- الحقيقه ان المؤشر السبعينى والمئوى من المؤشرات المظلومه معانا واعتقد ان ده تقريبا عاده الاسواق كلها ، ان مؤشرات الغلابه غالبا بتكون فى طى النسيان واسئلوا راسل 2000 او SP600 فى السوق الامريكى
- عايز حضرتك تاخد بالك من النمط الموجود كويس وهو نمط فى طور التكوين ، ربما هينخدع فيه كتير من اول وهله ويقولوا انه معكوس رأس وكتفين ، لكن فى الحقيقه هو كمان دبل توب مشوه مكمل للاتجاه الهابط لا يوجد ترند صاعد قبله ليقوم بتغيير اتجاهه ،وبالنسبه لاخوانا اصحاب الاتجاه القديم فى التحليل الفنى هنزل امثله من كتب توضح وجود الاتجاه ده فى التحليل الفنى منذ سنوات ،وعلى فكره كيريك باتريك اللى كتابه بيدرس على طلبه CMT المستوى الاول ، كان فى الفيرجن الاول من الكتاب دائم الاستشهاد ببلكوسكى رائد التجديد فى التحليل الكلاسيكى ، واتكلم فى نفس الاتجاه جون ميرفى وسورى دوديلا وعمنا الكبير جون ماجى
- كمان الدبل توب ده ممكن نعتبره CAT‘S EARS "اذن القطه " 😁 وهى هى نفس طريقه قياس الدبل توب والاغلاق تحت 483 يؤكد النموذج لمستهدف هابط يصل الى 420 نقطه ، وتقريبا معكوس الرأس والكتفين محتاج اغلاق اعلى 540 لمستهدف يصل الى حدود 620 نقطه
- الحقيقه انا استهحمت موجات اليوت لترجيح احد الانماط الكلاسيكيه وقدرت ارجح ان التصحيح انتهى كموجه زجزاج وعندى من الادله ما يقول انها انتهت سواء اقتراب تساوى الطول السعرى بين الموجه A والموجه C ، الوصول الى مستويات تاريخيه من التشبع البيعى ، الدايفرجنس الايجابى الكلاسيكى،شمعه الهرامى او الاصح اعتبارها قاع تويزر وبدئنا ترند جديد وبالتالى الاقرب للاكتمال هو معكوس الرأس والكتفين ولمزيد من التاكيد ننتظر اختراق الحد العلوى من القناه الهابطه
وبصفه عامه ناخد بالنا من رقمين 483 اكتمال الدبل توب وبالتالى التصحيح يكون لسه ما انتهاش ، 540 اكتمال معكوس الرأس والكتفين ومزبد من الصعود
