الحقيقه لو محتاجين نوجد سبب للبانيك اللى حصل فى الاسواق العالميه ، برغم عدم قناعتى الشخصيه بأن الاسواق الماليه لازم يكون لها سبب للصعود او الهبوط ولو افترضنا جدلا ان فيه اسباب ما اعتقدش انه ينفع نقول مخاوف فيرس كورنا تانى ، خلاص النغمه دى بقيت قديمه ومستهلكه ومش كده وبس لكن كمان مؤشرات الصين نفسها اصحاب الفرح يكاد يكون ما حصلش حاجه فيها ومؤشر شنيزن تانى المؤشرات الكبيره فى الصين بيحقق قمه جديده اعلى من اللى تراجع منها وقت الاعلان عن الفيرس ، ان كان فيه اسباب للبانيك ده فاعتقد انها خاصه بالاقتصاد الامريكى نفسه عشان كده الاسواق الامريكيه سجلت اسوء خساره لها فى جلستين متتالتين فى تاريخها كله
الحقيقه ان نهايه الاسبوع الماضى وخلال الاسبوع ده حصل شويه احداث سلبيه كلها خاصه بتحقيق عوائد السندات لعشر سنوات هبوط وقاع تاريخى جديد زى ماهو واضح فى الشارت الاول تحديدا تم كسر القاع السابق يوم 25/2/2020 وده ربما يفسر لنا جزئيا استمرار البانيك النهارده ده غير ان منحنى العائد على سندات الخزينه لمده 3 شهور / منجنى العائد لمده 10 سنين كانوا اكثرا انعكاسا منذ اكتوبر الماضى ، ومع نهايه الاسبوع الماضى العائد على سندات الخزينه الامريكيه لمده 30 سنه بيحقق قاع تاريخى جديد وتصادف كمان ان قراءه توقعات التضخم طويله الاجل كانت الاقل منذ 2016 ، ربما الاسباب دى مجتمعه كان لها اثر كبير فى تغير المود المسيطر على المتداولين خصوصا انها كلها مؤشرات بتعطى صوره غير مطمئنه على مستقبل الاقتصاد الامريكى واقتراب الركود ، الغريبه ان وسائل الاعلام والناس اللى بتطلع تردد كلام وسائل الاعلام تجاهلوا تماما الاشاره الى هذه الاحداث وواضح انه تجاهل عن عمد وده فى حد ذاته بيأكدلى من سنين ان التركيز على اشياء بعينها وتضخيمها بشكل او باخر اعلاميا بيكون فيه هدف خلف الموضوع ده ، هل هو خدمه تايكونات الاسواق سواء كانوا افراد عاديين او مؤسسات اعتباريه !حايز
لكن من وجهه نظرى انا قلت قبل كده اننا ناس محللين فنيين هدفنا هو التركيز على الاسواق نفسها شغلنا التنبؤ بانعكاس الاتجاه قبل ما يحدث عشان الناس تاخد بالها وتبدء تتحرك ، شغلنا توضيح الانماط السعريه والموجات اللى هى بتعبر عن سيكلوجيه المتداولين فى السوق فى الوقت المحدد مش شغلنا نوجد اسباب لتبرير حركه السعر، ده مش دور التحليل الفنى لكنه مثلا دور التحليل الاساسى ، احنا عندنا قاعده ذهبيه فى التحليل الفنى " الشارت يعكس كل الاحداث" ولو محتاج اسباب تبرر بيها حركه السعر عندنا اسباب فنيه موجوده على الشارت ما بين كلاسيكيه وموجيه وهارمونيك واختار براحتك جراب الحاوى مليان
وعلى الشارت رقم 3 تحب اكلمك كلاسيكاعن القمه المزدوجه اللى الداو على وشك تحقيق مستهدفه عند 26800 ولا القناه الصاعده و ضعف الترند وتسطحه ما قدرش يخليه يصل الى قمه القناه ومن المعروف فى الحاله دى ان الضعف بيتم ترجمته على الاقل بوصول الاسعار الى الجانب الاخر من القناه او كسر الحد السفلى لها واصبح لها مستهدف هابط عند 24000 وتقدر كمان ترجع لتحليل الامس وعلى مؤشر RSI قلت ان فيه NEGATIVE FAILURE SWING وده لازم السعر بعده يهبط ، لو كلمتك موجيا وعلى الاسباب المذكوره كلاسيكا فى ضعف الترند اقدر اقولك ان الموجه البادئه من قاع الميلاد 2018 والمنتهيه عند قمه 29600 ممكن تكون موجه تصحيحيه ABC كأحد الاحتمالات القائمه ، انتهت كموجه B من فلاته والاسعار ممكن ترتد هبوطا الى 25000 تقريبا او تكسر قاع 21700 لو كانت فلات ممتده، لو اكلمك من ناحيه الهارمونيك فالقمه المزدوجه المشار اليه هو نفسه نموذج THE BEARISH 5-0دخل منطقه الانعكاس بوصول السعر الى 27300 وتمتد المنطقه الى مستوى 26450 يعنى المنطقه دى مرجح ان يحدث من اى مستوى داخلها ارتداد لاعلى عشان يكتمل اخر اضلاع النموذج وممكن يحدث ارتداد من مستوى 27000 او ماحوله خصوصا ان متوسط 200 جلسه بيمثل دعم جيدا وفى اكتر من 95% كان دعم مهم للاسواق الامريكيه
خلاصه القول ان اى فرد بينتمى لواحده من اشهر مدارس التحليل الفنى سواء الكلاسيكيه او التحليل الموجى او الهارمونيك قادر انه يقدم اسباب فنيه منطقيه للهبوط او الصعود ويكون سابق اى حد بتوقعه لوصول الاسعار الى مستويات محدده ممكن منذ شهور او سنوات ودى ميزه التحليل الفنى
