- الشارت الاول : فيه السيناريو الاساسى للعد الموجى وزى ما هو مكتوب عليه اننا ما زلنا فى الموجه الثالثه INTERMEDIATE وحاليا احنا فى موجه رابعه فرعيه منها بعد كسر 14500 غالبا المؤشر لازم يختبر دعم 13500 وممكن تصحيح الموجه دى يخلص فى نطاق 12000-13500 وبعدها عندنا صعود يعمل قمه جديده فوق 18400 وبكده تخلص الموجه الثالثه INTERMEDIATE (3) وندخل فى تصحيح تانى كبير نسبيا للحدود المذكوره سابقا عشان نعمل الموجه الرابعه INTERMEDIATE (4) وبعدها نعمل قمه جديده تانيه ان شاء الله وبعدين ندخل فى تصحيح كبير جدا لان فى الاغلب هيكون الترند الخماسى من اول بدايه البورصه فى 1993 خلص
- الشارت التانى : السيناريو البديل وهو ان الموجه الثالثه INTERMEDIATE (3) خلصت ابلفعل عند قمه 18400 وحاليا المؤشر هيكون فى الموجه الرابعه INTERMEDIATE وغالبا ممكن الموجه دى تخلص فى المنطقه المشار اليها سابقا عند 12000-13500 وبالتالى الفرق الوحيد هيكون فى الزمن يعنى ممكن الزمن على الاقل يمتد لمنتصف اكتوبر
- الموجه الحاليه فى رايى انها زجزاج A-B-C وحاليا المؤشر فى الموجه الثالثه من الموجه C وهى اقوى موجه من الخمس موجات المكونه للموجه C وده ربما بيفسر لنا العنف الحالى فى الهبوط واعتقد ان الموجه التالته على الاقل ستصل الى مستوى 13700 (الموجه الدبل زجزاج WXY نفس المستهدف تقريبا ) - اذا كان هذا السيناريو صحيح ، ثم يتبعها ارتداد صعودى يستهدف تقريبا مستويات 14800 مبدئيا وحتى لو امتد الصعود من المرجح انه لا يصل الى مستويات 15700 الا لو كانت الموجه دبل زجزاج مش زجزاج
- من المهم اننا نتابع بعض الدعوم الهامه لبعض الاسهم القياديه عشان الناس تعرف اوضاع السوق الحقيقيه وهل ممكن السوق يصل للارقام اللى رجحناها ولا لاء
التجارى الدولى : منطقه 79-80 كسرها يغير الاتجاه الى هابط فى المدى المتوسط القريب للسهم ومرجح فى حاله الكسر انه يصل الى مستويات 73-72 وده المستوى الاهم بالنسبه للسهم لانه كسره72 هيبقى فيه مشكله كبيره جدا للسهم والسوق عموما
طلعت مصطفى : كسر 12.65 غير اتجاه السهم فى المدى القريب وكسر 9 هيغير اتجاه السهم فى المدى المتوسط
جلوبال تليكوم : كسر 6 غير اتجاه السهم الى هابط فى المدى الطويل
هيرمس : كسر 15.5 يغير اتجاه السهم الى هابط فى المدى الطويل ويكون له مستهدف عند 9 تقريبا
حديد عز : كسر 24.10 غير اتجاه السهم الى هابط فى المدى المتوسط القريب وينتظره مستهدف عند 18 تقريبا ما لم يوقفه دعم 22.65 او 19.40
المصريه للاتصالات : كسر 12 غير اتجاه السهم الى هابط فى المدى المتوسط وكسر 10 يغير اتجاهه الى هابط فى المدى الطويل
القلعه : كسر 2.95 وتأكيد الكسر يغير اتجاه السهم فى المدى القصير ويصبح له مستهدف هابط عند 2.05 ما لم يوقفه دعم 2.70 او دعم 2.5
مصر الجديده تاكيد كسر 23.15 يغير اتجاه السهم الى هابط فى المدى المتوسط ويكون له مستهدف هابط يصل الى 9.5 ما لم يوقفه دعمه القوى عند 16.5
بالم هيلز : كسر 3.45 السهم غير اتجاه الى هابط فى المدى المتوسط ومن المرجح ان يستهدف قاعه عند 1.77
اعتقد ان الاسهم دى حسب معلوماتى عن اسهم السوق المصرى انها اسهم مؤثره فى المؤشر ولها نسبه معتبره من التداولات بين الافراد والمؤسسات الماليه
