يا ترى لو سئلت ايا من المتابعين عن الاختلاف فى الرالى الاخير فى الاسواق الامريكيه والرالى الاخير فى الذهب هتكون اجابته ايه !!
بص يا سيدى الاجابه المختصره هى "تغير سيكلوجيه المتداولين" بس فى االاسواق الامريكيه وعلى سبيل المثال الداو جونز، السيكلوجى اتغير لسبب معين وفى الدهب كان تغير السيكلوجى لسبب تانى خالص
فى الداو جونز كان تغير السيكلوجى لان معكوس الرأس والكتفين المشار اليه بتاريخ 11/10/2019 زى ما كان مرجح له فشل وحاليا هو قرب مستهدفه المقدر عند 29500 فى المدى القصير الى المتوسط ، ومن المعروف عن الانماط الانعكاسيه البيعيه انها لما بتفشل بتتحول سيكلوجيه البياع الى مشترى قوى وبيساعد فى كده اسراع تجار الشورت لاغلاق مراكزهم التى انكشفت ، كمان اليوتيا الموجه الحاليه هى موجه ثالثه وده مشار اليه فى نفس المشاركه يعنى الموضوع ملهوش علاقه بقريب او بعيد باتفاق التجاره زى ما البعض بيروج دى مستهدفات مرصوده من اكتر من 3 شهور كان فين وقتها اتفاق التجاره وكان فين من الصعود المتوالى من قاع 3/10/2019 حتى الان !!
- فى الدهب : هل سئلت حضرتك فى مره ازاى ممكن التجار الكبار فى الاسواق الماليه ممكن يستخدموا الجابات (GAPS) لصالحهم !! احنا عارفين ان التجار الكبار او اللى ماسيكن الاسواق لما بيحصل جنى ارباح او تصحيح فالمقاومات اثناء الصعود بالنسبه لهم بتكون اشبه بالكروت اللى بيتم دفعها عند البوابات فى الطرق السريعه ، وعشان الناس دى ما يدفعوش فلوس كتير اثناء الصعود ، بيلجأوا الى احدى الطرق الذكيه الخاصه بهم وهى الجابات مع استخدام الشموع الطويله وحركه السعر المندفعه عشان يجبروا البائعين المنتظرين السعر على تغير السيكلوجى لهم وبدل ما كان عاوز يبيع بينقلب الحال بالنسبه له الى مشارك فى الشراء واستغلال الرالى او على اقل تقدير بيحتفظ ، ييعنى الموضوع اعتقد ملهوش علاقه بمقتل سليمانى والاحداث الجيوسياسيه ، والا محتاجين تفسير جيوسيايى واخبارى عن الرالى اللى تم من مستويات 1265 دولار الى 1557 ده على سبيل المثال لا الحصر
- عايز بس اقول اننا ناس بتوع تحليل فنى يعنى من الطبيعى اننا نقدم تفسير لحركه السعر من الناحيه الفنيه ، احنا مش محللين سياسين ولا اقتصاديين ولا ماليين ، عشان نرجع حركه السعر لاحداث سياسيه او اقتصاديه او ماليه وما يهونش علينا نذكر ان حركه السعر كانت نتيجه لتفسير فنى وكانه بيقتا بنخجل من التفسير الفنى ، والدراسات الحديثه فى السوسنوميك بتاكد اللى بقوله، ان لا الكوراث ولا الحروب ولا الاحداث السياسيه لها تأثير حقيقى على الاسواق الماليه وانا شخصيا اتكلمت فىا لموضوع ده قبل كده وجيبت شارتات للداو جونز وقت اغتيال كيندى وبعد 11 سبتمبر وكانت الامور عاديه وفى حجمها الطبيعى ، لكن البغبغاوات اللى بتطلع تردد فى كلام وخلاص فى الفضائيات والجرايد ، وللاسف انهم محسوبين محللين فينين اسما بس ، وبيتفرض عليهم انهم ما يتكلموش فنى رغم انهم طالعين يحللووا اسواق واسهم ، الحقيقه بيعجبنى كبرياء المحللين الماليين وليا الشرف انى انتمى للمجال ده ويكون بدايه حياتى العمليه العمل فى التحليل المالىودراستى المهنيه فيه، ودايما لما بتابع برامج تحليل على القنوات الاجنبيه صعب تلاقى محلل مالى بيتكلم عن حاجه غير اللى تخص التحليل المالى زى معدلات نمو وايرادات وارباح تشغيليه واستثمارات مخطط لها هتساهم فى رفع قدره الشركه الربحيه وهكذا
استقيموا يرحمكم الله
