بسم الله الرحمن الرحيم
التجارى الدولى
هنستعرض طريقه كلاسيكيه جدا وبسيطه تقدر من خلالها لو بتشتغل فى توصيات انك تختار بيها الاسهم او حتى لنفسك او لو كنت فى اختبار فى احدى الشهادات واتعرضت لسؤال ازاى تنصح العميل بتاعك باختيار سهم وعلى اى اساس فنى اخترت السهم
عندنا شارتين للتجارى الدولى وطلعت مصطفى
وهنتعلم هنا ليه اختارنا التجارى الدولى والاسباب الفنيه اللى رجحته (كمثال مش اكتر رأيى معروف فى الاسهم الربويه وانها حرام شرعا)
1- التجارى الدولى اختبر قمم جديده
2- السهم فوق متوسط 50 يوم و200 يوم وافضل فريم للمتوسطات هو المتوسط اليومى
3- متوسط 50 يوم اعلى من متوسط 200 يوم وواضح اتساع الفجوه بينهم
4- التجارى من فتره قصيره اكمل نموذج معكوس رأس وكتفين مكمل للاتجاه ومستهدفه منطقه 95-98
5- التجارى الدولى ما زال محتفظ بالاتجاه الصاعد على المدى الطويل كما هو
6- التجارى الدولى بيعمل فى قيعان تصاعديه على المدى الطويل وبرغم التصحيح الاخير ما زال يحافظ على هذا النسق
7- المتوسطين فى اتجاه صاعد
8- خط الارتباط النسبى بين التجارى الدولى والمؤشر فى اتجاه صاعد
لو شوفنا طلعت مصطفى هنلاقى فيه حاجات كتير عكس المذكور اعلاه واهمها ان المتوسطين متقاطعين من اعلى لاسفل يعنى السهم فى اتجاه هابط واكد الكلام ده الاغلاق تحت 8.55 كتغيير لاتجاه السهم لهابط فى المدى المتوسط
* على الصوره الكبيره (الشارت الشهرى)
استخدمنا استراتيجيه تأكيديه مكونه من المتوسط البسيط وخط الترند باعتبار ان المتوسط يتبع الترند وهنلاحظ فى فتره معينه هيعمل المتوسط فيها كوكيل او خادم عن خط الترند فى تاكيد الاتجاه ، وربما هنا البعض قد يشكك فى اداء التجارى بناءا على ظهور ديفرجنس على RSI والاصح ان يقال عليه FAILURE SWING لان الفيلور سوينج اشارته اقوى من الديفرجنس ولا يحتاج الى تاكيد من السعر وكان الهبوط حتى 53 هو نتيجه لهذا الفيليور سوينج وبالتالى هذا الهبوط قد انتهى اثره ، واذا افترضنا انه ديفرجنس ، فللاسف هناك الكثير ممن لهم معرفه بالتحليل الفنى ومنهم المعتمدين يقيمون الدنيا عند رؤيتهم للديفرجنس ويتناسون ان الديفرجنس فى الاتجاه القوى اشاراته غير موثوق بها وقد تؤدى الى FALSE SIGNALS وفى احسن الاحوال قد ينتهى الديفرجنس بتصحيح بسيط فى المدى القصير دون انعكاس فى الترند المسيطر، لذلك نطالبهم بتوخى الحذر واستخدام التأكيد من السعر ونذكرهم ايضا ان الديفرجنس يمر بمرحلتين اولا تباطؤ الاتجاه ( TREND IS SLOWING DOWN)ولا يعنى ذلك الانعكاس الحتمى مباشره وقد نرى الاشارات الكاذبه نتيجه لذلك وتكمله صعود السهم ثم المرحله الثانيه وهى الانعكاس (REVERSAL) وفى احيان كثيره تحتاج الى زمن لتحدث (راجع معظم الانعاكاسات التى حدثت فى المؤشر الثلاثينى نتيجه للديفرجنس وكم من الوقت استغرقت)
