قطاع الاتصالات وشرح موجز للتفرقه بين الفيلور سوينج والدايفرجنس

بسم الله الرحمن الرحيم

• قطاع الاتصالات على الرسم اليومى ونموذج 2B SELL كان الخروج المبكر عليه بالاغلاق تحت مستوى747 لمستهدف قد يصل الى 584 وان كنا دائما  نقول ان القاع بين القمتين لنموذج القمه المزدوج الغير متساوى يمثل عقبه كبيره فى طريق نموذج 2B SELL ، ويمكن اعتبار هذا النموذج قمه مزدوجه غير متساوى اكتمل بالاغلاق تحت مستوى 683 ليستهدف تقريبا مستوى 610 نقطه وان كنا نحتاج الى تاكيد صحه الكسر وذلك بعوده كسر مستوى 681 مره اخرى
• كنا وعدنا بالامس اننا هنتكلم عن الفرق بين FAILURE SWING وDIVERGENCE وكقاعده كده لو حبيت تختصر الموضوع لحد هتقوله ان الدايفرجنس بيعتمد على السعر فى حين ان الفيلور سوينج بيتجاهل فكره السعر ويهتم فقط بالمؤشر الفنى...... ........بس خلاص !
• اما للتوضيح اكتر على المثال الحالى......  نقدر نقول انالدايفرجنس هنا بيتأكد زى ما قلت قبل كده باكتمال نموذج او كسر ترند او متوسط قصير وهنا اكتمل عندنا نموذج دبل توب وفيه كسر لترند وبالتالى اصبح عندنا اشاره قد تبدو قويه على تغير الاتجاه وتقدر هنا تاخد قرار فنى صحيح بالخروج عند تاكيد صحه الكسر للنموذج او الترند ، اما الفيلور سوينج له متطلبات اربعه 1- ان المؤشر الفنى يخترق منطقه التشبع (OVERBOUGHT اعلى خط 70) 2- ثم يتراجع هابطا لينزل تحت خط 70  3- ثم يعاود الصعود مره اخرى لتكوين قمه اقل من القمه السابقه وحسب وايلدر من المفترض ان القمه الثانيه دى لا تتجاوز خط 70  4- ثم يعود المؤشر هابطا ليقوم بكسر القاع بين القمتين (FAIL POINT) وهنا عندنا فيلور سوينج مكتمل بكسر مستوى 64.63 على مؤشر RSI وبالتالى اشاره قويه على تغيير الاتجاه بالنسبه لقطاع الاتصالات ، اما بالنسبه للفيلور سيونج الايجابى بيكون العكس بمعنى 1- ان المؤشر يدخل منطقه التشبع البيعى (OVERSOLD)يقوم بكسر خط 30.....  2- ثم يعاود الارتفاع اعلى خط 30 ، 3- ويعاود الهبوط مره اخرى لتكوين قاع اعلى من القاع السابق دون كسر خط 30 ، 4- واخيرا يعاود الارتفاع مره اخرى لاختراق القمه بين القاعين وبالتالى هنا الفيلور سوينج بيتجاهل فكره الدايفرجنس خالص ، لكن يظل زيه زى الدايفرجنس اشاره على امكانيه تغيير الاتجاه مع ملاحظه انه مش لازم لو اتكون فيلور سوينج سلبى مثلا اننا نلاقى قمتين متناقصتين على المؤشر فوق خط 70 وفى نفس الوقت اننا نلاقى قمتين تصاعديتين للسعر، لان انا قلت ان الفيلور سوينج مش معتمد على السعرخاااااااااالص ولازم تبقا اخد بالك من النقطه دى كويس لانها هى الفيصل فى التفرقه بين الظاهرتين

سهم ابل

بسم الله الرحمن الرحيم

• سهم ابل على الشارت اليومى ونموذج هارمونيك " كابوريا بيعى " يكتمل فى منطقه 126.70-128.70 دولار
• زى ما قلت قبل كده ان نماذج الهارمونيك من افضل النماذج اللى ممكن تحقق منها ارباح او تتجنب فيها الخسائر فهى بتوفرلك فرص كتيره للمتاجره سواء اثناء اكتمالها او بعد اكتمالها ، ومن اشهر انواع المتاجرات اللى دايما بنشير اليها على نماذج الهارمونيك هى متاجره BAMM وهنا باختراق مستوى 100.73 كانت فرصه جيده للشراء حتى اكتمال النموذج عند منطقه 126.70-128.70

• فى حاله ظهور علامات انعاكس عند منطقه 126.70-128.70 كظهور دايفرجنس او شموع عاكسه للاتجاه تقدر انك تحمى ارباحك  بالخروج حتى مستوى 118 دولار
• لاحظ ان فى حاله امتداد السعر الى ما بعد منطقه 126.70-128.70(امتداد حتى مستوى 140.80) فغالبا هيكون نموذج الكابوريا البيعى ده جزء من نموذج هارمونيك هارمونيك اكبر هو THE5-0 الشرائى وهيكون السهم وقتها فى الضلع BC منه ووقتها من المفترض الهبوط حتى 50% من BC وبعدها معاوده الصعود لاستهداف القمه التى تراجع منها على الاقل

قطاع البنوك

بسم الله الرحمن الرحيم

• قطاع البنوك على الرسم اليومى والاسبوعى  ومن المعروف ان قطاع البنوك هو القاطره التى تقود الاسواق الماليه وعندما يكون قطاع البنوك بخير فالاسواق الماليه تكون كذلك
• الشارت الاول وهو الرسم الاسبوعى نجد ان القطاع ارتكز على معكوس الرأس والكتفين لتغيير اتجاهه الهابط فى المدى المتوسط  الى اتجاه صاعد بعد ذلك على كل الازمنه واكمل اتجاهه الصاعد بتكوين نموذج سكالوب صاعد مكتمل بالاغلاق اعلى مستوى 5362 لمستهدف قد يصل الى 6900 نقطه ، لكن هذه المستهدفات الايجابيه لا تنفى ان هناك علامات ضعف فى المدى القصير ظهرت على هذا القطاع ، وربما الرسم اليومى يظهر وجود فيلور سوينج على مؤشر RSI  حتى الان لم يتأكد (يتأكد بكسر مستوى 55.27 على مؤشر RSI ولا علاقه لنا هنا بالسعر)  وفى رأيى الشخصى ان مؤشرات البورصه المصريه والقطاعات تحتاج الى تصحيح معقول يعيد الامور الى نصابها ويعمل على ادخال سيوله جديده فمؤشرات العزم كلها بها ضعف وهو ما يعنى ان البناء الصعودى بناء هش وضعيف ، وانا على علم تماما بان معظم المتعاملين فى البورصه ان لم يكن كلهم يكرهون  الحديث عن التصحيح ويكرهون كذلك المحللبن الذين يتحدثون عن هذا الامر ، لكن نحن نتحدث هنا بما تعلمناه فنيا ومحاوله الالتزام بالحياديه قدر المستطاع، وبما ان السوق تقريبا والى حد ما قد يكون استوعب كذب المسؤلين المصريين فى اتفاقهم مع صندوق الفقر الدولى - وما خفى كان اعظم- نستيطع ترجيح ان تمر البورصه المصريه بفتره عرضيه قصيره الاجل ، يحدث خلالها تدوير للسيوله بين القطاعات المختلفه للبورصه المصريه وتستفيد منها جميع مؤشرات العزم فى التخلص من الضعف الذى اصابها ، وعليه فترجيحى ان يمر قطاع البنوك بالتحرك العرضى بين مستويات 5700-6000 نقطه ونفس الحال بالنسبه لمؤشر EGX30 ان يتأرجح بين مستويات 12600-13500 
• نحرص دائما فى المدونه هنا ان نحترم عقول المتابعين لنا  واعطاء معلومه فنيه صحيحه نقطع بها الشك باليقين لننهى جدلا فنىا قد يثور ويبدو فى معظمه عقيما خصوصا من اصحاب القراءات الضيقه فى التحليل الفنى، ودائما ما نضع امامنا ان نراعى مختلف المستويات التى تتابعنا بقدر المستطاع وان كنت لا اخفى سرا ان معظم التحليل هنا قد يكون موجه لمن عنده خلفيه معقوله فى التحليل الفنى(MEDIUM UP 2 PROFESSIONALS) وليس للمبتدئين (AMATEURS) وان كنا فى امور كثيره نسهب فى الشرح لتوصيل المعلومه للمبتدئين فى التحليل الفنى ، وهنا ربما البعض يختلف حول مسمى الفيلور سوينج ويسميه انفراج وقد يبدو من الشكل انه لا فرق بينهما ، لكن بعض المتخصصين يعرفون ان هناك فرق بين الفيلور سوينج والانفراج وهناك من الاراء الفنيه التى اختلفت حول الظاهرتين ، ومن يتبع وايلدر حرفيا ربما لن يروق له ان نسمى الظاهره الموجوده على مؤشر RSI هنا بالفيلور سوينج وربما من قرأ لاراء فنيه اخرى وابرزهم بلكوسكى سيوافق على ان التسميه هنا صحيحه وفى مره قادمه ان شاء الله سنقوم بتوضيح الفرق بين الدايفرجنس والفيلور سوينج بتفصيل اكثر

EUR vs GBP

بسم الله الرحمن الرحيم

• EUR/GBP على فريم 4 ساعات ، ونموذج هارمونيك THE5-0 البيعى، اعتقد ان الضلع BC اكتمل فى منطقه0.8525-0.8394 وبالتالى قد نرى ارتداد صعودى الى مستويات 0.8660 وبعدها من المفترض ان يرتد الزوج هبوطا مره اخرى لاستهداف قاع 0.8470 على الاقل وربما كسره
• اى تجاوز لمستوى 0.8660 صعودا يعتبر النموذج لاغى ويبقى فقط فرصه المتاجره فى هذه الحاله الى مستويات 0.8808

نظريات التحليل الفنى بين النظريه والتطبيق

بسم الله الرحمن الرحيم

• الحقيقه انى من فتره وفيه موضوع بيشغل بالى فى الاسواق الماليه ، وهو هل النظريات اللى زى داو ومربعات التسعه لوليم جان ونظريه اليوت اصبحت قادره على التعامل مع ما يحدث من تقلبات فى الاسواق الماليه ،ولها القدره على التنبؤ بما سيحدث بنسب معقوله ولا اصبحت هذه النظريات شىء من الماضى واصبح صواب الاحتمالات لهذه النظريات هو الخروج عن القاعده يعنى بمعنى اصح كده بقا شغل انت وبختك !
• طبعا مش عايز اغوص فى تفاصيل كتير فى الموضوع ده لانه موضوع كبير بس انا شايف ان الاسواق الماليه لابد لها من وقفه لمراجعات النظريات خصوصا المتعلق منها بجانب التحليل الفنى ، وقناعتى الشخصيه ان القائمين على الاسواق الماليه لن يتركوا اداه او نظريه تقتفى اثرهم وتعطى نتائج 100% ، والدليل على ذلك كما ذكرته من قبل هو نظريه مربعات التسعه لوليم جان الذى كان يتنبأ بتغير السعر بالساعه واليوم لدقه هذه النظريه وفى بدايه الاربعينيات مات الرجل كمدا مما حدث لنظريته بعد ان سيطر الطمع والجشع على القائمين على الاسواق الماليه حينذاك وقاموا بضرب مصداقيه نظريته فى مقتل ، لكن من وجهه نظرى - رغم ماحدث- ارى ان بعد الازمه العالميه عام 2008 اصبحنا فى حاجه لتطور النظريات الاقتصاديه ككل والنظريات التى لها علاقه بالتحليل الفنى على وجه الخصوص ، خصوصا الجانب السيكلوجى فيه ولا استبعد فى قادم الايام ان يأتينا الحل من الطب النفسى والعصبى وعلماء الدماغ  لضبط مشاعر المتعاملين فى البورصه والمحافظه على ثباتهم الانفعالى فى القرارات الاقتصاديه والماليه التى يقومون باخذها اثناء التداول او اذا اضطرنا الحال لمعالجه بعض القصور لبعض المناطق المسؤله عن اتخاذ القرارت الاقتصاديه والماليه تحت الضغط ، وقد قرأت ان هناك تطور فى علم الدماغ وتحديد المناطق المسؤله عن القرارات الاقتصاديه والماليه تحت الضغط لتحسين كفائتها وقد يكون هذا مفيد من الناحيه السيكولوجيه خصوصا التدرب على البعد عن التفكير بعقليه الحشود التى اراها هى المأساه الكبرى للمتعاملين فى الاسواق الماليه  ، لكن فى رأيى الشخصى يظل الجانب التطبيقى فى الاسواق الماليه يحتاج الى تصحيح وتطور هائل يواكب الايقاع السريع فى حركتها والتى قد تبدو فى بعض الاحيان ليس لها تفسير الا العشوائيه
• من النظريات التى يصعب عليا شخصيا ان تدخل دائره النقد العنيف واصبحت فى مرمى سهام المنتقدين هى نظريه اليوت وبعد سقوط صاحب النظريه نفسه رالف نيلسون اليوت فى فخ عدم التوقع الصحيح لانتهاء الموجه الكبيره فى عام 2012 ومن بعده سقوط اكبر تلاميذه روبرت بريكتر فى نفس الفخ ، اصبحت النظريه فى مهب الانتقادات اللاذعه ، خصوصا وانها تحمل فى طياتها وبين قواعدها اسباب النتقادها فالشارت الموجود امام 10 اشخاص من الصعب ان يتفق عليه اثنان فى وجهه النظر فربما تجد هناك 10 اراء مختلفه بالرغم من الالتزام بالقواعد والارشادات وبرغم ان بريكتر نفسه قال عن النظريه انها فن الاحتمالات ، الا انى شخصيا كنت اعتقد ان العيب فينا كمحللين نقوم بالتحليل الموجى خصوصا نحن كعرب لا نمتلك الادوات التى يمتلكها المحللين فى الغرب ، لكن فى بعض الامثله ومنها المثال الحالى لاحظت ان العيب ليس فى المحللين وحدهم وانما ايضا فى النظريه نفسها او الاحتمال الاخر -اراه مستبعدا لحد ما الى ان يثبت صحته- ان تكون الاسواق الماليه تسير بصوره عشواييه ونحن نحاول تأطير حركتها ، وحتى لا نظلم هذه النظريه بمفردها فهناك ايضا انتقاد موجهه لاصحاب بيوت الخبره فى الاقتصاد والاسواق الماليه الذين ملاؤا الدنيا ضجيجا بدايه العام الماضى  عن انهيار الاقتصاد العالمى وانهيار الاسواق الماليه بالرغم من ان المفترض ان هؤلاء الناس يبنون توقعاتهم على ما يعرف بالتحليل الاساسى والمتغيرات التى تؤثر فى قوى العرض والطلب وهو ما يدفعنى للقول ان النظريات الاقتصاديه والماليه بشكل عام تحتاج لاعادهالفحص والتطوير
• المثال الحالى لمؤشر EGX30 شارت الساعه وكنت اتكملت عنه قبل كده وتوقعت من الشكل الخماسى للموجه الهابطه من مستوى 11687 الى مستوى 1110. ان بقيه الموجه التى تحتويها ستكون هى موجه زجزاج 5-3-5 والحقيقه ان الموجه دى متوافر فيها كل ما يقال عن الموجه الحافزه سواء من امتداد فى الموجه التالته او عدم تداخل بين الموجات الرابعه والتانيه وهو ما يعطيها الشكل المميزالذى تستيطع من خلاله بمجرد النظر ان تقول ان هذه الموجه هى موجه حافزه، طب يقى ايه ناقص عشان ما نقولش ان الموجه دى هى موجه حافزه ! انا كنت بقول دايما انه يكفى الامتداد فىا لموجه الثالثه فى حد ذاته للتفرقه بين الموجه الحافزه واى موجه تصحيحيه اخرى خصوصا الدبل والتربيل زجزاج ، قوووووووم بقدره القادر كده تتحول الموجه الحافزه  دى لموجه ثصحيحيه تربل زجزاج بداخل موجه مثلثيه كما هو موضوح فى الشارت التانى 😄

الحقيقه ان المثال ده بيفكرنى بمسرحيه مدرسه المشاغبين لما حسن مصطفى بيتكلم مع نظيم شعراوى ابو بهجت الاباصيرى ويقوله قوووم ابنك انت يضحك عليا انا ويبعلى البتاعه دى على انها بتقشر لب 😄😄 احنا يظهر اننا انضحك علينا  وطلعت البتاعه دى بتقشر لب بجد ، عشان كده اوعى لما تشوف موجه لها شكل خماسى ومتوافر فيها كل اشتراطات الموجه الحافزه تقول عليها موجه حافزه ولا خماسيه ....... اوعى دى على كده ممكن تطلع موجه سداسيه ولا سباعيه

حد عارف يخويا نبقى فى امان الله شايفين ان الموجه خماسيه حافزه تنقلب تصحيحيه .... واحنا قاعدين

GBP vs USD

بسم الله الرحمن الرحيم

• GBP/USD على شارت 4 ساعات ونموذج هارمونيك THE0-5 الشرائى ، وحاليا الزوج يصحح الضلع BC الذى دخل منطقه الانعكاس المقدره ما بين 1.2520-1.2725 وبالتالى من الممكن ان نرى انعكاس للزوج خلال هذه المنطقه هبوطا لاستهداف منطقه 1.2255-1.2358 ثم الصعود مره اخرى
• تجاوز مستوى 1.2725 صعودا يلغى هذا النموذج وكدلك كسر مستوى 1.2255 هبوطا ولا يتبقى فى حاله الكسر لاسفل  الا فرصه المتاجره شورت وحتى مستوى 1.2074

تحديث تحليل EGX30

بسم الله الرحمن الرحيم

• متابعه لمؤشر البورصه المصريه على شارت الساعه ، وربما المؤشر فى طريقه لتكوين قاع مزدوج محتمل يتأكد بالاغلاق اعلى مستوى 13043 لمستهدف يصل الى 13450 ، واختراق مستوى 13043 يعنى اليوتيا اننا ربما نكون فى الموجه C على فريم MICRO(اللون الازرق) من الموجه B على فريم MINUETTE وغالبا هذا السيناريو يرجح ان تكون الموجه الرابعه -حسب السيناريو الذى نعتمده - سوف تكون موجه فلات منتظم قد نرى فيها فشل للموجه C الهابطه منها فى تصحيح كامل الموجه B والوصول الى مستويات 12630 او بالقرب منها وفى هذه الحاله قد نرى  نمط معكوس الرأس والكتفين المركب الاستمرارى للارتكاز عليه لبناء الموجه الخامسه ، ايضا سيكون هذا النمط سارى ولكن ربما بشىء من الضعف لو تم اختراق قمه 13545 وسيتغير فقط مسمى الموجه من فلات منتظم الى فلات غير منتظم تفشل ايضا فيها الموجه C فى الهبوط الى مستويات 12630 او بالقرب منها (RUNNING FALT) ، والاحتمال الثانى كما قلنا بالامس ان يتأرجح المؤشر بين 12600-13500 لتكوين مثلث
• الاحتمال الاخر الذى نضيفه اليوم هو ان يفشل القاع المزدوج ويتم كسر مستوى 12778 اولا ثم قاع 12630 وبذلك نكون امام سيناريو الموجه الزجزاج التى تستهدف فى هذه الحاله على الاقل مستوى 12475 وقد تصل الى 12125 كمستهدف شائع عنها
• لاحظ بالنسبه للاخوه المهتمين بالتحليل الموجى، ان الموجه الفلات المنتظم تساوى اضلاعها الثلاث هو ما يعطيها الشكل المميز لكن فى بعض الاحيان النادره يحدث انقطاع او فشل للموجه C فى انها تصحح كامل الموجه B  اى تصل الى قاع الموجه B كما فى حالتنا هنا او الى قمه الموجه B فى الحاله العكسيه وغالبا يحدث الانقطاع للموجه C عندما يكون ترند الموجه B قوى جدا اى ان الموجه B تصحح بنسبه 123% او138% من الموجه A وهذا الانقطاع للموجه C شائع الحدوث فى الموجه الفلات من النوع  RUNNING FLAT  وهو ما يعطيها الشكل المميز عن الموجه الفلات من النوع EXPANDED FLAT التى تصحح فيه الموجه C كامل الموجه B وتتجاوزها ، كما ان حدوث ما يعرف بالفشل المزدوج DOUBLE FAILURE للموجتين B وC نادر جدا جدا وتحدث هذه الحاله عندما تفشل الموجه B فى الفلات ان تصل الى 81% من طول الموجه A وان  الموجه C تصحح فقط بنسبه 38.2% او 61.8% من الموجه B وان كان التصحيح بنسبه 38.2% لا يحدث الا تحت ظروف معينه وربما يكون حدث مرات قليله لا تذكر
• اذا كانت الموجه الرابعه التى فيها المؤشر حاليا هى الرابعه MINUTE كما ذكرنا بالامس فى السيناريو البديل فربما تكون انتهت بالفعل عند مستوى 12630 و فى هذه الحاله زمنيا تصلح لان تكون انتهت اما خلاف ذلك فاعتقد انه يكون من الصعب زمنيا انتهاء تصحيحها 

الاجانب ومحاوله معادله الوضع بعد التعويم

بسم الله الرحمن الرحيم

اتكلمنا فى مشاركه الامس بداخل تحليل المؤشر الثلاثينى عن جزئيه  الافراط  الشرائى للاجانب لتعويض فروق العمله وقلنا هنتكلم عنها بشىء من التفصيل ، لكن خلينا الاول نستعرض بعض المعلومات البسيطه للتذكره عشان تساعدنا فى فهم الموضوع 

 عند التعويم كان المؤشر وصل الى مستوى 8500 نقطه وكان الدولار عند 9 جنيه تقريبا ، حاليا المؤشر وصل الى 13500 نقطه فى حين الدولار وصل  حاليا الى 19 جنيه يعنى بنسبه زياده قدرها 110%  وفى المقابل البورصه زادت بنسبه 59% يعنى بنتكلم فى النص تقريبا ......

 طب الوضع ده هل افاد الاجانب ولا ضرهم وهل من مصلحتهم الاكتفاء حاليا من الشراء ولا مواصله هذا الطريق  ؟

الحقيقه انه الاجانب المستثمرين قبل التعويم واللى ما كانوش قادرين يحولوا فلوسهم قبل التعويم هما اكتر ناس ضررا من التعويم لسبب بسيط  وهو: ان المكسب بالجنيه كنت بحوله للدولار عند 9 جنيه ، لكن حاليا عشان اخرج المكسب ده هخرجه عند 18 او 19 جنيه يعنى الضعف ، وبالتالى الافراط الشرائى للاجانب ده من وجهه نظرى انه تعويض مش عايز اقول لخساره دفتريه ولكن خلينا نخفف اللفظ شويه انه محاوله لمعادله الوضع بعد التعويم ، وفى الحاله دى من وجهه نظرى الشخصيه ان طول ما الدولار بيطلع ، الاجانب هيفضلوا قايمين بدور البطوله المطلقه وهيفضلوا يرفعوا فى اسعار الاسهم لتحقيق اقصى استفاده سعريه لمعادله الوضع بعد التعويم ، وربما اللى يرجح رأيى ده انهم لما سمحوا فى مصر بتحويل الاجانب لارباحهم من فتره قصيره - قبل نهايه السنه - كنت قرأت خبر ان ما كانش فيه اقبال كبير من الشركات الاجنبيه لتحويل ارباحها .....

 لكن طبعا التعويم ده هيفيد التدفقات النقديه الداخله للاجانب بعد التعويم بمعنى انه هيكون فيه استفاده مزدوجه سواء من ناحيه جاذبيه الاسهم للاستثمار فيها لرخص قيمتها (زياده الكميه) ومن ناحيه اخرى الاستفاده من صعودها (المكسب المتحقق ما بين سعر الشراء والبيع) وممكن كمان تتحق فايده تالته فى الحاله دى لو الدولار انخفض عن 19 جنيه ، بمعنى انه دخل عند 19 جنيه واستفاد بزياده الكميه ومكسب الاسهم وهيخرج فلوسه عند 16 او 17 جنيه لو افترضنا ان الدولار ممكن ينزل للاسعار دى وبكده يحقق مكسب من فروق العمله ، ونفس الكلام ينطبق لو استثمر فى اذون خزانه وسندات قصيره الاجل هيستفيد من فرق العمله وكمان العائد

لو اخدنا مثال بسيط للتوضيح

هنفترض ان مستثمر اجنبى  كان معاه 100000 دولار قبل التعويم ، وحب يستثمرهم فى البورصه المصريه وعند تحويلهم للجنيه كان قيمتهم 900000 جنيه مصرى وهنفترض انه عايز يستثمر فى التجارى الدولى لما كان سعره  50 جنيه وبالتالى هيحصل على عدد اسهم مقدارها 18000 سهم وهنفترض انه هبيبعها عند 80 جنيه بعد ما حصل التعويم  يبقى كده مكسبه 540000(18000*30) جنيه مصرى ، المستثمر ده لو حب يخرج الفلوس دى حاليا بالدولار هتبقى قيمتهم تساوى 28420 دولار ، طب نفترض ان مستثمر اخر دخل بعد التعويم ومعاه نفس المبلغ 100000 دولار لما يحولهم بالسعر الجديد هيعملوا 1900000 جنيه وهنفترض انه اشترى التجارى الدولى عند 70 جنيه بعد التعويم يعنى هيكون معاه حوالى 27140 سهم(9140 سهم زياده فى الكميه ) وهنفترض انه عايز يحقق مكسب 30 جنيه زى المستثمر الاول (هيبيع عند 100 جنيه) يعنى مكسبه فى الحاله دى هيوصل الى 814200(27140*30) جنيه مصرى ولو حب يخرج الفلوس دى حاليا بالدولار هيعملوا 42850 (مكسب 14430 دولار) دولار يبقا هنا المستثمر اللى دخل بعد التعويم هو  المستفيد الاكبر ، طب ايه الاستفاده التالته كمان ؟ انه لو حول المبلغ 814000 دول على سعر نفترض وقتها ان الدولار نزل الى 16 جنيه يعنى لما يخرج الفلوس دى هيخرجها 50875 دولار بدل ما كانوا 42850 دولار يعنى مكسب حوالى 8000 دولار من فرق العمله ، شوفتوا ازاى كميه المكاسب المحققه للمستثمر اللى دخل بعد التعويم !

 طب امتى المستثمر الاول (قبل التعويم) يقدر يحقق نفس الاستفاده او اكتر اللى حققها المستثمر اللى دخل بعد التعويم ؟

 يقدر يحقق نفس الاستفاده او اكتر فى حاله رفع السعر الى ابعد حد ممكن، وبدل ما يبيع عند 80 يبقى على الاقل لازم يبيع عند 100 جنيه عشان يحصل تعادل مع المستثمر اللى دخل بعد التعويم  وبالتالى من مصلحته انه يرفع السعر بقدر المستطاع عشان يحقق نفس الاستفاده المتحققه بعد التعويم وده اللى بيحصل حاليا فى البورصه المصريه من افراط شرائى للاجانب واستهداف اسهم منتقاه قويه ماليا لمعادله الوضع بعد التعويم

EGX30 ( ELLIOTT WAVES ANALYSIS)

بسم الله الرحمن الرحيم

• EGX30 على الرسم الاسبوعى وتحليل موجى لقراءه اخر المستجدات خصوصا بعد جنى الارباح الذى حدث خلال الايام القليله الماضيه والذى وصل الى 1000 نقطه تقريبا بعد صعود متوالى قدر بحوالى 5000 نقطه
• ما زلنا نرى ان السيناريو الذى نتبعه فى التحليل الموجى سارى وقد حقق المؤشر مستهدفاته قصيره الاجل التى حددناها فى تحليل موجى سابق بتاريخ 13/11/2016 ما بين مستويات 13500-14000  ، وما زلنا نرى حسب هذا السيناريو المدعوم بالتحليل الكلاسيكى ان للمؤشر مستهدفات صاعده اخرى على المدى المتوسط  تتجاوز 16000 نقطه والمستهدفات الابعد للموجه الثالثه الكبيره تحدثنا عنها فى نفس المشاركه السابقه وسنذكرها لاحقا  ان شاء الله اذا سارت الامور طبيعيه بدون حدوث مشاكل سياسيه او اقتصاديه داخليه او خارجيه 
• المؤشر منذ قاع 5500 يصحح على الفريم الزمنى INTERMEDIATE وهو فريم يمتد من شهور الى عام ونصف تقريبا عاده ، وهنا كما ذكرنا سابقا ان المؤشر فى الموجه الثالثه INTERMEDIATE (اللون الازرق) وحاليا يصحح على الفريمات الاقل زمنيا التى تمتد ما بين اسابيع الى ربع سنه ، فالمؤشر حاليا -حسب ما نعتقد- انتهى من 3 موجات على الفريم الزمنى MINOR(اللون البرتقالى) وحاليا فى الموجه الرابعه الهابطه والمعروف عن الموجه الرابعه عموما انها تنتهى فى كثير من الاحيان عند حدود الموجه الرابعه الاقل فى الدرجه الموجيه (الرابعه من الثالثه) عند منطقه 11300-11700 لكن احصائيا وجد ان الموجه الرابعه تصحح بنسبه اقل من 30% من الموجه الثالثه حوالى 15% اى  ربما ان الموجه الرابعه لن تصل الى حدود منطقه 11300-11700 ويكتفى المؤشر بالسير عرضيا لتكوين مثلث صاعد او متماثل او ربما تأتى الموجه على شكل فلات  وبالتالى التخلص من حاله الافراط الشرائى (MEGAOVERBOUGHT) لاخذ عزم جديد ومواصله الصعود مره اخرى باختراق مستوى 13545 وان كنت شخصيا افضل ان يستمر المؤشر فى تصحيحه على الاقل الى حدود 12000 وهو الدعم الرئيسى له حاليا ، لكن ربما حاله الشراء المفرط التى يقودها الاجانب لتعويض فرق العمله - وسنقوم بشرح هذه الجزئيه بشىء من التفصيل فى مشاركه اخرى - ترجح ان المؤشر يسير بشكل عرضى ما بين 12600-13500 خصوصا وان الموجه الثانيه جاء تصحيحها حاد  ، ما الاحتمال الاخر هو الترقيم البديل(بجانيه ALT:) وهو ان يكون المؤشر انتهى من الموجه الثالثه على الفريم الزمنى MINUTE(اللون الاخضر) وحاليا فى الموجه الرابعه ايضا ولن يبعد تصحيح هذه الموجه فى هذه الحاله عن الكلام المذكور سابقا 
• لاحظ انه اذا كان المؤشر يسير على السيناريو البديل فغالبا الموجه الثالثه MINOR من الممكن ان تتخطى حاجز 14000 نقطه لتصل الى 14800 كأقصى امتداد لها وكذلك من الممكن ان تصل الموجه الثالثه INTERMEDIATE ما بين 14800الى 16400 كاقصى امتداد لها

مقارنه بين مؤشر الدولار وزوج الدولار/ الجنيه المصرى

بسم الله الرحمن الرحيم

• مقارنه بين مؤشر الدولار وزوج الدولار/ الجنيه المصرى على الرسم اليومى ، وربما يربط البعض ما يحدث من تذبذب فى اسعار الدولار فى مصر بمؤشر الدولار العالمى بالرغم من ان العمله المصريه ليست من مكونات هذا المؤشر ، ولا نمتلك فى مصر رفاهيه العرض والطلب الحقيقى التى تتمتع بيه باقى العملات ، وانما ما يحدث لسعر الدولار فى مصر ربما فى جانب منه لا يخلو من المضاربات فى المدى القصير والمتوسط ، وان كنا لا ننفى بالكليه ان فى بعض الاوقات قد حدث تماهى بين حركه المؤشر والزوج بعد التعويم
• فى تقديرنا ان مؤشر الدولار والزوج ربما يشهدا حركه تماهى فى الصعود المتوقع ، نظرا لظهور انعكاس ايجابى على مؤشر القوه النسبيه (HIDDEN DIVERGENCE) ويظل هذا التوقع صحيحا طالما ان الاسعار لم تتجاوز هبوطا مستويات 99.49 نقطه فى مؤشر الدولار ، وكذلك مستوى 17.30 جنيه فى الزوج
• على مؤشر الدولار ربما نتوقع ان يكون المؤشر فى طريقه لبناء الكتف الايمن لنمط الرأس والكتفين المركب ، وهناك من السوبنجرز من يقوم بالدخول فى مثل هذه الحالات لمتاجره على بناء الكتف الايمن تكون حدودها السعريه من نقطه الارتداد الصعودى بعد تكوين الرأس وحتى حدود الكتف الايسر ولكن هذا النوع من المتاجرات محفوف بالمخاطر، ومن افضل الانماط اثناء تكوينها حتى قبل تأكيدها هى انماط الرأس والكتفين فى المتاجره سواء لونج او شورت 
• زوج الدولار/ الجنيه المصرى يسير فى شبه قناه  صاعده متوازيه وفشل الزوج فى اختراق 19.20 جنيه قد يؤشر على ان هذا الارتداد الصعودى ماهو الى صعود جزئى وبالتالى هناك احتماليه للانعكاس فى هذه الحاله وتكوين نمط القمه المزدوجه المشوه (UNEVEN OR UGLY DOUBLE TOP) ويبقى مستوى 17.75 مهم جدا فى هذه الحاله فهو من ناحيه مستوى تأكيد النمط لمستهدف قد يصل الى 15.5 تقريبا ومن ناحيه اخرى هو فلتر سعرى لصحه كسر شبه القناه الصاعده (SUPPORT BREAK)
• لاحظ اننا استخدمنا كلمه شبه القناه الصاعده وفقا لرأى جون ميرفى ان القناه بوجود 3 نقاط تبادليه على جانبى القناه او اربعه - من وجهه نظره - تظل شبه قناه وان القناه المكتمله لا تكون الا بوجود 5 نقاط تبادليه والسادسه هى نقطه الاختراق او الكسر، كذلك اسنتخدمنا كلمه MAYBE بدلا من كلمه PROBABLY للدلاله على الاحتمال الضعيف (لا يتجاوز 50%)

GBP vs NZD

بسم الله الرحمن الرحيم

• الاسترلينى/ النيوزلندى على الرسم اليومى ونموذج هارمونيك " الخفاش الشرائى " اكتمل عند مستوى 1.6837 ، ومن المتوقع الارتداد الصعودى له لمستهدف اول عند 1.7279 ومستهدف ثانى عند 1.7555
• من لافضل لمن يدخل شراء لونج عند مستوى 1.6837 ان يجنى ربحه كاملا او يجنى جزءا منه على ان يحمى ربحه فى حاله التراجع -عند تحقيق الهدف الاول- عند مستوى 1.7189

اشتغالات القائمين على السياسه النقديه والماليه فى مصر

بسم الله الرحمن الرحيم

سعادتك متخيل لما يكون عليك ديون خارجيه حجمها 60 مليار دولار وده طبعا غير ديون الهيئات الاقتصادية والمفاعل النووى اللى لو اتاخدوا فى الحسبان هتلاقى الديون وصلت لحوالى 100 مليار دولار وبخلاف كمان خدمه الديون دى ، ومتخيل سعادتك ان صافى الاصول الاجنبيه للشهر الرابع عشر على التوالى بيحقق رقم سالب مقداره 11 مليار جنيه مصرى ، يعنى البنك المركزى اصبح مدين بالمبلغ ده 

تخيلوا بعد الكوارث دى ولسه البهوات بيشتغلوا الناس ان حجم الاحتياطى بيزيد ووصل الى 24 مليار دولار 😁

والحقيقه ان الاهم من رقم الاحتياطى الاجنبى نفسه هو صافى الاحتياطى الاجنبى اللى لو حسبته هتلاقى ان الصافى وصل بالسالب لان مكونات الاحتياطى ما بين ودائع لاجل او قروض

مع العلم ان عام 2017 مصر مطالبه بسداد حوالى 8 مليار دولار ما بين ديون نادى باريس ومتأخرات الشركات الاجنبيه وسداد وديعه تركيا

والظريف بئا ان مجاذيب السيسى فرحانين بخبر الايكونوميست ان الجنيه المصرى مرشح للارتفاع فى عام 2017 بحوالى 14% مع ان نفس الجريده من كام شهر كانت بتبشر بالانهيار المتوقع للاقتصاد المصرى واحتجت الخارجيه المصريه على التقرير بتاعهم وقتها ، وتخيل سعادتك ان الكلام ده لو حتى صحيح وصعد الجنيه المصرى بالنسبه دى ويا ريت يصعد بالنسبه دى واكتر - شخصيا انا تمنى كده - لكن سعادتك  ناسى ان الدولار ارتفع باكتر من 100% ! يعنى عملتك انخفضت فى المقابل بنفس المقدار 😠

وما زال المجاذيب مصدقين ان الراجل ده فعلا جاى عشان اصلاح 

صدق الله العظيم لما قال فى الناس اللى زى دى " ولو علم الله فيهم خيرا لاسمعهم ولو اسمعهم لتولوا وهم معرضون"
ادعوا بس ان الدولار يقف عند حاجز العشرين جنيه وما يزيدش اكتر من كده وافتكروا المشاركه اللى كانت فى البلوج بتاريخ 1/11/2016 بعنوان "فقاعه الدولار بين الحقيقه والوهم " اللى اتكلمت فيها عن DOLLAR MANIA وكان وقتها الدولار عند 18 جنيه فى السوق الموازيه وقلت اننا لسه ما وصلناش لمرحله انفجار الفقاعه الدولاريه طالما ان السياسات الاقتصاديه والسياسه اللى بتسبب ضغط على الموارد الدولاريه موجوده وطالما ان الاعتماد على المصادر الطياره فقط فى جذب العمله الاجنبيه ولا بديل لتنميه حقيقيه لتخفيف الضغط عن عملتك المحليه ما زالت موجوده ، وطالما ان الفساد الادارى والتشريعى هو اللى بيحكم البيئه الاستثماريه ، يعنى من الاخر ما تنتظرش نتيجه تانيه طالما كانت المدخلات هى هى والا هيكون ضرب من الغباء !

هيرمس

بسم الله الرحمن الرحيم

• هيرمس على الرسم الشهرى ونمط ايجابى فى المدى الطويل ارتكز عليه السهم وهو معكوس الرأس والكتفين المكتمل بالاغلاق اعلى مستوى 15.5 تقريبا الى مستهدف قد يصل الى 29.5 جنيه وهو ما يعنى ان هدف النموذج ربما يكون تحقق او على وشك التحقق وبالتالى النصيحه التى توجه حاليا اما جنى جزء من الارباح او مراقبه السهم عن قرب
• السهم ادائه جيد جدا ومؤشراته الفنيه ايجابيه ، ولا يعيبها الا ان المؤشر فى مرحله التشبع الشرائى وعلى وشك الدخول فى مناطق الافراط الشرائى MEGAOVERBOUGHT
• يعتبر اداء السهم الحالى هو ثانى افضل اداء للسهم بنسبه صعود متوالى وصلت الى 233% حتى الان  بعد ادائه الجيد منذ شهر اغسطس عام 2005 وحتى نهايه شهر يناير 2006 والذى صعد فى هذه الفتره بنسبه 415%

USD vs JPY

بسم الله الرحمن الرحيم

• USD/JPY رسم يومى ونمط سلبى عاكس للاتجاه (دبل توب) اكتمل بالاغلاق تحت مستوى 116.04 لمستهدف يصل الى 113.4
• منطقه 114.73-114.82 ربما تعيق نزول الزوج لاكتمال مستهدف الدبل توب

SLIVER

بسم الله الرحمن الرحيم

• الفضه على فريم 4 ساعات ،واستخدمنا مدرستين مختلفين لترجيح ان الفضه بنسبه كبيره قد يحدث فيها جنى ارباح مؤقت ، حيث ان هناك نمط كلاسيكى وهو الرأس والكتفين المركب حقق مستهدفه عند 16.93 دولار ، والنمط الاخر وهو نموذج هارمونيك THE5-0 الشرائى دخل ضلعه قبل الاخير BC فى منطقه الانعكاس المقدره 16.70-17.10 ومن المفترض ان ترتد الفضه هبوطا من هذه المنطقه لاستهداف منطقه 16.30-16.40 ثم تنعكس الفضه صعودا مره اخرى من هذه المنطقه لاستهداف على الاقل قمه 16.94
• اى تجاوز صعودا لمستوى 17.10 يعتبر نمط الهارمونيك لاغى
•  هناك دايفرجنس سلبى موجود على مؤشر RSI لم نوضحه ربما يرجح ما نقوله فى المدى القريب 

GBP vs USD

IN THE NAME OF ALLAH , THE MOST GRACIOUS , THE MOST MERCIFUL
GBP/USD ON THE TIME SCALE 240 M , HARMONIC SETUP "THE CRAB BUY PATTERN" DEVLOPE WITH THE COMPLETION POINT CALCULATED AT THE AREA 1.2118-1.2007
.IF THE PRICES EXCEEDED 1.2007 DOWN , THE PATTERN WIL BE NEGATED
UNLESS THE PRICES BOUNCES OFF QUICKLY , HEADING UP HIGH

EGX100

بسم الله الرحمن الرحيم

• مؤشر EGX100 شارت يومى ونموذج القيعان الثلاثه الصاعده اكتمل بالاغلاق اعلى مستوى 1106 لمستهدف يصل الى مستوى 1163
• فى حال تراجع الاسعار يمكن الخروج بالاغلاق تحت القاع الثالث عند مستوى 1084 حسب مقتضيات النمط وان كنت شخصيا لا افضل الخروج بهذا الشكل اذا كانت القيعان قريبه من بعضها جدا قريبه 

GOLD

بسم الله الرحمن الرحيم

• تحليل موجى للذهب وحسب ما نعتمده من تحليل فان الذهب منذ تراجعه من قمه 1920 دولار يصحح موجه رابعه سيكل على شكل زجزاج بسيط (A-B-C) انتهى من القدم الاولى للزجزاج(A) على فريم PRIMARY عند قاع  1046 دولار وبدء فى تصحيح الموجه B على فريم PRIMARY والتى جاءت حسب ما نعتقد على شكل ايضا زجزاج انتهى الذهب من القدم الاولى لها A على فريم INTERMEDIATE عند قمه 1375 دولار  ثم بدء فى تصحيح الموجه B منها على فريم INTERMEIDATE والتى جاءت على شكل موجه مركبه دبل زجزاج (W-X-Y) وحسب ما نعتقد ان هذه الموجه انتهت عند قاع 1123 وحاليا الذهب بدء موجته الاخيره الصاعده C على فريم INTERMEDIATE من الموجه B  على فريم PRIMARY ولها اهداف محدده موضحه على الشارت الاول ، ونعتقد ان منطقه 1450-1475 دولار هى الاكثر ترجيحا للوصول اليها (C=A) نظرا لشيوع تساوى القدم الاولى للزجزاج A مع القدم الثانيه لها C ، والمستهدف الثانى المرجح الوصول اليه هو منطقه 1600-1650 (C=1.618 A) وان كانت علاقه الفيبوناتشى هنا اقل شيوعا ، ثم C= 2.618 A هى الاقل بين النسب شيوعا وتكاد تكون نادره لكن تطبيقها هنا غير ممكن نظرا لتجاوز الذهب فى هذه الحاله قمه 1920 وهو ما يتنافى مع اقصى تصحيح يجب ان تصل اليه الموجه B) PRIMARY ) عند مستوى 1750 دولار (B=79% A)
• من الشائع فى الزجزاج ان تصحح الموجه B ما بين 38.2%-50% من الموجه A وبتطبيق هذه العلاقه على الموجه B الكبيره B) PRIMARY ) تجاهلنا نسبه 38.2% نظرا لان فى هذه الحاله لن تتجاوز فيها الموجه C من B) PRIMARY ) قمه الموجه A تقريبا عند 1375 وهو ما يتنافى مع شروط الزجزاج عموما من وجوب تجاوز الموجه C الموجه A ولو بقدر ضئيل جدا وان كانت بعض الاراء الضعيفه جدا تجيز هذه العلاقه ، ولكن فى رأيى اذا حدث هذا فغالبا سوف تكون الموجه B) PRIMARY ) هى موجه فلات حسب نسب تصحيح نيللى
• المستهدفات البعيده بدايه من مستوى 1600 دولار يدعمها وجود معكوس رأس وكتفين مركب ارتكز عليه الذهب ليعكس اتجاهه الهابط (موضح فى الشارت الثانى)
• من الملاحظات التى تخص المهتمين بالتحليل الموجى ان الموجه B فى الزجزاج الغالب عليها ان تأتى قصيره لذلك قد تندهش انها يكفى فقط ان تصحح بنسبه 1% من الموجه A وهذا ما نراه حاصل بالفعل فى الموجه الزجزاج الخاصه بالموجه Y حيث ان الموجه B صححت فقط بمقدار 17% من الموجه A
• من الملفت فى تصحيح الموجه B) INTERMEIDATE ) التى انتهى منها الذهب عند قاع 1123 دولار انها صححت سعريا بمقدار 76.4% من الموجه A وهى نسبه معروفه اليوتيا وزمنيا بمقدار نفس النسبه (165 يوم / 216 يوم)

CRUDE OIL

بسم الله الرحمن الرحيم

• النفط الخام على الرسم البيانى اليومى ونموذج هارمونيك " فراشه بيعى" يكتمل عند مستوى 55.96 دولار
• فى اعتقادى الشخصى ان الانفراج الخفى الموجود بين السعر ومؤشر العزم RSI يرجح ان يتطور نموذج الفراشه الى نموذج كابوريا يكتمل عند مستوى 57.94
• نحن نعتمد فى تصحيحات نموذج الفراشه على مزيج مابين اسلوب بيسافنتو احد مكتشفى هذا النموذج ، ونسب كارنى.... وهنا النقطه B صححت بنسبه 70.7% والنسبه المقابله لها لاكتمال النموذج عند 141.4% وهى نسب تصحيح خاصه ببيسافنتو
• ايقاف الخسائر للبيع شورت بتجاوز السعر مستوى 57.94 دولار ،وحمايه الارباح للونج قبل كسر مستوى 52 دولار

الانفراجات فى التحليل الفنى (DIVERGENCES)

بسم الله الرحمن الرحيم

بالنسبه يا  لموضوع الانفراجات (DIVERGENCES) رغم انى مش من هواه التعليم المباشر فى التحليل الفنى ، بس حبيت اوضح  نقطه فنيه ، يمكن اغلبنا بيقع فيها ، وهو ان اول ماحد بيشوف الانفراج ده موجود على مؤشرات المومنتم، بيتكلم عنه وكأنه اشاره على الهبوط او الصعود مسلم بها رغم ان الكلام ده مش مظبوط ، وخلينا الاول نعرف يعنى ايه دايفرجنس.....ببساطه اى جسم بيتحرك له سرعه لحركته دى، السرعه دى بيتقال عليها عزم او زخم او قوه اندفاع او كميه الحركه (MOMENTUM) ، فى التحليل الفنى اوقات كتير بيتم الخلط بين الحجم (VOLUME) والزخم ( MOMENTUM) والناس بتفتكر ان الحجم هو الاساس فى سرعه الصعود مش الصعود نفسه ، فسرعه الصعود فى التحليل الفنى بتتأثر بالقوه البيعيه اللى هنا بتكون اشبه بالعائق امام الجسم المتحرك على سطح املس ميكانيكيا وبالتالى بتقل سرعته ، والدايفرجنس فى التحليل الفنى معناه ان  العزم نفسه او قوه الاندفاع لا تؤكد حركه السعر(directional momentum does not confirm price) وبالتالى هنلاقى فيه اختلاف او انحراف فى الحركه بين  السعر والزخم او قوه الاندفاع بيتم ترجمتها على مؤشرات العزم زى ما هنشوف بعد كده ، لكن الاول خلينا نشوف عمنا مارتن برينج  قال ايه عن الدايفرجنس وهو افضل من كتب عنها - من وجهه نظرى الشخصيه -الراجل له تشبيه بليغ  بيقول فيه ، لو انت خارج الصبح ولاحظت ان السماء ملبده بالغيوم، هتتوقع ان الدنيا ممكن تمطر! وهتعمل حسابك انك تاخد ما يحميك من المطر ، بس هل تقدر تجزم بان الدنيا هتمطر فعلا لمجرد ان السماء ملبده بالغيوم ! التأكيد مش هيجى غير لما تشعر فعلا  بقطرات المطر بدأت تتساقط !

هكذا هو الانفراج  او الاختلاف او الانحراف سميه زى مانت عايز، مؤشر على ان الاتجاه ممكن ان يتغير ، ولكن لابد من السعر نفسه ان يؤكده ، والتأكيد يأتى باحد الطرق الاتيه:-

1- كسر ترند

2-اكتمال نموذج

3- انعكاس فى القمه او القاع تؤكده الشموع

4- تقاطع المتوسطات البسيطه سلبا او ايجابا

والحقيقه ان الانفراج بيتحكم بحاجتين : اولا : الزمن ، فكلما كان زمن الانفراج كبيرا كلما كان اثره اقوى، وثانيا : كلما كان هناك انفراج سلبى بين القمم  وعلى فتره زمنيه كبيره كلما كان البناء الصعودى ضعيف والعكس بالعكس فى الانفراج الايجابى وبالتالى الاثر ايضا هيكون اقوى 

الانفراج بشكل عام بينقسم الى نوعين

اولا : الانفراج الكلاسيكى

وهو موضوح بالجزء رقم 1 فى  الصوره رقم واحد، ينقسم الى نوعين :  اما انه انفراج سلبى ، على شكل حرف M والسعر فيه بيحقق قمه اعلى من قمه لكن مؤشر المومنتم يقوم بعمل قمه اقل من قمه ، والعكس فى الانفراج الايجابى ، السعر يقوم بعمل قاع اقل من قاع ، ومؤشر الزخم يحقق قاع اعلى من قاع

ثانيا :  الانفراج الخفى

موضج بالجزء رقم 2 فى الصوره رقم 1  والصوره رقم 3 ، وايضا هو نوعين ، انفراج خفى ايجابى وفيه السعر يقوم بعمل قاع اعلى من قاع والمؤشر يقوم بعمل قاع اقل من قاع، والنوع التانى وهو الانفراج الخفى السلبى ، وفيه السعر يقوم بعمل قمه اقل من قمه ، ومؤشر المومنتم يقوم بعمل قمه اعلى من قمه والنوع ده بيكون اقوى من الانفراج الكلاسيكى

ثالثا :  الانفراج المفرط او المبالغ فيه
 موضح بالجزء رقم 3 من الصوره رقم 1 وهو مش شائع اوى وفيه منه نوعين ، الاول وهو الانفراج السلبى، يقوم السعر فيه بعمل قمتين متساويتين ومؤشر المونتم يقوم بعمل قمتين متناقصتين ، والنوع التانى، السعر يقوم بعمل قاعين متساويين ومؤشر المونتم يقوم بعمل قاع اعلى من قاع ، وبيكون الشكل العام اشبه بالدبل توب او الدبل بوتوم

الصوره رقم 2 ، بتوضح مثال على تأكيد السعر للانفراج يكسر خط ترند صاعد كمثال على انفراج سلبى(الاسهم الزرقاء) واشاره بيع ، ونفس الصوره بها مثال على كسر ترند هابط كمثال على انفراج ايجابى(الاسهم الحمراء) واشاره شراء
الخلاصه
 لابد ان تستوعب امرين ، اولا : ان الزخم او قوه الاندفاع لابد لها ان يؤكد حركه السعر حتى لا ينشأ الانفراج او الانحراف
وثانيا : لابد للسعر ان يؤكد الانفراج فى حال ظهوره عن طريق الاربعه اشياء المذكوره سابقا وبدون هذا التأكيد ، من السهل جدا ان ترى السعر فى صعود لفترات زمنيه كبيره رغم وجود الانفراج ولكن يكون هذا الصعود ضعيفا ورده الفعل ربما تكون قاسيه بعض الشىء فى هذه الحاله

DOLLAR INDEX

IN THE NAME OF ALLAH , THE MOST GRACIOUS , THE MOST MERCIFUL

• THE USD INDEX ON 4H TIME SCALE , AHEAD AND SHOULDERS OBVIOUSLY SHOWS, CONFIRMED BY PRICE CLOSES BELOW 102.70 PT, IT MAY FALL TO 101.50
• PERHAPS THE INDEX NOW IN A PULLBACK , SO WATCH THE PRICE AT THE NECKLINE OF THE FORMATION
•   (FORMATION FAILED WEN PRICES CLIME ABOVE THE HEAD (103.65

EGX30

بسم الله الرحمن الرحيم

• مؤشر EGX30 على الشارت اليومى ونموذج سكالوب صاعد فى طور التكوين يكتمل بالاغلاق اعلى مستوى 12534 لمستهدف قد يصل الى مستوى 13850 نقطه
• هناك انفراج سلبى بين الاسعار ومؤشر RSI ، ربما يتخلص المؤشر منه بالتحرك العرضى  خلال الفتره القليله القادمه  لاخذ العزم الكافى لاختراق مقاومه 12500 والتخلص من حاله الضعف فى الصعود