احصائيه للبنك المركزى حتى شهر مارس عام 2016 عن اجمالى الديون على مصر والتى يبلغ نصيب الفرد منها 30000 جنيه مصرى ، ده غير قرض روسيا البالغ 25 مليار دولار لتمويل محطه الضبعه ، وواضح من طريقه الحساب ان سعر الدولار مقوم بالسعر الرسمى وان البنك المركزى تجنب ادارج قيمه القرض الروسى على 20 عام وبحسبه بسيطه باضافه قيمه القرض الروسى يزيد نصيب الفرد من قيمه الديون الى 32.500 جنيه
اما بسعر الدولار المتداول فى السوق الموازى ولو بافتراض متوسط سعره 12 جنيه يصبح اجمالى ديون مصر حتى الان 3141 مليار جنيه يعنى 3 تريليون و140 مليار جنيه ، نصيب الفرد منها 34.900 جنيه
يعنى اى مولود جديد يتولد هيكون محمل بديون تقريبا 35000 جنيه مصرى
الاهم من ده كله ان القروض دى تروح لمكانها الصحيح عشان ما يكونش مصيرهم زى مصير الرز الخليجى اللى تجاوز 60 مليار دولار وماحدش عرف عنهم حاجه ، ويا ريت الوعود تكون صادقه مش زى وعود المؤتمر الاقتصادى فى شرم الشيخ او وعود السيسى انه خلال سنتين هتكون مصر اد الدنيا ومرت السنتين ومصر بتتقدم الى الخلف بامتياز
بالمناسبه تكلفه الفساد سنويا بتتخطى 200 مليار جنيه مصرى يعنى بند زى ده ممكن يوفر علينا كل الديون دى وهيعطى رساله ايجابيه لللمستثمرين ان البلد بتحارب الفساد اللى بيعانى منه المستثمر الاجنبى زىه زى المواطن المصرى
يا ترى هيفلح ولا زى كل مره تقول افلح ان صدق !
يا ترى هيفلح ولا زى كل مره تقول افلح ان صدق !
