بسم الله الرحمن الرحيم
- الداو جونز على الشارت الاسبوعى وعندنا اكتر من نقطه تعليميه على الشارت ممكن نستفيد منها فى تحليل وتفسير الهبوط الحاد فى الداو من وجهه نظر التحليل الفنى
- الداو يسير فى قناه صاعده طويله المدى واول نقطه تعليميه هنا هى كسر الترند باسبايك و قلت قبل كده ان كسر الاسبايك لا يعتد به فى اوقات كتيره لانه بيكون مصيده مشترين او بائعين والحاله هنا ملتبسه شويه لان فيها اكتر من شرط على صحه الكسر سواء الشرط السعرى او الفوليوم وهنلاقى هنا ان فوليوم الكسر كان ضعف فوليوم التداول فى الاسابيع الماضيه وربما ان الفوليوم المبالغ فيه خصوصا لما يكون اعلى من متوسط التداول فى فتره سابقه بيكون علامه على انه كسر كاذب كمان اغلاق السعر عند 16643 اعلى من نقطه الكسر عند 16450 بياكد نظريا انه كسر كاذب ولاحظ طبعا اننا بنتكلم عن شارت اسبوعى يعنى على الاقل للمستثمر متوسط الاجل وعلشان كده انا ما حددش مستهدف للقناه ولو كان الكسر صحيح لكان مستهدف القناه منطقه 13250 نقطه
- من اهم النقاط التعليميه الموجوده على الشارت هو الانفراج السلبى المركب وكلمه مركب هنا لاتعنى المفهوم اللى اتكلم عنه مارتن برينج لكن انا اقصد بيه انه مركب من عده انفراجات بين نقطتين او اكتر مع اختلاف الفترات الزمنيه ومارتن برينج نفسه اتكلم عن كلما كان عدد الانفراجات السلبيه كبير كلما دل ذلك على ضعف بنيه الصعود والعكس صحيح و الانفراج الموجود على الشارت بهذا الشكل وطول مدته ربما يفسر لنا من الناحيه الفنيه اسباب انفلات الاسعار لاسفل بقوه اما ازمه الصين وانخفاض اسعار البترول وما الى ذلك من مشاكل تمس الاقتصاد العالمى فهى اسباب فقط لحدوث تصحيح ميجور ترند صاعد من صيف 2009 ووجهه نظرى الشخصيه ان الداو كان يحتاج الى هذا التصحيح منذ فتره وان يصل سعريا الى حدود 13500 نقطه وحتى زمنيا اعتقد انه يحتاج الى فتره اطول
- لاحظ هنا الجزء المظلل من الشارت بداخل القناه الصاعده كان الداو مر بتصحيح متوسط الاجل فى عام 2011 استمر تقريبا 5 شهور ربما الفعل يتكرر هنا وبالتالى نقدر نتوقع حركه الداو فى قادم الايام من صعود ربما نكون على وشك الانتهاء منه ثم هبوط مره تانيه ورسم شكل استمرارى يرتكز عليه الداو فى معاوده الصعود
