التجارى الدولى

بسم الله الرحمن الرحيم

• التجارى الدولى على الشارت اليومى والسهم يعانى منذ موافقه الجمعيه العموميه بتاريخ 18/7/2017 على زياده رأس المال عبر اسهم المنحه وكما عهدنا دائما ان سلوك الاجانب مع مثل هذه القرارت ، هى البيع قبل التوزيع للاستفاده من جنى الارباح قبل انخفاض سعر السهم ،فاسهم المنحه لا تعنى زياده فى الثروه الحقيقيه للمساهم وانما فقط زياده عدد اسهمه ،فزياده رأس المال عبر اسهم المنحه ماهو الا نقل جزء من الاموال من الاحتياطي (المبالغ او الارباح المرحله من سنوات سابقه ) الى رأس المال (رسمله الاحتياطات والارباح) اى ان هذه العمليه لا يترتب عليها اى زياده فى حقوق المساهمين ، زى بالظبط لو معاك حسابين فى بنيكن مختلفين وقررت انك تنقل جزء من اموالك من احد الحسابات الى الحساب الاخر يا ترى ده كان له اثر على زياده ثروتك ؟ زياده رأس المال عبر الاسهم المجانيه (اسهم المنحه) هى نفسها المثال السابق وده شرح مبسط للناس اللى بتشتغل فى البورصه مع ملاحظه ان القيمه السوقيه للسهم هتنخفض بمقدار التوزيع ، والاجراء ده طبعا مفيد لاى شركه انها تزيد رأس المال لو عندها خطط توسعيه مدروسه ومن ناحيه تانيه تنشيط حركه السهم وتوسيع قاعده المتداولين فى البورصه
• فنيا السهم كسر دعم مهم عند منطقه 85-85.5 وهو المقابل لمنطقه 13670-13700 على المؤشر ، ومع وجود نموذج هارمونيك AB=CD التبادلى الشرائى نتوقع -اذا لم يعود السهم سريعا لاعتلاء دعمه عند 85.5- ان يكتمل النموذج عند مستويات 81.5 جنيه 
• الدايفرجنس السلبى الواضح على مؤشر الماكد اتأكد بكسر متوسطات السهم القصيره واللى تزامنت مع كسر الدعم عند 85.5
• 82.5 للسهم دعم متوسط 50 يوم واعتقد ان منطقه 81.5-82.5  من الممكن انها تكون منطقه ارتداد قويه للسهم اما فى حال استمرار كسر هذه المنطقه  فالوضع هيبقى صعب بالنسبه للسهم وممكن نشوفه عند مستويات 78-79
• تنويه : تم تعديل نقطه اكتمال النموذج عند 81.5 بدلا من 82.5 ونعتذر عن الخطأ فى كتابه الارقام

EGX30

بسم الله الرحمن الرحيم

• المؤشر على الرسم البيانى اليومى وضعف واضح فى الصعود  لاستهداف الحد العلوى للقناه وزى ما اتكلمنا قبل كده اكتر من مره ان فى حالات الارتفاع الجزئى(PARTIAL RISE) او الانخفاض الجزئى (PARTIAL DECLINE)  فى القنوات السعريه  ممكن يكون مؤشر على انعكاس الاتجاه -حسب فترته الزمنيه - والوصول الى الجانب الاخر للقناه ، لكن هنا الوضوع مرتبط برقم مهم جدا وهو مستوى 13260 نقطه وده الرقم اللى اشرت اليه فى التحليل الموجى السابق ، والحقيقه الرقم ده له اهميه كبيره فى اداء المؤشر واحنا ما اتكلمناش عليه اعتباطا او من قبيل الصدفه فالرقم ده موجيا وكلاسيكيا هيفرق فى حاجات كتير ، واعتقد ان اى محلل لو ما ادركش اهميه الرقم ده على الاقل كلاسيكا بلاش نقول موجيا ، يبقى عليه ان يراجع معلوماته فى التحليل الفنى عموما
• رقم 13260 هو خط تأكيد اكتمال نمط سلبى وهو القمه المزدوجه الغير متماثل اللى قلنا قبل كده انه مبنى على ظاهره NONFIALURE SWING واوقات بيتقال عليه 2B SELL ، ولو حصل كسر للمستوى ده والحد الاسفل للقناه الصاعده ما قدرتش توقف الهبوط ، بنسبه كبيره ممكن المؤشر يصل الى منطقه 12500-12600
• اللى بيفهم فى التحليل الموجى ، هيعرف ان كسر مستوى 13260 هو اللى هيرجح عنده  غالبا ان سيناريو الموجه الخامسه انتهت ايا كان  ايه هو السيناريو اللى بيتبعه ، والموضوع مش فهلوه ولا بالنظر لان التحليل الموجى لوحده مش كفايه ، لكن دايما التأكيد بيجى من التحليل الكلاسيكى وان المقاومات والدعوم وخطوط الترند والنماذج الانعكاسيه لها دور كبير فى ترجيح احد  سيناريوهات اليوت المتعدده  او تعديل بعض الاهداف للموجات
• بدون كسر 13260 انسى الموضوع فى الهبوط واشتغل على اما الحركه هتكون عرضيه لفتره قصيره او تحقيق قمه جديده

EUR vs USD

بسم الله الرحمن الرحيم

• اليورو / دولار على الشارت اليومى ونموذج هارمونيك "الخفاش البديل البيعى " دخل النموذج فى منطقه الانعكاس المحتمل المقدره بحدود 1.1711-1.1782 واكتمل النموذج عند مستوى 1.1777
• من المفترض بعد اكتمال نماذج الهارمونيك ان تتراجع الاسعار لاستهداف مستويات 1.1228 اولا ولكن ربما مستويات الدعم عند 1.1713 او 1.1616 لها رأى اخر
• اى تجاوز لاعلى  لمستوى 1.1782 يلغى النموذج ويمكن وضع الاستوب لوس  عند هذا المستوى او اعلاه بقليل

البيتكوين

بسم الله الرحمن الرحيم

• البيتكوين على الشارت اليومى ونمط سلبى الرأس والكتفين اكتمل النمط بالاغلاق تحت مستوى 2230 دولار تقريبا لمستهدف قد يصل الى الى 1238 دولار تقريبا ، والبتكوين حاليا فى بولباك ممتد على النمط النمط المكسور وحتى يفشل النمط يحتاج البتكوين الى الاغلاق اعلى مستوى 3000 دولار
• البيتكوين اثناء البولباك الممتد كون نمط ايجابى وهو الرايه الثيرانيه  ، يحتاج الى الاغلاق اعلى مستوى 2800 دولار متغيره هبوطا مع الزمن ليكتمل النمط وبالتالى استهداف مستويات 3990 دولار متغيره هبوطا مع الزمن
• لاحظ ان البيتكوين عمله افتراضيه متقلبه جدا وان نمط الرايات والاعلام يتأثر بشده بالمقاومات والدعوم لذلك اشاره الدخول المستقره من وجهه نظرى هى ارتقاء مستوى 3000 دولار والاستقرار اعلاها ، اما الدخول على اكتمال الرايه فهو دخول يحمل مجازفه ويتطلب متاجره قصيره حتى مستويات 3000 دولار اولا ثم الوقوف على مستجدات الامور بعد ذلك ان كان البيتكوين سيكمل مساره الصاعد او يحدث جنى ارباح

EGX30

بسم الله الرحمن الرحيم

• EGX30 على الشارت اليومى وتحليل موجى للموجه البادئه من قاع 5526 وحتى الان ولدينا 3 سيناريوهات احدهم اساسى والاخران بديلان ونحن نعتمد السيناريو الاساسى واذا خالفه المؤشر سنلجأ الى تعديله ، والشارت الثانى لمؤشر VIX وهو مؤشر الخوف للسوق الامريكى وادراجه هنا له معنى نوضحه فيما بعد
• السيناريو الاساسى : ان المؤشر على فريم INTERMEDIATE انتهى من الموجه الاولى عند قمه 7993 نقطه والموجه الثانيه عند قاع 7154 وحاليا فى الموجه الثالثه التى انتهى منها من 4 موجات فرعيه على فريم MINOR حيث كانت الموجه الاولى عند قمه 8184 والموجه الثانيه  عند قاع 7872 والموجه الثالثه عند قمه 13544 والموجه الرابعه (المثلثيه) عند قاع  12648 وحاليا المؤشر يبنى فى الموجه الخامسه  منها والتى رجحنا سابقا ان تصل الى مستويات 14600-15000 بناء على وجود نموذج هارمونيك DEEP CRAB يكتمل عند مستوى 14600 ونموذج معكوس رأس وكتفين مركب (بداخل المثلث) يكتمل عند مستويات 15000 نقطه ، واذا اردنا مزيدا من التفصيل فالمؤشر حاليا يبنى فى الموجه الثالثه MINUTE من الخامسه MINOR والتى قد تستهدف 14900 -فى حاله انها ممتده- ومبدئيا يعتبر هذا السيناريو لاغى فى حاله كسر مستوى 13260 هبوطا
• من الملاحظات الهامه ان هناك دايفرجنس سلبى  على مؤشر الماكد والهيستوجرام الخاص به وعاده ما يظهر هذا الدايفرجنس فى الموجات الدافعه بين الموجه الثالثه والخامسه  لذلك فان كسر مستوى 13260 ربما يرجح ان الموجه الخامسه قد انتهت فعلا وننتقل الى احد السيناريهوات البديله
• الموجه الخامسه بشكل عام بعد الموجات المثلثيه  تأتى ممتده فى الاسواق القويه وقد يتعدى طولها 162% من اطول موجات المثلث والمتفق عليه ان طولها يساوى ما بين 100% الى 125%  من اطول موجات المثلث لذلك لا تندهش من رقم 14900 كمستهدف للموجه الثالثه لها اذا صح هذا السيناريو
• السيناريو البيدل الاول  (ALT باللون الاحمر) : وهو يعنى ان تكون الموجه الرابعه MINOR قد انتهت على شكل فلاته مشوهه عند قاع 12345وبالتالى غالبا فى هذه الحاله تكون الموجه الخامسه MINOR قد انتهت عند قمه 14970 وبذلك تنتهى الموجه الثالثه INTERMEDIATE ويدخل المؤشر فى تصحيح على الاقل يصل الى مستويات 11850
• السيناريو البديل الثانى (ALT باللون الاخضر ) يعنى ان الموجه الثالثه INTERMEDIATE  قد انتهت عند قمه 13544 والموجه الرابعه INTERMEDIATE(دبل زجزاج) قد انتهت عند قاع  11850 والموجه الخامسه INTERMEDIATE قد انتهت عند قمه 13970(قطريه خلفيه) وبالتالى ينتظر المؤشر تصحيح قوى(القطريات تعنى انعكاس جذرى للترند الصاعد وغالبا ما يكون الكوانتر ترند بعدها قوى وقد لا يكتفى التصحيح بالوصول الى بدايه الوتد الصاعد عند 11850(الموجه الرابعه على الدرجه الاقل) وفى اوقات كثيره يتجاوزه  )  لكامل الموجه منذ بدايتها من قاع 5526 الى قمه 13970 قد يصل الى مناطق 9800-10800 باعتبار ان هذه الموجه هى الرابعه PRIMARY من الثالثه CYCLE وغالبا تصحيح الموجه الرابعه فى هذه الحاله تصحيح جانبى  يكون ما بين 38%-50%(الا اذا كانت مثلثيه فغالبا تصحيحها اقل من 30%) من كامل طول الموجه لاولى(5526-13970)
• لاحظ ان الفريمات الزمنيه قد تتغير مع طول الموجات الزمنيه فالموجه الاولى سيكل للمؤشر اخذت ما بين 13-15 سنه ورغم ذلك يقال عليها سيكل وليس سوبر سيكل وكذلك فى الذهب والداو جونز وغيره لذلك وحسب ترقيمنا فنحن فى موجه ثالثه  CYCLE قد تمتد من 20-25 سنه وربما يزيد فالبتالى فان الفريمات الزمنيه التى نتحدث عنها حاليا قد تتغير مستقبلا اذا صح هذا الترقيم
• مؤشر VIX للاسواق الامريكيه يصل الى احد قيعانه التاريخيه عند 9.3 نقطه وهو ثانى قراءه منخفضه فى تاريخ المؤشر منذ تدشينه، ومؤشر الخوف يقيس توقعات السوق وتقلباته وخوف المستثمرين لمده 30 يوما وهو ما يعنى ان ثقه المتداولين تزداد فى الاسواق وبالتالى ترتفع اسواق الاسهم لذلك اذا ظل هذا المؤشر منخفضا فالمتوقع ان ترتفع الاسواق الامريكيه ومن ثم السوق المصرى بما انه كما وضحنا سابقا ان السوق المصرى يشترك فى دوره زمنيه تعرف باسم دوره جغلر بدءت من قاع الازمه الشهيره  2009 وتنتهى اوائل 2018 لذلك فقد يرجح انخفاض مؤشر VIX السيناريو الاساسى ويلغى السناريوهات البديله كما اننا نعتقد ان الداو نفسه ما زال امامه صعود الى 23000 نقطه تقريبا حسب ما وضحنا سابقا وبالتأكيد ان هناك تصحيحات قصيره الاجل ستمر بها الاسواق ، ونؤكد على مستوى 13260 لمؤشر البورصه المصريه فهو المفتاح حاليا للفصل بين السيناريو الاساسى وباقى السيناريوهات البديله 

DOW JONES

بسم الله الرحمن الرحيم

• الداو جونز على الرسم اليومى ونموذج "الكابوريا الغارقه" اكتمل النموذج عند مستوى 21660 وقد حدث تجاوز طفيف لهذا المستوى لكن يظل النمط صحيحا
• من المفترض ان يتراجع الداو الى مستويات 21250 كهدف اول للنموذج ثم 20990 كهدف ثانى ولكن اذا نظرنا الى مؤشر الخوف وهو يقيس توقعات السوق وتقلباته ومخاوف المستثمرين لمده 30 يوم نجد انه يحقق قراءه تعتبر تاريخيه منذ عام 1993 عند 9.30 نقطه وهو ما يعنى ان هناك مزبدا للصعود للاسواق الامريكيه ويجعلنى ارجح ان يفشل نموذج الهارمونيك الحالى

DOLLAR INDEX

بسم الله الرحمن الرحيم

• مؤشر الدولار على الرسم البيانى اليومى وما زال الدولار  مستمر فى ادائه السلبى ، وشخصيا اعتقد ان كسر الترند الصاعد متوسط الاجل من الاسباب الرئيسيه لما وصل اليه الدولار حاليا ، بالاضافه الى وجود نمط الرأس والكتفين المركب وكنا تحدثنا عن مستهدف النمط الداخلى عند 94 نقطه وتحقق هذا الهدف وتم تجاوزه الى اسفل ونتوقع ان يصل الدولار الى مستويات 92-92.5 كمستهدف للرأس والكتفين الخارجى او كمستهدف للترند الصاعد

EGX30

  IN THE NAME OF ALLAH THE MOST GRACIOUS , THE MOST MERCIFUL
 " EGX30 ON THE DAILY CHART SHOWS , A HARMONIC SETUP "THE 5-0 BUY PATTERN
 THE BC LEG SUPPOSED TO COMPLETED AT 13840 LEVEL , ALTHOUGH THIS AREA WAS EXCEEDED SLIGHTLY TO 13864 BUT THE PATTERN STILL  VALID SO.....WE EXPECT THE PRICES REVERSE , AND FALL TO 13550-13560 SO THE PATTERN IS CORRECT
IF PRICES CONTINUE TO RISE AND EXCEEDED 13864 LEVEL WITHOUT REVERSING. THE PATTERN WILL BE NEGATED AS WELL IF THE 13550 LEVEL IS BROKEN DOWN

كرستين لاجارد وتبرير الشريحه الثانيه من القرض لمصر (تصريح من كوكب اخر )

بسم الله الرحمن الرحيم

بمناسبه تصريح الاخت كريستين لاجارد  مدير عام صندوق النقد الدولى النهارده عن ان الحكومه المصريه والبنك المركزى اتخذا الاجراءات الصحيحه فى كبح التضخم  وتخفيض عجز الموازنه  لا ومش كده وبس ده كمان بتحيى الحكومه على الاجراءات والتدابير المتخذه لحمايه الفقراء ومحدودى الدخل وان الحكومه هتواصل  برامج الانفاق الاجتماعى لدعم الطبقات الفقيره

السؤال هنا هو الاخت لاجارد من كوكب تانى ولا ايه ؟!

ولا هو استخفاف بالعقول وكلام غير مسؤل لتبرير دعمهم وخلاص 

فين الاجراءات اللى كبحت التضخم ده اذا كان التضخم فى 8 شهور زاد الضعف رغم رفع الفائده 7 مرات ، وفين تخفيض عجز الموازنه اللى مقدر فى الميزانيه الجديده 385 مليار وبعد زياده الفايده هيوصل الى 420 مليار جنيه ونخلى بالنا ان سعر البترول هنا محسوب على 45 دولار للبرميل يعنى كل زياده دولار عن السعر ده شوف هيكلف الدوله كام وبالتالى ممكن نلاقى وقتها عجز الموزانه ده يصل الى 450 مليار جنيه ،  واذا كان الضحك على الناس بالنسبه والتناسب  بين عجز الموازنه واجمالى الناتج المحلى من السلع والخدمات ، فالناتج المحلى المصرى عام 2017 بلغ 3 تريليون جنيه مصر ولاجارد بتقول انه هيزيد 1.5% عند تطبيق ضريبه القيمه المضافه كامله يعنى هيوصل تقريبا الى 3.5 تريليون جنيه يعنى بنتكلم فى 12% عجز موازنه  ، والاخ وزير الماليه اللى بيحلم او بيقول اننا هنستهدف فى موازنه 2018 ان الناتج المحلى  يصل الى 4.1 تريليون عايز اقوله بأماره ايه؟ باماره  المصانع المتوفقه اللى بتزيد ولا انخفاض القوه الشرائيه للناس اللى بدء تأثيره يظهر  فى مجالات كتيره ولا السياحه المتوقفه ، ولا بأماره تقرير بنك بى ان باربيا عن مخاطر الاستثمار فى المدى المتوسط واللى حدده البنك فى 3 عوامل اولها الارتفاع المطرد فى التضخم وثانيا استمرار عجز الموازنه وثالثا العجز فى ميزان المعاملات الجاريه ودى اسباب داخليه ده غير الاسباب الخارجيه الناتجه عن التوترات الجيوسياسيه فى المنطقه يعنى حلمك ده مبنى على اساس ايه ! ولا لسه نوعيه المسؤلين بتاعه الصحاف ايام حرب العراق و اعلام جوبلز واحمد سعيد شغالين فى تضليل الناس

للاسف ان استخدام الاقتصاد الرقمى فى الضحك على الناس العاديه والتلبيس عليهم كنت فاكرها صناعه مصريه خاصه بالمسؤلين فى مصر اتضح انها ماركه عالميه ، وصندوق النقد اللى دمر اقتصاديات 22 دوله ناميه قبل كده ناوى على خراب مصر اكتر ماهى خربانه ، وصندوق النقد بيشتغل الحكومه فى مصر والحكومه بتشتغل الشعب والشعب عامل نفسه انه مصدق

و عادى بقى عبيط بيشتغل عبيط  واحنا اللى بندفع تمن عبطهم

GOLD

بسم الله الرحمن الرحيم

• يا ترى ممكن نشوف الدهب بيكون نمط سلبى وهو الرأس والكتفين المركب الاستمرارى ؟!
• لاحظ ان الترند  المؤدى الى تكوين النمط المحتمل يعتبر قصير جدا و نظريا لو اتكون النمط فعل نسب ترجيح فشله اعلى من نجاحه

EGX30

بسم الله الرحمن الرحيم

• اعتقد ان ثبات المؤشر اعلى مستويات 13400 يعطى فرصه كبيره للمؤشر الى استئناف حركته الصاعده
• الهبوط الاخير هو ثروباك على نمط معكوس الرأس والكتفين الاستمرارى وكلما كان الثروباك ممتد كان تأثيره سلبى اكثر على اداء النمط فيما بعد
• اتعلمنا فى التحليل الفنى ان من افضل مناطق الشراء هى نقطه الارتداد من الثروباك(13310) والحقيقه اجتمعت اكتر من اشاره شراء عند منطقه 13300-13350 ، فالاغلاق اعلى 13346 هى اشاره دخول على نمط 2B BUY ، بالاضافه ان شمعه الاختبار (اللو بتاعها عند 13312) يعتبر الاختبار ناجح حتى الان ورأينا الصعود بها فى جلسه الخميس الماضى ولابد من توالى الصعود وبفوليوم عالى لنتأكد تماما من قوى البيع قد انتهت ويأخذ المؤشر مساره الصعودى بدون مضايقات كثيره  وبالتالى هناك اكثر من اشاره للشراء ورغم ذلك افضل الانتظار بالاغلاق اعلى 13518 للدخول الامن
• مش محتاجين نتكلم عن ان الشكل الحالى لمعكوس الرأس والكتفين كنا فى التحليل الموجى قلنا انه مثلث ، فالبتاكيد المتابع للمدونه عرف ان المثلثات واشكال الميجافون غالبا ما تحتوى بداخلها نماذج انعكاسيه واعتقد ان الكل يتضاءل امام زعيم النماذج  ، الرأس والكتفين ومعكوسه

اسعار الفائده بين طرفى نقيض

بسم الله الرحمن الرحيم

بمناسبه الناس اللى دايما بيمدحوا فى اسعار الفائده المنخفضه وبيتغنوا بأن دول فيها اسعار الفائدة تحت الصفر ، كنت قرأت من فتره بسيطة مخاطر الفائده السلبيه على منطقة اليورو وخصوصا المانيا وكان التخوف الاكبر من ان النظام المالى هنا ممكن ما يستوعبش مخاطر التوسع فى الاستثمار على حساب الادخار ومخاطر التعثر المالى لو حصل للمستثمرين

وزير الماليه الالمانى من كام يوم قال تصريح بعتبره مهم فى هذا الاتجاه

واشار الى ان النمو فى منطقه اليورو فاق التوقعات وهو ما يحد من الوضع الجنونى للفائده السلبيه هكذا استخدم وصف حال الفائده السلبيه وانه يجب الرجوع الى وضع الفائده العادى فى ظل نمو قوى ، ولا يوجد خطر للانكماش وتضخم بالقرب من 2% ، ومسؤلين كبار فى الحكومه الالمانيه كثفوا ضغطهم على البنك المركزى الاوربى لتقليص  برنامجه للتحفيز النقدى (شراء سندات واستخدام فائده تحت الصفر) لان الالمان بيشتكوا  من العوائد الهزيله لمدخراتهم

شخصيا انا ضد طرفى النقيض ، سواء ارتفاع الفائده المبالغ فيه  زى ما بيحصل فى مصر حاليا او انخفاضها دون الصفر

فالوضع الامثل لسعر الفائده هو اللى عنده الاستثمار = الادخار (نقطه التوازن)

ده بيرجع لسياسات البنوك المركزيه واستخدمها الامثل للسياسه النقديه واداوتها الرئيسيه والثانويه
واعتقد ان فى مصر لازم البنك المركزى ياخد فى الاعتبار زى ما قلت قبل كده المتغيرات الجديده اللى حصلت واهمها ان الناس من خلال تعاملى مع البعض منهم - اللى يعرفوا انى عندى فكرة عن البورصه او النشاط الاقتصادى-  بدء يسلئنى عن تجميد الاموال فى اصول والسؤال الموجه كان دايما ايه افضل الاصول اللى ممكن استثمر فيها !
الدهب ولا العقار ولا الدولار ولما سئلت البعض منهم حصل على الفكره دى ازاى وكنت عاوز اعرف حاجه معينه من ورا السؤال لاقيت ان تقريبا كلهم اجمعوا ان ناس اصحابهم ومعارفهم قالوا لهم على الفكره وانهم عملوا كده بالفعل للحفاظ على قيمه فلوسهم بعد اللى حصل من التعويم وان النقود حاليا لم تعد مخزن للقيمه ، وبالتالى الناس بدءت فعليا انها تجمد فلوسها فى اصول بعيدا عن انها تحتفظ بيها كودائع فى البنوك والحصول على فائده بالسالب
ولو اتكلمنا عن مشكله التضخم ورفع اسعار الفائده للحد من اثاره
لازم  الناس المسؤله عن السياسه النقديه فى مصر يحددوا طبيعه التضخم نفسه وعلى اساسه تبدء الحلول بالتنسيق مع باقى الجهات المعنيه
فالتضخم فى مصر هو تخضم "مركب" بمعنى لو راجعنا كل النظريات اللى اتكلمت عن التضخم بدايه من فيشر ومرورا بكينز وانتهاءا بالنظريه الكميه الحديثه والمدرسه السويديه الحديثه  نجد ان التضخم فى مصر هو جزء منه ناتج عن زياده كميه النقود (حسب اخر تقرير للمركزى المصرى ان حجم السيوله زاد على اساس سنوى بنسبه 39% فى مايو الماضى ووصلت السيوله الى 2 تريليون و 850 مليار جنيه بعد ان كانت 2.044 تريليون فى مايو 2016) والسيوله دى ناتجه عن التوسع فى اصدار النقود (نظريه فيشر والنظريه الكميه الحديثه))لاتباع سياسه تمويل هى فى الاساس سياسيه تضخميه (التمويل بالعجز) وقلنا قبل كده ان السياسه دى ما تنفعاش فى الاقتصاديات الناميه لكن بتنجح فى الاقتصاديات المتقدمه والمستقره ، والحقيقه ان زياده النقود فى الاقتصاد المصرى بيؤدى الى رفع الطلب الكلى على السلع والخدمات مقابل ثبات المعروض منها (تضخم طلب) طب السؤال هنا هى الناس معاها فلوس فى ظل الطحن المتوالى فى ارتفاع الاسعار ؟!
اه الناس معاها فلوس سواء كانت ناتجه عن الاقتصاد الموازى وغير المنظور فى مصر والتقديرات بتاعته بتقول ما بين 30-40 مليار جنيه او المصدر التانى وهو رفع اسعار الفائده واللى انا قلت انه مرتبط بالسلوك الاجتماعى للشعب المصرى وبالدراسه وجدوا ان الطبقه المتوسطه بيزيد انفاقها الاستهلاكى مع ارتفاع اسعار الفائده ، بالاضافه ان التضخم فى مصر جزء منه كمان راجع الى زياده الاستثمار المخطط عن الادخار المخطط(المدرسه السويديه الجديده) فالتوسع فى مشاريع البنيه التحتيه على حساب الادخار المخطط اوجد فجوه تضخميه انعكست فى وجود فائض طلب فى اسواق السلع وفائض فى الطلب فى اسواق عوامل الانتاج (الارض ورأس المال والعمال) والجزء الاخير فى التضخم فى مصر هو تضخم التكلفه والناتج عن زياده تكاليف الانتاج بمعدل يزيد عن ارتفاع نسبه الانتاج
وبالتالى تحليل ظاهره التضخم فى مصر بهذا الشكل تتنافى تماما مع تحليل صندوق النقد اللى حصر مشكله التضخم فى النقود بس ناتج عن الافراط فى المعروض من النقود وطبعا لما تكون المدخلات خاطئه اكيد المخرجات هتكون خاطئه  واعتقد ان اعتراف كريس جارفس رئيس بعثه الصندوق الدولى الى مصر بانهم اخطئوا فى تقدير اساسيات الاقتصاد المصرى وكان الحديث وقتها عن انهيار قيمه الجنيه امام الدولار عند التعويم بيأكد حجم الخطأ  اللى وقع فيه الصندوق واللى قلنا قبل كده ان  روشتات الصندوق الدولى هى من النوع المعلب والمحفوظ وبيتم تطبيقها دون مراعاه ظروف وطبيعه كل اقتصاد
ولو مشكله التضخم كما يصورها صندوق النقد انها نقود بس
 فالبنك المركزى يقدر انه يراقب الطلب على النقود ويوجه عرض النقود بالصوره اللى تستوفى الطلب على الارصده النقديه وده محتاج ان البنك المركزى يخطط لكميه النقود والائتمان بما يتناسب مع معدلات النمو الحقيقه ومعدلات ارتفاع الاسعار المرغوبه عشان نضمن التوفيق بين مقتضيات التمنيه ومقتضيات الاسعار
و يا ريت يكون فيه تنسيق اكتر من كده بين البنك المركزى كجهه مسؤله عن السياسه النقديه واستقرار سعر الصرف و باقى الجهات المسؤله عن تنفيذ السياسه الماليه والتجاريه والاتفاق فيما بينهم على تحديد اهداف السياسه الاقتصاديه زى معدلات النمو والتضخم والمدى الزمنى للتنفيذ وفاعليه التطبيق ومتابعه التنفيذ
ده اذا كنا فعلا راغبين فى الاصلاح وانه مش مجرد كلام للاستهلاك المحلى

USD vs EGP

بسم الله الرحمن الرحيم

• الدولار الامريكى /الجنيه المصرى على الرسم البيانى اليومى ، وبعد فتره طويله من السير بشكل عرضى نجد ان الزوج اختبر بالامس دعمه القوى عند مستوى 17.75 وفى رأيى ان هذا الدعم قادر على رد الزوج ، وان كان هذا الارتداد حتى الان صعيف لكن وجهه نظرى الشخصيه ، ان التداول خلال الاسبوع القادم على الاقل سيكون اعلى هذا الدعم
• القناه العرضيه التى يسير فيها الزوج اعتقد تتوافر فيها مقومات التجميع الى حد كبير جدا ولا داعى لتكرار اسباب الاعتقاد بان هذا هو تجميع ، حتى شمعه الامس التى وصل بها الى 17.74 هى شمعه اختبار SHAKEOUT ، اعتقد ان -اذا افترضنا  ان البنك المركزى المصرى هو المتحكم فى سعر الصرف وهو رأيى الشخصى- لجأ الى اختبار دعم القناه العرضيه لقياس مدى قوه المشترى والتخلص من القوى البيعيه الضعيفه ، وربما الاختبار فى رأيى لم يكن ناجحا بقدر كبير فشمعه الاختبار لم تكن من الشموع الشرائيه المعروفه القويه ، لكن اخر شمعتين كونا نموذج شموع هرامى كروس تحتاج الى شمعه ثالثه لتأكيد الارتداد ، وان كنت شخصيا ارى ان اخر شمعتين -بعيداعن الشموع اليابانيه- هما هورن بوتوم وبالتالى الاغلاق اعلى 18.05 يؤهل الزوج الى استهداف 18.40
• كسر 17.75 كسرا حقيقيا معناه ان ما سبق لم يكن تجميع ومبدئيا الزوج فى هذه الحاله يستهدف 17.30
• لا اتفق مع الرأى القائل بان تحجيم الاستيراد هو مفتاح التغلب على ازمه الدولار ، لاسباب كثيره ذكرناها سابقا ونعيد بعضا منها حاليا للتذكره :-

 اولا: فانخفاض الاستيراد لابد له فى المقابل زياده التصدير بنسبه اكبر من نسبه انخفاض الاستيراد لتوفير مصادر دولاريه يا ترى ده بيحصل فى حاله مصر ! ولو حصل بيحصل كام مره ! فاكرين ايام مبارك واللى كان بيحصل فى الكلام عن ارتفاع الصادرات وانخفاض الواردات وفى الاخر تلاقى ميزان تجارى خربان وعجز موازنه متفاقم

ثانيا : كيف تقلل الاستيراد ونحن بلد مستورد بنسبه 60%-70% من احتياجتنا وان تم تقليل الاستيراد فهو تقليل هامشى لن يكون له تأثير كبير فنحن نستورد من الابره حتى الصاروخ

ثالثا: اين كفاءه جهاز الانتاج لتلبيه الاحتياجات فى حاله الاستغناء عن السلع المستورده ؟

رابعا: مرونه الطلب الداخلى على السلع المستورده يا ترى هتقل ولا هتفضل زي ماهى ، خصوصا وان الطبقه العليا والشريحه العليا فى الطبقه المتوسطه هم الاكثر استخدام للسلع المستورده وغالبا ماحدش منهم هيقدر يستغنى عن هذه السلع  وضيف على كده الصناعات وما تحتاجه من مواد خام ووسيطه مستورده لاتمام عمليات التصنيع وملهاش بديل محلى هتقلل ازاى من استيراد تلك المواد ! ونخلى بالنا ان تقليل الاستيراد فى ظل عدم وجود بديل مناسب له اثر سلبى على الاقتصاد يتمثل فى تراجع الانتاج وزياده البطاله وارتفاع التضخم ، وان كان طبعا ترشيد الاستيراد امر ضرورى جدا لعلاج الميزان التجارى اولا وبالتالى اصلاح جزئى لعجز الموازنه لكن بشرط انك تكون مجهز البديل المكافىء للسلع المستورده اللى انت هتستغنى عنها

من الاخر كده الحل الوحيد افى ازمه الدولار اتكلمنا عليه سابقا وبنذكر بيه للمره الالف وهو الانتاج اولا، ودعم الصناعات الموجهه للتصدير ، وتكوين بيئه استثماريه جاذبه للاستثمار وتوجيه الاستثمار لاحتياجات الدوله ومشاريعها التنمويه عن طريق خطه موضوعه  لتقديمها للمستثمرين بدلا من الاستثمار فى السلع الاستهلاكيه التى علمت الشعب المصرى مزيدا من السلوكيات الاستهلاكيه السيئه

لذلك من وجهه نظرى الشخصيه ارى ان انخفاض الدولار الحاصل حاليا هو انخفاض مؤقت ربما انها لعبه من البنوك الكبيره بالبيع الكثيف فيما بينها لتحسين الجنيه المصرى امام الدولار وذلك لامتصاص الغضب من القرارات الاخيره برفع اسعار المحروقات واظهار ان هناك تحسن فى الاقصتاد ادى الى انخفاض الدولار، وربما الهدف الابعد هو المحافظه على صوره الجنيه المصرى امام الدولار لاظهار ان هناك تحسن حقيقى فى الاقتصاد وذلك من اجل الانتخابات الشكليه القادمه فى 2018

ذكرى انقلاب 3 يوليو

بسم الله الرحمن الرحيم

فى ذكرى انقلاب 3 يوليو 2013

لازم تفتكر كويس اوى :-

"ان هذا الشعب لم يجد من يحنوا عليه "

اديها كمان حنيه وحياه خالتك بهيه 🤣 🤣

الاقتراض الخارجى لمصر

بسم الله الرحمن الرحيم

بالمناسبه يا جماعه فى موضوع الاقتراض الخارجى :- مش دايما كله سىء لكن ده بيتوقف على استخدام الدوله للاقتراض الخارجى ، فلو الدوله استخدمت الاقتراض الخارجى فى توليد منفعه حاليه او مستقبليه فده يعتبر شىء ايجابى للدوله وقيمه مضافه للاقتصاد زى انى استخدم الاقتراض ده فى مشاريع تنمويه تدر دخل للدوله منه اقدر اسدد اقساط الدين ومنه اخلق فرص عمل للناس عندى (قيمه مضافه) ومن ثم زياده الانتاج اما حضرتك لو الدوله استخدمت الاقتراض ده فى سد الفجوه التمويليه اللى عندها وللصرف على الاحتياجات الداخليه للدوله فهنا بيتخلق مشاكل كتيره للاقتصاد اهمها مش بس زياده الالتزامات الخارجيه او ارتفاع تكلفه الديون السياديه ، لا كمان و زياده اعباء خدمه الدين اللى بدورها هتأثر على عجز الموازنه وتدخل فى قصه التمويل التضخمى لسد عجز الموازنه وبالتالى ارتفاع التضخم ثم رفع اسعار فائده ثم زياده الدعم للمحافظه على الحد الهامشى من الاستقرار الاجتماعى ..... وهكذا وندخل فى دايره جهنميه خلاصتها تدمير موارد الدوله الاقتصاديه والانبطاح السياسى المصاحب لها اللى انا قلته ده شبيه بمفهوم النفقه فى الفكر المحاسبى يعنى لو حضرتك ضحيت بموارد اقتصاديه فى سبيل الحصول على منفعه اصبحت نفقه (EXPENDITURE) اما اذا ضحيت بالمنافع دى وما حصلتش على منفعه يعتبر خساره (LOSS) فمابالك ان دوله زى مصر بتضحى مش بس بموارد اقتصاديه لا كمان بتضحى بموارد بشريه وعلى حساب قيمتها السياسيه كدوله رائده فى المنطقه اللى بتعمله مصر ده فى الاقتراض الخارجى اسمه خساره (LOSS) بالفكر المحاسبى والفكر الاقتصادى والسياسى........ بس خلاص