الشارتات الموجوده هى لاكبر مؤشرين فى الصين للاسهم ، الاول وهو المؤشر الرئيسى للصين (شنغهاى المركب) والمؤشر الثانى وهو مؤشر بورصه شنيزن المركب
ولاحظ ان المؤشرين بدئوا فى الارتداد صعود منذ 4/2/2020 يعنى تقريبا من اسبوعين ، والمؤشر الرئيسى عوض اكتر من ثلثى اللى فقده هبوطا ومؤشر شينيزن تجاوز صعودا القمه التى تراجع منها ، ورغم كده ما زال هناك من البهوات اللى شغال وهم للناس ان الاسواق متأثره برعب الكورونا رغم ان قبلهم مباشره الاسواق الامريكيه محققه قمم تاريخيه جديده
انا ممكن افهم شغل الميديا والعتاوين الكبيره فى الاخبار حتى للصحف الكبيره !! لكن الحقيقه ايه الهدف من ناس تطلع تردد كلام زى البغبان بدون ما تتعب نفسها وتقرأ او تقول معلومه صحيحه، يا ترى الناس دى بيستسهلوا على اساس ان مافيش حد بيقرأ ولا هيدور وراهم ولا هى دى حدود امكانياتهم وعلمهم ولا الناس دى مع الرايجه واللى ماشى فى السوق
هو ايه المشكله على سبيل المثال انى اقول والله الاسهم بتصحح لانها محتاجه التصحيح ده بعد صعود متوالى لاكثر من 3 شهور !! ده بالنسبه للاسواق الامريكيه ، تخيلوا ان الداكس الالمانى طول الفتره اللى فاتت صاعد ، ومؤشر النيكاى اليابانى جنى ربح بمقدار 23.6% وعوض منهم اكتر من 80% وفى تقديرى ممكن النيكاى يكون محتاج ينزل تانى لمحيط 19000، والمؤشر الفرنسى بعد ما جنى ربح باقل من 23.6% رجع عوض اللى نزلهم ، والدهب يا جماعه مش بيتأثر بس بالمشاكل الدهب له اكتر من عامل بيأثر فيه زى الدولار وعوائد سندات 10 سنوات وسوق السندات نفسه بما انه ملاذ امن بينافسه وباقى المعادن الثمينه زى البلاديوم وعلى فكره الدهب لما يخلص تصحيحه العرضى هيصعد زى ما عمل البلاديوم بس يا ريت الاسطوانه ما تشتغلش تانى وقتها ، والدولار كملاذ امن مش بيصعد عشان مخاوف الفيروس الدولار فى موجته الصاعده الاخيره والله بيصعد من 30/12/2019يعنى قبل الكلام عن الفيروس بيصعد عن ارتداد اليورو ضعيف وده اللى قلته والله العظيم فى تحليل يوم 20/1/2020 وان الصعود لليورو مجرد تصحيح لاعلى
احنا متخيلين عايشين وسط ببغاوات ازاى او جهل وتخلف اد ايه بما ان واحد فيهم كاتب رساله لموقع غير مختص بالاقتصاد او اسواق المال ان الصين خسرت 6 تريليون دولار بسبب الفيروس ! 😁شايف يا معلم كم الاشاعات !! انت متخيل الاله الاعلاميه فى بعض وسائل الميديا فى امريكا عشان يطلع بعدها وزير الخزانه تقريبا يقول ان الفيروس يمثل فرصه لامريكا خصوصا وان التضخيم المبالغ فيه عن الفيروس مقصود وكم الاشاعات لازم يكون كبيرلانها الصين عدو امريكا الاول حاليا باجماع الجمهوريين والديمقراطيين ، ولو للفيروس تأثير حقيقى او لاى فيرس قبله زى مانا عرضت قبل كده بالشارتات والتواريخ يبقى حد يقولى ، تقدروا تراجعوا كل الاسواق المشار اليها وتتاكدوا من اللى بقوله واصحاب الفرح شارتات اسواقهم امامكم شاهده على ما يقال
ده من النكت اللى ممكن تسمعها ان المؤشر المصرى كمان جابوه فى الليله وبقت مخاوف الفيروس مأثره عليه خصوصا بعد الحاله المكتشفه فى مصرء😁 ، طب يا سيدى المؤشر داخل على سنتين طالع بوز امه من غير اى حاجه كان فين منه الفيروس اللى ملهوش شهر تم الاعلان عنه !! بس يلا مافيش مانع نضرب بوقين فى الهوا وماحدش اخد باله
اه يا امه ضحكت من جهلها الامم ولسه ههيفتحوا مسرح كوميدى مننا
