كان نموذج الهارمونيك DEEP CRAB عند حسن الظن به ووصل لمستويات 1578 ولما بتكتمل نماذج الهارمونيك بيتعبها انعكاس وبيكون لها اهداف عند نسبه 38.2% من السوينج AD (1280) والهدف الثانى عند نسبه 61.8% من السوينج AD)1100( واعتقد بدرجه كبيره ان عدم تحقيق ايا من هذه الاهداف قد تكون مقدمه لفشل النموذج او يتم انتهاك وخرق لمنطقه الانعكاس الخاصه به والمقدره بنطاق 1570-1625 واللى هيساعد على التوقع ده هو التحليل الاليوتى اللى بيقدم احتمال اول ان الريكفرى اللى حصل ده يكون بدايه ترند خماسى(موجه دافعه) والتحليل الاساسى اللى بنتبعه بيفترض ان الموجه الرابعه خلصت عند مستويات 1405 وبدئنا موجه خامسه قد تستهدف مستويات 1800 او 1900، لكن خلينا مراقبين حركه المؤشر خصوصا اذا كانت عرضيه فى النطاق 1570-1625 فده هيكون دليل كافى على امكانيه فشل نموذج الهارمونيك البيعى وبالتالى تكمله الصعود
الاحتمال الثانى من اليوت ان الريكفرى ده يكون عباره عن كاونتر ترند وتصحيح من هبوط وممكن وقتها نشوف الاسعار تتراجع تانى لمستويات 800 او اقل منها ، والحقيقه احنا امام حاله تحتمل الاحتمالين وكل احتمال له مبرارت مرصوده سواء كان الفوليوم والقناه الصاعده ووصول الاسعار الى حدها العلوى وTHROW-OVER اللى حصل(دليل على الموجه الدافعه)، او الماك دى هيستجرام والعزم المتناقص ، او الطول المتساوى بين ذراعى الموجه (دليل على الموجه التصحيحيه)
لكن سعادتك مش مطلوب منك غير انك تراقب مستوى 1405 وفى حاله الاغلاق تحته بعد كسر الحد السفلى للقناه الصاعده اعرف كده ان القمه اتأكدت والتصحيح بدء نظمى فهمى رسمى وغالبا لو احنا فى موجه دافعه هيكون التصحيح كبير نسبيا وممكن نشوف المؤشر عند 1100-1200 ، اما لو كانت الموجه تصحيحيه فعادى انك تشوف الاسعار عند مستوى 800 او حتى اقل
