مصر الجديده على الشارت اليومى وعندنا حاله تعليميه بشوف انها بتخدع ناس كتير خصوصا المستمسكين بالاتجاه القديم فى التحليل الفنى وشخصيا عانيت من احد المحللين فى نقاش جمعنا بسبب حاله مشابهه وبرغم تقديمى كل الادله من امهات الكتب على وجهه نظرى الا انه اصر بغرابه شديده على موقفه فالتكبر بجهل فى العلم لا ينفع معه المنطق
عندنا نموذج قاع مزدوج مشار اليه بالترقيم الازرق الفاتح هو جزء من نموذج اكبر وهو قاع ثلاثى فى طور التكوين يكتمل - القاع الثلاثى- بالاغلاق اعلى مستوى 45.55 لمستهدف قد يصل الى 54.50 واللى عاوز يشوف النموذج ده مستطيل قاع او قاع مزدوج حواء-حواء شغال مافيش مشكله
طيب يا ترى المشكله هنا فين؟ حسب رأى الجماعه اصحاب الرأى القديم فى التحليل الفنى ان القاع المزدوج لازم يأتى قبله اتجاه هابط وده الصراحه بقى كلام موضه قديمه جدا فى التحليل الفنى والاشكال العاكسه للاتجاه لما تأتى فى عكس اتجاهها بتكون مكمله للاتجاه اما فى الحاله الحاليه فالاتجاه العرضى قبل القاع المزدوج بيتقال عليه استراحه للسهم وان الاتجاه المسيطر او الغالب هنا ( PREDOMINANT TREND) هو الاتجاه ما قبل العرضى وهنا كان الاتجاه المسيطر والسائد هو الاتجاه الهابط يعنى ببساطه الاتجاه العرضى كأن لم يكن
لاحظ هنا ان القاع المزدوج يعتبر حقق مستهدفه بنسبه كبيره وتراجع السهم لحد مستوى 40 مره تانيه ودعم نفسه عند النقطه دى وواضح ان اللى ماسك السهم بيدافع على النقطه 40عشان كده بتمثل نقطه شراء للمضارب المغامر للسبب المذكور حاليا ولاسباب اخرى وهى ان القاع المزدوج لما بيكون عروه بتمتاز هذه النماذج -حسب احصائيه- بالقوه فى الاداء وتفسيرى الشخصى ان السبب فى كده ان القاع المزدوج بيتحول الى سكالوب صاعد والاسكالوبات فى بعض الاحيان بتكون جزء من نماذج القيعان المزدوجه عشان كده لما بتكتمل بيكون فيه اداء قوى واخيرا لان عروه النموذج بتكون اختبار للمقاومه المكسوره (القمه بين القاعين وهنا تساوى 40 جنيه) وبيحصل نوع من التخلص من المستثمرين اصحاب القلوب الضعيفه وبالتالى بيتم الصعود بقوه بدون عقبات كبيره وهنا الاغلاق اولا اعلى 43.67 قد يصل بالسهم الى 50 جنيه يمكن اعتباره هدف اول للاسكالوب ثم 54.5 هدف ثانى للقاع الثلاثى على ان يكون مستوى 40 هو نقطه الخروج لانه يمثل دعم قوى فى المدى القصير والمتوسط
