مؤشر الدولار على الرسم البيانى الشهرى ونمط القاع الثلاثى داخل مثلث متماثل ، اكتمل نمط القاع الثلاثى بالاغلاق اعلى مستوى 89.71 ليستهدف مستوى 108.61 نقطه
تانى مره عشان البيه ان مافهمش الحق عليه 😄😄 وعشان خاطر حبايبنا الحلوين اللى مش بيعرفوا يفرقوا بين المثلث وانماط انعكاسيه زى الدبل توب او الدبل بوتوم بداخلها ، كنت اتكلمت قبل كده عن الموضوع ده وهعيد الكلام تانى عشان التكرار بيعلم ..... الشطار
اى مثلث او وتد او ماسه فى كتير من الاحيان بيكون داخلهم انماط انعكاسيه زى الدبل توب والدبل بوتوم او الرأس والكتفين ومقلوبه او التربل توب او بوتوم ، وربما ان الماسه اكتر نمط فيهم بيحتوى الرأس والكتفين ومقلوبه ، لكن لما يجى نمط زى الدبل توب او بوتوم او الرأس والكتفين داخل مثلث مثلا يا ترى اشتغل على المثلث ولا على النمط الانعكاسى بداخلهم ! طبعا فيه ناس مش هتشوف الانماط الانعكاسيه دى جوه المثلث وهيشتغل على المثلث بس ، لكن احنا هنا- كعادتنا فى مثل هذه الاحوال- وفقنا بين الانماط دى كلها فى المتاجره وكهعدنا سابقا ان طرق المتاجره واحد من اهداف هذه المدونه
فى المثال الحالى عند اكتمال المثلث عند مستوى 85.12 تقدر تدخل دخول مبكر قبل اكتمال نمط القاع الثلاثى اما لهدف89.71 مبدئيا(خط تأكيد نمط القاع الثلاثى) او ان الدخول المبكر ده هيكون لهدف القاع الثلاثى عند 108.61، طبعا تقدر انك تشتغل بنصف الكميه بيع عند 89.71 وتحتفظ بالنصف الاخر بعد اختراق 89.71 وهنا كل واحد حسب استراتيجه التداول الخاصه بيه والكلام ده موجه للمتداول المغامر ، طبعا المتداول المتحفظ دخوله الافضل فنيا بالاغلاق اعلى 92.53 ، ممكن البعض يشوف ان المثال هنا مافيش جدوى منه اوى للمغامره لكن احنا بنتكلم عن طريقه متاجره تقدر تستغلها مثلا فى الاسهم او فى ازواج عملات وتخيل لو مثلا بين دخولك المبكر واغلاق نمط انعكاسى فرق حوالى200-300 نقطه يا ترى دى صفقه تستحق المجازفه ولا لاء !
لاحظ ان السهمين المشار اليهم ده كان نمط دبل توب فى نهايه ترند هابط ماقدرش يحافظ على استمراريه هبوط الترند وفى الحاله دى اتقلب الى نمط تجميعى CONSLIDATION PATTERN وشوفنا الحركه التابعه له كانت قويه ازاى وده دايما عهدنا بفشل الانماط الانعكاسيه بتبعبها حركه سعريه قويه لتغير سيكولجيه البائع اللى بيتحول من بائع الى مشترى شرس
لاحظ فى المدى القصير عندنا نمط رأس وكتفين بيتكون والاغلاق تحت 100.60-100.65 هيتأكد النمط وممكن نشوف الدولار عند مستويات 99 نقطه وقد يعانى الدولار فى الايام القادمه خصوصا وان رفع الفائده للفيدرالى الامريكى اصبح وشيكا
