EGX30

بسم الله الرحمن الرحيم

• فى الاسبوع الماضى تحدثنا عن مقارنه الاداء بين المؤشر الثلاثينى  ومؤشر هيرمس اخر سعر ، ومن خلال التحليل اثبتنا ان اداء مؤشر هيرمس افضل من المؤشر الثلاثينى ، واليوم اضفنا اليهما مؤشر الداو جونز ،لان الثلاثه مؤشرات ترتبط ببعضهم ارتباط  ايجابى قوى لا يحتاج حتى الى اضافه مؤشرات القوه النسبيه لاثبات هذه العلاقه
• ما زلنا نرجح ان المؤشر امامه تحقيق قمه تاريخيه جديده  قد تستهدف على الاقل 14500 نقطه ، ومن خلال الرسم البيانى يتضح ان حركه مؤشرات هيرمس والداو جونز افضل من المؤشر الثلاثينى فقد سبق للمؤشرين تحقيق قمم تاريخيه جديده عند مستويات 1285 نقطه لهيرمس اخر سعر و22414 للداو جونز ، فى حين ان الثلاثينى ما زال بالقرب من قمته التاريخيه عند 13970 ، ولكن نتوقع له خلال هذا الاسبوع تجاوز قمته التاريخيه
• كلاسيكيا ما زال نمط معكوس الرأس والكتفين الاستمرارى الذى تحدثنا عنه قبل تحقيق قمه 13970 صالحا حتى الان وفى مره قادمه ان شاء الله سوف نؤكد المستهدفات الصاعده بتحليل موجى 

النحاس (COPPER)

بسم الله الرحمن الرحيم

• النحاس وهو من المعادن الاكثر اهميه فى اسواق السلع ، وقد اخذ المعدن الاحمر فى الارتفاع من بدايات عام 2016 وهو ما واكب  الارتفاع فى اسعار الاسهم فى الاسواق العالميه ، وواصل المعدن الاحمر صعوده  نتيجه للخطه التى اعلنها ترامب بتبنى توجه عام للاستثمار فى البنيه التحتيه وهو ما اوجد لدى منتجى المعادن الرئيسيه وعلى رأسها النحاس بأن الطلب الامريكى سيزداد خصوصا مع التحسن النسبى فى مؤشرات الاقتصاد الامريكى غير ان اهم الاسباب فى ارتفاع النحاس من وجهه نظرنا هو عوده الطلب المتنامى للتنين الاسيوى -الصين -  على النحاس والصين بمفردها تستهلك حوالى 40% من الانتاج العالمى للنحاس والبعض قد يتنبأ بوصول الطن من النحاس الى 8 الاف دولار ليعيد مجده السابق عندما وصل سعر الطن الى 10 الاف دولار فى عام 2011
• فنيا على الشارت الاسبوعى نجد النحاس كون نمط انعكاسى ايجابى وهو معكوس الرأس والكتفين اكتمل بالاغلاق اعلى 2700 دولار مستهدفا مستويات 3650 دولار ، وان التراجع الاخير فى اسعار النحاس نتيجه للوصول الى مناطق التشبع الشرائى التى يحترمها معدن النحاس وكذلك يعتبر هذا التراجع بمثابه الثروباك على خط العنق المخترق ومن افضل المناطق للشراء هو الارتداد من الثروباك  ، وكلما كان الثروباك قصيرا ولم يتجاوز خط العنق هبوطا كلما كان اداء النمط افضل
• اعتلاء مستوى 2960 مره اخرى يرجح استكمال الصعود للنحاس مره اخرى مستهدفا اللقمه التى تراجع منها عند 3160 دولار

اقتراح لجمعيه المحللين المصريين

بسم الله الرحمن الرحيم

اقتراح لجمعيه المحللين المصريين

من خلال متابعتى لتعليق كتير من الاخوه الكرام من المحللين الفنيين سواء فى الفضائيات او من خلال الوسائل المقروءه لاقيت ان كل التعليقات على الشورت سيلنج والمشتقات الماليه تكاد تكون كلها كوبى وبست من بعضها وتفتقر الى الخلفيه الدينيه من حيث الحلال او الحرام 

طبعا الازهر فى اجازه اجباريه كالعاده فى مثل هذه الامور ، لكن خلينا نقول ان ممكن الجمعيه تكون لجنه من اعضائها يكونوا مثلا 6 اعضاء او 7 خصوصا اللى بيظهر منهم كتير فى وسائل الاعلام ويروحوا للازهر  يستفتوه وينقلوا صوره صحيحه عن الشورت سيلنج والاوبشن والمارجن وكل القضايا الشائكه وبالتالى يبقى عندنا فتوى رسميه  بالحلال او الحرام فى مثل هذه الامور وبكده نبطل حجه الجماعه اللى دايما بيلبسوا على الناس ،  فمثلا نبويه نسميها نانو 😀 وندلع الاسم عشان نخلص من مشكله الاسم ، والشورت سيلنج نسميه تأجير تمويلى او تسليف ، لكن مش مهم اصل المعامله ايه !  واعتقد اقتراح زى ده هيبطل حجتهم  ان الصوره مش بتوصل بشكل صحيح للشيوخ 

اكده بشكل كبير هيتم تثقيف المحللين دول والناس هتبقى على بينه من الامر ويبقى كل واحد اتقى ربنا فى عمله وفى فلوسه ، بدل ما اخوانا من المحللين دول سواء بعمد او بغير عمد يتحملوا ذنوب ناس ممكن تاخد بفتواهم ونصيحتهم  

ويوم القيامه لا اللى بيرفعلك تليفون عشان تقرء من الورقه اللى بتتوزع على القنوات ولا رئيس البورصه ولا غيرهم هيقفوا جنبك ، فالكل اتيه فردا ، والكل يومئذ نفسى نفسى

سهم ابل

بسم الله الرحمن الرحيم

• سهم ابل على الفريم الديلى وقد نلاحظ ان السهم دخل فى تصحيح منذ الاعلان عن الايفون 8  و +8 منذ بدايه شهر سبتمبر فاقدا حوالى 10% من قيمته ، وقد كانت الاشارات واضحه ان المنتج الجديد - الايفون X - هو ما يهم ابل اكثر وبالتالى استنتج المستثمرون ان مبيعات ابل من الايفون 8 و+8 لن يحققا المبيعات المرجوه ، ولا اعلم السبب الحقيقى لاصدار ثلاث منتجات من ابل لا يفصل بينهم غير فتره قصيره زمنيا لا تتجاوز الشهر ، اعتقد ان درس نوكيا لابد ان يكون فى الاذهان سواء لابل او لسامسونج وان تراعى ابل ان اسيا وافريقيا تمران بمشاكل اقتصاديه واهمها ان التنين الصينى يعانى من تباطؤ فى النمو والصين يمثل اكبر سوق للايفون ، كما ان اسعار المنتجات مع انخفاض القوه الشرائيه نتيجه لضعف عملات كثير من بلدان القارتين يمثل عقبه فى تحقيق مبيعات كبيره لابل فى تلك المناطق
• فنيا السهم كون نموذج " كابوريا هابطه" اكتمل عند مستوى 165 دولار وقد حقق النموذج هدفه الهبوطى الاول عند مستوى 156 دولار والهدف الثانى عند مستوى 151
• الدايفرجنس الخفى على مؤشر STOCK RSI - حتى وان كان ضعيف نسبيا - يرجح  الارتداد الصعودى على ان اختراق الترند الهابط فى رأيى هو انسب النقاط حاليا للمتاجره مع السهم لاستهداف القمه التر تراجع منها السهم ، وفى حاله تراجع السهم من المستويات الحاليه فالاغلاق تحت 149 يعتبر نقطه الخروج من السهم للمستثمر قصير الاجل 

DAX30

بسم الله الرحمن الرحيم

• الداكس على الشارت اليومى بمناسبه الانتخابات الالمانيه والتى مرت بهدوء على الاسواق العالميه ومنها بالطبع الداكس وكماهو ظاهر فهناك نموذج هارمونيك  على الارجح ان يكون THE5-0 الشرائى ، دخل المؤشر مناطق الانعكاس للضلع BC المقدره بنطاق 12560-12830 ليرتد بعدها المؤشر هبوطا  بنسبه 50% تصحيح للضلع BC ثم معاوده السعود مره اخرى
• اى اختراق لحاجز 12830 يعتبر النموذج لاغى
•  اذا لم يتجاوز المؤشر مستوى 12676  صعودا فغالبا يكون نموذج الهارمونيك هو شارك بيعى  ويكون اول هدف هبوطى له عند 12350-12400

مسلسل الكذب للمسؤلين فى مصر

بسم الله الرحمن الرحيم
هو مش الباش مهندز طارق عامر والراجل بتاع التعبئه والاحصاء اللى مش فاكر اسمه قالوا ان التضخم تراجع ولما تعدى سنه الاساس هنشوف انخفاض ملحوظ فى التضخم !
طب حد اخد باله من حوالى اسبوع او عشره ايام كده ان اسعار الحاجات كلها ارتفعت وبدون مبرر ، شخصيا اقل حاجه اشتريتها الاسبوع اللى فات ارتفعت 10% وفى حاجات وصلت الى 25% والكلام ده بعيد عن الخضار والفاكهه
عشان لما قلنا ان التضخم الموجود فى مصر هو تضخم مركب مش سببه بس ارتفاع الدولار  لكنه راجع لبلاوى سوده تانيه اهمها ان الانتاج غير كافى لمواجهه الطلب فى ظل هيمنه الجيش على الاقتصاد المدنى وفى ظل استخدام وسائل انتجيه عفى عليها الزمن وفى ظل عدم تواجد حلول خارج الصندوق للمصانع العاطله عن العمل
مسلسل الكدب اللى اطول من المسلسلات التركى ده امتى هيخلص ! 
الغريبه الباشمهندز طارق عامر مش مكفيه الكدب فى ارقام التضخم لا كمان مستمر فى مسلسل الكدب فى باقى المؤشرات الاقتصاديه زى كدبه عن زياده الاستثمارات الاجنبيه المباشره  وهو عارف ان الزياده دى معظمها  تخص مجال التنقيب واستخراج البترول والغاز الطبيعى اللى بمجرد انتهائها الشركات دى بتسحب فلوسها وكمان بتقاسمك بالنص فى الارباح دى يعنى تقدر تقول ويكأنها هوت مونى ده غير الهوت مونى كاستثمار غير مباشر فى اداوت الدين اللى جزء منها هيستحق فى الاجل القصير قبل نهايه السنه تقريبا حوالى 2 مليار دولار ومعاهم نفحتهم اللى بتتجاوز 18 % كاستثمار على الدولار
يا عالم دى يلين اعترفت بخطأ الفيدرالى الامريكى فى تقدير قوه سوق العمل والتضخم واحنا هنا تحس ان من مسوغات التعيين انك تكون كداب

زمن الفتن !

بسم الله الرحمن الرحيم

*والله يا جماعه انا اوقات بسئل نفسى هو ايه ناقص تانى عشان القيامه تقوم !

لبنان دوله الرذيله واللى بتحدفه علينا من اشكال زباله زى هيفاء ونانسى عجرم واليسا اصحاب البضاعه الرخيصه واخرهم مشروع ليلى ، مشروع الشواذ جنسيا وعادى 40000 من الشواذ بيترفع علمهم بتصريح من وزاره التعريض المصريه  ومش عارف لبنان هتحدف ايه تانى علينا

* الباشا مستشار الغنوشى بتاع النهضه التونسيه (فرع الاخوان فى تونس) طلع بتصريح غريب بيقول فيه انه عادى الرجل يرث زى المرأه وخلى بالك من الجمله الجايه انه قال  ا"لقرأن نزل فى زمن لا ترث فيه المرأه"  ومافيش مشكله انه يطبق مبدأ المساواه فى الميراث طالما اجتمع الناس على كده (يا ترى لو التصريح ده قاله واحد علمانى كان اصحاب الدقون العيره هيعملوا ايه فيه ! لانه قدح وذم مباشر فى كتاب الله ومش عايز اقول حاجه تانيه ) مع ان الجاهل ده لو كلف نفسه يقرأ هيعرف ان فيه 30 موضع المرأه فيه بترث زى الرجل واكتر منه كمان ، والسؤال للباشا هنا !

طب سعادتك جيبت الاجماع ده منين ! وهو من امتى امه محمد بتجتمع على ضلاله يا ضلالى والمصيبه الاكبر ان الحركه دى  عادى جدا وافقت على زواج المسلمه من غير المسلم وكانت تصريحاتهم مستفزه بان الموضوع موضوع شخصى وكل واحده عارفه حكم الشرع

* التفاهمات الاخيره بين حماس (فرع الاخوان فى فلسطين) وبين مصر والاستعانه بمحمد دحلان من العلامات اللى تثير الشكوك لانها بتجمع تناقضات غريبه ، فمصر بتعتبر الاخوان عدوها الاول وقالت عن حماس انها جماعه ارهابيه  ومحمد دحلان عدو حماس من زمان ومعروف انه خاين وايده ملوثه بدم ياسر عرفات وتاريخه السياسى اسود بمعنى الكلمه ،  فجأه كده التلات تناقضات دى تجتمع مع بعض ويبقى فيه تنسيق وتعاون وعادى نلاقى مصر بترحب بفتح مكتب لحماس فى مصر وان حماس عادى بتقبل بحل لجنتها الاداريه فى قطاع غزه وبتقبل بتسليم القطاع لاداره الدوله الفلسطنيه (حركه فتح) وبتقبل بترشيح محمد دحلان بقياده حركه فتح على حساب محمود عباس والاتنين العن من بعض 

هو ناقص ايه تانى يتعمل فى الاسلام وناقص ايه تانى من الفتن هنشوفها !

تقييم مالى بسيط لقطاع البنوك المصريه (PE vs NPAT CHART -BANKING SECTOR)

بسم الله الرحمن الرحيم

• الحقيقه ان مدخل التقييم العادل اصبح مهم جدا فى بناء القرارات الاستثماريه واصبحت لجنه المحاسبه والمعايير الدوليه تضع اولويه قصوى لاستخدام هذا المعيار لتقيم الاصول بدلا من التكلفه التاريخيه لمزيد من الشفافيه والوصول الى القيمه الحقيقيه للاصل وبالتالى الوصول الى الصوره الحقيقيه للمركز المالى للشركات محل التقييم ووضع الصوره كامله امام المستثمرين لمعرفه كافه التفاصيل عن وضع الشركه الحالى والمستقبلى 
• الجراف الموجود هو لقطاع البنوك وبيان العلاقه بين المعدل السنوى لنمو صافى الارباح(الربح بعد الضريبه) لمده 5 اعوام ما بين 2012-2016 ومضاعف الربحيه بعام 2016 ، والخط الذى يقطع الجراف هو خط التقييم العادل للقطاع 

• كلما اقترب مضاعف ربحيه السهم من الخط العادل للقطاع كلما كان تقييمه عادلا ، وبملاحظه الرسم نجد ان كل البنوك اعلى هذا الخط مبالغ فى تقييمها، وهو ما يرجح تحرك هذه الاسهم هبوطا فى المدى المتوسط وعلى رأسها التجارى الدولى
• البنوك التى اسفل الخط مقومه باقل من قيمتها وبالتالى يرجح معها تحرك هذه البنوك صعودا فى المدى المتوسط 
• ما زلت اكرر واذكر الناس بأن البنوك الربويه والتعامل معها حرام شرعا سواء فى ودائع او اسهم ، ونحن نخلى مسؤليتنا الشرعيه امام الله كماهو موجود فى التنويه الموجود اعلى يمين المدونه ، عن اى شخص يبنى قراره الاستثمارى على هذه المشاركه الفنيه او غيرها من المشاركات التى تتحدث عن قطاع البنوك او التجارى الدولى ، فكما قلت سابقا ان الحديث عن التجارى الدولى او قطاع البنوك نتناوله من الناحيه الفنيه فقط بما انه قطاع مؤثر فى البورصه المصريه والتجارى الدولى سهم مؤثر فيه ، اما الناحيه الشرعيه فأعلنا موقفنا منها مرار وتكرارا ونذكر به بين الحين والاخر بحرمه البنوك الربويه لعل الذكرى تنفع المؤمنين

خطوره استفتاء انفصال الاكراد عن العراق

بسم الله الرحمن الرحيم
لو حضرتك مش مقدر خطوره الاستفتاء اللى هيتعمل بكره لانفصال كردستان عن العراق يبقى لازم تعرف 
سيبك من الممانعه الظاهره من المجتمع الدولى وعلى رأسهم امريكا لاقامه هذا الاستفتاء فهى ممانعه ظاهريه لكن فى قلب الحقائق لازم تعرف ان امريكا من اكبر الممولين للاسلحه لعصابات هذا الاقليم اللى بيقوده عميل قذر اسمه مسعود بارزانى  ، والكارثه الكبرى اللى ماحدش اخد باله منها ان اللى بيقف ورا هذا الانفصال مباشره هو الكيان الصهيونى اللعين ، واللى ماتعرفهوش سعادتك ان فيه تعاون على اكبر المستويات بين الاكراد فى العراق وبين الكيان الصهيونى وانه فيه 250 الف كردى لهم مناصب متنوعه فى جيش الدفاع الصهيونى وان الموساد نفسه هو اللى بيقوم بتدريب العصابات الكرديه اللى بتقوم بتهجير المدنينين وقتلهم فى الانبار وصلاح الدين والموصل والصاقها فى داعش ، وداعش موجوده فعلا ولها ايد فى اللى بيحصل هناك 
بعيدا طبعا عن المناطق الكرديه انها بتنتج حوالى 30% من النفط العراقى لكن الاخطر فى الموضوع ان حلم اسرائيل من النيل الى الفرات بدء يتحقق وان الدول العربيه هتكون بين كماشه العدو الصيهونى بدايه من انفصال اقليم كردستان وسيناء قد تكون قريبه منهم جدا خلال السنوات القليله القادمه ويبدء الزحف الصهيونى واطباق الكماشه على العرب ، وان قادم الايام زى ما قلنا قبل كده ان فيه سايكس بيكو جديد قائم على تقسيم المقسم وتجزئه المجزء وكله لضمان تحقيق الحلم الصهيونى الغير مشروع واللى بيحصل ده يمكن قرأته من تصريح سابق ليتشارد بيريل احد اليهود فى وزراه الدفاع الامريكى ورئيس مجلس سياسات الدفاع فى عهد بوش الابن الذى قال ان العراق هو الهدف التكتيكى وان السعوديه الهدف الاستراتيجى وان مصر هى الجائزه الكبرى وانتظروا قريبا تقسيم سوريا ومن بعدها السعوديه والجائزه الكبرى هى مصر

EGX70

بسم الله الرحمن الرحيم

• المؤشر السبعينى على الشارت الاسبوعى  واداء مميز للمؤشر فى ظل ما يعانيه المؤشر الثلاثينى حاليا
• المؤشر يسير فى قناه صاعده منذ اواخر عام 2016  وما يلفت النظر ان الصعود كان بزاويه حاده وهو ما ثر على شكل القناه بهذا الوضع، وقد لامس المؤشر الحد العلوى للقناه ودخل فى مناطق التشبع الشرائى الزائد ، لذلك فاعتقد ان المؤشر سيلاقى مقاومه قويه خلال الايام القادمه فى تجاوز الحد العلوى للقناه بهذا الشكل كما ان منطقه 772-780 سيلاقى فيها مقاومه كبيره ، لذلك ننصح المستثمرين بمراقبه الاداء خلال الايام القادمه وجنى الارباح على مراحل وانتظار اشاره الشراء مره اخرى 
• ربما هناك انفصال بعض الاسهم عن اداء المؤشر وقد تكون متأثره اكثر باداء المؤشر الثلاثينى وابرزها البنوك باستثناء بنك قناه السويس، وقد لاحظت ان كثير من الاسهم لم تحقق هايات اعلى من امس او من القمه التى تراجعت منها ، وهى اشارات ضعف بالتأكيد ، كما ان الصعود اليوم برغم تراجع المؤشر الرئيسى كان فى قطاعات ربما تكون ثانويه مثل قطاع الموارد الاساسيه وكان الفضل فيه لسهم اسيك للتعدين ، لذلك نكرر ان الحذر مطلوب والمتابعه الجيده من المستثمرين لاداء المؤشرات واداء اسهمهم مطلوبه فى هذه المرحله  

EGX30 vs HRMSL

بسم الله الرحمن الرحيم

• مقارنه الاداء بين مؤشر هيرمس اخر سعر ومؤشر EGX30 ، والحقيقه دايما ان مقارنه حركه المؤشرين دول بالنسبه لى مهمه  فتقريبا المؤشرين بدئوا فى نفس الوقت وبالتالى تاريخيه  مؤشر هيرمس تشفع له بمراقبه ادائه لاستنتاج حركه المؤشر الثلاثينى او من خلاله نستيطع تأكيد حركه المؤشر الثلاثينى
• من خلال الملاحظه يتبين لنا مؤشر هيرمس حاليا ادائه افضل من الثلاثينى  فالمؤشر حركه صعوده اسرع من المؤشر الثلاثينى ويتضح ذلك من خلال ان السعر تقريبا عند القمه التاريخيه للمؤشر عند 1271 نقطه فى حين ان المؤشر الثلاثينى حتى الان لا يستيطع تجاوز كلستر المقاومات التى تحدثنا عنه فى التحليل السابق عند مستوى 13700
• لاحظ ان الدايفرجنس المخفى على مؤشر RSI  على الفريم الديلى موجود ايضا على الفريم الاسبوعى وهو ما يؤكد الارتداد الصعودى ، ويبقى ان السعر قادر على اختراق القمم التاريخيه للمؤشرات ام لاء ، فحركه مؤشر العزم فى كثير من الاوقات كانت اذا وصلت الى خط 30 ترتد صعودا الى خط 70 وفى بعض الاحيان القليله كانت تخترق هذا المستوى صعودا
• حسب ما اعتقد ما زال هناك موجه خامسه صاعده وهو السيناريو المرجح عندى منذ فتره ، وحسب هذا السيناريو  فاعتقد ان مؤشرات العزم ومنها RSI لن تدعم حركه الصعود الاخيره وبالتالى قد نرى عدم تجاوز مؤشر RSI لمستوى خط 70

الهرم الاكبر وانتهاء الترند الصاعد لمصر

بسم الله الرحمن الرحيم

• شكل الاهرامات فى الصوره دى اوحى لى بأن الحضاره المصريه كانت فى ترند صاعد خماسى من الناحيه الاليوتيه ، وزى ماهو معروف عن مصر فى عصر الدوله القديمه اللى كانت بتتميز بالخير والرخاء وازدهار  العلوم والفنون والاداب و اتعرف عن الدوله القديمه انها عصر بناه الاهرام
• الهرم الاكبر اللى اتبنى فى عهد الاسره الرابعه بيمثل نهايه الترند الصاعد الخماسى ، وده متوافق تاريخيا بان الدوله القديمه بعد اسقاط الاسره الرابعه واللى تم فى عهدها بناء الاهرامات ومعظم التماثيل الكبيره بدء الضعف يدب فيها خصوصا مع بدايه الاسره السادسه واللى ازداد فيها دور حكام الاقاليم  وبعد ان كانت مصر وحده واحده ، بدء حكام الاقاليم يستقلوا باقاليمهم عن الفرعون وحصل ده فى عهد الملك بيبى التانى اللى حكم مصر حوالى قرن من الزمان وبكده تفككت مصر وضعفت وبدءت نهايه الدوله القديمه  بنهايه الاسره السادسه  ، وبدءت مصر فى ترند هابط منذ اواخر الاسره الرابعه وكان هرم الملك منقرع بمثابه "رفسه القط الميت" وبه تعرفنا على شكل التصحيح انه سيكون تصحيح حاد على شكل موجه زجزاج ABC وذلك مع بدايه عصر الاضمحلال الاول من الاسره السابعه وحتى التاسعه ، لتكوين الموجه التانيه الهابطه  لكن يظهر ان الفراعنه حسوا بالخيبه اللى منتظره مصر وان الشعب ده خلاص مش هتقوم له قيامه تانى فقالوا مافيش داعى اننا نعمل الموجه التالته اليوتيا الصاعده واللى معروف عنها انها اقوى الموجات الدافعه فى العد الموجى
• كلاسيكيا عندنا نمط سلبى رأس وكتفين اكتمل بزوال الحضاره الفرعونيه وما زال لم يحقق مستهدفه حتى الان ، وحتى الوصول الى مستهدف الرأس والكتفين  ما زلنا فى ترند هابط لانتهاء التصحيح ، وبدايه تكوين قاع الموجه الثالثه القويه على الفريم طويل الاجل جدا جدا جدا والذى قد يمتد الى الالاف السنين او الوصول الى يوم القيامه ايهما اقرب

DOW JONES

بسم الله الرحمن الرحيم

• الداو على شارت 4 ساعات ونموذج هارمونيك "فراشه بيعى " اكتمل عند مستوى 22335 ولكن حدث تجاوز بسيط يعد مقبولا ووصل الى مستويات 22420 ومع دخول الداو لمناطق التشبع بدءت القوى الشرائيه تضعف وبدء الداو فى التراجع 
• ربما يصل الداو الى مستويات 22150 كهدف اول لنموذج الهارمونيك 
• اغلاق الداو حاليا اعلى 2240 يلغى النموذج خصوصا اذا استمر فى الصعود بعد ذلك

كل عام وانتم بخير بمناسبه السنه الهجريه الجديده

بسم الله الرحمن الرحيم
كل عام وكل الامه الاسلاميه والعربيه ومصر بخير وسعاده وامن واستقرار
وعام جديد ندعوا فيه بالخير للاسلام والمسلمين وان يكون عام خير ورخاء وسلام
علينا جميعا وعلى امه الاسلام من المشرق الى المغرب
اللهم امين

المصريه للاتصالات

بسم الله الرحمن الرحيم

• المصريه للاتصالات على الشارت الديلى ، وبعد ان بدءت الشركه فى تشغيل خطوط الشبكه الجديد واخترقت عالم المحمول لاول مره رأينا السعر يحاول تجاوز مستوى 13 جنيه وللاسف لم يستطع الثبات اعلاها واغلق عند 12.82
• الشكل الموجود هو 2B SELL حسب النموذج الاغلاق تحت 12.82 هو خروج لمضارب السونج  لكن دائما استخدام القاع بين القمتين هو الافضل فى بعض الحالات خصوصا وان الفرق بين المستويين هنا ليس كبيرا
• الشمعه المتكونه فى حد ذاتها هى شمعه بيعيه UPTHRUST ننتظر جلسه اليوم لتأكيد هذه الشمعه ومن ثم الحذر فى التعامل مع السهم  ، فالخروج للمضارب قصير الاجل بكسر 12.35 ، واعاده الشراء حاليا بارتقاء مستوى 13 جنيه

عن تخارج المصريه للاتصالات من فودافون

بسم الله الرحمن الرحيم

كنت من حوالى يومين كده عايز اتكلم عن المصريه للاتصالات بمناسبه دخلوها اليوم عالم المحمول  وموضوع التخارج من فودافون والكل عارف ان حصتها فى فودافون 45%

كنت متوقع -وده الطبيعى انه يحصل - ان المصريه للاتصالات تتخارج فعلا لسببين :-

اولا : ان هناك تضارب فى المصالح ومن المفروض ان قوانين حمايه المنافسه بتمنع حاجه زى دى واللى اعرفه ان فيه قرار من مجلس الوزراء يقضى بتخارج المصريه للاتصالات من فودافون بعد حصول المصريه على رخصه  المحمول بسنه والسنه اهى عديت

ثانيا : ان اعباء التمويل والممثله فى النفقات الرأسماليه فى حدود 12-13 مليار جنيه  دفعت منهم المصريه للاتصالات عام 2016 حوالى 10 مليار جنيه (بمافيهم ثمن الرخصه 7.1مليارجنيه)  وفى النصف الاول من 20017 حوالى 1.7 مليار جنيه والشركه كانت بنبحث اقتراض 13 مليار جنيه من 5 بنوك على 8 سنوات لتمويل توسعاتها الحاليه والمستقبليه  والاستثمار فى البنيه التحتيه لخدمات الانترنت والمحمول وبالتالى كان من الطبيعى انه يتم التخارج  سواء لاعباء التمويل او تبعا للقوانين المنظمه لحمايه المنافسه 

لكن الغريب ان رئيس جهاز الاتصالات  من سنه تقريبا قال تصريح غريب ان قرار مجلس الوزراء اشار لتشكيل لجنه لبحث سبل التخارج ولكنه لم يلزم المصريه للاتصالات بالتخارج ..... لا يا راجل 😀

لانهارده رئيس المصريه للاتصالات احمد البحيرى استفزنى بتصريحه انه لا يوجد نيه لدى المصريه للاتصالات للتخارج من فودافون  ..... شغل بلطجه يعنى 

وماحدش عارف فودافون هيكون ايه رد فعلها ! خصوصا انها ممكن تلجأ للتحكيم الدولى للاضرار بمصالحها ، ولا الموضوع ممكن يتساوى كده بينهم وبين بعضهم من تحت الترابيزه  ويا دار ما دخلك شر!

بصراحه استمرار الوضع على ماهو عليه هو صوره حيه للفساد بعينه 

الشمول المالى

بسم الله الرحمن الرحيم

بمناسبه عقد مؤتمر الشمول المالى :-

يعتبر الشمول المالى خطوه جيده جدا لاى دوله عايزه نمو اقتصادى حقيقى ، وتقديم خدمات ماليه ميسره لكل فئات الشعب دون تميز ليستفيد منها الافراد والدوله 

والحقيقه وان كان مفهوم الشمول المالى مفهوم حديث نسبيا من حوالى 10 سنوات لكن كان بيسبقه حاجه اسمها التضمين المالى وده مفهوم انتشر منذ منتصف التسعينيات تقريبا

انا عندى قناعه تامه ان اى فكره مستورده من الخارج لما بتدخل الخلاط المصرى بتخرج حاجه تانيه خالص ، فسياسه القفز على الحواجز اللى ماشيه بيها مصر ، ويلا بينا نعمل كده بدون اعداد او ترتيب بيخلينى اشك فى النتائج المرجوه 

فكان من المفترض ان يكون هناك جدول زمنى لتطبيق الشمول المالى مدته مثلا سنتين او تلاته بحيث ان الكل يستعد له سواء بنوك او افراد ،لان ده هيخلينى عندى شويه تحفظات فى صوره اسئله بعيدا عن البنيه التحتيه والفوقيه للبنوك والكلام ده 

1- يا ترى حضرتك عندك مناخ لتداول المعلومات بشفافيه !  حضرتك الشمول المالى اول حاجه فيه انه قائم على توافر المعلومه واتاحتها للجميع سواء كانت معلومه اقتصاديه او ماليه 

2- يا ترى حضرتك عندك مناخ استثمارى جيد يستفيد منه الافراد والشركات فى حاله تطبيق الشمول المالى ولا هيكون دوره بس قاصر على الاقراض ولطبقات معينه فى ظل تشريعات وبيئه استثماريه طارده للاستثمار ومرتبط بيها بيئه سياسه محتقنه وفساد ادارى ومالى فى جميع مستويات الدوله 

3- حضرتك قمت بالدور المنوط بيك فى تقيف وزياده وعى الافراد او القائمين على اداره هذا الموضوع فى التعامل مع الافراد ! سعادتك تقدر تطلع على دور القائمين على الموضوع ده فى اوربا والدول المتقدمه ، ودورهم بس مش بيقتصر على تقديم الخدمات الروتينيه المعروفه لكن بيتعدى ذلك الى ما يعرف بالمستشار الاقتصادى او المالى يعنى هو اللى يوجهك لنوعيه الاقراض المناسب لحالتك وممكن كمان يوجهك للاستثمار المناسب 

4- هل البنوك فعلا هتكون مستعده للشمول المالى ! وانا هنا بتكلم مش على البنيه التحتيه للبنوك لكن بتكلم عن الرغبه الحقيقيه فى القيام بالدور الاستثمارى المنوط به البنوك واللى اتعملت من اجله ، فى ظل قيام البنوك بالاستثمار الامن فى اذون وسندات الخزانه بعائد يتعدى 18% 

5- حضرتك ازاى عايز تعمل شمول مالى فى ظل اجراءات روتينيه معقده للخدمات الماليه واغلب الاجراءات دى موجهه لمحاربه  الارهاب وكأن مصر هى الدوله الوحيده اللى عندها ارهاب،  فى حين ان الشمول المالى اصلا مقدم فى جزء منه لتسير الخدمات الماليه لافراد  مش تعقيدها ، تخيل ان حضرتك على سبيل المثال عشان تفتح حساب فى البنك لازم تجيب خطاب من جهه العمل عشان يعرفوا مصدر الفلوس دى ، طب سعادتك واللى فلوسه دى من ميراث او مثلا كان مشغلها فى مشروع بسيط وانسحب منه او الناس المهنيين اللى وفروا جزء من فلوسهم وخلافه هيجيب لسعادتك منين ما يثبت الكلام ده ! واللى انت بتعمله ده يا ترى بتوجه رساله ايجابيه ولا سلبيه للمدخرين ! وانت عندك اصلا من القوانين ما يكفى لمحاربه غسيل الاموال والارهاب فايه الداعى لمزيد من التعقيد فى ظل مستويات متدنيه من الادخار هبطت من 14 % من اجمالى الناتج القومى المحلى الى اقل من 6% 

النجاح له اسبابه وعمر ما كان الموضوع بالفهلوه زى ما كل حاجه فى مصر ماشيه كده ، وطول ما الامور ماشيه بدون تخطيط  مدروس واداره علميه ، فإنسى الموضوع وقول يا باسط

EGX30

بسم الله الرحمن الرحيم

• مؤشر البورصه المصريه على الفريم الديلى ، وبعد موجه الهبوط فى المدى القصير التى انتهت عند مستويات 12900 بدء الارتداد الصعودى للمؤشر ، وكان من نتائج هذا الارتداد ان المؤشر استطاع اختراق الترند الهابط قصير الاجل عند مستوى 13375 نقطه وباختراق مستوى 13460 بدء المؤشر بتغيير اتجاهه قصير الاجل الى صاعد
• الترند الهابط يمكن اعتباره نموذج BUMP AND RUN ننتظر من المؤشر استهداف قمته عند مستويات 14000 نقطه
• اعتقد بشكل كبير ان المؤشر من الممكن ان يحقق قمه تاريخيه جديده وقد سبقه الداو جونز بالامس فى ذلك ونحن نعرف مدى ارتباط السوق المصرى بالسوق الامريكى ، وربما فى وقت لاحق نقوم بتوضيح هذه العلاقه باستخدام مؤشرات القوه النسبيه
• المؤشر حاليا تواجهه كلستر مقاومه عند مستوى 13700 واختراق هذه المقاومه والثبات اعلاها يؤهل المؤشر لاستهداف مستويات 14000 وربما يزيد
• الدعم الحالى للمؤشر عند مستويات 13550 ثم كلستر دعم عند 13460

قطاع الخدمات الماليه

بسم الله الرحمن الرحيم

• قطاع الخدمات الماليه على الفريم الديلى وبعد ان وصل القطاع الى مستوى 721 نقطه بدء التراجع من هذه النقطه ، وحسب اعتقادنا ان المؤشر منذ قاع 2016 وهوو يصحح الموجه الصاعده الحاليه على شكل خماسى انتهى من 3 موجات على فريم intermediate وبدء فى تصحيح الموجه الرابعه الهابطه والتى نعتقد انها جاءت على شكل زجزاج تركيبها الداخلى 5-3-5 وربما يكون القطاع انتهى من 3 موجات من الموجه c وحاليا فى الموجه الرابعه ويتبقى له موجه خامسه هابطه اخرى قد تستهدف الحد السفلى للقناه حتى تكتمل الموجه الرابعه

هيرمس

بسم الله الرحمن الرحيم

• هيرمس على الفريم الاسبوعى ونموذج سلبى BIG M اكتمل بالاغلاق تحت مستوى 21.56 لمستهدف فى كثير من الاوقات يصل الى قاع السوينج البادىء منه النموذج (60% من الاوقات ) عند 6.40 ، وفى رأيى الشخصى  حتى يصل السعر الى هذا المستوى فلابد من حدوث تصحيح قوى لاسباب قهريه ، وغالبا الاسعار ربما تحقق مستهدف الدبل توب بداخل النموذج عند 14.5 تقريبا 
• نذكر بان هذا النمط مشهور عنه حدوث البولباك  بنسبه 63% من المرات وهناك نسبه 36% بان يواصل البولباك امتداده لافشال النموذج بتجاوز 29.16 صعودا 
• هناك ديفراجنس ايجابى كلاسيكى على مؤشر الهيستوجرام ولكنه من النوع الضعيف لذلك ربما يواصل السهم ارتداده الصعودى وباختراق 21.56 قد يستهدف السهم مستويات 23-24 جنيه ، ووجب على حامل السهم مراقبه السهم اذا ما قرر الهبوط عند مستويات 19.5(حاليا الدعم الاساسى قصير الاجل) وفى هذه الحاله فالاغلاق تحت مستوى 19.5 يعتبر خروج للمستثمر قصير الاجل

DOW JONES

بسم الله الرحمن الرحيم

• الداو على الفريم الزمنى 60 دقيقه ، ونموذج ايجابى وهو معكوس الرأس والكتفين المشوه المكمل للاتجاه ، اكتمل النمط بالاغلاق اعلى مستوى 22000 نقطه لمستهدف قد يصل الى مستويات 22500
• فريم الساعه هو فريم للمدى القصير المنظور تقريبا لا يتجاوز 3-4 ايام وبالتالى قبل الوصول الى المستوى المذكور ، نذكر ان الداو ربما يتراجع بعض الشىء خصوصا وانه دخل فى مناطق التشبع ولديه مقاومه على مؤشر RSI وايضا اصطدم  بالحد العلوى للقناه العرضيه المائله للصعود وفى حاله اختراق الحد العلوى للقناه سنرى رالى قوى فى الصعود قد يتجاوز مستويات 22350 كمستهدف اول
• الثبات اعلى مستوى 22000 يعطى دفعه قويه للداو لمواصله الصعود وان حدث بعض التراجع فيجب المحافظه على منطقه 12850-21900

ما مدى تأثير اعصار ارما على الاسواق الامريكيه ؟!

بسم الله الرحمن الرحيم

ده تقرير يا جماعه بيتكلم بشكل عام عن تأثير الكوراث الطبيعيه على اسواق الاسهم ، وتبعا للنظريه الجديده اللى هى الاقتصاد الاجتماعى (SOCIONOMIC THEORY) اللى كنا اتكلمنا عنها فى مشاركه 13/8/2017 ، بيستعرض كاتب التقرير الكوارث الطبييعيه زى الاعاصير اللى مرت على امريكا زى اندرو فى 92 وايفان فى 2004 و كاترينا فى 2005 وكان من اكبر الاعاصير من حيث القوه التدميريه وساندى 2012  واخيرا هارفى فى 2017 واللى اتقال عليه اقوى اعصار الى الان واعلى تكلفه خسائر فى تاريخ المريكا  ، والراجل بيتكلم ان الداو فى جلساته المباشره بعد حدوث الاعاصير دى ، اما انه كان بيهبط بشكل طفيف او بشكل عرضى والجلسات التاليه كان بيحقق ارتفاعات اعلى من قبل حدوث الاعاصير دى ، واعتقد ان ده متوافق تماما مع الامثله اللى ذكرناها لبريكتر فى حديثه عن هذه النظريه واتلكمنا عن رده فعل الاسواق فى الجلسه التاليه ليوم اغتيال كيندى عام 1963  وبعد 5 جلسات للداو بعد 11/9/2001 استوعب فيها الحدث الكبير ده 

وبيستشهد كاتب التقرير بأن هناك باحثتان من جامعه جورجيا قاموا بدراسه اسواق الاسهم وتأثير الكوراث الطبيعيه عليها عن طريق دراسه مجموعه اخرى من الكوراث الطبيعيه وهى الزلازل فى 35 دوله وعلاقتها باسوق المال ودرسوا 177 زلزال على مدار 4 عقود  وخلصوا الى نتيجه " انه لا يوجد تأثير ممنهج  للزلازل سواء بشكل مباشر او غير مباشر على اسواق المال"

والحقيقه ان جلسه اليوم للداو جونز بتثبت كتير من كلام نظريه الاقتصاد الاجتماعى والداو اب 260 بونت واختراق مستوى 22000 نقطه لحد كتابه المشاركه دى

وشخصيا ما كنتش متوقع ان الداو ممكن يصعد بالشكل ده  فى الجلسه التاليه لحدوث الاعصار على الاقل كنت متوقع ان جلسه اليوم هيكون فيها هبوط وممكن الداو بعدها يلم نفسه على يوم الثلاثاء او الاربعاء بالكتير ، لكن واضح ان التاريخ بيعيد نفسه بعد حدوث الكوارث الطبيعيه لامريكا ،  واعتقد ان ده هو الفرق بين الاسواق ذات العمق التاريخى ونضج المستثمرين وقبلهم فى حاجه اسمها  مؤسسات حقيقيه قايمه بدور MARKET MAKER مش مؤسسات بتشتغل شغل هواه بنظام اخطف واجرى و للاسف هدفهم المضاربه مش الاستثمار 

No matter what happens in Wall Street's session on Monday, the temptation will be to chalk it up to Hurricane Irma. As investors brace for the storm, it's prudent to contemplate if hurricanes -- or natural disasters in general -- have any reliable impact on the stock market. An examination of the data and recent history reveal a counterintuitive conclusion: They don't.

Consider Hurricane Harvey. It made landfall in Texas on Friday night, August 25. Over the subsequent weekend, the photographs that came out of Houston were sobering. Tens of billions of dollars of damage. Reports that the storm could be the costliest in U.S. history. The nation's fourth-largest city reeling. Yet the Dow gapped up on Monday's opening, and on Tuesday it closed higher than it did before the storm hit.

The last major hurricane to make landfall in the continental U.S. prior to Harvey was Wilma in 2005. The storm was part of a record-breaking hurricane season. The Dow closed up 169 points the day that the storm slammed into Florida.

Earlier in 2005, there was Hurricane Katrina. The Dow closed higher the day the hurricane struck New Orleans. The market dipped the following session and then closed at its highest level in a week the day after.

Sandy wasn't technically a "major hurricane" by meteorological standards when it made landfall in the U.S. in 2012. But that didn't stop it from doing more than $70 billion in damage across 24 states, including cutting power around New York City and flooding the city's streets and subway lines. The Dow closed essentially flat -- down less than one-tenth of one percent -- in its first trading session after the storm surge hit New York. By the following day, the market was higher than it was before the storm banged into the Big Apple.

Sometimes the market goes down when a hurricane strikes. Witness the Dow's eight-tenths of one percent slide the day of Hurricane Andrew's landfall in 1992 and its net four-tenths of one percent decline (after initially going up) in the two trading sessions after Hurricane Ivan's landfall in 2004.

Flat then up after Harvey. Up after Wilma. Up, down and then up after Katrina. Flat then up after Sandy. Down after Andrew. Up then net down after Ivan. Do you see a pattern here? You shouldn't, because there isn't one.

Susana Ferreira and Berna Karali, two researchers at the University of Georgia, found a similar stock market phenomenon when they studied another variety of natural disaster: earthquakes. They examined what stock markets did in 35 countries following 177 earthquakes over a four-decade span. They concluded that there was "no systematic impact of earthquakes on aggregate stock market indices, either directly or through the control variables."

Natural disasters can cause devastation, flood streets and homes, displace thousands of people and shut down cities. Yet they have no reliable effect on the stock market.

The market could go up, down or sideways on Monday. But history tells us that the hurricane will have nothing to do with it.

التجارى الدولى

بسم الله الرحمن الرحيم

• التجارى الدولى على الشارت الديلى ، وانا هنا مش عايز اتكلم كتير عن نموذج الرأس والكتفين المحتمل ولكن حبيت الفت النظر اليه ، لان النمط ده على التجارى الدولى اوضح من الموجود على شارت المؤشر وفيه عناصر قوه كتير ، لكن طبعا ممكن النمط ده يتحول لنمط تجميعى ( CONSOLIDATION PATTERN ) بالاغلاق اعلى الرأس عند مستوى 88.80 ووقتها ممكن نشوف رالى قوى فى الصعود ، اول الاشارت الداله على كده (تحوله لنموذج تجميعى) هو اختراق الترند الهابط الواصل بين قمه النموذج والكتف الايمن عند مستوى 84.5 متغيره هبوطا مع الزمن بواقع تقريبا 3-5 قروش يوميا
• اللى عايز يعتبره مثلث متماثل مافيش مشكله لكن احب اوضح انه هيكون نموذج ضعيف لوجود الفراغات الكتير اللى فى المثلث ، والطبيعى انه يتضائل اى نمط اخر بجانب سيد النماذج الانعكاسيه  وهو الرأس والكتفين
• يتأكد النموذج بكسر 80.60 حاليا والرقم ده متغير صعودا مع الزمن وتقريبا تتحرك الاسعار صعودا ما بين 3-5 قروش يوميا ، وفى رأيى الشخصى انه لوحدث الكسر خلال وقت قصير ننتظر رأى دعم 80 جنيه كفلتر سعرى اخر قبل ما حد ياخد اكشن معين فى الخروج 

EGX30

بسم الله الرحمن الرحيم

• المؤشر الثلاثينى على الفريم الاسبوعى ، وما زلنا نحاول قراءه سيناريوهات المؤشر وان كانت هذه الفتره هى فتره عدم اليقين فى جميع الاسواق الماليه عموما ، وبالتالى قد تكون كل السيناريوهات مطروحه سواء التى تتحدث عن تكمله صعود لموجه خامسه اخيره او التى تتحدث عن انتهاء الصعود
• عندنا سيناريوهين تقريبا بيعطوا نفس النتيجه  وهى تكمله الصعود وان كان السيناريو التانى ان المؤشر يكون لسه مخلص الموجه الرابعه intermediate على شكل running flate  هيعطى امل للمؤشر انه يحقق ارقام اعلى من السيناريو الاول باعتبار ان غالبا الموجه الخامسه هتكون ممتده وقويه بعد تصحيح running flat وزى ما قلنا قبل كده  انه عادى يحصل double extension فى الموجتين التالته والخامسه وبالتالى ما تندهش وقتها لو لاقيت المؤشر ما بين 15000-16000 
• من الملاحظات على السيناريو الاول انى شخصيا رجحت ان شكل الموجه هيكون وتد متسع  وبالتالى ممكن نشوف المؤشر عند مستويات فوق 14500 ، لكن على الجانب الاخر مافيش مشكله اننا نعتبر الموجه دى قطريه خلفيه بشكلها المعهود (الوتد الصاعد  العادى convergence ending diagonal) حتى لو كانت الموجه التالته فيها اطول من الموجه الاولى او حتى لو كانت الموجه التالته موجه خماسيه وبقيت الشكل مستوفى الشروط ، وده بالمناسبه كلام بريكتر فى مقابله اتعملت معاه فى شهر ابريل العام الحالى وممكن فى الحاله دى نشوف المؤشر عند مستويات 14000 فقط  وربما اذا انقطعت الموجه الخامسه يبقى مش هنشوف قمه 14000 نقطه
• اعتقد حسب وجود الدايفرجنس الخفى الايجابى الموجود على مؤشر rsi برجح ان ما زال هناك صعود للمؤشر حتى وان فى بعض الاوقات الارتداد مش بيكون قوى فى حالات الدايفرجنس الخفى بشكل عام 
• المستويات اللى تلغى السيناريو الاول كسر مستوى 12350 ، اما كير مستوى 11850 يحول تركيبه الموجه الرابعه من running flat الى expanding flat
• تقدر تضع نقاط ايقاف خسارتك تحت مستوى 12900 علىا لمؤشر او تحت اخر قاع لاسهمك ارتدت منه صعودا 

سياسه السمك لبن تمر هندى الاقتصاديه فى مصر

بسم الله الرحمن الرحيم

بص سعادتك:-

1- لو انت بتتبع سياسه انكماشيه فما ينفعش تقولى ان فى السياسه الانكماشيه عندنا تضخم وصل الى 35% اذا كان انت بتتبع السياسه الانكماشيه عشان تقلل التضخم لكن طول مأنت مش بتعالج المرض نفسه وهو التوزان بين العرض الكلى والطلب الكلى يبقى انسى الموضوع وازاى هيحصل التوازن ده وانت ابسط حاجه بتعملها انك بتتوسع فى اصدار النقود(تضخم نقدى) والباشا بتاع الماليه والباشا بتاع المركزى خاربينها فى الموضوع ده ، اطبع يا زكى قدره يطبع زكى قدره 😁 وزى ما قلت قبل كده ان مشكله التضخم فى مصر انه تضخم مركب جزء منه التضخم النقدى

2- طول ما انت مش بتقدر تتحكم فى الانفاق االخاص او العام وفى دوله متخلفه زى مصر اقصى ما تسطيع فعله انها تيجى على الانفاق الاستثمارى دون ترشيد حقيقى فى الانفاق الحكومى سواء على الامن(الانفاق على الجيش وتسلحيه) او المرتبات والمزايا الاجتماعيه اللى بتمنح لفئات معينه من الشعب لضمان الولاء يبقى بردوا انسى الموضوع ، مع العلم ان الدول الناميه بتنفق فى المتوسط 50% من ميزانتيها على تسليح الجيوش اللى اساسه حمايه الانظمه الديكاتوريه ، وفى دوله زى مصر المخروسه كلنا عارفين ان الجيش بياخد مش بيدى ابدا وكلنا عارفين انهم صحاب البلد واحنا ضيوف عندهم بس ضيوف رخمين 🤣

3- طول مأنت عايز تحقق مستويات نمو وهميه (يستفيد منها فئه معينه من الشعب على حساب باقى الشعب نفسه) قايمه على سياسيه تمويل تضخميه(التمويل بالعجز) فأنت كده بترفع الطلب الكلى على حساب ثبات المعروض من السلع والخدمات (تضخم طلب) يبقى بردوا انسى الموضوع ، وفى مفهوم التنميه المستدامه اذا كانت عوائد معدلات النمو تتم لصالح الاغنياء فقط مع عدم عداله التوزيع فى الدخل والثروه وما يعقبها من ظلم اجتماعى فاعلم انها معدلات نمو وهميه (تخيلوا ان فى مصر فقط 30 اسره بتستفيد من معدلات النمو وباقى الشعب يسف تراب )

4- طول ما فيه زياده فى الاستثمار المخطط عن الادخار المخطط(المدرسه السويديه الجديده) فالتوسع فى مشاريع البنيه التحتيه على حساب الادخار المخطط لازم ينتج عنه فجوه تضخميه تنعكس فى وجود فائض طلب فى اسواق السلع وفائض فى الطلب فى اسواق عوامل الانتاج (الارض ورأس المال والعمال) يبقى بردوا انسى الموضوع

نقول كمان ولا كفايه !

يا امه ضحكت من جهلها الامم

EUR vs NZD

 IN THE NAME OF ALLAH THE MOST GRACIOUS , THE MOST MERCIFUL
 EUR/ NZD PAIR ,4 HOUR RANGE SHOWS, ABROADENING TOP CHART PATTERN
 THIS TYPE OF MEGAPHONE SHAPE IS KNOWN AS SWINGS PATTERN, PRICE OSCILLATES UP AND DOWN, SO WEN PRICE TOUCHES THE BOTTOM TRENDLINE 4 THE 3rd TIME AND BEGINS RISING U CAN BUY,  THIS IS THE BEST METHODOLOGY 4 TRADING WITH BROADENING TOP........ BECAUSE BREAKOUTS FROM BROADENING   TOPS HAVE A RNDOM DIRECTION (UPWORD 49.6%, DOWNWORD 50.4%) ....IF WE USE AN ELLIOTT WAVE COUNT, I THINK ITS THE 4th WAVE ON MINNUTE DEGREE AND ITS AN EXPANDING TRAINGLE, MY GESS IS THE PAIR WILL DIP AFTER  SHOWING A PARTIAL RISE 2 COMPLETE THE FINAL WAVE(E) IN THE TRAINGLE
IF THIS PROBABILITY IS TRUE , WE WILL SEE THE FINAL CLIMAX RUN SHARPLY

GBP vs USD

بسم الله الرحمن الرحيم

• GBP/USD زوج الباوند دولار على الشارت الاسبوعى ونموذج وتد هابط ، اما انه يكمل الاتجاه الهابط بكسر حده السفلى والوصول الى مناطق قريبه من مستويات 1.1450 ،  او اختراق الحد العلوى عند 1.3225 متغيره صعودا مع الزمن ووقتها من الممكن ان نرى رالى صاعد قوى للكبيل

DAX30

بسم الله الرحمن الرحيم

• المؤشر الالمانى (DAX30) على الفريم اليومى ونموذج هارمونيك THE5-0 البيعى اعتقد ان المؤشر فى اخر اضلاع النموذج CD والمفترض ان يستهدف هذا الضلع مناطق 12400 حتى يصبح النموذج صحيحا ثم بعدها يواصل المؤشر الهبوط مره اخرى ، مستهدفا على الاقل القاع الذى ارتد منه عند 11868

طلعت مصطفى

بسم الله الرحمن الرحيم

• طلعت مصطفى على الرسم البيانى الاسبوعى ونموذج مثلث هابط ، والمثلثات من النماذج المراوغه واصبح من الصعب تحديد اتجاه الكسر لها فاحصائيا المثلثات الهابطه تصل نسبه الكسر فى نفس اتجاه الترند السابق لها حوالى 50% و50% فى عكس اتجاه الترند السابق لها ، اى ان ليس هناك ترجيح نسبى فى حاله المثلث الهابط وان كانت بعض الاراء ترجح نسبه الكسر لاسفل بنسبه اكبر تصل الى حوالى 65%
• الدايفرجنس الايجابى الموجود على الماكد هيستوجرام هو دايفرجنس ضعيف ولتأكيد الدايفرجنس لابد للسعر من اختراق الحد العلوى للمثلث عند 7.90 تقريبا متغيره هبوطا مع الزمن

DOLLAR INDEX

بسم الله الرحمن الرحيم

• مؤشر الدولار على الشارت اليومى ، ونموذج علم  دببى اكتمل بالاغلاق تحت مستوى 93.20 نقطه لمستهدف قد يصل الى 89.35 نقطه
• الدولار حاليا فى مرحله البولباك على النموذج  ونماذج الاعلام والرايات مشهوره بموجات العوده والبولباك هنا مدعوم بوجود دايفرجنس ايجابى يتأكد بالاغلاق اعلى مستوى 94.04 نقطه لمستهدف صاعد فى هذه الحاله يصل الى 96.55 نقطه ويفشل فى هذه الحاله نموذج العلم الدببى