تعليق سريع على السوق المصرى

بسم الله الرحمن الرحيم

• اعتقد ان اكتر حاجه كان الناس اخدها بالها منها فى جلسه 4/10/2015 هو ضعف السيوله وان الاسهم الصغيره ربما مع ضعف السيوله كان ادائها افضل من الاسهم القياديه  والمؤشر بعد هذه الجلسه وصل الى الحد الاسفل للوتد اللى اتكلمنا عليه او للقناه الصاعده واحنا قلنا ان الاتنين بيشتركوا فى نفس هذا الحد عند تقريبا مستوى 7250
• المهم حاليا ان مستوى 7250 ثم مستوى 7200 ما يحصلش كسر لهم  وانا شايف ان انخفاض احجام التداول  فى الهبوط شىء ايجابى وبيدل على ان البياع ايده مش تقيله لحد الان وان الناس مش راغبه فى التفريط بسهوله فى اسهمها وربما ان الكثير منهم عنده امل فى استمرار الصعود علشان كده بنقول ان المؤشر لازم يحافظ على مستويات الدعم القويه وما يكسرهاش علشان ثقه الناس ما تتهزش وبالتالى يحصل بيع عشوائى وممكن يقلب ببانيك ونلاقى نفسنا بنكسر مستوى 6920 وندخل وقتها فى حسابات ملهاش لازمه
• صحيح ان بعض المؤشرات السريعه  زى الاستوكاستيك اعطت اشاره خروج لكن انا بشوف ان الجلستين القادمتين من خلالهم هتبان الصوره بشكل افضل

اقوال مأثوره
فى عام 1720 خسر العالم الكبير السير اسحاق نيوتن مبلغ 1000 دولار بعد انهيار اسهم شركه  سوث سى التى كان يستثمر فيها امواله وهو رقم كبير جدا فى ذلك الوقت
قال وقتها "اننى قادر على حساب حركه الاجرام السماويه ولكننى عاجز عن حساب جنون الناس"