على السريع كده بالنسبه للناس اللى حابه تتاجر مع الدهب ، عندنا نمطين تقدر تتاجر معاهم ببساطه ، النمط الاول وهو المثلث الاليوتى ، وشخصيا بالنسبه للدهب ممكن استعمل الفريمات الكبيره زى 4 ساعات للشراء خصوصا لما حركه الدهب ما يكونش فيها زخم او بيتحرك عرضى ، وهنا فريم 4 ساعات اعطانى اشاره من دهب على مؤشر الماكد وهى الاشاره الذهبيه بالنسبه له بتقاطع متوسطاته المعروفه والتماس مع خط الصفر وكانت الاشاره دى يوم 12/2/2020 وبعد اكتمال المثلث بحوالى 3 شمعات بالاغلاق اعلى 1570 والتارجت هو تارجت المثلث عند 1640 ووقف الخساره بالاغلاق تحت 1547 (النقطه C) والاشاره دى غالبا ما يتبعها رالى سعرى على اى فريم زمنى بتحصل عليه
الطبيعى لما تتاجر مع المثلث الاليوتى لو انت مغامر بتشترى عند النقطه E (نقطه اكتمال المثلث) ولو متداول متحفظ بنتظر ان السعر يخترق الخط العلوى للمثلث خصوصا لما يغلق اعلى النقطه D (مستوى 1577)
لو فاتك الفيلم ده كله تقدر تدخل لونج على نموذج الهارمونيك باختراق مستوى 1595 وحتى اكتمال النموذج عند مستوى 1645 ووقف الخساره الاغلاق اعلى 1660 وعموما مؤشر الماكد اكد اشاره الشراء لنموذج الهارمونيك اليوم بالرغم انه مؤشر متاخر
