الداو جونز على الشارت اليومى وقبل ما نتكلم عن الشارت رقم 2 عاوزين نرجع لمشاركه بتاريخ 30/8/2015 وكانت فيها توقع بحركه الداو بناءا على شكل الموجات واتكلمنا وقتها عن ان الداو فى طريقه للصعود ثم يهبط مره اخرى ليرتكز على قاع مزدوج وكان التصور مبنى على ما يعرف بتاريخيه الموجات وهو مبدء معروف فى التحليل بموجات اليوت وقد كانت الموجه المرقمه برقم 3 فى الشارت الاول هى الاقرب فى الشكل والزمن للتصور بتاعنا والحقيقه ان الداو جونز منذ قاع الازمه الشهير فى 2009 كان دايما بيرتكز فى التصحيح متوسط الاجل(من 3 اشهر-9 اشهر) اما على قاع مزدوج او معكوس رأس وكتفين زى ماهو واضح فى الشارت الاول
لو رجعنا للشارت رقم واحد وهو شارت اسبوعى هنلاقى الموجه الحاليه(رقم 4) ال الداو جونز موجود فيها حاليا ماشيه حسب التوقع بتاعنا وبالتالى من المفترض بعد كده ان يكون هناك هبوط لتكوين قاع ثانى ثم الانطلاق صعودا مره اخرى ولو الموضوع طول شويه هنكسر قاع 15370 وندخل فى تكوين معكوس راس وكتفين او قاع ثلاثى
الشارت رقم 2 على الفريم اليومى وعندنا نموذج وتد صاعد مكتمل مستهدفه قاع 15370 ربما اذا تحقق هذا المستهدف او مستهدف نموذج 2B SELL يبقى احنا كده وصلنا للقاع الثانى تقريبا
من الحياديه اننا نقول ان ممكن قاع 15980 وقاع 15370 يكون قاع مزدوج (ادم -حواء) مكتمل وان الهبوط الاخير هو ثروباك على النموذج او ممكن نشوف اخر قاعين على انهم نموذج هارمونيك خفاش بيعى اكتماله عند 17300 تقريبا ولو بنتكلم على نطاق اوسع ممكن يكتمل عند 17850 تقريبا وممكن كمان نشوف قمه16933 وقمه16670 على انهم قمه مزدوجه فى طور التكوين ولو حد مدايقه شرط الزمن فى تكوين القمه المزدوجه ممكن نعتبرهم نموذج NON FALUIRE SWING او ممكن نشوفهم على انهم نموذج هارمونيك "القرش الشرائى" يكتمل عند 15200 وبالتالى على الشارت اليومى فيه حاله من الضبابيه لكن بشكل عام نقطه 15980 كسرها بياكد كل النماذج السلبيه واعتلاء قمه 16933 بيأكد اننا ما زالنا فى مرحله الصعود لتكوين القمه التى نفصل بين قاعين نموذج القاع المزدوج المتوقع -حسب رؤيتنا- وقد يخطىء وقد يصيب هذا الاجتهاد لكن الاهم انه مبنى على اسس فنيه ويبقى التوفيق من عند الله
