جلوبال تليكوم على الشارت اليومى ونموذج هارمونيك "THE 5-0" الشرائى والتحليل ده هو امتداد لسلسه من التعليم ازاى تتاجر على اكتر من نموذج موجود على الشارت
على الشارت موجود نموذج هارمونيك ونفس النموذج هو نموذج كلاسيكى اسمه 2B BUY هنستخدم النموذج ده فى الدخول بعد اجتياز السعر لمستوى 1.58 لكن مستهدفه ممكن يكون بعيد شويه عند بدايه السوينج عند 2.07 وهنا هنشتغل على نموذج الهارمونيك اثناء تكوينه مش بعد اكتماله بمعنى ان عندنا طول الضلع BC فى النموذج ده المفروض انه يكتمل فى منطقه 1.80-1.90 ويرتد هبوطا لمنطقه 1.66-1.71 ولو زود شويه يوصل لمستوى 1.55 يبقى انا مستهدفى القريب هنا 1.80-1.90 ولو السعر بعد مستوى 1.90 كمل صعود بدون ما السهم ما يهبط يبقا النموذج ده فشل
ممكن اعيد الشراء مره تانيه عند النقطه D فى منطقه 1.55-1.71 فى حاله ان النموذج ده كان صحيح ومشى على السيناريو اللى قلته لمستهدف على الاقل منطقه 1.80-1.90 مره تانيه
وقف الخساره حاليا بالاغلاق تحت مستوى 1.52 والثبات اعلى مستوى 1.69 ربما يكون مؤشر على امكانيه الوصول الى الاهداف المذكوره
