المؤشر ، واذا حدث ان اكتملت مستهدفات الرأس والكتفين للمؤشرين فقد نرى المؤشر المئوى عند مستويات 1000 نقطه والمؤشر السبعينى عند مستويات 400-450 نقطه واعتقد ان هذه المستويات متوافقه مع النسب الشائعه لتصحيح الموجة الدبل زجزاج

EGX30

بسم الله الرحمن الرحيم

- ربما الكثير منا لا يدرك اهميه اداه مثل "خط الترند" تلك الاداه البسيطه التى تلخص ببساطه سيكلوجيه الاسواق ، والصراع الدائر بين القوه الشرائيه والقوه البيعيه لتكشف فى وقت ما من الذى يقود السوق ، وببساطه فان خط الترند الصاعد ( يصل بين عدد من القيعان المتزايده ،على الاقل قاعين) يعبر عن ان المشترين هم من يقودون السوق ، والعكس فى حاله خط الترند الهابط(يصل بين عدد من القمم المتناقصه، على الاقل قمتين) 

الحقيقه دور خط الترند مش بيقف عند الحد ده وبس ، لكن كمان زاويه خط الترند بتعبر عن حاله التفاؤل والتشائم فى الاسواق بعيدا عن استخدام المؤشرات التى نفيس العاطفه ، فكلما كان زاويه خط الترند حاده دل ذلك على التفاؤل فى حاله الاسواق الصاعده والعكس فى حاله كان السوق هابط ، والشارت رقم 1 عليه مجموعه من خطوط الترند للسوق المصرى تعكس سيكلوجيه السوق منذ سنوات بالاضافه الى زاويه كل ترند منهم ، وبالمقارنه تجد ان الترند رقم 5 باللون الاورانج كانت زاويته حاده جدا ولاحظ كيف كانت زاويه صعود الاسعار فى تلك الفتره ستجد ان خط الترند كان معبرا جدا عن حاله التفاؤل فى هذه المرحله ، على العكس مثلا تجد الترند رقم 1 المسطح الذى كان يعكس حاله من التحرك العرضى المائل للصعود دليل على حاله اقل من التفاؤل وربما يعكس حاله من شبه التوازن بين المشترين والبائعين ، وعلى الجانب الاخر : كان الهبوط من قمه 18400 الى قاع 12100 تجد ان الترند رقم 6 كانت زاويته حاده جدا فى الهبوط ليعبر عن حاله التشاؤم المسيطره فى تلك الفتره والتى دفعت الاسعار الى الهبوط بهذه الحده ، عكس زاويه الترند رقم 7 الذى قلت حدته نتيجه للتحسن فى للمزاج السائد للسوق وقتها وكان البولباك حتى 15300 اثر مباشر لهذا التحسن فى المعنويات

- الشارت الثانى : فى التحركات العرضيه او شبه العرضيه يميل السعر عاده لتكرار السيكل الذى يسير فيه ، فمن المعروف ان اى ترند او سوق يمر بمراحل اربعه فى بنائه حتى انعكاسه وهى مرحله التجميع- الصعود- التصريف- واخيرا الهبوط ، ولو ربطنا سيكل السعر بأحد المؤشرات التى تقيس العزم (RSI) لتاكيد هذه المراحل ، نجد ان السوق منذ انعكاسعه من قاع 12100 وحتى قمه 15300 ثم الهبوط منها حتى قاع 13400 قد مر بسكل كامل من المراحل الموضحه ، وغالبا منذ الارتداد من قاع 13400 ووصول الاسعار الى حاله التشبع البيعى، يمر المؤشر بسيكل سعرى جديد ، بدايه من مرحله التجميع وقد يكون الملل الحالى فى السوق وضعف التنفيذ احد علامات هذه المرحله

- ارجع تانى لخطوط الترند على نفس الشارت واقول ان لو رؤيتى كانت خاطئه للسوق ، فاعتقد ان الترند رقم 1 متوسط الاجل له اهميه كبيره عند تقريبا 13700 متزايده مع الوقت لان كسره هيمكن البائعين من قياده السوق مره اخرى وهيكتمل نمط سلبى هو الرأس والكتفين فى عكس اتجاهه المعتاد وفى الحاله دى هيكون نمط استمرارى للترند الهابط وغالبا الانماط دى فنيا رغم انها استمرار للترند الهابط لكن ايضا مؤشر على قرب انتهاء الترند الهابط (الاسعار تسير من 10%-20% بعد اكتمال هذه الانماط) وهنا الحديث مربوط بحاله حدوث الكسر لخط العنق وتاكيده بالاغلاق تحت قاع 13400 

لكن بصفه عامه عشان السوق يتحسن محتاجين السعر يخترق الترند الهابط رقم 3(اللون الاحمر) لمعكوس البامب اند رن عند تقريبا 14150 متزايده مع الوقت وتاكيد الاختراق هيكون بالاغلاق اعلى 14300 لتأكيد الاتجاه الصاعد فى المدى القصير وبعدها السوق فنيا ممكن يستهدف 15300 مره تانيه، وباختراقها السعر هيأكد تغير الاتجاه فى المدى المتوسط الى صاعد

EGX30 ( تحليل موجى + دورات زمنيه) الفريم لشهرى

بسم الله الرحمن الرحيم

- تحدثت اول امس عن المؤشر الثلاثينى كلاسيكيا على الصوره الكبيره ، وفى التحليل الحالى ان شاء الله نذكر الناس بالعد الموجى الرئيسى الذى نتبعه حتى الان واسباب ترجيحه وربطه بالدورات الزمنيه ، وخلينا مبدئيا نتفق على ان فيه دوره مسيطره من عام 2009 على الاسواق الماليه كلها اسمها دوره جغلر ، والدوره دى مدتها من 7 سنين الى 11 سنه ، ودوره جغلر بطبعها بتنقسم الى دورتين مده كل منها 54 شهر اسمها دوره كيتشن وطبعا دوره كيتشن بتنقسم الى 3 دورات مده كل دوره 18 شهر وبدورها تنقسم الى دورتين كل منها 9 اشهر ثم تنقسم كل دوره منها الى ثلاث دورات كل منها ثلاثه اشهر وبدورها تنقسم كل منها الى دورتين مده كل منها 45 يوم والبعض يقسمها الى دورتين مده كل منها 22.5 يوم ، و اللى يهمنا حاليا هما دوره جغلر والدوره اللى تحت منها دوره كيتشن ، والتفصيل كألاتى: السيناريو الرئيسى:- - الشارت الاول : عليه العد الموجى الاساسى المرجح عندى حتى الان ، ان المؤشر فى موجه خامسه بريمرى بادئه من منتصف 2013 وتحديدا احنا فى الموجه الخامسه انترميديت منها اللى بدءت من قاع 12076 ، فيه اكتر من سبب فنى رجح عندى السيناريو بالشكل ده اعتقد ان شرحهم هياخد مساحه كبيره من المشاركه لكن ممكن نشير اليهم بقليل من التفصيل، اول سبب خاص بالدورات الزمنيه اللى بتجمع الاسواق العالميه كلها وعلاقه الترابط الايجابيه بينا وبين الداو على سبيل المثال والتطابق فى العد الموجى بين السوقين الى حد كبير(راجع العد الموجى بدايه مل قمه الملينيوم حتى الان) مع اختلاف الفريم الزمنى الكبير بين السوقين ولكن الاشتراك بينهم حاصل طبقا لموقع كل سوق من دوره كوندراتيف العظمى ، ثانى الاسباب : فى تقديرى الخاص ان الموجه الثالثه الرئيسيه (على درجه البريميرى) انتهت عند قمه 8200 فى 2006 وان الموجه الرابعه الرئيسيه انتهت اما عند قاع الازمه العالميه فى 2009 عند قاع 3400 وكانت على شكل فلات ممتده واللى يرجح الرأى ده ما قاله بريكتر ان فشل نمط الرأس والكتفين قد ينطوى على تصحيح فلات ممتد ، والاحتمال الاخر ان الموجه الرابعه الرئيسيه تكون انتهت عند قاع 30/6/2013 وده متناسب مع نهايه دوره كيتشن الاولى اللى استغرقت 52 شهر من قاع الازمه شهر فبراير 2009 وحتى 30/6/2013 على شكل دبل ثرى w-x-y (زجزاج ومثلث) السبب الثالث لترجيح : ان الموجه الرابعه الرئيسيه اما انها تكون فلات ممتده او دبل ثرى يعنى تصحيح معقد وطبقا للجايد لاين الخاص بالتبادل بين الموجتين الرابعه والتانيه وبالرجوع لمؤشر هيرمس هنلاقى ان الموجه التانيه كان تصحيحها زجزاج يعنى تصحيح بسيط السبب الرابع فى ترجيح السيناريو الرئيسى ان الزخم الحاصل على مؤشر RSI هو ثانى اكبر زخم بعد زخم الموجه الثالثه الرئيسيه المنتهيه عام 2006 مما يرجح ان قمه 18400 هى موجه ثالثه انترميديت وليس ببعيد ان تكون الثالثه انترميديت من الثالثه بريميرى من الخامسه سيكل كما فى الشارت الثانى ، ايضا لدينا بعض الادله الفنيه ان التصحيح متوسط الاجل الحاصل من قمه 18400 وحتى قاع 12076 هو موجه رابعه منتهيه بما ان التصحيح كان بنسبه 50% من طول الموجه البادئه من قاع 5526 وحتى قمه 18400 وهى ثانى النسب شيوعا لتصحيح الموجه الرابعه بعد نسبه 38.2% ، كذلك من المعروف ان هناك جايد لاين يرقى الى القاعده فى موجات اليوت وهو ان عمق التصحيح الذى يحدث ، خصوصا لو كانت موجه رابعه ينتهى فى نطاق الموجه الرابعه الاقل درجه (الرابعه من الثالثه نطاق 11850-13550 مشار اليه بالدائره ) ، اضف الى ذلك ان ما زالت الدوره الاقتصاديه لم تنتهى بعد والامتداد الحادث لها اثر على دوره كيتشن الثانيه وجعلها تتمدد لمده عام كامل لتنتهى فى 12/2018 بدلا من 12/2017 وامتداد الدوره الاقتصاديه خاص بالاسواق الماليه كلها وليس السوق المصرى ، مع ملاحظه انه منذ بدايه 2009 هناك دوره زمنيه مسيطره تفصل بين قيعان الموجات الرئيسه مدتها ما بين 31 شهر-35 شهر ، واذا اخدنا متوسط هذه الدوره وهو 33 شهر لنضيفه الى قاع 12/2018 فربما نصل الى القاع القادم عند 9/2021 ولو اخذنا التايم ويندو لتقلب زمن الدورات المقدر بنسبه 10% فقد ينحصر القاع القادم المرجح ما بين 5/2021-1/2022 السيناريو البديل:- الشارت الثانى :- هو ترقيم بديل ربما السيناريو الاول فيه اكثر تفاؤلا حتى من السيناريو الرئيسى وموضح على الشارت نفسه التفصيل ، والسيناريو الثانى ليتحقق فلابد اولا من كسر قاع 12100 ثم وصول الاسعار على الاقل لمستويات 10000 نقطه ليحدث التداخل بين الموجه الرابعه ونهايه الموجه الاولى كاحد الادله الشائعه على صحه الموجه القطريه المنتهيه قبل الارتداد صعودا لتحقيق اخر الموجات بقمه جديده اعلى 18400 او حتى الانقطاع قبلها لينتهى الترند الصاعد الخماسى البادىء منذ عوده التداول مره اخرى للبورصه عام 1993 تقريبا ، و السيناريوهات البديله تتفق فى نتائجها النهائيه مع السيناريو الرئيسى فى ان الترند الخماسى الصاعد منذ عوده البورصه للتداول لم ينتهى بعد، وان الاسباب الموضحه سابقا فسرت لماذا لم نتبنى رأى انتهاء الترند الخماسى عند قمه 2008 ، ودائما فى التحليل الموجى نختار السيناريوهات التى تتفق مع القواعد الموجيه المتعارف عليها، وتتفق ايضا مع القواعد الارشاديه بوجه عام خصوصا من يرقى منها الى مكانه القواعد ، ثم الاتفاق مع شخصيه الموجه بقدر المستطاع ، والاهم الاتفاق مع الدورات الاقتصاديه ، واعتقد بنسبه كبيره السيناريو الموجى الرئيسى وحتى البديل يتفقا مع ما ذكرناه من اسباب الاتفاق ، ونضم هذا السيناريو الموجى مع المدرسه الكلاسيكيه فى التحليل السابق - على الاقل الاشارات الايجابيه على المؤشرات الفنيه على الصوره الكبيره- لترجيح الايجابيه للمؤشر على الاقل حتى منتصف 2020 بنسبه قد تصل الى 65%

EGX30 (THE BIG PICTURE)

بسم الله الرحمن الرحيم
- دائما وابدا لغه الارقام هى اصدق لغه ومع بعض الاضافات الفنيه البسيطه تقدر تصل  الى رؤيه  محايده مبنيه على اساس  فنى بعيدا عن تحليلات الامنيات او الايدلوجيات السياسيه او اثبات وجهات نظر وانحيازات مسبقه
- عندنا 3 شارتات لتحليل المؤشر على الصوره الكبيره واظهرت كل الانماط الايجابيه او السلبيه اللى ما زالت فى طور التكوين مع الاشارات على المؤشرات الفنيه عشان الصوره تبقى واضحه امام الجميع ، وعندنا مستويات اعتقد انها معروفه لمعظم الناس ناخد بالنا منها لان اختراقها او كسرها هيأكد صعود او هبوط المؤشر وكمان المستويات دى هتفيدنا فى المتاجره
- الشارت الاول : عندنا نمط سكالوب صاعد فى طور التكوين الاغلاق اعلى 18400 هيأكد مستهدفاته الصاعده اللى ممكن تقترب من 25000 نقطه ، وعلى النمط ده كانت مستويات 12100 مستويات جيده للشراء
ونفس النمط ده نقدر نعتبره مقلوب سكالوب صاعد هيتاكد باختراق 18400 ، وعلى نفس النمط نقدر نقول ان كسر 12100 هو خروج حتمى من السوق ، وتقدر كمان تنقل نقطه الخروج الى الاغلاق تحت 13377 بما ان اتكون ما يشبه بالعروه للنمط (خروج للمستثمر قصير الاجل)
- الشارت الثانى : سكالوب هابط يكتمل بالاغلاق تحت 12100 لمستهدف قد يصل الى 5800 (لن تحدث قبل انتهاء الدوره الاقتصاديه وليس الان)، وفى حاله الاغلاق اعلى 15300 يفشل هذا النمط ويكون له مستهدف صاعد الى 21500 تقريبا وبالتالى 12100 كسرها خروج نهائى من السوق والاغلاق اعلى 15300 يمثل نقطه دخول للمستثمر المتحفظ
- الشارت الثالث: اعتقد ان الترند رقم 2 (باللون الاحمر) هو ترند مهم ومناسب جدا للبامب اللى حصل للاسعار وبالتالى طالما ان المؤشر اعلى هذا الترند فلا خوف على المؤشر فى المدى الطويل ، لكن كسره والاغلاق تحته هيتاكد نمط البامب اند رن الانعكاسى
- بالنسبه للمؤشرات الفنيه : فالماكد حتى الان لم يعطى اشاره ايجابيه للدخول وان كان يحسب له انه ما زال يتداول اعلى خط الصفر ، وعلى الماكد هيستوجرام لدينا بعض الاشارات الايجابيه زى انخفاض القوه البيعيه وظهور الهيدن ديفرجنس الايجابى واللى دايما بأكد عليه ان اى ديفرجنس بيحتاج لتاكيد من السعر والتاكيد هنا ياتى من اختراق الترند الهابط المرقم برقم 3 ، ربما لو كان اغلاق شهر يوليو ايجابى واعلى من شهر يونيو هتتاكد الاشاره الايجابيه ، وعلى مؤشر القوه النسبيه بالرغم من فقد الاسعار للزخم من قمه 18400 ، الا ان  المؤشر ما زال فى منطقه المكاسب ويحافظ على دعمه الرئيسى اعلى خط 50 وما زال المؤشر يكون قيعان متزايدة ولا تظهر اى اشارات ديفرجنس بيعى عليه او على الماكد ، واخيرا بالنسبه للشموع فذكرت سابقا ان شمعه شهر مايو ستحسم الى حد كبير الاتجاه وقد كانت شمعه بيعيه قويه الا ان الارتداد الحاصل فى شهر يونيو كون نموذج شموع ايجابى وهو الهرامى العاكس للاتجاه الهابط وننتظر اغلاق شهر يوليو لتاكيد هذا النمط الايجابى
- الميجور ترند ما زال صاعدا ومحتفظا بقوته الى حد كبير(طالما التصحيح لم يتجاوز 50%) والتصحيح متوسط الاجل من قمه 18400 لم يغير فى طبيعته شىء فهو تصحيح ثانوى صحى لاستئناف الترند الصاعد مره اخرى ، وان كان البعض يعتبر ان الترند فى المدى المتوسط هابط فاعتقد ان التذبذب بين مستويات 12000-15000 يرجح عندى ان الترند فى المدى المتوسط عرضى ، وفى المدى القصير صاعد
- تقدر تلخص المشاركه فى 4 ارقام  وهى 12100،13377،15300،18400 ، تحت 12100 السوق غالبا الى الجحيم ، 13377 تحتها خروج للمستثمر قصير الاجل ، 15300 اعلاها دخول للمستثمر المتحفظ  ، 18400 اعلاها تكمله الميجور ترند الصاعد على كل المستويات و مستهدفات صاعده ربما لارقام لا تصدق وشخصيا اتحفظ عليها ، ولكن نربطها هنا بانتهاء الدوره الاقتصاديه ، المرجح انها تنتهى ما بين 2020-2021 ، وتاريخ 1/7/2019 هو حدث تاريخى اقتصادى هام  بما ان فتره الريكفرى للاقتصاد العالمى سجلت اطول فتره انتعاش فى التاريخ يعنى ريكورد جديد (من 30/6/2009 حتى الان)