بسم الله الرحمن الرحيم
بمناسبه ضريبه القيمه المضافه لم نسمع صوتا من الساده الافاضل الخبراء الاقتصاديين والماليين اللى كانوا ملء السمع والبصر على شاشات الفضائيات والمواقع الالكترونيه عند اى قرار يتاخد ضد الفقراء بدعوه ان هذه القرارات فى مصلحه الدوله وعشان الاستثمار المباشروالغير مباشر ...الخ
كنت عاوز اسئلهم يا ترى ايه اثر ضريبه القيمه المضافه -وهو اجراء انكماشى- بلاش نقول على التضخم وارتفاع الاسعار والفقراء لان الناس دى ان كان عليهم عايزين يخلصوا من الفقراء النهارده قبل بكره
لكن ولا واحد فيهم طلع اتكلم عن اثر هذه الضريبه على الطلب الكلى و حجم الاستثمار والعائد عليه ! لا اسكت الله لكم صوتا.... عاملين نفسهم من بنها
ونفس الحال لطارق بيه عامر ابو قلب حنين وموقفه من اثر الضريبه دى على المصانع ويا ترى هتحل مشكله المصانع ! ولا هتزدوها من خلال تأثيرها على الطلب الكلى وتقليل حجم الانتاج وبالتالى انخفاض ربحيه المشاريع وزياده البطاله !
المرجح خلال الايام القادمه ان البنك المركزى هيرفع الفائده على الجنيه المصرى وعلى الدولار واعتقد ان ده اخر حل ممكن يلجأ له لمحاربه الدولره ومقدمه لتخفيض او تعويم الجنيه بعد كده
السؤال البديهى هى دى دوله فعلا فيها ناس بتشتغل وفى تكامل بين الوزرات و تكامل فى الرؤيا !ولا كل واحد ماشى بمزاجه وبيعمل فى جزر منفصله !يا ترى دى دوله عاوزه استثمار وعاوزه انها تتقدم بجد وبتعمل لصالح الشعب ! ولا الكلام ده كله طق حنك ولو افترضنا ان للضريبه دى اثر ايجابى زى ما بيقولوا فى مصلحه الضرائب يا ترى انت عندك حصر كامل للوحدات الانتاجيه ؟ ابدا والدليل زياده نمو الاقتصاد الموازى، طب يا ترى الدوله قادره على ظبط الاسواق والرقابه الفعليه ؟ الاجابه اظن شوفنها قبل كده
طيب وهتعملوا ايه فى الفقراء بعد نسب تضخم رسميه وصلت 14% والتضخم غير الرسمى وصل الى ما يقرب من 30% ومن المتوقع حسب وزرا ه الماليه ان الضريبه دى هترفع التضخم بنسبه 2%-3.5% ولسه الناس دى منتظرها المرحله الجديده من ترشيد دعم الطاقه (رفع اسعار الكهرباء والسولار والبنزين) يعنى تقريبا حسب وزاره الماليه اجمالى نسب ارتفاع التضخم هتصل الى 5.5%-7% ولسه كمان ينتظرنا تخفيض تانى للجنيه وكل ده نتيجه لسياسات عشوائيه وبدون حساب للمخطىء ! انا عندى حل اسهل انزلوا اضربوا الناس بالنار واخلصوا منهم بدل الموت البطىء اللى مستنيهم على الاقل تجيبوا من الاخر وتريحوا الناس من المعاناه
لما اشباه دوله -كما قال حاكمها - يبقا اسهل الحلول عندها انها تفتش فى جيوب الناس يبقا عليه العوض فى اشباه الدوله ......
وانتظروا ثوره لا تبقى ولا تذر وانتظروا معها الفوضى الخلاقه وبكره تشوفوا ماسر اللى هتبقى اد الدنيا
