- فى مشاركه بتاريخ 15/5/2019 نوهت عن الارتباط الايجابى بين التجارى الدولى ومؤشر ستاندرد اند بورز وقلت اللى عايز يتعرف على حركه التجارى الدولى ينظر الى مؤشر SP500 ، العلاقه اللى بينهم تدخل تحت مفهوم INTERMARKET RELATIONSHIP يعنى ما تندهش مثلا لما تلاقى علاقه ارتباط بين سهم مع سلعه او عمله
- الحقيقه ان درجه الارتباط الايجابى بينهم فى اعلى مستوياتها فى المدى الطويل زى ما معامل الارتباط بيخبرنا (درجه الارتباط 0.8 يعنى قريبه من الواحد الصحيح PERFECT POSITIVE CORRELATION
- على الشارت الثانى : الفريم اليومى ، السهم عمل شمعه ماريوزو ايجابيه جدا لكن انا دايما بحذر من الشموع الايجابيه بفوليوم عالى غير معتاد ULTRA VOLUME وفوليوم الشمعه تقريبا 3 اضعاف متوسط الفوليوم اخر 3 اسابيع ، ومع احترامى انا ماليش علاقه ان كان داخل فى الفوليوم ده صفقات او تفويت او اى حاجه تانيه انا فى الاخر بحلل الفوليوم ودلالته على الشارت عشان نعرف بقدر المستطاع تحركات التايكونات الكبيره فى السهم وعشان الناس تعرف ان مش دايما الشموع الايجابيه بفوليوم عالى جدا بتكون شموع شرائيه لكن بيكون فى بعض الاوقات بداخلها بيع مخفى وحركه السهم فى الايام القادمه هتأكداو تنفى الاحتمال ده، عشان الناس تكون محضره حالها للخطوه القادمه خصوصا ان المؤشر عند مقاومه هامه عند 14800 وجنب تحليل الفوليوم عندنا الاسبايك اللى عمله السهم للباند العلوى للبولنجر وغالبا اختراقات احد حدود البولنجر بتكون علامه جيده على الانعكاس او على الاقل جنى الارباح ومش عايزين ننسى ان التجارى يدء الدخول فى مناطق التشبع الشرائى و سلوكه بشكل عام مش بيغوص اوى فى هذه المناطق وللاسف انا شخصيا مش قادر احكم على سلوكه مع الشموع الطويله فى مكان يكون قريب من مكان ظهور الشمعه الحاليه واقرب شمعه للقياس عليها كانت فى السوينج الصاعد السابق وكمل صعود لكن الفوليوم كان قليل والشمعه اللى قبلها كانت فى بدايه ترند، لكن كل المعطيات اللى انا ذكرتها مع بعض تخلي الناس تبقى اكتر مراقبه👀👁👀 لحركه السوق خلال اخر جلستين فى الاسبوع وبدابه الاسبوع القادم ان شاء الله وتبقى محضره نفسها للتصرف فى حاله جنى الارباح من 14800 او لو تجاوز المؤشر 14800 بالتجارى او بدونه
