- كنت اتكلمت قبل كده ان فيه POSITIVE CORRELATION بين المؤشر البورصه المصريه وبين زوج GBP/USD ، والحقيقه ان العلاقه دى اوضح مع مؤشر الفوتسى عن الكيبل ، او حتى الداو جونز
- الترقيم السريع لموجه الفوتسى منذ قاع CREDIT CRISIS 2009 هو نفس الترقيم البديل الذى نتبناه فى تحليل مؤشر البورصه المصريه ، ان الموجه الخامسه PRIMARY للمؤشر البادئه من قاع 5526 هى قطريه خلفيه متسعه اخشى انها تكون انتهت عند 18400، ولكن اعطينا مساحه من المرونه باعتبار ان قمه 18400 فى الترقيم البديل يكون موجه ثالثه INTERMEDIATE وبالتالى الهبوط من قمه 18400 الى 12000 غالبا هيكون الموجه الرابعه INTERMEDIATE ويتبقى موجه خامسه صاعده مرجح تعمل قمه جديده اذا كانت 2019 ليست نهايه الدوره الاقتصاديه لجوغلر المرجح انتهائها الربع الاول 2019 اما بعد هذا الوقت فتعتبر اطول فتره انتعاش اقتصادى على الاطلاق ، متجاوزه فتره 1991-2001 (نحن الان اطول ثانى فتره انتعاش اقتصادى بعد فتره 1991-2001)
- الشارت الثانى : من وجهه نظرى الشخصيه ان الضعف فى الترند البادىء من قاع 12635 وحتى الان واللى اشرت اليه فى تحليل سابق صعب انه يكون ترند دافع اليوتيا فعزم الموجه الثالثه المشار اليه على مؤشر الماكد لا يليق ابدا بعزم موجه ثالثه دافعه معروف عنها عزمها القوى واللى دايما لازم بعده يحصل دايفرجنس سلبى ديناميكيا ، وكمان مع عدم امتداد الموجه الثالثه (البادئه من قاع 12635 وحتى قمه 13622) كقاعده اليوتيه فى الحاله دى ، اننا نكون امام احتمال من اتنين ، اما انها تكون موجه تصحيحيه او موجه قطريه ، ترجيحى ان الموجه الحاليه ممكن تكون بدايه ترند جديد على شكل قطريه اماميه ووقتها هيكون شىء ايجابى للمؤشر لانه فى كتير من الاحيان بعد القطريه الاماميه الموجه الثالثه بتكون ممتده اكتر من امتدادها المتعارف عنه ، وبالتالى الوتد الصاعد المرسوم محتاج هبوط على الاقل الى مستويات 13200 كموجه رابعه من الوتد (من المفترض فى الحاله دى - لو السيناريو صحيح- ان الهبوط لا يتجاوز 600 نقطه يعنى نهايته تكون اعلى من 13000 تقريبا) بديل الترقيم للوتد الحالى ان الحركه من قاع 12076 الى 13622 هى ABC كموجه اولى من الوتد(كما فى السيناريو البديل على الشارت الثانى) او انتهاء موجه تصحيحيه كموجه زجزاج 5/3/5 (ربما الموجه الهابطه من مستويات 14000 وحتى قاع 12076 تبدو للوهله الاولى انها ثلاثيه لكنها على الفريمات الصغيره هى موجه خماسيه والموجه الخامسه فيها هى الممتده ) وحسب ترقيمى كموجه تربل زجزاج من قمه 18400 وحتى قاع 12076على الارجح انها انتهت ، اما ان كانت قمه 18400 هى القمه التاريخيه وبالتالى الهبوط الحالى هبوط دافع وده من السيناريوهات المطروحه عندى ويبقى وقتها لسه امامنا هبوط ، والحقيقه ان الداو بعد اختراقه لمستوى 24828 شخصيا تفائلت ان الموجه بدل ما كانت دافعه هابطه اصبحت ABC وبالتالى تفتح امام الاسواق فرصه ان التصحيح يكون اما مثلث وبعده صعود مرجح قوى او فلاته تاخد الشكل العرضى نصل الى قرب قمه 27000 ثم هبوط ومن بعده قمه فوق 27000 فى الداو ، لكن بنظره سريعه كده ممكن التداخل الحاصل بين الموجات يكون بدايه قطريه اماميه (بدايه ترند هابط) عموما خلينا نتابع الداو مع مستوى 26000 ، وحسب تقديرى هيكون مستوى فاصل فى ترجيح احد السيناريوهات لمؤشر EGX30( مش عايز الله يخليكم حد يطلع يفتكس يقول احنا ملناش علاقه بالاسواق الخارجيه هما فى زحل واحنا فى المريخ ، ولو مدعو من المدعوين محلل او خبير قال كده ، رأيى الشخصى اقل واجب معاه انك تعمله بلوك ، لان الشخص اللى بيقول كده اسف فى اللفظ انى اقول بيجمع بين صفتين نادرتين وهما الجهل والغباء ، فإن كان الانسان جاهل بالاقتصاد مثلا وما يعرفش حاجه اسمها دورات اقتصاديه سواء قصيره الاجل (جوغلر9-11عام) او متوسطه الاجل (كوزنت 15-25 عام ) او طويله الاجل (كوندراتيف60-70 عام) تتاثر بيها الاسواق الماليه العالميه ، فالجهل بعينه ان يكون محلل فنى وما يعرفش حاجه اسمها القانون العمومى (LOW OF COMMONALITY) للعظيم ابو التحليل الفنى تشارلز داو ونصه "بأن ما يحدث لحركه الاسعار الرئيسيه بسوق الاوراق الماليه لاحدى الدول الصناعيه الكبرى سيتكرر بمرور الوقت فى باقى اسواق الدول الاخرى " ما بالك كمان فى ظل العولمه والتقدم التكنولوجى المذهل التأثير عامل ازاى ! ، والقانون ده بالمناسبه من ابجديات التعرف على داو ونظريته واساسيات التداول عنده ، وان كان ما يعرفش داو ولا قانونه من المفترض انه يعرف POSITIVE CORRELATION بين الاسواق ، وان ما كانش يعرفها من المفترض انه يعرف INTERMARKET RELATIONSHIP وده فرع من فروع التحليل الفنى معنى بدراسه تأثير الحركه بين الاسواق الاربعه الرئيسيه : الاسهم ، السندات ، السلع ، العملات
حضرتك مش معنى انك انفصلت جزئيا عن الاسواق العالميه فكده اصبحت مالكش علاقه بيهم ابدا ، الموضوع ان فيه حاجه اسمها التزامن كمبدأ هام من مبادىء الدورات الزمنيه SYNCHRONICICITY اى ان الدورات تتزامن مع بعضها يعنى تصل الى قممها او قيعانها فى نفس الوقت لكن مبدأ اخر وهو VARIATION (الانحراف او الاختلاف) وهو مبدا اكثر مرونه بحيث انه قد يحدث بعض الاختلاف فى تكوين قمم الدورات الزمنيه او قيعانها ما بين الاسواق نتيجه لبعض العوامل اللى بيكون لها بعض التأثير على انحراف قمم اوقيعان الدورات الزمنيه بين الاسواق زى ثوره 25 يناير خليت المؤشر عمل قمته عند 7700 فى شهر1/2011 قبل قمه الداو عند 13000 تقريبا فى شهر 5/2011 ولكن رغم الاختلاف المؤقت حتما تعود الاسواق للانتظام فى موقعها على الدوره الزمنيه للتزامن مره اخرى واعتقد ان قمه الداو فى اكتوبر 2007 وقمه المؤشر المصرى فى ابريل 2008 مثال اخر على اختلاف القمم فى الدورات الزمنيه بين السوقين وبعدها شوفنا التزامن اللى حصل بينهم
