هنتكلم النهاردة عن المؤشر بنظره متوسطه وطويله الاجل وربما ان البعض مش هيوافقنى على النظره المتفائله الموجوده ولكن بطبيعه الحال اللى يهمنا هو اللى موجود على الشارت واللى هو مرتبط باستقرار الاوضاع وماحدش فينا يعرف حاجه عن الغيب فما نملكه هو مجرد بيانات حاليه يتم بناءا عليها توقع مستقبلى قد تؤيده الاحداث او تنفيه
عندنا على الشارت الاسبوعى رقم واحد المؤشر فى ترند صاعد وهيتحسن الاداء اكتر باعتلاء الترند رقم واحد - اعلى مستوى 7500 تقريبا متزايده صعودا -لانه ترند قوى تم كسره فى المدى المتوسط ربما يدعم النظره المتفائله فى المدى المتوسط وجود انفراج كلاسيكى ايجابى قوى تأكد بتكوين نموذج شموع ايجابى ممكن نسميه قاع تويزر او المرأه الحامل مشار اليه بالدائره وهيتاكد الاداء الايجابى مبدئيا باعتلاء مستوى 6900 ومستهدفنا فى المدى المتوسط 7700 زى ما اتكلمنا قبل كده
على الشارت التانى وهو شارت شهرى عندنا انفراج ايجابى خفى بين اخر قاعين للمؤشر مع تكوين نموذج شموع ايجابى ممكن نسميه قاع توزير او المرأه الحامل ومستهدفنا فى المدى البعيد على الاقل مستويات تقترب من 10000 نقطه
المؤشر بيقترب من اخر قمه تراجع منها وبالتالى مستوى 6900 هيكون مستهدفنا فى المدى القصير
