ما بين فتره والتانيه بتصدر تحذيرات من فقاعه البتكوين والكلام ده بنسمعه من وقت ما كانت البتكوين بحوالى 5000 دولار ، والبتكوين وصل حتى الان مستويات 20000 دولار وما زال امامه صعود حتى بعد التصحيح الاخير اللى من وجهه نظرى الفنيه هيستقر عند مستويات 16000 عشان نشوف بعدها مستويات تبدء من 22000-26000 دولار وده نطاق الموجه القادمه
يا ترى البتكوين فى فقاعه ؟!
بالتأكيد هى فى فقاعه وتبعا لرسم بيانى ه مرفق هو اعلى فقاعه حصلت فى التاريخ الى الان وتجاوزت فقاعه التوليب وفقاعه شركه جنوب البحار الانجليزيه وفقاعه الدوت تك وحتى فقاعه 2008 والكساد العظيم، وللمعلوميه فان اى فقاعه لها 5 مراحل اقتصاديه ، اولها مرحله البناء وهى اللى الناس بتكتشف فيها الاصل وجداوه الاقتصاديه ، والمرحله التانيه وهى مرحله بناء الاسعار واللى بتبدء الاسعار فيها الارتفاع التدريجى مع دخول مستثمرين جدد وبدايه التسويق الاعلامى له ، ثم مرحله حمى المضاربه وفيها بتبدء الاسعار الارتفاع بشكل جنونى مع تزايد الطلب واختفاء العرض وفيها بتكثر التحذيرات من المضاربه على هذا الاصل وبتشتغل نغمه البحث عن القيمه الحقيقيه لهذا الاصل وتعتبر البتكوين حاليا فى هذه المرحله ، ثم المرحله الرابعه وهى مرحله جنى الارباح وفيها المستثمر الذكى بيبدء بالبيع خوفا على استثمارته وماحدش يعرف حاليا هل البتكوين دخل المرحله دى ولا لسه نظرا لسريه المعلومات المتعلقه باصحاب هذه الاستثمارات ، وحتى فى الاسهم ربما تكون على وشك الدخول فى هذه المرحله واخيرا مرحله البانيك والبيع العشوائى واللى بيكون فيها الانهيار سريع بقدر ما كان الارتفاع بوتيره سريعه
فى تقديرى ان فقاعه البيتكوين مختلفه عن باقى الفقاعات الماضيه على سبيل المثال فقاعه التكنولوجى فى اوخر التسعينيات اللى رافقها تقارير سلبيه ونتائج اعمال محبطه ادت الى الانهيار ، فى حين ان حائزى البتكوين حاليا ما زالوا يعتقدون ان البتكوين هو الذهب والملاذ الامن لهم من مخاطر تقلبات الاسواق الماليه، وما زالت البتكوين لم تحتل العناوين الرئيسيه فى وسائل الميديا بشكل واسع ولما يدخل العامه فى تجاره البتكوين والكلام يكتر حواليها بشكل مبالغ فيه فى اوساط العامه اعرف ان الفقاعه على وشك الانهيار ، كمان ما زال حجم السوق الخاص بها لم يتجاوز 600 مليار دولار وهو رقم ضئيل جدا بالنسبه لحجم اسواق الاسهم والعملات اللى بتصل الى تريليونات الدولارات ، شخصيا ما زلت اعتقد ان فقاعه البتكوين انهيارها مرتبط بانهيار الاقتصاد العالمى
