بسم الله الرحمن الرحيم
بمناسبه يا جماعه ازاى البنوك بتستفيد من رفع الفائده ربما ان يكون البعض عنده لبث شويه فى فهم الموضوع ده ، نحاول ان شاء الله نبسطها للناس
حضرتك عارف ان استثمار البنوك فى اذون اوسندات الخزانه بيمثل حوالى 50% من اصول البنوك وهو استثمار امن طبعا وفى ظل ارتفاع الفائده اللى وصلت حوالى 19% على اذون وسندات الخزانه بعد خصم الضريبه ، تعتبر البنوك هى المستفيده من رفع الفائده واكبر ممول للموضوع ده ، وفى ظل اصدار شهادت العائد السنه الماضيه بقيمه 20% هيبقى الفرق اللى بتتحمله البنوك قليل حوالى 1% وده بالنسبه للبنوك اللى اصدرت هذه الشهادات وكلها تقريبا بنوك حكوميه يعنى تكلفه قليله ولو حتى الغوا اصدار هذه الشهادات حاليا فهناك عامان البنوك ملتزمه بيهم تجاه اصحاب هذه الشهادات(غالبا البنوك الخاصه ما زالت تعمل على الشهادات ذات العائد 16%)
طب السؤال اللى بيتسئل ماهو رفع الفائده هيكلف البنوك فلوس زياده !
الاجابه على السؤال ده لازم تعرف الاول تكوين محافظ البنك ، وتعرف حاجه مهمه وهى انه مع ارتفاع اسعار الفائده بيحصل اعاده تسعير للاصول نفسها واعاده تسعير للقروض واغلبها بتكون قروض شركات حوالى 80% منها وطبعا مع اضافه نسب التحوط زى ما اتكملت عنها قبل كده بتكون العمليه مربوحه على رأى اخوانا فى الشمال الافريقى بالنسبه للاقراض ، اما بالنسبه لجانب تكلفه الاموال اللى بتدفعها البنوك: لازم نعرف تكوين محافظ الودائع لها عشان نعرف الموضوع ماشى ازاى ، محفظه الودائع فى البنوك خصوصا ا البنوك الخاصه بتكون فيها الحسابات قصيره الاجل (اقل من سنه) زى حسابات الادخار والودائع قصيره الاجل حوالى 50% من ودائع البنك ودى حسابات تكلفتها قليله على البنوك ، اما الودائع طويله الاجل واللى بيدفع عليها فوائد اعلى بتمثل حوالى 20% من محفظه الودائع وفى البنوك الحكوميه بتوصل 50% يعنى من الاخر زى ما احنا شايفين ان قطاع البنوك بيستفيد من ارتفاع الفائده مش زى مابيتقال ويشاع عن ضرر ارتفاع الفائده على البنوك ، عشان كده ترجيحى ان البنك المركزى ممكن يبقى على اسعار الفائده زى ماهو خلال الفتره الحاليه وابتداء من العام القادم يبتدى يخفضها بناء على ضغط من البنوك فى رأيى ، او اذا خفضها مش هيكون تخفيض كبير ربما لا يتجاوز 50 نقطه اساس ، لان برضوا مش من مصلحه البنك المركزى انه يفقد ناس كتير من الاجانب اللى بيستثمروا فى ادوات الدين خصوصا اللى اعرفه ان اخر شهرين فيه انخفاض فى شهيه الاجانب للاقبال على ادوات الدين المصريه
نخلى بالنا ان لو سعر الفائده انخفض البنوك الخاصه هتتأثر اكتر بالموضوع ده باعتنبار انه هيكون فيه معركه على عدم فقد سيوله كتير متمثله فى حسابات الادخار او الودائع قصيره الاجل ، والناس زى ما احنا شايفين اى زياده ولو حتى 0.5% هيفرق معاهم بين بنك واخر
بمناسبه يا جماعه ازاى البنوك بتستفيد من رفع الفائده ربما ان يكون البعض عنده لبث شويه فى فهم الموضوع ده ، نحاول ان شاء الله نبسطها للناس
حضرتك عارف ان استثمار البنوك فى اذون اوسندات الخزانه بيمثل حوالى 50% من اصول البنوك وهو استثمار امن طبعا وفى ظل ارتفاع الفائده اللى وصلت حوالى 19% على اذون وسندات الخزانه بعد خصم الضريبه ، تعتبر البنوك هى المستفيده من رفع الفائده واكبر ممول للموضوع ده ، وفى ظل اصدار شهادت العائد السنه الماضيه بقيمه 20% هيبقى الفرق اللى بتتحمله البنوك قليل حوالى 1% وده بالنسبه للبنوك اللى اصدرت هذه الشهادات وكلها تقريبا بنوك حكوميه يعنى تكلفه قليله ولو حتى الغوا اصدار هذه الشهادات حاليا فهناك عامان البنوك ملتزمه بيهم تجاه اصحاب هذه الشهادات(غالبا البنوك الخاصه ما زالت تعمل على الشهادات ذات العائد 16%)
طب السؤال اللى بيتسئل ماهو رفع الفائده هيكلف البنوك فلوس زياده !
الاجابه على السؤال ده لازم تعرف الاول تكوين محافظ البنك ، وتعرف حاجه مهمه وهى انه مع ارتفاع اسعار الفائده بيحصل اعاده تسعير للاصول نفسها واعاده تسعير للقروض واغلبها بتكون قروض شركات حوالى 80% منها وطبعا مع اضافه نسب التحوط زى ما اتكملت عنها قبل كده بتكون العمليه مربوحه على رأى اخوانا فى الشمال الافريقى بالنسبه للاقراض ، اما بالنسبه لجانب تكلفه الاموال اللى بتدفعها البنوك: لازم نعرف تكوين محافظ الودائع لها عشان نعرف الموضوع ماشى ازاى ، محفظه الودائع فى البنوك خصوصا ا البنوك الخاصه بتكون فيها الحسابات قصيره الاجل (اقل من سنه) زى حسابات الادخار والودائع قصيره الاجل حوالى 50% من ودائع البنك ودى حسابات تكلفتها قليله على البنوك ، اما الودائع طويله الاجل واللى بيدفع عليها فوائد اعلى بتمثل حوالى 20% من محفظه الودائع وفى البنوك الحكوميه بتوصل 50% يعنى من الاخر زى ما احنا شايفين ان قطاع البنوك بيستفيد من ارتفاع الفائده مش زى مابيتقال ويشاع عن ضرر ارتفاع الفائده على البنوك ، عشان كده ترجيحى ان البنك المركزى ممكن يبقى على اسعار الفائده زى ماهو خلال الفتره الحاليه وابتداء من العام القادم يبتدى يخفضها بناء على ضغط من البنوك فى رأيى ، او اذا خفضها مش هيكون تخفيض كبير ربما لا يتجاوز 50 نقطه اساس ، لان برضوا مش من مصلحه البنك المركزى انه يفقد ناس كتير من الاجانب اللى بيستثمروا فى ادوات الدين خصوصا اللى اعرفه ان اخر شهرين فيه انخفاض فى شهيه الاجانب للاقبال على ادوات الدين المصريه
نخلى بالنا ان لو سعر الفائده انخفض البنوك الخاصه هتتأثر اكتر بالموضوع ده باعتنبار انه هيكون فيه معركه على عدم فقد سيوله كتير متمثله فى حسابات الادخار او الودائع قصيره الاجل ، والناس زى ما احنا شايفين اى زياده ولو حتى 0.5% هيفرق معاهم بين بنك واخر
