- انفض مولد الانتخابات بفوز حزب المحافظين كما كان متوقع وحقق الاسترلينج هدف نموذج الهارمونيك "الخفاش البديل" عند 1.3515 وارتد هابطا بعد الوصول الى مستويات متقدمه من الافراط الشرائى الذى لم يصل اليه الاسترلينج منذ اكثر من عام ونصف
- الحقيقه كراجل مهتم بالهارمونيك والهارمونيك دى لها قصه طويله مع هيرمس وكلابها فى بدايه 2008 باعتبار انى كنت لسه مدخلها مصر جديد وعامل لها شرح هى وطرق الفيبوناتشى المخطط لها واتارى انا كنت فى عش الدبابير ومش عارف 😁 بس على اد مانا فرحان بانتشارها لكن للاسف الناس اللى ما زالت بتتعلمها كعاده المصريين عايز ياخد اللى يمشى بيه حاله ومش عايز يتعب شويه ويواصل
الهارمونيك دى يا جماعه لما تتعلمها تقول انا اتعلمت حاجه ، استراتيجيه قائمه بذاتها ولها شغل على مؤشر RSI واللى بيتقنها بيكون مسافر باميال بعيد عن الناس التانيه
من الحاجات اللى بشوفها بعد ما خلصنا خمس القرن الجديد ان لسه الناس بستخدم الهارمونيك من باب حاجه كده يتم ذكرها وخلاص وناس مصدقها نفسها فيها 😁
يا حبيبى يا بابا ان ما كنتش تستخدم الهارمونيك كاستراتيجيه فى الدخول وايقاف الخسائر والخروج وقلب المتاجره من لونج الى شورت وانا هنا مش عايز اتكلم عن الجزء الخاص بشغل RSI ونظريه BAMM عليه وبنقول نسهل على الناس وتعرف ان بقيه الحاجات على الهارمونيك ربما اسهل من المتاجرات على الكلاسيك نفسها يبقى مع احترامى تركن على جنب
- الاسبوع الماضى اشرت على الاسترلينج كاولى نقاط المتاجره الاغلاق اعلى 1.2582وهى بدايه متاجره اسمها BAMM وهى من امتع المتاجرات عندى على الهارمونيك وفكرتها مش بعيده عن فكره الدبل بوتوم وحتى اكتمال النموذج ، والحقيقه الاستراتيجيه دى استاذنا كارنى لاحظ ان حركه نموذج الخفاش السعر بيصل بسرعه اوى من النقطه B فى منتصف النموذج وحتى اكتمال نموذج الخفاش عند نسبه 88.6%XA عشان كده سمى المتاجره دى اختصارا باسم BAMM بدلا من BAT ACTION MAGNET MOVE ، الاستراتيجيه دى فى الاسترلينج حققت لنا اكتر من 900 نقطه فى شهرين وبدخول صحيح بدون توتر ، ولو حضرتك تفتكر فى 21/10/2019 بمشاركه اسمها فرص السوق لا تنتهى كان لسه الاسترلينج مرتكز على قيعانه وبيغير فى اتجاهه ومن ضمن النقاط اللى اشرنا اليها فى الدخول كان مستوى 1.2195 عارف سعادتك اهميه النقطه دى ايه !
دى كانت ملتقى لافرع كتير من التحليل الفنى زى نموذج هارمونيك THE5-0 الشرائى وكانت بدايه الموجه التالته فى اليوت يعنى مكان بيحلم بيه كل واحد فاهم اليوت وفق كده كان القاع التانى او الكتف اليمين لمعكوس راس وكتفين يعنى تقريبا 400 نقطه كمان
- حاليا بعد ما المتاجره نجحت تقدر تكتفى بهذا القدر وتتعلم الخروج ازاى على الهارمونيك او انك تقلب اللونج الى شورت ، وعندى بعد اكتمال النماذج خصوصا فى النماذج البيعيه (على شكل W) بيكون عندنا هدفين اساسين للبيع ومش لازم على فكره يتحققوا هنا الاتنين اول هدف هو 38.2% من السوينج ADاو من اقل نقطه فى النموذج الى اعلى نقطه بيتم القياس والهدف الثانى 61.8% لو كان حركه السعر كبيره اكيد الهدف هيتخطى 61.8% ووقتها نشنغل على متواليه الفيبيو بارقامها زى 78.6و88.6 و100% وهكذا
وهنا شخصيا احب انبه ان فى منطقه الانعكاس لازم تاخد بالك من الشموع المتكونه وطولها وترصد حركه المومننتم على RSI عشان ما تتفأجش بان السعر دخل فى مناطق الاوفر بوت والميجااوفر بوت وانت مش حاسس ونصيحتى لما السعر يبدء ينعكس من اعلى نقطه اعمل ما يعرف PROFIT PROTECTION ZONE تحت منطقه الانعكاس مباشره يعنى فى المثال الحالى تضع منقطه حمايه الربح تحت 1.3450 يعنى حوالى 50-60 نقطه من المكسب وم زال الاسترلينج له مستهدفات فوق وطالما الترند بادىء بخمس موجات انتظر شغل كويس ولسه قوه الترند هتفصح عن نفسها بعد مستويات 1.3285 حتى لو كانت الترييحه جامده شويه لكن قوه الترند بعد المستوى المشار اليه هتاخد الاسعار الى فوق
- الاسترلينى /ين هو المكمل للاسترلينى دولار ويعتبر هو اللى بيتمم حركه الزوج الاول والسبت الماضى كان له تحليل اعتقد ان منطقه 150-152 مستهدف قائم والترييحه الحاليه عاديه جدا لكن ما زالت الحركه له ايجابيه
