بسم الله الرحمن الرحيم
من خلال قرأتى لتقرير عن جولد مان ساكس على موقع بلومبرج وهو بيتكلم عن توقعاته للاقتصاد الامريكى عام 2018 والحقيقه انه تقرير متفائل جدا ، وبيتوقع التقرير اعتمادا على تنبؤاته لمؤشرات الاقتصاد الكلى زى معدل النمو انه يوصل الى 2.5% وتنخفض البطاله من مستوياتها الحاليه 4.1% الى 3.7% وارتفاع التضخم الى 1.8% ، اعتقد ان اى مستثمر لو قرء هذا التقرير ممكن تلاقيه راح ينام على ابواب الوول ستريت منتظرها على احر من الجمر عشان تفتح 🤣
ومن خلال قراتى لاحد المقالات على موقع الياهو فينسس خاصه بارتفاع العائد على السندات الصينيه يوم الخميس الماضى الى 4% ومدى الارتباط الايجابى بين السندات الصينيه والامريكيه والمتوقع لها الارتفاع ايضا ، والحقيقه احنا فى اخر تحليل للدولار اشرنا الى عنصر مهم وهو العائد على السندات الامريكيه لاجل عشر سنوات وتوقعنا له الارتفاع وحددنا مستهدف له عند 3% ، العائد حاليا يقترب من 2.4% ، لكن التقرير بيحذر نسبيا من نشاط سوق السندات الصينى ومدى تخوف للمستثمرين من النظام المالى الهش فى الصين وبرغم تحقيق الصين لمعدلات نمو مستهدفه عند 6.5% الى ان التحذيرات اللى قالها رئيس البنك المركزى الصينى من فتره قريبه عن ارتفاع الديون للشركات والافراد وتقييم الاصول المبالغ فيه قد يدفع الاقتصاد الصينى الى انهيار مفاجىء يعرف بلحظه مينسكى، ومع ارتفاع نشاط سوق السندات قد يضعف شهيه المستثمرين فى الاقبال على اسواق الاسهم ، ايضا مرفق فيديو يوضح معنى الركود المزدوج اللى ممكن يكون الاقتصاد الامريكى فى مرحله ما منه DOUBLE DIP RECESSION وربما ان الاقتصاد الامريكى يكون فى مرحله اسمها التعافى السريع QUICK RECORVERY قبل الذهاب مره اخرى الى الركود وهنلاقى من سمات المرحله دى حاجتين حصلوا فى الاقتصاد الامريكى وهما التحفيز النقدىSTIMULUS SPENDING المعتمد على تحفيز الانفاق الاستهلاكى والحاجه التانيه الاعتماد على معدلات فائده منخفضه LOW INTEREST RATES والفيديو بيوضح ان ازاى الاعتماد على الحاجتين دول ممكن انهم يؤدوا الى حدوث ركود اخر
الحقيقه انا اجتهدت فى انى اربط كل الكلام ده بتوقعات نمو الاقتصاد العالمى من موقع متخصص فى كده ECRI وفى اخر تقرير له بتاريخ 13/11/2017 مرفق صوره منه كان اجمالى الكلام فيه ايجابى اللهم الا الخوف من حدوث تباطؤ فقط فى الاقتصاد الامريكى وليس ركود
الحقيقه ان اى مستثمر لما يقرء كم التقارير الشبه متناقضه دى يبقى فى حيره من امره يا ترى يجازف باامواله ويستثمر ولا يرجع خطوه للخلف وينتظر ماذا ستسفر عنه الاحداث
شخصيا لما برجع بالذاكره لمنتصف 2010 بقول الحمدلله الذى عافانا مما ابتلى بيه غيرنا ، وبقول انه من افضل القرارات فى حياتى انى خرجت من البورصه المصريه وابتعدت تماما عن المتاجره فى الاسواق الماليه
مرفق لينك تقرير جولدمان ساكس على بلومبرج والياهو فيننس
https://www.bloomberg.com/…/goldman-sachs-sees-four-2018-fe…
https://www.marketwatch.com/…/this-chart-suggests-us-treasu…
