- اتكلمنا قبل كده عن نموذج الفراشه ومنطقه اكتماله عند مستوى 127% من امتداد الضلع XA ومستوى 161.8% لنفس الضلع وقلت انى شخصيا بعد تجاوز السعر لمستوى 127% للضلع XA بعتبر منطقه 127%-161.8% هى منطقه كامله للانعاكس بمعنى ان السعر مش لازم يوصل لنسبه 161.8% للضلع XA عشان ينعكس والحقيقه ان وجهه نظرى ما كانتش من فراغ ولكن كانت مبنيه على امثله موجوده فى بعض الشارتات المحليه والعالميه ومثالنا الحالى واحد من الامثله على كده
- السهم كون نموذج فراشه شرائى تجاوز السعر نسبه 127% للضلع XA وانعكس السعر قبل الوصول الى نسبه 161.8% للضلع XA عند مستوى 7.33 جنيه (تساوى تقريبا نسبه 156% للضلع XA)
- حقق السهم مستهدفه الاول عند مستوى 8.32 وله مستهدف اخر عند مستوى 8.95 وفى حاله اختراق 8.95 قد يصل الى 9.35 وبعدها الى 9.65
- الحقيقه الارتفاعات الاخيره للسهم لا اعرف سببها الا ان يكون حدث جديد فى مفاوضات سوديك مع شركه مصر الجديده بخصوص تطوير 655 فدان فى مدينه هليوبولوس الجديده وربما يتم الاعلان عن ذلك خلال الايام القادمه
- لاحظ ان منطقه 8.50-8.75 هى زوون مقاومات قوى ربما يحدث تراجع منه اما اذا تأكد ما ذكرته فهو يعتبر خبر ايجابى الانسب استغلاله فى البيع
- ايقاف الخسائر الحالى الاغلاق تحت مستوى 7.33
ملاحظات
- بالنسبه لتحليل المؤشر امس ربما بعض العبارات تحتاج توضيح للقارىء خصوصا فيما يتعلق بالتحليل الاليوتى واستخدام جمله "التصحيح الشائع " يعنى المعروف عنها او الشائع حدوثه لكن مش معنى كده انه مافيس احتمالات تانيه لكن تبقى هذه الاحتمالات قليله الحدوث عشان كده ممكن نشوف الموجه اللى احنا فيها حاليا عند مستويات 7000 وهو ما يساوى 425% من طول الموجه 1 وده طبعا تصحيح للموجه التالته قليل حدوثه الا لو كان فيه زخم شرائى غير عادى لكن الشائع عنها هو تصحيح 161.8%-175% من طول الموجه 1 ثم 175%- 261.8% من طول الموجه 1
- نفس الموضوع بالنسبه للموجه الرابعه فالشائع عنها انها بتصحح من 30%-50% من طول الموجه 3 ثم يأتى بعد ذلك بنسسب متساويه تقريبا انها تصحح من 50%-62% او 24%-30% من طول الموجه 3
- الاهداف المذكوره للمؤشر تتطلب مراقبه جيده لسلوك المؤشر والاسهم كل على حده عند الوصول اليها لاتخاذ قرارت تتوقف على حاله كل مستثمر وموقعه ونذكر بان الاهداق عند منطقه 7500-7700 هى اهداف متوسطه المدى بالتأكيد قبل الوصول اليها هناك محطات سيتوقف وربما يعانى عندها المؤشر وبالتالى هذه الاهداف تحتاج الى وقت لتحقيقها وبالطبع ليس قبل بدايات العام الجديد اذا سارت الامور بشكل طبيعى
