DOLLAR INDEX

IN THE NAME OF ALLAH THE MOST GRACIOUS THE MOST MERCIFUL
US DOLLAR HITS THE  INTIAL TARGET AT 95  AS WE EXPECATED IN CHART NO1
I DO THINK US DOLLAR NEEDS TO RETREAT SLIGHTLY TO FORM THE RIGHT SHOULDER OF INVERTED HEAD AND SHOULDERS , BREAK ABOVE THE KEY CEILING  95 CONFIRMS THE PATTERN AS A VALID ONE  AND WILL INDICATE THE PRESENCE OF BUYERS,  A SUSTAINED MOVE ABOVE 95 COULD TRRIGER CLIMBING 98 FIRSTLY BEFORE REACHING THE ULTIMATE UPSIDE TARGET NEARLY AT 101

جلوبال تليكوم

بسم الله الرحمن الرحيم
 من وجهه نظرى الشخصيه ان السهم خلص تصحيح الموجه الرابعه الكبيره على فريم PRIMARY عند مستوى 1.51 بدايه عام 2016 وبدء فى موجه خامسه على نفس الفريم مكونه من خمس موجات على الفريم الاقل وهو INTERMEDIATE
- انتهى السهم من الموجه الاولى INTERMEDIATE عند قمه 7.94 وصحح الموجه التانيه عند قاع 4.07 وهو نفس مستهدف الدبل توب اللى اتكلمنا عنه قبل كده واكتمل بالاغلاق تحت 6 جنيه وكان مستهدفه 4.10، ولو كان التحليل ده صحيح من المفترض ان السهم يدخل فى موجه ثالثه تصل بالسهم على الاقل الى 14.5 وقد تصل الى مستويات 17 او 21
- مبدئيا السهم ممكن يستهدف مستويات 5.5-6 وبالتأكيد فى المنطقه دى هيكون موجود بياع قوى واعتقد وقتها ان لازم يكون فيه اكشن معين من الناس الموجوده فى السهم زى جنى جزء من الارباح وبعدها معاوده الشراء مره اخرى ، وحتى اللى ممكن يختلف معايا فى السيناريو ده وشايف ان السهم ممكن يكون كون خمس موجات كموجه A من زجزاج وان الصعود المنتظر هيكون مؤقت مافيش مشكله ، فى كل الاحوال منطقه 5.5-6 فى الحالتين مهمه ومن وجهه نظر فنيه مرجح عندها بشكل كبير يحصل جنى ارباح وهيرجح السيناريو ده وقتها كسر مستوى 4.07
- اللى عايز يدخل فى السهم فى تريده قصيره بالاغلاق اعلى 4.57 اكتمل نمط ايجابى وهو معكوس الرأس والكتفين واكتمال النمط ده اكد الدايفرجنس الايجابى الموجود على مؤشر الماكد ، ووقف الخساره الاغلاق تحت 4.07 ومع كل صعود يفضل ترحيل مستوى وقف الخساره لاعلى (ممكن يكون تحت اقرب دعم من مستويات تراجع السهم)

البنك المركزى المصرى واسعار الفائده

بسم الله الرحمن الرحيم

فى انتظار قرار البنك المركزى المصرى يوم الخميس فى البت فى اسعار الفائده وكالعاده الكل بيخمن وبيتمنى ان المركزى يواصل خفض الفائده او على الاقل يثبتها ، لكن الناس دى ما قالتش ايه هى الحلول البديله بعد الاجراءات الاخيره بدايه من رفع اسعار تذكره المترو مرورا بارتفاع اسعار الكهرباء والمياه واخيرا اسعار المحروقات واللى هترفع نسب التضخم فى تقديرى مش اقل من 4% ، لكن الملاحظه الاهم ان التقارير الصادره عن شهر مايو الماضى بتوضح انخفاض ملحوظ فى الاستهلاك الخاص عن المعتاد فى مثل هذا الوقت من السنه بالرغم من العروض المقدمه من المنتجين مع اقتراب شهر رمضان وهو ما دفع تراجع قطاع الاغذيه للانخفاض بنسبه اثرت تأثير ملحوظ على التضخم بشكل عام ليصل الى 11.2% بعد ان كان المرجح له 13% الحقيقه ان من اخطر المشاكل اللى ممكن تواجهها اى دوله وهى بدوس على مواطنيها وتطحنهم فى غلاء الاسعار ومع ارتفاع التضخم انها تواجه تراجع الاستهلاك الخاص كنتيجه طبيعيه لارتفاع التضخم والغلاء المتواصل ويمكن كتير من الناس ما يعرفش اهميه الاستهلاك الخاص كأحد المكونات الرئيسسه فى ارتفاع معدلات النمو فى مصر وتنشيط حركه التجاره الداخليه ويكفى ان فى بيانات المركزى واخرها عام 2017 وضح فيها ان معدلات النمو كانت بترتكز فى الاساس على الطلب المحلى (استهلاك نهائى+تكوين رأسمالى) بل ان الفتره من 1975-2003 شهدت اكبر فتره لنمو الاستهلاك الخاص العائلى بشكل منتظم بمعدل 4.5% اللى هو المحرك الاساسى لنمو الطلب المحلى، بل ان لما ترجع لفترات من السبعينات وحتى 2003 نلاحظ ان مساهمه الاستهلاك الخاص العائلى بيمثل ما بين 83%-85% من الطلب المحلى اللى بترتكز عليه معدلات النمو فى مصر والطلب الخارجى (صادرات سلع وخدمات) لا تتجاوز 15%-16% طيب حضرتك هتعالج ازاى موضوع تراجع الانفاق الاستهلاكى الخاص فى ظل تواصل غلاء مرعب ربما ينذر بتكدير السلم الاجتماعى للبلد ! وهتحقق ازاى معدلات نمو وهميه بتحلم بيها وتقول انها هتتخطى 6% فى ظل تراجع ابند من اهم البنود اللى بترتكز عليها معدلات النمو ولا انت سعادتك بتلعب على جهل الناس وتحقق المعدلات دى عن طريق التضخم ! طب ما تكلمونا عن معدلات نمو حقيقيه كانت فى 2017 لا تتعدى 3.6% يا ترى فى سنه واحده قدرتك كاقتصاد اعرج ينط 2.4% عشان تحقق النسبه دى ! من وجهه نظرى الشخصيه ان البنك المركزى لازم يرفع الفائده ولو حتى بنسبه 1% لامتصاص صدمه الاسعار المتواليه فى الفتره اللى فاتت عشان يحافظ على سلوك الطبقه المتوسطه فى الميل الحدى للاستهلاك مع ارتفاع اسعار الفائده على الاقل لشهر اكتوبر القادم وبعد كده يقدر يخفض الفائده مره اخرى

الدروس المستفاده من التجربه التركيه

بسم الله الرحمن الرحيم
ربما تختلف او تتفق مع اردوغان سياسيا او اقتصاديا وانا شخصيا مختلف معاه فى بعض الاجراءات الاقتصاديه والسياسيه منذ احداث ميدان تقسيم واستخدام سياسه الميكروفون دون واقع ملموس على الارض خصوصا فى بعض القضايا التى تهم المسلمين وعلى رأسها القضيه الفلسطنيه واخرها نقل السفاره الامريكيه الى القدس
ورغم ذلك فان الرجل بعيدا عن العاطفه والاختلاف يحسب له النقله النوعيه فى الاقتصاد التركى وانعاكس ذلك على المواطن فى تركيا سواء فى ارتفاع مستوى دخله ورفاهيته او بعض القطاعات التصنيعيه التى اصبحت لها دور فى الاقتصاد التركى وبغض النظر عن حقيقه تقدم الاقتصاد التركى فى فتره اردوغان وهل هو قائم على الخصخصه وبيع القطاع العام والاقتراض ام هو مزيج من الخصخصه والانتاج الحقيقى فالمعلومات المتداوله معظمها مشتقه من فريق يعادى اردوغان والاخوان او فريق مساند له، والاهم من وجهه نظرى فى هذه التجربه هو المحافظه على المكتسبات الديمقراطيه وظهر اثرها فى افشال الانقلاب العسكرى العام قبل الماضى ، ليس ذلك فقط ولكن كون الرجل يقبل باجراء انتخابات مبكره وهو فى وضع لا يحسد عليه اقتصاديا وسياسيا وكون تركيا تعيش استقلال المؤسسات بحق واخرها ان لجنه الانتخابات العليا وافقت على ترشيح صلاح ديمرطاش وهو محبوس على ذمه قضيه ارهاب لدعمه حزب العمل الكردستانى وهو حزب قتل ربما نحو 40000 مدنى ورفض اردوغان ترشح ارهابى يحاكم على ذمه قضايا ارهابيه للرئاسه الا ان لجنه الانتخابات العليا قبلت اوراق ترشحه وطالبت تليفزيون الدوله بتخصيص وقت واستديوهات مجهزه بداخل السجن ليأخذ حقه فى الدعايه الانتخابيه مثله مثل الباقين وفى بث مباشر هاجم ديمرطاش اردوغان نفسه ودعا الشعب التركى الى عدم انتخابه مره اخرى ونفس الامر تم مع باقى المرشحين المنافسين سواء مع محرم انجه او السيده ميرال اكشنار فى الدعايه والمؤتمرات الانتخابيه
ربما الدرس المستفاد من التجربه التركيه هى الحفاظ على مكتسبات الديمقراطيه التى اكتسبها الشعب وشعر من خلالها بقيمته وقيمه صوته بعد حكم عسكرى مقيت ومهما كان الاختلاف مع الشخص نفسه الا انه يحسب له ولحزبه ذو الخلفيه الاسلاميه احترام القيم الديمقراطيه والحفاظ على المؤسسات الديمقراطيه واحترام سياده القانون
الدرس المستفاد ليس لفيلسوف البهايم المصرى فقط والانتخابات الكرتونيه اللى عملها منذ اقل من ثلاثه اشهر ووصل به الاستهزاء بشعبه ان تكون المسرحيه حتى بلا ادنى جاذبيه ، وان للديمقراطيه ثمن لا يستطيع امثاله تحمله فمن يأتى على دبابه متجاهلا اراده شعب حتى ولو كانت خاطئه فى الاختيار لن يحترم دستور او قانون او يفى حتى بادنى متطلبات الديمقراطيه بل ان النتيجه الطبيعيه هى الانزلاق من فشل الى فشل ومزيدا من سحق الشعب فداءا للدكر ، وهو درس ايضا للشعب الذى باع اراداته واختياره عشقا للحكم العسكرى الذى قام بطحنه وتكسير عظامه طوال اكثر من 65 عام ،فمن يقرء فى تاريخ الانظمه العسكريه فى مختلف الدول يعرف ان هذه الانظمه تاتى دائما للخراب والدمار وفى التاريخ كله سواء القديم او الحديث لم نسمع عن تقدم احدثه اى نظام عسكرى لبلده ومنذ فتره قصيره قرأت عن تجربه البرازيل بين الحكم العسكرى الممتد من عام 1931 وحتى 1986 والحكم المدنى على يد لولادا سيلفا وفى مره اخرى نتحدث عنها لنعرف كيف ان اجنده العسكر هى واحده فى جميع الدول منذ عهد المماليك فى مصر وحتى الان
والدرس ممتد ايضا للتيار الاسلامى وعلى رأسه الاخوان فى اداره الدول سياسيا واقتصاديا وليس الشغل الشاغل فقط المناداه بتطبيق الشريعه قبل تمهيد الارض وجعلها القضيه الرئيسيه والانجرار على اثرها الى معارك فرعيه ، وليست الامور تدار بأن يكون اشخاص شيوخ بالنهار وسياسيون باليل ، فتحقيق تعليم جيد وعدل فى الارض و توفير صحه جيده للشعوب وتوزيع عادل للثروات وتنويرعقول الشعوب هو من صميم المقاصد العليا للشريعه الاسلاميه وان المناصب لاصحاب العقول والكفاءه وليست لاصحاب الولاء والطاعه
اما المعارضه الكرتونيه وشباب الثوره المحسوبين زورا على الثوره فاعتقد انهم حتى لا يستحقوا عناء الكتابه عنهم او تضيع الوقت فى الحديث عنهم فهم اقل من ذلك بكثير

EGX30

بسم الله الرحمن الرحيم

• مؤشر EGX30 على الشارت اليومى وفى الشارت الاول  ترقيم بسيط للموجه الخامسه MINOR البادئه من قاع 11850 من الموجه الثالثه INTERMEDIATE البادئه من قاع 5526 حسب ما نعتقده وهو السيناريو الاساسى الذى نسير عليه منذ فتره 
• من وجهه نظرى الشخصيه ان الموجه الرابعه MINUTE البادئه من قمه 18414 الارجح ان تكون انتهت على شكل موجه تربيل زجزاج وما دعانى لتبنى هذا الترجيح ان الموجه الثالثه فيها غير ممتده كما يبدو من الفريمات الصغيره ان موجاتها الفرعيه يغلب عليها البناء الثلاثى ، واعتقد ان التصحيح الحاد كموجه ترببيل زجزاج يناسب ايضا الدايفرجنس الممتد زمنيا منذ اكثر من عام ويناسب كذلك امتداد الموجه الخامسه الفرعيه البادئه من قاع 14468،فمن المعروف اليوتيا ان امتداد الموجه الخامسه يتبعه تصحيح حاد  وتمتاز دائما الموجه التربيل زجزاج بسلوكها العنيف والخاطف ولا تستهلك زمنا كبيرا (راجع ايضا سلوك الموجه التربيل زجزاج من قمه 10066 وحتى قاع 5526) وغالبا ما يحدث خلط بينها وبين الموجات الدافعه نظرا للتقارب الشديد فى السلوك ، وحسب هذا الترجيح تكون الموجه الرابعه انتهت عند مستويات 15800 ويبدو لى ان المؤشر يبنى فى موجه اولى فرعيه على فريم (SUBMINUETTE) صاعده على شكل قطريه اماميه  واذا صح هذا الاعتقاد فالاغلب سيتبع الموجه القطريه الاماميه امتداد كبير فى الموجه الثالثه على نفس الفريم ، كما حدث مع الموجه الثالثه التى انتهت عند قمه 18414 ، وعموما ينفى هذا السيناريو الاغلاق تحت 15800
• السيناريو البديل ان تكون الموجه الحاليه زجزاج وبذلك يكون المؤشر انتهى من الموجه A منها وينتظر المؤشر صعود مؤقت كتصحيح للهبوط السابق يستهدف على الاقل مستويات 17000 نقطه او 17400 كتصحيح شائع عن الموجه B فى الزجزاج ثم يتبقى موجه اخرى هابطه  لابد لها من كسر قاع 15800 وقد قد تستهدف مستويات 14500 لتكتمل بذلك الموجه الرابعه
• الشارت الثانى : بالرغم من ان البعض قد يجزم ان الهبوط الحاصل من قمه 18414 هو موجه دافعه وبالتالى من الصعب ان تكون الموجه الرابعه مثلث فى هذه الحاله ، احب فقط ان اذكر الناس بهبوط الاسواق الامريكيه فى التصحيح الاخير وقد كانت اولى موجات الهبوط خماسيه بما لا يدع مجال للشك سواء من حيث امتداد الموجه الثالثه او حتى البارات الطويله كأحد خصائص الموجات الثالثه ورغم ذلك كانت هذه الموجه هى اولى موجات المثلث والمفترض ان موجاته ثلاثيه وليست خماسيه ، والارجح ان تكون الاسواق الامريكيه انتهت فعلا من تكوين المثلث وبدءت الموجه الخامسه الصاعده مالم يكن للداو رأى اخر بعدم اختراقه مستوى 25800 نقطه وكسر مستوى 23360 ، وبالتالى من المحتمل ان تكون الموجه التصحيحيه من قمه 18414 وحتى 15800 هى الضلع الاول فى مثلث ويتبقى له اربعه اصلاع ما بين صعود وهبوط وبعد اكتماله موعدنا يكون مع قمه جديده اعلى 18400
• بما انى اتكلمت عن ثلاث احتمالات فحسب رأيى الشخصى انى ارجح السيناريو الاساسى بانتهاء الموجه الرابعه عند مستويات 15800 بنسبه 50% ثم سيناريو الموجه المثلثيه بنسبه 30% واخيرا سيناريو الموجه الزجزاج والتى قد تصل مستويات تصحيحها الى نطاق 14500-15500 وربما اقل بنسبه 20% 
• من الملاحظات الهامه فى التحليل الموجى ، انه سيكون بالتاكيد فيه تضارب بين اكثر من محلل وكل حسب رؤيته للموجات ، فالموجه البادئه من قاع 12900 وحتى 15472 هى موجه صعبه وتحتمل اكثر من تحليل وهى موجتان وليست موجه واحده حسب رأينا وهو ما يعنى ان الموجه الثالثه  الكبيره INTERMEDIATE(البادئه من قاع 5526) ما زالت لها موجه اخرى صاعده وبالتالى حسب هذا الترجيح لا يمكن ابدا ان تصل الموجه التصحيحيه البادئه من قمه 18414 الى مستويات 13500 او اقل ، ولكن من يفترض ان المؤشر سيصل الى الى هذه الارقام فربما افترض انتهاء الموجه الثالثه INTERMEDIATE وبالتالى التصحيح الشائع فى هذه الحاله يصل الى نطاق الموجه الرابعه  منها (منطقه 12000-13500) وده كان احتمال وارد- وما زال قائم- فى ظل الترجيح وقتها ان الداو هيواصل هبوطه ويكسر مستوى 20000 نقطه
• من الملاحظات الهامه على الشارت الاول بعيد عن التحليل الموجى ، ان هناك دايفرجنس خفى ايجابى (HIDDEN BULLISH DIVERGENCE OR POSITIVE REVERSAL) (مؤشرات الزخم تحقق قيعان اقلLOWER LOWS فى حين ان السعر يحقق قيعان اعلى  HIGHER  LOWS) ومن ملاحظات سابقه ان المؤشر صعد بقوه بعد ظهور هذا الدايفرجنس وقد اكد السعر الدايفرجنس الخفى الايجابى  باختراق القناه الهابطه (يفضل استخدام المتوسطات او خطوط الترند او اكتمال النماذج لتأكيد اى دايفرجنس ، واعيد واكرر ان الدايفرجنس لابد له من تاكيد من السعر نفسه) ، واثر هذا الدايفرجنس موجود طالما ان المؤشر اعلى مستوى 14468 

DOW JONES

IN THE NAME OF ALLAH THE MOST GRACIOUS THE MOST MERCIFUL
DOW JONES , DAILY CHART, WE HAVE TWO SCENRIOS
PRIMARY COUNT: DOW JONES COMPLETED THE MINOR FOURTH WAVE AS A TRIANGLE AT LOW OF 23530, AND THE FIFTH WAVE HAS COMMENCED, I THINK THE FIRST WAVE OF THE FIFTH WAVE  WILL BE LEADING DIAGONAL WICH INCREASES THE POWER OF THE FIFTH WAVE  THAT EXTENDED MORE THAN EXPECTED, I DONT RULE OUT IN THIS CASE  DOW MAY HITS 30000
ALTERNATE COUNT: I STILL BELIEVE IN A LARGE PROPORTION THAT THE FALLING FROM THE EXTREEM HIGH TO LOW OF 23360 HAS WORKED AN IMPLUSIVE DECLINE IT HAS A CHARACTERISTICS OF IMPULSIVE WAVES LIKE EXTENSION IN THE THIRD  WAVE , AND ITS TALL BARS , SO  I PUT A POSSIBILITY -EVEN IF IT IS WEAK- THAT THE FIRST DECLINE IS WAVE (A) AND NOW DOW JONES IS WORKING WAVE (B) AS A TRIANGLE, THEN ONE MORE BIG SELL OFF TO COMPLETE THE MINOR FOURTH WAVE
EVENTUALLY, BREAK ABOVE 25800 NEGATE THIS SCENRIO

كل عام وكل المسلمون بخير بمناسبه عيد الفطر المبارك

بسم الله الرحمن الرحيم
كل عام وكل المسلمون فى مشارق الارض ومغاربها بخير وعافيه وسلامه وامن وزياده فى الدين
تقبل الله طاعتكم

EGX30

بسم الله الرحمن الرحيم

• تنويه : بالنسبه للناس اللى عايزه تلتمس ليله القدر ان شاء الله ربنا يجزيهم اجرها وانا معهم ، يا ريت ما يكونش التركيز بس على الليالى الوتريه، لان الاقوال كتير على ما اعرف ان الاقوال فى ليله القدر تقريبا 40 قولا وهل هى ليله واحده او اكثر من ليله ولو كانت فى الليالى الوتريه فمن يدريك ان هلال الشهر فى بلدك صحيح فربما الليله الوتريه عندك صحيحها هى ليله زوجيه فى بلد اخر وهل الليله الوتريه كما قال بعض العلماء محسوبه من بدايه العشر الاواخر او كان المقصود بها الليله الوتريه من اخر الشهر وربما ان نهايه الشهر غير معلومه على وجه الدقه فقد تكون الليله الوتريه هى ليله زوجيه وانت لا تدرى ، وخلاصه القول ان العمل فى جميع الليالى على قدم المساواه هو المطلوب فيا ريت حضراتكم تهتموا بباقى الليالى على حد سواء ومش كتير شويه تعب عشان خاطر ربنا لمده عشر ايام ومن يدرى ربما بعمل هذه الايام ترتاح باقى العمر وقد تكون ثمره التعب ده ما لاعين رأت ولا اذن سمعت ولا خطر على قلب بشر ، تقبل الله منا ومنكم صالح الاعمال ان شاء الله 
  -الحقيقه انا مندهش من اى حد ممكن يكون مستغرب اللى بيحصل للمؤشر EGX30 ، ربما الناس العاديه وده امر من الناحيه السيكلوجيه معروف ، بيحصل انها بتصل الى مرحله تسمى النشوه يعنى بتصل لقناعه ان الصعود هيستمر الى ما شاء الله ، ومع اى تصحيح عنيف بيحصل لهم نوع من الصدمه وبالتالى الاحساس بيكون فيه مبالغه منهم على اى تصحيح للمؤشر ، ولكن فى اعتقادى لو وضعنا الامور فى نصابها الصحيح وشوفنا على الشارت الاسبوعى (شارت رقم 2) العزم اللى اكتسبه المؤشر بدايه من شهر فبراير الماضى وزاويته الحاده ومع بدايه التصحيح هتحس ان شكل الثمانيه بالعربى اللى انت شايفه ده هو تطبيق عملى لقانون نيوتن الثالث "لكل فعل رد فعل مساو له فى المقدار ومضاد له فى الاتجاه" وكلاسيكا الشكل ده بنسميه V TOP وخطوره النموذج ده فى حاجتين اولهما ان السعر فى غالب الاحيان بينزل معظم ان لم يكن كل المسافه اللى صعدها وبنفس السرعه اللى تم بها الصعود ، وتانى حاجه ان الشكل ده ممكن يتطور الى شكل رأس وكتفين وغالبا بيحصل ده لما الترند بيضعف جدا وتبتدى الانماط السلبيه تسلم بعضها
  - من الملاحظات اللى انا شخصيا اتكلمت عنها فى مشاركه بتاريخ 5/11/2017 وفى الفقره المظلله (شارت رقم 1) زى ماهو واضح اتكلمت عن خطوره الضعف الواضع فى الصعود وان الدايفرجنس الموجود ممكن يستمر زمنيا لشهور وربما لسنوات ولكن رد الفعل هيكون عنيف للاسواق العالميه خلال النصف الاول من عام 2018 ، شخصيا شايف ان اللى بيحصل للمؤشر ده طبيعى جدا بعد دخوله مناطق MEGA OVERBOUGHT وبعد ظهور الدايفرجنس السلبى اللى تم تاكيده من السعر باكتمال نمط الرأس والكتفين وكان مستهدفه عند 16650، وزى ما هنشوف اليوتيا ان احد الاحتمالات القائمه ان ترند الموجه الثالثه خلص واعتقد هيكون عادى جدا ان المؤشر ممكن يزور 13500 وقتها الا فى حاله ان تكون موجه التصحيح (الموجه الرابعه )مثلثيه وفى هذه الحاله قد تنتهى فى نطاق 14500-15500(شارت رقم 3)
  - اليوتيا ، وبعد انتها الموجه المثلثيه فى الاسواق الامريكيه بتاريخ 4/5/2018 واصبح هناك صعود قادم بنسبه كبيره وتحقيق قمه جديده للاسواق الامريكيه -كما حدث مع مؤشر الناسداك- كموجه خامسه من الترند الممتد منذ عام 2016 ، ومع اختلاف المؤشر للبورصه المصريه فى انحراف قمته عن قمه الداو ، اصبح الامر محير الى حد ما، والحيره هنا هل المؤشر المصرى كون قمه الموجه الثالثه INTERMEDIATE(احتمال مرجح) وبالتالى حاليا يصحح فى الموجه الرابعه وفى هذه الحاله من الوارد ان يصل تصحيح هذه الموجه الى مناطق 13500 الا اذا كانت هذه الموجه مثلثيه كما ذكرنا ووقتها قد يكون التصحيح عند مناطق 14500-15500 او حتى قبل ذلك (شارت رقم 3) ، ثم يرتد بعدها لتكوين قمه جديده وهنا المرجح ان تمتد حاله الاختلاف بين المؤشرين ، والاحتمال الاخر ان يكون التصحيح انتهى هنا عند مستويات 15800 او حتى اذا امتد فغالبا سيصل الى 15500 (شارت رقم 4) وننتظر موجه صاعده خامسه لتحقيق قمه جديده وبذلك تنتهى الموجه الثالثه INTERMEDIATE(احتمال اضعف من السابق) ، هذا الاحتمال ينفيه كسر مستوى 14468 
  -الحقيقه ان الموجه البادئه من مستويات 14468 وحتى 18400 يمكن عدها على انها موجه خماسيه وفى هذه الحاله سنكون فى بدايه تصحيح وليس نهايته (شارت رقم3)، وايضا يمكن عدها على انها موجه ثلاثيه (شارت رقم 4) بتغيير بسيط فى الترقيم وفى هذه الحاله يكون التصحيح الاخير على شكل فلاته ممتده وهو الاحتمال الوحيد تقريبا فى هذه الحاله على انتهاء التصحيح فى المستويات الحاليه او ربما يمتد الى مستويات 15500 كما هو واضح وننتظر وقتها صعود لعمل قمه جديده وتنتهى بذلك الموجه الثالثه INTERMEDIATE
  - عموما المستثمر فى المدى القصير كان يجب عليه الخروج عند مستويات 17400 زى ما قلنا قبل كده وكل حسب استراتيجيته ان كان الخروج الكامل او بجزء من المحفظه ، اما المستثمر متوسط الاجل فما زال فى امان طالما كان المؤشر اعلى 14500

نبذه سريعه عن EGX30

بسم الله الرحمن الرحيم
غالبا هنشوف ارتداده للسوق وجلسه الغد بإذن الله هتاكد الترجيح ده او تنفيه خصوصا ان الشمعه الموجوده بتقول ان فيه قوه شرائيه دخلت اخر الجلسه ، لكن شخصيا كنت اكون مطمن اكتر لو الاغلاق بتاع الشمعه كان اعلى منتصف الشمعه او بالقرب من الهاى
ترجيحى ان الارتداده دى مؤقته لمستويات 16400-16500 وهينفى الاحتمال ده ان المؤشر مبدئيا يغلق اعلى 16700 ووقتها ممكن نشوف مستهدف للمؤشر عند 17000 على الاقل، وفى الحاله دى ان شاء الله نتكلم بصوره اوضح واشمل
لا تنسوا التماس ليله القدر فى العشر الاواخر وصلاه التهجد والليله هى اولى الليالى ، رزقنا الله واياكم ثوابها ولا تنسوا اخوانكم المسلمين فى الدعاء لهم فى هذه الايام الطيبه المباركه خصوصا اخوانا فى فلسطين بان ينصرهم الله على الصهاينه الملاعين ويحفظ القدس والمسجد الاقصى للمسلمين

جلوبال تليكوم (حاله تعليميه )

بسم الله الرحمن الرحيم
الحقيقه ان فروع التحليل الفنى من وجهه نظرى تتكامل ولا تتنافر الا فيما ندر ، والسهم هنا بشوفه كحاله تعليميه لبعض الامور البسيطه لاى متداول عنده القليل من معلومات النحليل الفنى
- لو نظرنا الى السوينج المرقم برقم 4 (اللون الاحمر ) والمظلل هنلاقى ان حركته حركه ثلاثيه تقدر تكتشف الحركه الثلاثيه دى بالعين المجرده او من متوسط 5ايام والحركه للسوينج ده واضح انها ثلاثيه (صعود ثم هبوط بسيط ثم صعود اخر) وبالتالى الترند هنا لا يمكن يكمل صعود ابدا بحركه ثلاثيه يعنى لو حضرتك قررت انك تدخل عند 4.50 اعمل حسابك ان دى متاجره مؤقته ممكن تأمن نفسك وقتها بجنى ارباحك عند نسبه 38.2% من السوينج الهابط ، وبالتالى قيس نفس الحاله على اى حاله اخرى لو دخلت وشوفت الحركه اللى فى عكس الاتجاه المسيطر ثلاثيه اعرف ان لسه فيه هبوط تانى وان السوينج اللى انت بتاجر عليه هو تصحيح مؤقت للهبوط ، يمكن الناس هنا تفتكر انها لازم تكون ضليعه فى اليوت ، لكن اللى بيتقال ده بدائيات فى اليوت يعنى مش محتاجه حد محترف فيها ، ولاحظ ان الهبوط بعد الحركه الثلاثيه دى ممكن ما يكونش هبوط مباشر وتحقيق قاع جديد لكن ممكن الهبوط ياخد شكل سوينجات صعود وهبوط وتلاقى السعر يتحرك بشكل عرضى (مرحله التصريف قبل الوصول الى ذروه البيع ) وبعدها هبوط اخير مباشره
- من وجهه نظر تحليل الفوليوم ليه اللى ماسك السوق بيلجأ لاختبار القاع اللى ارتد منه؟!
ببساطه الناس دى بما انها مطلعه على اوامر البيع والشراء بتكون عارفه مناطق اللى فيها كثافه بيع او شراء وبالتالى المقاومات دى بتمثل مشكله فى الصعود لصانع السوق او السهم (الناس المتعلقه عند قمه السوينج رقم 4) فبيضطر يهز السهم او السوق بعمليه التست دى على القاع اللى ارتد منه وفى بعض الاوقات يكسره كسر وهمى عشان يخرج الناس الباقيه فى السهم وعندها امل ان السعر يرتد للاسعار اللى اشترت عندها ودى عقبه هتقابله اثناء الصعود وهتستنزف منه وقت وفلوس لامتصاص البيع بتاعهم فييلجأ للتست ده ، ومن خلال الفوليوم بيقدر يحدد ان كان لسه فيه بيع قوى ولا القوه البيعيه ضعفت (التست بفوليوم ضعيف يعنى نجاح صانع السهم او االسوق فيما يصبو اليه وبالتالى الصعود باريحيه) ، عشان كده شكل الدبل بوتوم من افضل الاشكال المعبره عن شرح الحاله اللى بقولها دى ، وحتى اليوتيا الدبل بوتوم فى بعض الاحيان بيعبر عن موجه خامسه منقطعه وبالتالى انتهاء ترند هابط اذا كان موجه C او بدايه انتهاء الجزء الاول من ترند هابط (موجه A) وفى كلا الحالتين هيتبعه صعود بس الفرق بينهما ان كان صعود مؤقت او صعود مستمر لتحقيق هاى جديد ، واعتقد ان كلا الفرعين وصلنا لنفس النتيجه ، خصوصا وان اخر شمعه فى السوينج رقم 4 كان الفوليوم بتاعها مرتفع على غير العاده والاسبريد بتاعها واسع، وبالرغم ان الشمعه ممكن ينخدع فيها ناس كتيربانها شمعه شرائيه لكن اللى يعرف تحليل الفوليوم يدرك ان بداخل الفوليوم ده فوليوم بيعى كبير ، (لازم تاخد بالك فى الصعود من ارتفاع الفوليوم المفاجى على غير العاده حتى لو الشمعه كانت خضراء ) وفى حاله الهبوط مباشره وتحقيق قاع جديد ده مؤشر على ان الصعود المؤقت كان لا يدعمه المتحكم فى السهم او السوق وانما هو صعود افراد ، وان المتحكم فى السهم او السوق له مصلحه شخصيه فى تكمله الهبوط وبالتالى دخل بائع بثقله (البيع المتمثل فى اخر شمعه من السوينج)

EGX70

بسم الله الحرمن الرحيم
- الحقيقه ان الشارت رقم 1 كان تحليل موجى شامل من بدايه المؤشر وحتى شهر مارس الماضى واعتقد ان السيناريو ما زال سارى حتى الان
- ولو السيناريو صحيح زى ما بنرجح يبقى المفترض ان المؤشر هيزور المنطقه بداخل الدائره الحمرا عند منطقه 750-825 نقطه ، ربما ان مستهدف الرأس والكتفين والقناه السعريه بيرجحوا منطقه 775-800 نقطه كانتهاء التصحيح
- اليوتيا ممكن التصحيح يمتد زمنيا لاكتر من 3 شهور على الاقل ، ولو التصحيح عرضى للموجه الرابعه INTERMEDIATE وهو ده المرجح ، يبقى ممكن الزمن يطول اكتر من كده خصوصا لو كانت الموجه دى مثلثيه ممكن نشوف الزمن يمتد لقرب انتهاء الربع الثالث ، لكن سعريا الارجح ان الموجه تنتهى فى الحدود اللى قلنا عليها الا لو ما حصلش تبادل بين التصحيح الحاد والجانبى للموجه التانيه (تصحيح حاد) والرابعه ، ووقتها ممكن نشوف تصحيح سعرى كبير قد يصل بالمؤشر الى مستويات 550-600 نقطه

اعاده التقييم والقيمه الدفتريه لشركه العربيه لحليج الاقطان

بسم الله الرحمن الرحيم
ما زال الحديث عن السهم ده هو الاوسع انتشارا بين المتداولين لدرجه انى حسيت ان مصر كلها معاها السهم ده 😁
ان كنا بنتكلم عن عمليه اعاده التقييم للاصول فجزء من من اللغط القائم هو ان عمليه التقييم ماهى الازياده او نقص القيمه الدفتريه للاصل(تكلفه الاصل حتى يصبح جاهز للتشغيل مطروح منها مجمع الاهلاك ومجمع اى خسائر فى منافع الاصل---> نقص القيمه الاستراديه عن القيمه الدفتريه )
- الحقيقه ان اعاده تقييم الاصول بالزياده ما زال محل جدل كبير حتى على المستوى الدولى فرغم السماح به دوليا الا انه غير ملزم وعلى سبيل المثال فى امريكا حتى 2014 على ما اذكر كانت لا تسمح باعاده التقييم بالزياده لكنها تسمح باعاده التقييم بالنقصان وبالتالى قياس الاصول الثابته كان بيتم بمبدء التكلفه التاريخيه وفى مصر اذا لم تخنى الذاكره معيار رقم 10 بيسمح باعاده التقيم بالزياده او النقص كمدخل بديل لتكلفه التاريخيه
-من الالفاظ الى بتعمل لغط فى فهمها "القيمه العادله" فالقيمه العادله محاسبيا وده مدخل خاص فى تحليل طرق اعاده تقييم الاصول بيسمى المحاسبه على القيمه العادله لاغراض اعاده تقييم الاصول Accounting on the fair value for the purposes of reevaluation of assets ومفهوم القيمه العادله هنا بيعنى واحده من ثلاث
1- القيمه المبدئيه اللى تم الاعتراف بها ( التكلفه التاريخيه)
2- ما يساويه الاصل من وحدات نقديه فى سوق كفء وتحت شروط عاديه (غير ظروف التصفيه او الافلاس)
3- قيمه التدفقات النقديه المستقبليه للاصل مخصومه باسعار فائده لاصول اخرى مماثله
وبالتالى اعاده التقييم زى ما قال المعيار 16 الدولى المعدل عام 1992بأن تقييم الاصول بتم باحد منهجين : اولا: اما باستخدام التكلفه التاريخيه وهو معيار موضوعى بما انه تم على تكلفه حقيقيه مش تقديريه وبيانات فعليه يسهل قياسها لكنه بيظلم قيمه الاصل الحقيقيه وبيلغى دور التضخم واثره سواء على الاصول الثابته او مجمع الاهلاك للاصل نفسه واظهاره باقل من قيمته الحقيقه وبالتالى التأثير على زياده الربح التشغيلى لاى شركه ،وكمان هيبقى فيه بخس شديد لقيمه اصول الشركه لو بتقدم على قروض ماليه طويله الاجل
ثانيا: اعاده التقييم وفيها بيتم السماح بتسجيل الاصل على اساس قيمه اعاده التقييم اللى بتعكس القيمه العادله للاصل مطروح منها مجمع الاهلاك اللاحق لتاريخ التقييم واى خسائرلاحقه فى قيمه منافع الاصل
- اللغط القائم ايضا ان الناس مش اخده بالها ان الاصل اللى بنتكلم عنه هو "الاراضى" والسؤال هنا هو الارض لها عمر انتاجى؟ بالتاكيد لاء وبالتالى ملهاش اهلاك الا فى حاله استثنائيه بس لما تكون بحق انتفاع ، وبالتالى طالما الشركه قررت الاحتفاظ بالاراضى مش هتفرق التقييم بالقيمه الدفتريه ولا باى نموذج تانى من الاربع او الخمس نماذج المعروفه فى تقييم الاصول (التكلفه التاريخيه، التكلفه التاريخيه المعدله، التكلفه الاستبدليه ، القمه السوقيه العادله ، القيمه الاقتصاديه) لان الارباح الناتجه فى الحاله دى تقريبا هى ارباح وهميه طالما الشركه قررت الاحتفاظ بالاراضى ،ولازم ناخد بالنا من حاجه مهمه وهى استقرار النظام المحاسبى للشركه والمتبع فى اعداد القوائم الماليه وتقريبا من واقع خبره سابقه فى المراجعه على بعض الشركات ان معظمها ان لم يكن كلها تقريبا بتعتمد على القياس بالتكلفه التاريخيه خصوصا مع الاصول الثابته وربما بتتبع منهج القيمه العادله مع اصولها الماليه ، والشركات بتفضل تسجيل اصولها بصافى تكلفتها وبتعالج الارباح او الخسائر الرأسماليه عند بيع الاصل بعد كده فى حساب الارباح والخسائر ودايما اللى بيبقى مسيطر على فكر الادراه وقتها عمليا مش عاوزين وجع دماغ ولو كلمك محاسبيا بيقولك انا اميل لتطبيق مبدء الحيطه والحذر المبدء المشهور فى المحاسبه وفى الاخر طالما ان اى دوله مش بتلزم شركاتها بنص قانونى قاطع فما تقدرش تلوم اى شركه فى الاختيار ، رغم ان اعاده تقييم الاصول التشغيليه زى المبانى والمعدات والالات عليها علامات استفهام فى الفكر المحاسبى وربما لا تعطى صوره حقيقيه عن المركز المالى للشركه ، وكل نموذج مستخدم فى التقييم له ماله وعليه ما عليه ، لكن الهدف من اعاده التقييم الدورى هو ان تكون القيمه الدفتريه قريبه الى حد ما من القيمه الحقيقيه للاصل
- فى حاله العربيه حليج الشركه القاسمه والمقسومه مقيمه بالقيمه الدفتريه وليس القيمه السوقيه العادله والقيمه الدفتريه للعربيه حليج مليار و350مليون جنيه وده تقييم الهيئه العامه للاستثمار ،ورأسمالها المصدر حوالى مليار و191مليون وفيه حوالى 158 مليون اترحلوا لاحتياطى الشركه ، ونفس الكلام مع الشركه الجديده ان قيمتها الدفتريه حسب تقييم الهيئه العامه للاستثمار 136 مليون و600 الف تقرييا ورأسمالها المصدر 132مليون و400الف والفرق حوالى 4 مليون و200 الف اترحلوا لاحتياطى الشركه وعشان ماحدش يلتبس عليه الامر الفروق دى(158 مليون او 4 مليون و200 الف) مش فوائض اعاده تقييم لان فوائض اعاده التقييم بتترحل لحسابات حقوق المليكه مبدئيا الا اذا كان فيه حسابات خاصه بعمليات تقييم سابقه وقتها بتتعالج اما كايراد او مصروف فى حدود المخصص السابق ، وبعد كده عند الانتهاء من بيع الاصل او الاستغناء عنه بتترحل الفوائض دى الى حساب الارباح المحتجزه ونخلى بالنا ان القيمه السوقيه لمحفظه الاراضى للعربيه حليج والبالغه حوالى 600 الف متر اكتر بكتير من 136 مليون جنيه ، ويكفى ان الشركه دى باعت 22 قطعه ارض فى زفتى فى 2010 بمبلغ 85 مليون جنيه وكان اقل سعر للمتر وقتها 3000 جنيه واعلى سعر 15000 ، يعنى لو اخدنا متوسط لاسعار الاراضى دى وهى موزعه على 12 محافظه وبحسبه بسيطه ان متوسط السعر 4000 ومش هناخد فى الاعتبار فرق التضخم ولا انخفاض سعر العمله يعنى تقريبا بنتكلم فى مبلع يقترب من 3 مليار جنيه وده الحد الادنى تقريبا للقيمه السوقيه لاراضى الشركه