EGX30

بسم الله الرحمن الرحيم

لو هنتابع الاحتمالين الموجودين فى الشارتين ، شخصيا برجح الاحتمال الاولى الموجود فى الشارت الاول ، بما انى ربطته بانتهاء سيكل زمنى على مؤشر RSI ووصول السعر الى خط 30 وده توافق مع متواليه الفيبوناتشى بالارقام 5ثم 8 ثم 13 ثم 21 وبالتالى فالموجه الحاليه البادئه من قاع 14470 قد تستهدف مستويات 18700 (الثالثه باللون الموف بداخل الدائره) وعشان نوضح احنا ليه عملنا الترقيم بالشكل ده للموجه الخامسه (اللون الرمادى) من الثالثه انترميديت (االلون الازرق البادئه من قاع 5526) هنقول ان العزم الجديد اللى اكتسبه المؤشر بدايه من شهر فبراير الماضى وزاويه صعود الاسعار بالشكل ده بتقول ان دى موجه تالته فرعيه اما انها تالته من تالته او تالته من خامسه ، والا لو ما اخدناش بالنا من مؤشرات العزم وربطها مع التحليل الموجى ممكن يكون شكل ترقيم الموجه البادئه من قاع 11850 بالشكل اللى فى الشارت رقم 3، وعليه يبقى احنا كده فى نهايات موجه قويه هيتبعها تصحيح قوى نسبيا عشان كده مهم ربط مؤشرات العزم بالتحليل الموجى ، الاحتمال التانى فى الشارت رقم 2 ، التغيير فقط فى تفاصيل الموجات الداخليه الخاصه بالموجه الخامسه البادئه من قاع 11850(فى هذا الاحتمال) اللى تخلى الامتداد يوسع شويه بما ان الموجه الاولى(اللون الموف بداخل الدائره ) من الخامسه (اللون الرمادى ) كانت على شكل وتد (قطريه اماميه) ونوهت انه فى الغالب دايما الموجه الثالثه بعد الموجات الاماميه بتكون ممتده وبالتالى ممكن فى الحاله دى نلاقى الموجه الثالثه الكبيره INTERMEDIATE(اللون الازرق بين القوسن ) ممكن توصل لمستويات 20000 الف نقطه
الحقيقه ان مافيش انماط كلاسيكيه او هارمونيك بتاكد المستهدفات دى حاليا اللهم الا سكالوب صاعد موضح فى الشارت رقم 2 ممكن يصل الى مستويات 18200، لكن ما زلت لازم انوه الى ان المستهدفات دى هنوصل لها ولا لاء ؟ اعتقد انه لو استمر انفصال المؤشر عن باقى الاسواق الخارجيه بنسبه 60% ممكن نوصلها اما اذا عاد الارتباط الايجابى مره اخرى بين المؤشر والاسواق الخارجيه اللى هى فى تصحيح متوسط المدى بالفعل بادىء من شهرين فهنا لا مجال الى الوصول لهذه المستهدفات