ابداع الخالق وعظمته فى ميكانيزم عمل الجسم اثناء الصيام

بسم الله الرحمن الرحيم
الحقيقه كنت قرأت من فتره صغيره عن ميكانيزم عمل الجسم وقت الصيام ، ولما نشوف ازاى الامعاء بتعمل ببطء لطرد السموم والاحتفاظ باكبر وقت بالغذاء عشان طاقه الجسم وان ازاى ضغط الدم بينخفض وقتها وده ربما يكون مفيد لمرضى الضغط الدم العالى باعتبار كميه الميه القليله فى الجسم ،وان ازاى حجم القلب بيقل وقت الصيام نتيجه لكميه الدم القليه الواصله له ، وان ازاى الكليتين بتعمل بكل كفائتها لعدم تسرب المياه للمثانه للحفاظ على كميه المياه فى الجسم بحيث انه ما يحصلش جفاف للجسم وان البنكرياس حركته بتقل للحفاظ على طاقه الجسم وان الكبد فى الصيام بيقدر يتخلص من السموم بدرجه اعلى ، ولو احتاج الجسم للطاقه بيبتدى يكسر فى الدهون الزائده عن حاجه الجسم لامداد الجسم بالطاقه اللازمه ، الحقيقه ان الميكانيزم ده فى توازنه المدهش ودقته العاليه لا يمكن الا ان تقف امامه وانت مبهور وتقول WOOOOOW بالحجم العائلى ، بصراحه انا مندهش من اى ملحد ازاى على سبيل المثال ما يقفش امام هذه المنظومه العجيبه ويتأمل فيها وعلى قدره الخالق وما يقلش ان فيه اله واحد او قوه اعلى من الانفجار العظيم ونظريه السديم ، مش كده وبس وكمان ذلك الرجل الامى الذى لا يجيد الكتابه او القراءه منذ اكثر من 1400 عام قال " صوموا تصحوا" من علم هذا الرجل هذه الروشته العلاجيه سواء لكثير من الامراض العضويه او الامراض النفسيه ! فعلا انه لا ينطق عن الهوى
اخيرا لا نملك الا ان نقول عن تفصيله صغيره على قدره الخالق وعظمته، بان الله حق ومحمدصل الله عليه وسلم حق والاسلام حق والقران حق ، ونشهد بان لا اله الا الله وان محمدا رسول الله

العربيه لحليج الاقطان

بسم الله الرحمن الرحيم
*العربيه حليج*
- الحقيقه خلال الايام الماضيه كان فيه كلام كتير عن السهم ده وكالعاده كان فيه كميه من الشجار حوليه لكن اللى لفت نظرى ان ناس شيرت اراء ناس محسوبه من الخبراء فى البورصه خصوصا فى الناحيه الماليه
لكن هو السؤال البديهى دايما اللى بنسئله للناس اللى درست تحليل مالى او اشتغلت بيه عشان نقدر نفرق بين اللى مارسه عمليا من اللى قراه فى الكتب
هو ايه علاقه شركه مجالها حلج القطن بان عندها اصول ثابته كاراضى وما عرفش كام الف متر 🤔🤔
العلاقه دى سيادتك عامله زى واحد بتقوله صباح الخير يرد عليك يقولك انا مهندس
اظن انا اتكلمت فى النقطه دى قبل كده وقلت دايما ان اى اصول خصوصا لما تكون اصول ثابته لابد لها ان تكون من جنس النشاط عشان اعرف بعد كده اقيم كفاءه الشركه فى اداره اصولها اللى من المفترض انها بتولد ارباح ، والف باء تقييم الشركات ان فيه حاجه اسمها " الارباح الناتجه عن النشاط التشغيلى" اللى انا كمستثمر لازم احط عينى عليها جنب رقم نمو المبيعات وبالتالى طول ما بيحصل نمو عندى فى الارباح الناتجه عن التشغيل فانا كشركه ماشى فى الطريق الصح
لكن لما قطاع كامل زى قطاع الغزل والنسيج عايش فى تداولاته فى البورصه على شويه اراضى بيمتلكها يعنى ارباح رأسماليه مش ارباح ناتجه عن النشاط التجارى الخاص بالشركات دى وبعد كده نطلع نلبس على الناس ونقولها ان الشركه الفلانيه عندها اراضى معرفش بكم مليون ، هو سيادك الشركات دى اتحولت بقدره قادر لشركات بتشتغل فى المجال العقارى واحنا مش حاسين ولا انتوا بقيتوا سماسره مش محللين ! 😁
طبعا ما نقدرش نقول هنا هى فين الدوله اللى دمرت قطاع كامل كان بيضرب بيه المثل سابقا وكانت له بورصه قائمه بحد ذاتها لتداول الدهب الابيض المصرى ، لكن نقعد نطبل ونشتغل الناس بمعلومات اقل ما يقال عنها ان العامه بيتداولوها بينهم ، عشان نلعب على مشاعر الناس وندخل ناس اكتر فى المفرمه تحت مسمى ان شركه مجالها حلج القطن تمتلك اراضى المتر فيها ماعرفش بكام ، مش كده وبس لاء وكمان نسب ونلعن فى البورصه اللى فيها اسهم قيمتها دهب جنب اسهم ما تساويش حتى تمن الورقه اللى بيطبع عليها البيانات اللى بتتكتب عنها ، طب يا باشا ما تكلمنى كلام علمى اقدر افهمه وقولى لو فيه نمو مبيعات المبيعات دى جايه منين ، كلمنى عن ارباح التشغيل اخبارها ايه كلمنى عن تكلفه المبيعات والتحكم فى عناصر التكاليف اللى ممكن تغنينى عن النمو فى المبيعات ، لما تيجى تكلمنى عن اصول ثابته لشركه زى حليج الاقطان كلمنى عن كام محلج تمتلكه كلمنى عن كام اله بتشتغل باحدث تكنولجيا فى جميع مراحل حلج القطن عشان تعملى قيمه مضافه للشركه والاقتصاد كلمنى عن خطط استثماريه لاقامه مزيد من المحالج والتوسع فى النشاط ومعدلات النمو المستهدفه مش تقولى الشركه عندها اراضى وما اعرفش ايه ، ويمكن اخيرا الشركه انتهبت لتقسيم الشركه الى جزء اخر لاداره الاصول مع انه خبر على ما اعتقد كان قديم من 2009 ولما نشوف
يا ترى العربيه لحليج الاقطان هتقدر تعيش من غير انبوب الاكسجين اللى كانت معتمده عليه ولا لاء ؟!
- اخر حاجه عايز اقولها هو حضرتك لما ترمى معلومه ان الشركه الفلانيه عندها اصول وبس على كده ، لو سعادتك منصف فى المعلومه قلنا كمان تأثيرها على نسب الربحيه ! او نسب كفاءه النشاط ، يا ترى وقتها تقيم حضرتك للاداره هيكون ايه ؟!
- فنيا السهم مش محتاج كلام كتير على المدى الطويل طالما انه مش قادر يخترق 6.70 ويثبت اعلاها فما تنظريش من السهم خير وهيفضل التحرك العرضى المائل للهبوط هو الارجح خصوصا اذا كسر الترند الصاعد واكد كسره بكسر دعم 5.50 وناخد بالنا ان عندنا فيلورسونج سلبى يعنى السهم الارجح له الهبوط ما لم يحدث اكتساب عزم جديد للسهم يخليه يخترق 6.70 ويثبت اعلاها ووقتها يبقى فيه كلام ايجابى عن السهم

"وقال ربكم ادعونى استجب لكم "

بسم الله الرحمن الرحيم

من خلال التنقل فى اكثر من بيت من بيوت الله خلال الاسبوع الحالى من رمضان او حتى سابقا لاحظت ، ان معظم ان لم يكن كل الائمه فى صلاه التراويح او التهجد فى رمضان يهتمون بقراءه القرأن على حساب السجود واعطاء الفرصه للناس للدعاء ، وربما ان البعض يفهم بالخطأ ان الاثنين متضادين مع ان الدعاء فى حد ذاته هو عباده وربنا فى الترغيب فى الدعاء قال " وقال ربكم ادعونى استجب لكم " وقال النبى صلى الله عليه وسلم الدعاء هو العباده وتلا هذه الايه الكريمه "وقال ربكم ادعونى استجب لكم" وفى الترهيب عن ترك الدعاء وهى الايه التاليه للايه الكريمه السابقه قال جل وعلا " ان الذين يستكبرون عن عبادتى سيدخلون جهنم داخرين " وفى التفسير المجمع عليه ان ترك الدعاء والاستكبار فى اللجوء اليه والاستعانه بالله فى قضاء الحاجه هو المقصود بالعباده هنا فالله سبحانه وتعالى يحب العبد اللحوح فى الدعاء كما اخبرنا النبى صلوات الله عليه وسلامه ويحب الله دائما العبد الذى يطلبه فى السراء والضراء وسبحان الله ان ربنا العظيم ده يستحى ان يرد طلب عبد رفع يديه اليه يطلبه فى اى مسأله ، وبالمناسبه مش لازم ان كل دعاء يستجاب فى الدنيا والافضل انه يخفف عنك به فى الاخره فما بالنا وان اعظم اوقات الدعاء وهو وقت السجود وانت تكون اقرب ما يكون من الله ورغم ذلك يستكثر علينا ائمه المساجد ان نستغل صلاه الجماعه وقربنا من الله فى السحود ليطلب كل منا مسئلته والغريبه عندما تتاخر عن الامام فى متابعته تجد 100 واحد يكلمك ويقولك متابعه الامام واجبه وعندما ترد عليه وتقوله يا اخى الكريم هو مش المفروض الامام ده يتيح الفرصه للناس فى السحود ولو للحظات وفى شهر كريم زى رمضان ان الناس تطلب مسئلتها ، تلاقى الرد اما السكوت او حد يقولك عندك صلاتك فى البيت صلى وادعى زى مانت عايز ومتابعه الرد منى وايه المشكله انى ادعى فى صلاتى فى البيت وصلاتى فى الجماعه الحقيقه اننا فعلا محتاجين ثوره دينيه لتغيير بعض المفاهيم لكن مش ثوره دينيه بتاعه الدين الوستى الجميل بتاع الهام شاهين وما شابه لكن محتاجين اننا نعرف ائمه المساجد نفسها ان السجود لله ودعائه هو عباده ايضا، يحتاج لاتاحه الوقت زيه زى انك تقعد واقف 5 دقايق مثلا تستمع لقراءه القرأن مش لازم السجود طبعا يكون لدقيقه او اكتر بس انا شخصيا لما بسجد مش بلحق اقول سبحان ربى الاعلى 3 مرات واقول اللهم انك عفو تحب العفو فاعفو عنى واختم بالصلاه على النبى صل الله عليه وسلم لانى حسب ما اعرف انه لا يستجاب لدعاء لم يذكر فيه اسم النبى الكريم صلاه الله وسلامه عليه سواء فى الاستفتاح او الختام ولو لحقت بيبقى بالسرعه القصوى وبعدها بحس انى ما قلتش حاجه، والاغرب ازاى ناس ائمه مش واخده بالها من حاجه زى دى وحاجه بسيطه مش صعبه وممكن فى المقابل يتم تقليل وقت الدرس بين الركعات مثلا ، او ايه المشكله لما الصلاه تتاخر 10 دقايق كمان بس ناخد حقنا فى الدعاء فى اقرب المواضع من الله ونكون اكثر الحاحا فى طلبنا سواء فى صلاتنا فى البيت او الجماعه عموما احب ان اشير الى اننا لنا اخوانا مسلمين مستصعفين فى مشارق الارض ومغاربها يستحقون منا الدعاء لهم دائما وهو حقهم علينا ، حتى الدعاء لبعضنا البعض كمسلمين بظاهر الغيب واجب علينا ، ويكفى ان لكل مسلم موكل اليه ملك عند راسه يأمن على دعوتك بالخير لاخيك المسلم ، وكان السلف الصالح عندما يريدون الدعاء لانفسهم ، يخلصون فى الدعاء لاخوانهم بالغيب لتقبل دعواتهم فلا تنسوا الدعاء للمسلمين المستضعفين فى فلسطين وان ينصرهم نصرا عزيزا مؤزرا على الصهاينه الملاعين ويحفظ القدس والمسجد الاقصى للمسلمين وفى سوريا وفى بورما والعراق والصومال وكشمير وفى اليمن وفى افغانستان وفى افريقيا الوسطى ، وان يرفع عنا البلاء والغلاء فى مصر وسائر بلاد المسلمين وان يوحد صفوفنا ويصلح ذات بيننا كمسلمين ادعوا الله وانتم موقنين بالاجابه وادعوا ما شئتم من دعاء الاخره والدنيا ولا تستكثروا شئيا على الله فاطلب المستحيل منه ولا تستعظم عليه شئيا فانت تطلب من ملك الملوك ورب الارباب ومالك الدنيا والاخره ومليكها ولا تنسوا الدعاء بان نكون من المؤمنين المبشرين بمقعد صدق عند مليك مقتدر اللهم امين

EGX30

بسم الله الرحمن الرحيم

- بالاشاره الى مستهدف الرأس والكتفين السابق ذكره عند 16650 ومع ضعف القوى البيعيه الواضح على مؤشر الماكد هيستوجرام بالرغم من تحقيق لوهات اقل ، الى ان القراءه المبدئيه لحركه الهبوط ترجح ان الرالى الهابط فى طريقه الى الانتهاء وربما من جلسه اليوم او جلسه اخر الاسبوع نرى جلسات متقلبه تتعادل فيها نسبيا القوى الشرائيه مع القوه البيعيه واعتقد بدرجه كبيره مع بدايه الاسبوع القادم قد نجد ان القوه الشرائيه اصبحت هى التى تقود السوق - شمعه جلسه 22/5/2018 بالرغم من الفوليوم الخاص بها اكبر من السابق وحققت قاع اقل الا ان بداخل هذا الفوليوم يبدو لى هناك فوليوم شرائى حتى ولو كان ضعيف او غير ملحوظ ، ولكن السوق يحتاج فى مثل هذه الحالات للتأكيد اما شمعه بفوليوم كبير وظل طويل واقفال اعلى من منتصف الشمعه او شمعه خضراء بفوليوم كبير سبريدها واسع لتاكيد انتهاء الرالى الهابط ودخول المحترفين لدعم السوق ، عموما اشكال الشموع التى تعلن دخول المحترفين الى السوق ربما تختلف من وقت الى اخر وتتعدد اشكالها لكننا اختارنا اشهر حالتين لدخول المحترفين ودعم السوق ، والمهم هنا مراقبه الاداء بعد الانعكاس وقياس مقدره السوق على التعامل مع مناطق المقاومه التى ستقابله لاحقا عند منطقه 16800-16900 ثم منطقه 17400-17500 وغالبا منطقه 1740-17500 اذا لم يتجاوزها المؤشر ، المرجح ان يكون الارتداد بشكل مؤقت ويعاود الهبوط مره اخرى - الجزء الاخير من المشاركه يخص اكثر الناحيه التعليميه ، فربما البعض تشكك فى الرأس والكتفين الموجود ، وما زال البعض لا يستيطع التفرقه بين الانماط المتساويه والغير متساويه (EVEN& UNEVEN PATTERNS) والتى يطلق عليها مجازا الانماط المشوهه (UGLY PATTERNS) والحقيقه من احصائيات لبولكوسكى وجد ان انماط الرأس والكتفين المشوهه ادائها افضل بشكل عام وربما من الاحصائيات ايضا وجد ان انماط الرأس والكتفين ذات الكتف الايسر الممتد (االمسافه بين الكتف الايسر والرأس تبدو بعيده نسبيا عن الرأس ) وكذلك الكتف الايسر الاعلى من الكتف الايمن ادائها اكثر فاعليه بعد كسر خط الرقبه وهو ما ينطبق هنا على المثال الحالى

GOLD

IN THE NAME OF ALLAH THE MOST GRACIOUS THE MOST MERCIFUL
GOLD PRICES REBOUNDED FROM SESSION LOWS AT 1282 AS YIELDS IN THE US EASED FOLLOWING SECRETRY MNUCHIN‘S ANNOUNCEMENT THAT THE TRADE SPAT WITH CHINA HAS BEEN PUT ON HOLD, THIS SIMPLE REVERSION IS ACCOMPANIED BY THE INABILITY OF PRICES TO BREAK DOWN THE MINOR UPTRENDLINE(THE RED ONE) SO FAR ,IF IT IS BROKEN THERE IS A QUITE POSSIBILTY THAT GOLD GONNA REACH THE ORIGINAL UPTRENDLINE , HOWEVER,  GOLD IS STILL UNDER PRESSURE , MAYBE  THIS PULLBACK IS A TEST OF THE DOUBLE TOP PATTERN WITHIN UNCONFIRMED TRIPPLE TOP, SO KEEP UR HAWK EYES OPEN ON KEY RESISTANCE 1300
IF THE PULLBACK  FAILS, GOLD IS LIKELY MOVES DOWN TO HIT DOWNSIDE TARGET ROUGHLY AT $1245

DOLLAR INDEX

IN THE NAME OF ALLAH THE MOST GRACIOUS THE MOST MERCIFUL
IN EARLIER TIME,  I SET AN INITIAL TARGET AT 95 LEVEL, IM STILL BULLISH ON DOLLAR , ESPECIALLY US 10-YEAR TREASURY HITS THE KEY PSYCHOLOGICAL LEVEL OF 3 PERCENT FOR THE FIRST TIME SINCE JANARY2014, NOT ONLY THAT , BUT AN INDEX CLASS MARKET BY THE 3 MONTH US TREASURY BILLS HAVE BECOME A CONTENDER AGAIN, AND THIS MAY MEAN MORE CAPITAL FLOWS INTO THE US DOLLAR.
WEN LOOKING AT THE RETURN OFFERED BY 3 MONTH GOVERMMENT DEBT, IT NOW ALIGNS WITH THE SP500‘S DIVIDEND YIELD FOR THE FIRST TIME SINCE 2008 SUCH A DEVELOPMENT IS SEEN AS AN INFLECTION POINT AND MAY CAUSE THE US DOLLAR TO FIRM FURTHER OVER TIME
TECHNICALLY SPEAKING: THE US DOLLAR HITS A KEY SUPPORT ZOON  AT 88.4-89.70 AND THE FAILURE TO REACH THE  LOWER END OF THE DESCENDING CHANNEL  , WAS AN EARLY WARNING THAT THE UPPER LINE WILL BE BROKEN, AND THIS HAS ALREADY HAPPENED, WITH A DEEPPLY OVERSOLD VIA RSI WICH FORMS  A BULLISH FAILURE SWING, ALL THIS POSITIVE SIGNS MEAN THAT THE RALLY HAVE MUCH , MUCH TO GO

كل عام والامه الاسلاميه بخير ..... رمضان كريم

بسم الله الرحمن الرحيم
كل عام والامة الاسلامية بخير وفى احسن حال
تقبل الله صيامنا وقيامنا وسائر اعمالنا
واعاننا على ذكره شوكره وحسن عيادته

NASDAQ100

IN THE NAME OF ALLAH THE MOST GRACIOUS THE MOST MERCIFUL
NASADQ100 , DAILY CHART, IT SEEMS THE WAVE (4) COMPLETED AT THE LOW OF 6426 AS A RUNNING TRIANGLE . YET, DONT RULE OUT WAVE D IS STILL IN PROGRESS, AND THE TRIANGLE NOT COMPLETE YET, BREAK ABOVE 7186 WILL NEGATE THIS PROBABILITY AND CONFIRMS THAT WAVE (5) HAS COMMENCED

الفسلطنيون وحدهم من يدفعون الثمن ONLY THE PALESTINIANS ALONE ARE PAYING THE PRICE

بسم الله الرحمن الرحيم
THEY ALL WORKED IN COLLUSION ON JERUASLEM AND ARAB‘S BLOOD , ONLY THE PALESTINIANS ALONE ARE PAYING THE PRICE
الكل تأمر على القدس والدم العربى ، الفلسطنيون وحدهم من يدفعون الثمن

EGX30

بسم الله الرحمن الرحيم
- شارت المؤشر الثلاثينى على فريم الخمس دقائق ، وفى اعتقادى ان الموجه الزجزاج اللى شغال فيها المؤشر قد تكون انتهت ، ربما لا يدعم هذا الترجيح عدم وجود اى دايفرجنس ايجابى على اى فريم زمنى اللهم الا فريم الساعه فقط (تكوين قاع اعلى من قاع على مؤشر الماكد بين الموجتين A.C)
- على اى الاحوال لمن دخل مع ارتداده السوق فى اولى جلساته عليه الحذر حاليا من كسر مستوى 17150 وكنت شخصيا افضل الانتظار لمعرفه قدره المؤشر على تجاوز مستوى 17400 اولا ، وكسر 17150 يعنى فشل البولباك على نمط الرأس والكتفين المكسور ويفتح الباب لمزيد من المستهدفات الهبوطيه اقلها الوصول الى منطقه 16900-17000
- الحقيقه انا مش عايز ادخل فى تفاصيل كتير ، لكن الاستعانه بالمدارس المختلفه فى التحليل الفنى للاسف اعطتنا نتائج مختلفه ، ويبقى مستهدف الرأس والكتفين عند 16650 يدعمه التحليل الموجى فى حاله اذا ما كان السقوط من قمه 17887 الى قاع 17150 هو موجه اولى ممتده من C فى زجزاج ، ويبقى اكتمال نموذج الهارمونيك AB=CDالمظلل فى منطقه 16990-17060 هو الاقل ترجيحا عندى
- ثبات المؤشر اعلى قاع 17150 يرجح استهداف المؤشر مستوى 17900 اولا ، ويحتاج السوق الى دعم القوى الشرائيه التى ما زالت ضعيفه الى حد كبير اذا اراد القائمون على السوق المحافظه على مستوى 17150 حاليا والانطلاق منه لاختراق 17400 ومن ثم الوصول الى 17900

EGX30

IN THE NAME OF ALLAH THE MOST GRACIOUS THE MOST MERCIFUL
* AFTER EGX30 BOOKED A NEW RECORD HIGH AT 18400, CORRECTION HAS TAKEN PLACE AND THE MARKET SLIPPED ROUGHLY 1000 POINTS - IN NEAR TERM , THE BEARS ARE IN CHARGE OF THE MARKET AS PRICE HEADS DOWN TOWARD 17400 - ADVACE/DECLINE SPREAD SINCE 29/4/2018 TENDS TO BEARS, THE NUMBERS OF ADVANCING STOCKS TODAY - AS EXAMPLE- WERE 25 WHILE THE DECLINING STOCKS WERE 132 - TAKE A LOOK ON ADVANCE/ DECLINE RATIO (25/132) IT‘S 0.19 LESS THAN 1 IT MEANS BEARISH TO CHOPPY MARKET (BEARISH TREND IS PRESENT) - MONITOR THE KEY LEVEL 17400 , BREAKOUT DOWNWARD , YO HAVE TO TAKE ACTION IN LINE WITH YOR STRATEGY

ايران الحليف الخفى لامريكا تؤدى ماهو مطلوب منها مع كوريا الشماليه

بسم الله الرحمن الرحيم
بمناسبه قرار انسحاب امريكا الاحادى من الاتفاق النووى ، ما زال البعض يصدق ان ايران هى عدو اسرائيل وامريكا الحقيقى وانا اتكلمت قبل كده عن ان اكبر جاليه موجوده فى اسرائيل هى الجاليه الايرانيه ومهيمنين على مناصب كبيره فى جيش الدفاع اليهودى ومن اكبر الجاليات الموجوده فى امريكا وبيكونوا لوبى ضغط لنفوذهم هناك هما ايضا الايرانين ، ومش عايز افكر الناس بتاريخ الشيعه فى الخيانه للسنه من زماااااااااااااان وارجعوا للتاريخ وشوفوا ناس زى ابن العلقمى ونصير الدين الطوسى الروافض وخيانتهم للمستعصم فى العصر العباسى والتأمر مع هولاكو للقضاء على الخلافه وتسليم بغداد للتتار
يا ساده من يظن ان امريكا واسرائيل يريدان تدمير ايران فهو واهم لا شك فى ذلك ، ان معركه امريكا واسرائيل الحقيقيه مع اهل السنه والجماعه ويبقى الشيعه كالشوكه فى ظهر اهل السنه ، ولو لاحظتم فى الفتره السابقه ان بلاد اهل السنه تسلم الى الفئه المارقه واحده تلو الاخرى فالبدايه مع العراق ، ثم اليمن وسياتى الدور على دول الخليج الواحده تلو الاخرى
احب افكركم ان السيناريو الممجوج ده تم سابقا ايام اوباما فى 2011 تقريبا وبدء الكلام وقتها عن اسعار البترول اللى هتولع وكررت نفس الكلام انه لن يحدث حرب بين امريكا وايران مهما كانت الاسباب واعيد نفس الكلام بنفس الثقه انه لن يتم الاستغناء عن الحليف الذى يؤدى خدمات عظيمه فى المنطقه ودوره المحورى على المستوى العسكرى والعقائدى وتلميع بعض الدول فى المسرحيه الهزليه كانها تدافع عن الهويه السنيه كالسعوديه ، فالشيعه احد روافد تشغيل المصانع الامريكيه العسكريه ، والشيعه اقرب الى اليهود من اهل السنه وتاريخهم حافل بالخيانه للاسلام والمسلمين السنه وتتلاقى هنا الرغبات بين الثلاثى الملعون اسرائيل وامريكا وايران فى القضاء على الاسلام السنى ، ونفس اللعبه تم تكرارها مع كوريا الشماليه واعتقد الكثير ان كوريا الشماليه وامريكا من الممكن ان تقوم حرب بينهما ونسى هؤلاء ان كوريا الشماليه وايران فى الكواليس يؤديان ادورا عظيمه فى هيمنه القطب الواحد على العالم وان كوريا وايران لا يعدان اكثر من انهما عرائس ماريونيت يتم توجيهها حسب المصلحه الامريكيه

BTC/USD

بسم الله الرحمن الرحيم

- البتكوين من الامثله الجيده اللى ممكن نطبق عليها اسلوب المتاجره اللى اتكلمت عنه قبل كده (EARLY ENTRY) الدخول المبكر على انماط قبل اكتمالها او على انماط انعكاسيه بداخل مثلثات او اوتاد واعتبار اكتمال المثلثات نقطه دخول قبل اكتمال الانماط الانعكاسيه للاستفاده من فروق الاسعار، وشرحنا الكلام ده على مؤشر الدولار من فرته قصيره
- النمط الايجابى الكلاسيكى الموجود على شارت البتكوين ممكن تسميه نموذج دراجون او BIG W او قاع مزدوج مش هتفرق المسميات ، وانا شخصيا اشتغلت عليه على اساس انه نموذج دراجون ، والدخول المبكر بعد اختراق الترند الهابط ولما رجع السعر لاختبار خط الترند المكسور عند قاع 7900 تقريبا للتخلص من اى بياع ممكن يمثل مقاومه لحركه الصعود ، كانت نقطه مناسبه جدا للدخول لاهداف 13000 و 17250
- شخصيا بحب اقسم المتاجره فى الحالات دى لجزئين ، الجزء الاول من بعد اختراق خط الترند وحتى نقطه اكتمال القاع المزدوج وانهى الصفقه وادخل تانى بالاغلاق اعلى نقطه اكتمال نموذج القاع المزدوج او اجنى جزء من الربح وانتظر اشوف السعر هيعمل ايه عند نقطه اكتمال القاع المزدوج ، وبالتالى فى حاله الاختراق لاعلى هكمل شراء لمتاجره لونج او لو تراجع السعر هخرج بالجزء الباقى عند اقرب دعم تحت نقطه اكتمال القاع المزدوج ، وهنا نقطه الدخول عند 7900 لمتاجره حتى 11650 وفى حال الاغلاق اعلاها تقدر تكمل الى الاهداف المذكوره ، وللمستثمر المتحفظ عليه الانتظار حتى اغلاق السعر اعلى 11650 لمستهدفات قد تصل الى 17000 وربما بالقرب من القمه التاريخيه عند 20000
- الحقيقه انا مش عايز اتكلم فى تفاصيل اليوتيه لان الاحتمالات كتير فى منها بيأيد المستهدفات دى واكتر كمان فى حاله ان الاسواق الامريكيه خلصت تصحيحها العرضى وبدئت موجه صعود تصل بها الى قمه اعلى من القمم السابقه ، اما ان كان التصحيح العرضى ده مقدمه لموجه هبوط كبيره ، فنفس السيناريو ينطبق على البتكوين والسوينجات اللى شغال فيها البتكوين فى موجه الارتداد ممكن تكون جزء من مثلث وبعدها موجه هبوط لتكمله موجه التصحيح الكبيره ، او قد يكون الارتداد من مستويات 6000 بموجه ثلاثيه بمثابه رفسه القط الميت قبل مواصه الهبوط مره ثانيه ووقتها هتظهر فائده انا ليه قسمت المتاجره لجزئين

BEWARE ! EARLY ENTRY 4 AGGRESSIVE TRADERS 😉
IF UR NOT QUALIFIED 2 DO SO... STAY AWAY ‘TIL PRICE HEADS UP TOWARD 11650 ---> WAIT AND SEE

جلوبال تليكوم

بسم الله الرحمن الرحيم
-  من الملاحظات على سهم جلوبال تيلكوم  ان اعلى قمه فى تاريخ السهم كانت بتاريخ 31/1/2007 يعنى قبل بدء تصحيح EGX30 بحوالى سنه وثلاثه شهور (تصحيح المؤشر بدء اخر شهر ابريل 2008) ، ومن المعروف ان قطاع الاتصالات من القطاعات اللى مش بتتأثر اوى بتقلبات الدوره الاقتصاديه سواء صعودا او هبوطا وحركتها بتكون عكس الدوره الاقتصاديه فى كثير من الاحيان او متأخره جدا عنها (NON CYCLICAL ) ، اللى لفت نظرى شخصيا ان موجه الارتداد الحاصله فى السهم من 2016 اعلى سعر وصلت اليه الى الان كان بتاريخ 31/1/2017 والغريبه ان المؤشر عندنا بدء هبوط فى اخر شهر ابريل 2018 يعنى تقريبا نفس الفتره الزمنيه(سنه وثلاثه شهور) ، يا ترى ممكن التاريخ يعيد نفسه ولا دى مجرد مصادفه فقط  ؟!! ، لو الملاحظه دى فى محلها يبقى الناس لازم تنتبه شويه لحركه المؤشر الايام القادمه وتراقب مبدئيا مستوى 17600 والاهم حاليا 17400
- السهم بعد كسر الدعم الفولاذى عند 6 جنيه واللى قلب الترند لهابط فى المدى المتوسط وشخصيا بعتبر ان كسر الدعم ده هو السبب الرئيسى فى اللى بيحصل للسهم بالرغم من الاغلاق سابقا اعلى هذا المستوى واستمرار الحركه الصاعده كان يؤهل السهم لاستهداف قمته التاريخيه عند 10.5 وما زال هذا الهدف ساريا طالما ان السهم لم يغلق تحت 1.5 جنيه ولكن بطبيعه الحال سيتأثر الاداء - اذا قدر للسهم معاوده الصعود - بالثروباك الممتد على القاع الثلاثى ، والغريب حاليا انه بالاغلاق تحت هذا المستوى اكتمل نمط سلبى وهو القمه الثلاثيه لمستهدف قد يصل الى 4 جنيه 😁
- الشارت الثانى : بيوضح مدى ارتباط السهم بقطاعه(حركه القطاع منفصله عن حركه المؤشر وهو ما يفسر اختلاف اداء السهم عن اداء المؤشر) باعتباره انه سهم قائد فى القطاع ، وتحليل حركه السهم من خلال مقارنه ادائه بأداء القطاع على مؤشر القوه النسبيه المقارن فى الفتره من 2016 وحتى الان ، والاداء مر بثلاث مراحل ، اولها ان مؤشر القوه النسبيه المقارن كان هابط فى حين ان السهم والقطاع كانوا فى اتجاه صاعد وهو ما يعنى ان السهم كان ادائه اقل من القطاع يعنى يرتفع بنسبه اقل من نسبه ارتفاع القطاع، والمرحله الثانيه وهى التحرك العرضى لمؤشر القوه النسبيه المقارن وبيتساوى فيها مؤشر القطاع مع جلوبال تيلكوم فى الاداء وهى المرحله العرضيه اللى تم فيها التصريف، واخيرا مرحله صعود مؤشر القوه النسبيه المقارن فى حين ان السهم والقطاع كانوا فى اتجاه هابط وهو ما يعنى ان السهم ادائه افضل من القطاع يعنى يهبط بنسبه اقل من نسبه هبوط القطاع وهو على عكس المتداول من ان سحب شركه فيون لعرض الاستحواذ هو السبب فى انهيار السهم ربما يكون السبب فى تسريع وتيره الهبوط لكن السهم منذ بدايه الصعود فى 2016 وادائه اقل من القطاع بالرغم من انه السهم القائد فى القطاع

EGX30

بسم الله الرحمن الرحيم
الشارت الاول : عليه نموذج شموع ربما يكون غير متداول كثيرا وهو نموذج الثمان ارتفاعات المتتاليه وهو نموذج هيتأكد بمجرد تحقيق شمعه هابطه بعد الثمان شمعات وله طريقه غريبه فى حساب المستهدف لكن بشكل عام فى حاله تأكده ممكن المؤشر يصل الى مستويات 16700
- لو حبينا نقوم بتحليل الفوليوم سبريد لشمعه شهر ابريل هنلاقى ان الشمعه المشار اليها هى شمعه ذروه الشراء (THE BUYING CLIMAX) ومتوافر فيها كل الشروط سواء سبريد الشمعه المقدر باكتر من 1000 نقطه(سبريد واسع) ، والفوليوم الكبير الذى بلغ تقريبا فى اخر شمعتين ضعف ما كان عليه فى متوسط السته شهور السابقه لهما ، كما ان اغلاق الشمعه بالقرب من اعلى سعر لها اى انها مستوفيه كافه الشروط ، وهى احدى الشمعات التى يستخدمها من يتحكمون فى الاسواق الماليه كمؤشر قوى على وجود قمه محتمله ، وهيتاكد الاحتمال ده بالشمعه الشهريه لشهر مايو فى حاله اذا لم تحقق قمه جديده وكان سبريد الشمعه صغير وفوليوم كبير ، لكن يبقى الخلاف هنا هل هى قمه مؤقته يتبعها تصحيح قصير الاجل او متوسط الاجل، ثم تحقيق قمه جديده قد تصل الى مستويات 19000 نقطه وربما الى مستويات 21500 كمستهدف للاسكالوب الصاعد الواضح على الشارت ، ام هى قمه تاريخيه تصحح كامل الترند الصاعد منذ بدء البورصه المصريه عام 1993 ؟!
- الحقيقه ان العزم اللى اكتسبه المؤشر من منتصف شهر فبراير واشرت اليه فى مشاركه سابقه مع زاويه الصعود الحاده بيرجح عندى انه يكون عزم موجه تالته فرعيه ومش عايز ادخل فى تفاصيل اليوتيه كتيره ، لكن لو ترجيحى ده صحيح مع تحليل لسهم التجارى الدولى عشان نربط حركه السهم القائد مع مؤشر البورصه ، فى تقديرى الخاص ممكن نرجح ان القمه المحتمله هتكون قمه مؤقته وشخصيا مش هكون قلقان لو واصل المؤشر هبوط سواء لمستوى 17600 او حتى 17400 ، وربما لو ربطنا الكلام ده بالاسواق الخارجيه والترجيح انها تكون فى موجه مثلثيه (تصحيح جانبى) وبالتالى هيكون فيه قمه مؤكده جديده نقدر نرجح ان المؤشر ما زال امامه صعود اخر و القمه المحتمله اذا تأكدت ستكون مؤقته ، وينفى هذا الاحتمال بشكل كبير ان تكون الاسواق الماليه العالميه فى مرحله تصريف(موجه B من زجزاج) ويتبعها هبوط حاد
- بالمناسبه كناحيه تعليميه : من الاخطاء اللى بنقع فيها فى حاله الهبوط اننا لما نشوف الفوليوم بيقل بنقول ان الهبوط قرب يخلص ، الكلام ده مع احترامى كلام عفى عليه الزمن ، فى تحليل الفوليوم بيعلمنا ان ضعف الفوليوم فى الاتجاه الهابط حتى ولو كلاسيكيا يعتبر مؤشر على ضعف الضغوط البيعيه وقرب انتهاء الاتجاه الهابط لكنه فى حقيقه الامر ممكن يكون دليل على ضعف القوه الشرائيه وبالتالى السعر مش بيلاقى دعم حقيقى يسنده للارتداد ، وغالبا فى الحاله دى الحركه بتكون متعمده من المسؤلين عن السوق فى عدم دعمهم للسوق الان استمرار الهبوط وقتها بيمثلهم فرصه ذهبيه لاستلام الاسهم من الافراد المذعورين باقل الاسعار ، ولو حضرتك مش مصدق الكلام ده ارجع للموجه الهابطه فى المؤشر من مستويات 10000 نقطه الى قاع 5500 وشوف كده متوسط التنفيذ للجلسه الواحده نزل من مستويات 450-500 مليون فى بدايه الهبوط الى النصف تقريبا حتى نهايه الهبوطولم ينعكس الاتجاه الا بعد ان فقد المؤشر قرابه 5000 نقطه وقرابه العام زمنيا

قراءه فى تقرير الوظائف الامريكيه ابريل 2018

بسم الله الرحمن الرحيم

ما زالت نظريه منحنى فيلبس تواصل فشلها فى حاله الاقتصاد الامريكى  ، حيث تواصل معدلات البطاله الانخفاض الى مستويات قياسيه ، ورغم ذلك ما زال التضخم بعيد نسبيا عن المستهدف المقدر بنسبه 2%

وعن تقرير الوظائف لشهر ابريل والذى جاء مخيبا للامال الى حد ما،بالرغم من انخفاض معدلات البطاله الى 3.9% وهى اقل نسبه تصل اليها منذ  عام 2000(كان وقتها معدل التضخم 4%) ، الا ان تضخم الاجور على سبيل الذكر جاء مخالفا للتوقعات حيث سجل نمو 2.6% والمتوقع كان 2.7% وهو ما يعنى ان الركود لم يتراجع بالشكل المطلوب ، والنسبه المعتبره فى رأى خبراء الاقتصاد هى 3% كدليل على ارتفاع التضخم (ربما يخفف هذا من مخاوف المستثمرين من رفع الفائده اربع مرات فى هذا العام والاكتفاء فقط بثلاث مرات ، شهر يونيو القادم وشهر سبتمبر مع الرفع السابق فى شهر مارس الماضى )

الحقيقه ان غالبيه اعضاء بنك الاحتياطى الامريكى ما زالوا يؤيدون هذه النظريه والاعتماد عليها فى توقع نسب التضخم بالرغم من فشلها مع الحاله الامريكيه الحاليه وذلك باعتراف بعضا من اعضاء الفيدرالى الامريكى بذلك ، وهو ما يدعونى شخصيا الى القول ان   تقارير البطاله الامريكيه ربما تفتقد الى المصداقيه الكافيه ، او ربما لا تاخذ فى الحسبان اعداد الافراد العاطلين عن العمل والذين فقدوا الرغبه  فى البحث عن الوظائف ، وربما ان هذه التقارير لا تواكب المتغيرات التى حدثت بعد الازمه الاقتصاديه من ظروف العمل نفسها واهمها عقود العمل وقيمتها المتدنيه وكذلك انها عقود غالبا ما تبدو مؤقته ، وقد لا تأخذ فى الحسبان ايضا اعداد الذين تركوا وظائفهم وانتقلوا الى وظائف اخرى ، وقد يكون احد اهم الانتقادات الموجهه نحو هذه النظريه انها تعمل وقت الركود فقط وليس وقت الحاله الطبيعيه للاقتصاد صحيحا

وشخصيا قد نبهت سابقا فى اكثر من مره ، ان ما يحدث بعد 2008 اقتصاديا وكذلك الانعكاسات على اسواق المال فى طريقه لانهاء  كثير من النظريات الكلاسيكيه المتعارف عليها اقتصاديا وكذلك الحال بالنسبه لنظريات عريقه فى التحليل الفنى مثل نظريه اليوت ونظريه مربعات التسعه للعظيم وليام جان ، ما لم يحدث تطور فى هذه النظريات يواكب للتطور السريع الحاصل بعد الازمه الماليه الاشهر عالميا عام 2008

GBP vs USD

بسم الله الرحمن الرحيم

- من غير الدخول فى تفاصيل كتير، ترجيحى ان الموجه الارتداديه دى هى موجه تصحيحيه ، بتمثل اما موجه رابعه انترميديت من زجزاج بادئه من 10/2007 او انها بتمثل موجه رابعه من تالته من ترند خماسى ، والحقيقه ان نقص البيانات الدقيقه ممكن يعدد السيناريوهات ويخل بالبناء الموجى - عموما مؤشر الماكد مع اخر موجه صاعده ثلاثيه (واضحه بخطوط الترند) واللى وصلت بالاسترلينى الى قمه 1.43768 حسمت لنا بعض الامور ، ومنها ان عزم الموجه التالته من الموجه C واضح على الماكد ده غير ان اخر موجه صاعده كانت ثلاثيه مش خماسيه وبالتالى ده عطانا مؤشر على اننا ما زلنا فى الموجه الرابعه على شكل فلاته ممتده ممكن تاخد الاسترلينى لمستويات 1.34650 او 1.33200، ويفشل الاحتمال ده فى حاله كسر مستوى 1.33015، وفى حاله وصول الاسترلينى الى المستويات المذكوره من المفترض ان يصعد الاسترلينى لتحقيق قمه جديده فوق 1.43867 قبل ان يواصل السقوط الى مستويات 1.19048 او يقوم بكسرها لتحقيق قاع جديد ، والسيناريو الوحيد اللى ينقذ الاسترلينى من الاحتمال ده هو ان يكون قاع 1.19048 هو نهايه موجه دبل زجزاج - كلاسيكيا عندنا دبل توب غير منتظم بالاغلاق تحت 1.37117 اكتمل النمط ومستهدفه يرجح الوصول الى المستويات السابقه اليوتيا ، ويمكن استغلاله فى البيع شورت للوصول الى المستويات المذكوره سابقا COVER UR SHORT IF PRICES SNAPBACK AND CLOSE ABOVE 1.37117

كيفيه المتاجره مع الهارمونيك والانماط الكلاسيكيه(تطبيق على مؤشر الدولار)

بسم الله الرحمن الرحيم
ازاى تعرف تتاجر ببساطه مع الهارمونيك والانماط الكلاسيكيه (تطبيق على مؤشر الدولار)
ما زال من اهدافى لما بدءت اكتب فى التحليل الفنى ان الناس تعرف تتاجر مع اكتر من مدرسه من مدارس التحليل الفنى وازاى تدمج المدارس دى مع بعضها لتاكيد المستهدفات او استغلال فرص للمتاجره ،هنحاول بقدر المستطاع توضيح الفكره على مثال واقعى لكنه محتاج تركيز شويه من الناس اللى عايزه تتعلم 
- فى الشارت الاول : نموذج هارمونيك خفاش بديل بيعى، منطقه 95.87-95.97 هى المنطقه الاهم للنموذج ده ، لكن عشان النموذج يكون صحيح ، لابد اولا الوصول الى منطقه 94.30-94.65 
-الدخول الصحيح شراء لونج كان باختراق النقطه B عند 90.89 فيما يعرف بتكنيك اسمه المختصر BAMM وهو اختصار BAT ACTION MAGNET MOVE وانا اتكلمت عنه قبل كده وبعيد الكلام عن اهميته فى المتاجره مع نماذج الهارمونيك ، اللى من وجهه نظرى بتوفر افضل فرص للمتاجره سواء اثناء تكوينها او بعد انتهائها ، واعيد تانى ان فكره BAMM هى نفسها فكره الدبل بوتوم فى النماذج الكلاسكيه او الدبل توب عند اكتمالهم
- ممكن السعر فى بعض الاحيان مش هيوصل لنقطه اكتمال النموذج وينعكس قبله وفى الحاله دى ، تقدر تغطى مركزك اما بكسر اقل قاع فى نموذج الهارمونيك او اقرب دعم بالنسبه للنقطه B حسب استراتيجيتك
-الشارت الثانى عندنا انماط كلاسيكيه كتير جدا ، لكن شخصيا بحب جدا الانماط العاكسه للاتجاه بداخل المثلثات وبقدر ادمج الاتنين مع بعض فى المتاجره ، المثلثات بتوفر فرصه الدخول المبكر ولو المسافه كبيره بين اختراق المثلث واكتمال النمط الكلاسيكى تقدر تتاجر بينهم وتضع نقطه اكتمال النمط العاكس للاتجاه كهدف اولى لك ، او لو كان اكتمال النمط الكلاسيكى قريب من نقطه اختراق المثلث ممكن تستخدمه كفلتر اضافى فى تاكيد صحه الاختراق او الكسر، وهنا نقطه اكتمال نمط معكوس الرأس والكتفين او سميه قاع ثلاثى مش مهم التسميه لانه فى الاخير نقطه الاكتمال واحده عند 90.89 والاتنين بيأدوا نفس الوظيفه ، كانت قريبه من نقطه اختراق المثلث عند 90.10 وبالتالى ممكن نستخدمها كفلتر اضافى لتأكيد صحه الاختراق ، والاستعانه بخط ترند نمط البامب اند رن كهدف مبدئى للسعر عند 92 واختراق المستوى ده والثبات اعلاه نظريا يؤهل السعر الى استهداف قمه النموذج عند 103.81 ودى نقطه دخول صحيحه اخرى ، لكن حسب العد الموجى قبل كده احنا محددين مستوى 95 كهدف مرجح الوصول اليه اولا وممكن الاهداف دى تصل الى مستويات 97.90 او حتى مستويات 100 وكل ده راجع لشكل موجه الارتداد
-حضرتك متخيل فوق المسافه اللى ممكن تستغلها فى المتاجره بين اختراق المثلث وبين نقطه اكتمال اى نمط كلاسيكى يكون كبير شويه ! طيب متخيل حجم المسافه دى بين اختراق المثلث واختراق خط الترند لو انت بتاجر مع عمله وفى بينهم مثلا 150 نقطه ، او سهم مقدار المسافه بينهم 10 دولار ! من المهم انك تكون تاجر يستغل اشباه الفرص وباستراتيجيه واضحه
- مازال الدولار يبلى بلاءا حسنا ويواصل تقدمه نحو الاهداف الموضوعه له ، ورغم ان الدولار بدء يغوص فى مناطق التشبع الشرائى وهو معرض لجنى ارباح ، لكن تقديرى ان مومنتم الموجه الحاليه هياخده الى مستويات اعلى من كده وهيأكد الترجيح ده استقرار الذهب تحت 1303 ، واستمرار الاداء السلبى لليورو خصوصا وانه بدء الدخول فى المناطق المرجح ينتهى فيها الهبوط او على الاقل الجزء الاول من الموجه الهابطه وهى منطقه 1.2094-1.1553

HOW TO TRADE WITH US DOLLAR INDEX ( HARMONIC BAMM TRIGGER)

IN THE NAME OF ALLAH THE MOST GRACIOUS THE MOST MERCIFUL
 US DOLLAR , DAILY CHART RANGE, THIS POTENTIAL ALTERNATE BAT SELL PATTERN IN THE US DOOLAR EXEMPLIFIES THE STRUCTURE OF THE PATTERN, THIS IS A CASE WHERE THE EXTREME BC PROJECTION EFFECTIVELY COMPLEMENTES THE 1.13 XA EXTENSION TO DEFINE THE PRECISE AREA FOR THE  PATTERN COMPLETION AND EVENTUAL REVERSAL, BOTH EXTENSIONS DEFINE THE 95.87-95.97 AREA AS AN EXECLLENT SHORT TERM SELLING OPPORTUNITY
BUT NOTE: THE 0.886 RETRACEMENT AT 94.65 SERVES AS A MINIMUM REQUIREMENT FOR THIS PATTERN TO BE VALID
BAMM TRIGGER: BAMM IS ABBERVIATION FOR BAT ACTION MAGNET MOVE, ITS A UNIQUE TRADING STRATEGY, BAMM STARTS WHEN  PRICE ACTION EXCEEDS THE B POINT IN A BREAKOUT MOVE. THE SEGMENT OF THE CD LEG TYPICALLY EXTENDS TOWARD THE 0.886 RETRACEMENT, IN OUR CASE , MAY EXTEND FURTHER THAT, MAY TO 1.13 XA.HERE U CAN GET LONG, WEN THE INDEX RALLIES ABOVE 90.89 THE PRICE ACTION TRIGGERED THE BAMM UNTIL THE BAT COMPLETION AT 94.65 OR EDXTENDS TOWARD 95.87-95.97 AREA AS A BEARISH ALTERNATE BAT
EVENTUALLY, NOT ALL PRICE ACTION RALLIES STRAIGHT TO THE COMPLETION POINT OF THE PATTERN, IF NOT, IT IS BEST TO PLACE STOP LOSS  BELOW 88.15