بالرغم من منظمه الصحه العالميه اعلنت قبل يومين انه من السابق لاوانه اعلان حاله الطوارىء لفيروس كورونا , فرغم ان الفيروس الجديد اسرع انتشارا من السارس الا انه اقل حده منه وكل الحالات المصابه نتيجه لانتقال العدوى ممكن كانوا فى مدينه ووهان او من احتكوا بهم ورغم ذلك فان المواقع والمشتغلين بالتحليل الفنى كالعاده تفرغوا للترويج لحملات الرعب لالصاق هبوط اسواق الاسهم الى انتشار هذا الفيرس
والعاده لم يبذل ايا منهم ولو جهد بسيط وبطريقه علميه ليقارن هذه الحاله بحالات سابقه من قيروسات كثيره انتشرت بدايه من القرن الواحد والعشرون مثل الجمره الخبيثه او السارس او انفلونزا الطيور والخنازير والايبولا وزيكا
- فى الجراف الاول والثانى كانوا ضمن مشاركه لى بتاريخ 13/8/2017 بعنوان "علم الاجتماعيات ودوره فى الاسواق الماليه" وذكرت فيها ان العناوين والاحداث الكبيره لا تأثير جوهرى لها على اسواق الاسهم او بمعنى اصح ليست هى السبب الحقيقى او العامل المؤثر على الاسواق بمفرده فأعتقد لا يوجد حدث كان اهم من اغتيال جون كيندى فى ستينات القرن الماضى والجلسه التاليه للاغتيال كان الداو يرتد ويواصل صعوده، ثم فى بدايه القرن الجديد لم يكن هناك اهم من هجمات 11/9/2011 ورغم ذلك تأثر سوق الاسهم لمده 5 ايام فقط ثم بدء الارتداد صعودا لمده 6 شهور وكان فيرس الجمره الخبيثه الذى انتشر فى خريف 2001 ضمن فتره الارتداد ومظلل على الفتره الخاصه به فى الجراف ، ثم جاء الفيرس الاخطر فى القرن الواحد والعشرين وهو السارس عام 2003 ليودى بحياه 775 فى اقل من ثمانيه اشهر ولم تتأثر الاسواق الماليه بل واصلت الصعود ، ونفس الاثاره تم ممارستها عام 2009 عند انتشار انفلونزا الخنازير وكان 2009 بدايه السيكل الصاعد حتى الان ولم تتأثر ايضا الاسواق الماليه واصلت الصعود ،نفس الحال مع زيكا 2014و2016 وكان الصعود هو العنوان الرئيسى ، وكأن هناك تصميم على تكرار امعلومات مغلوطه عن عمد لارباك جموع المتعاملين واشاعه حاله عدم اليقين بين جموع المستثمرين
وسؤالى دائما الى هؤلاء المهرجين متى ستحترمون انفسكم اولا لتقدموا معلومه موثقه حتى ولو تطلب الامر بذل بعض الجهد ثم متى تحترمون عقول الناس !
- الشارت رقم 3 هتلاحظ ان التصحيح بدء مع اولى جلسات محاكمه ترامب ورغم كده ماحدش مثلا اتكلم ان ممكن المحاكمه تكون سبب طالما لازم نخلق سبب للهبوط او الصعود او اننا على مقربه من اجتماع الفيدرالى الامريكى وفى اوقات الاسواق بتضطرب قرب الاجتماع حتى ولو وصلت نسب التأكد من تثبيت الفائده الى 87% ، الكل موجه منصاته نحو الفيرس ونسى اجتماع الفيدرالى عشان يلصق بيه التصحيح الحالى(سقط عمدا)
اعتقد ان اى واحد فاهم فنى وبعيد عن اليوت ببساطه يقدر يكتشف ان فيه فيلور سوينج سلبى على RSI يعنى لازم يحصل هبوط ولو عايز تعتبره ديفرجتس سلبى مافيش مشكله بس الاصح انه فيلور سوينج ، كمان بعد المارثون الطويل من 3/10/2019 ومكسب ما يقرب من 4000 نقطه بدون تصحيح والوصول الى مناطق التشبع وهى مناطق بتحترمها الاسواق الامريكيه يعنى كل الاسباب الفنيه اللى قلت عليها كفيله باعطاء اشاره بدء التصحيح وشخصيا كنت متوقع يحصل تصحيح من مستويات 28700 وقلت لو وصل للمستويات دى بدون تصحيح هيكون الداو عمل احلى واجب والداو ادى ما عليه ووصل الى 29373
بمناسبه الدهب والارتفاع المتوقع له ابقى نظره كده على معكوس الرأس والكتفين فى الشارت رقم 4 واللى مستهدفه 1600 $ والمشاركه دى مكتوبه يوم 22/1/2020 كان الدهب عند 1561 ده بمناسبه ان الدهب لو صعد احوانا بتوع المخاوف من الفيروس يبقوا عارفين ان الاهداف الفنيه مرصوده من بدرى ومن وقت ما كان الدهب سايد واى وبالمناسبه الدهب هيكون فى موجه تالته يعنى الارجح هنشوف الدهب فوق 1580وبموننتم كمان 😁
