بسم الله الرحمن الرحيم
- الحقيقه انا بعتبر فى اوقات كتير ان الشارت بيكون افضل وسيله تعبير عن سلوك المجتمع اللى بيمثله وطريقه تفكيرهم ، وغالبا اى محلل بيشتغل على السوق المصرى يقدر يلاحظ عشوائيه التفكير والسلوك الجمعى للافراد داخل سوق المال اللى هى جزء من العقل الجمعى للمجتمع المصرى ، وانا بعتبر ان اى محلل توقعاته بتمثل 30% للسوق المصرى يعتبر انجاز فى ظل متوسط معدلات متعارف عليها عالميا تمثل ما بين 50%-70% .......... المهم
- على الشارت اليومى لزوج الدولار/ الجنيه المصرى نقدر نعتبر ان الشكل اللى امامنا هو بامب اند رن مكتمل باختراق مستوى 18.10 لمستهدف قد يصل الى القمه الرئيسيه التى تراجع منها الدولار ، لكن فنيا من وجهه نظرى الشخصيه ان الوصول للرقم ده مرتبط بشكل كبير جدا باختراق نطاق 18.30-18.40
- على مؤشر RSI يلعب خط 50 كدعم قوى للزوج ومع وجود الانحراف الخفى الايجابى نتوقع صعود الدولار حتى وان كان الصعود بشكل بطىء وربما السير عرضيا هو تجميع لانطلاق الدولار واختراق النطاق المشار اليه
- ننوه ان هذا المصدر للبيانات تختلف ارقامه الى حد ما مع مصدر INVESTING بالنسبه للاخوه اللى بيشتغلوا على هذا الموقع وللاسف الموضوع ده شائع كتير بالنسبه للعملات فى موقع INVESTING وحتى فى اشكال الشموع ، فالقمه التاريخيه هنا مشار اليها 19.62 وINVESTING مشار اليها عند 19.93
