- فى التجارى الدولى المتسع قائم الزاويه الموجود يمثل حاله شائكه ، ومش هشرح على التجارى الدولى لانى ما زلت بكرر انه سهم ربوى وشرعا حرام المتاجره فيه ، لكنه بيمثل حاله خاصه للمؤشر ، وفى الحالات المشاببه على اى سهم اخر ، من المفترض ان النقطه الثالثه للمتسع وبعد الارتداد صعودا تمثل نقطه شراء جيده لاستهداف الحد العلوى للنمط ، لكن لو ظهرت معاك - غالبا- جاب انفصاليه ومعناها انها بدايه ترند وعشان تتقفل الجاب دى فى المتوسط عايزه مش اقل من شهرين هتعمل ايه !
فى الحاله اللى زى كده ، عن نفسى هشترى عادى مع الارتداد واستفيد من الصعود ولو حتى بنسبه 5% او 10% ، فيه ناس متخصصه فى المتاجره مع الترند فقط (BUY PULLBACKS IN UPTRENDS,AND SELL BOUNCES IN DOWNTRENDS) ولا تقلل من نسب المكسب ، فيه اسلوب فى المتاجره اسمه TRADE SMALL , WIN OFTEN يعنى مع تكرار المتاجره برأس مال صغير واستمرار المكاسب الصغيره وجد احصائيا ان قدراتك فى المتاجره والمكسب بتحسسن تقريبا بنسبه قد تصل الى 30%
ولو افترضنا اى سهم عليه تفس الحاله ، هيلف ويكسر الحد الادنى للنمط ! ماهو طول معايا سلاحى اللى ممكن يجمينى من الاخطاء ومن تأكل راسمالى ، انا مش خسران حاجه ، عشان كده انت لازم تعيد صياغه نفسك فى المتاجره مع السوق ونصيحه من مجرب لما تحط اوردر شراء يا ريت معاه يكون اودرد البيع واوردر وقف الخساره ، او على اقل تقدير يكون اوردر الشراء معاه وقف الخساره ، وهنا كسر الحد السفلى للنمط هو وقف خساره اجبارى
- ارجع لتحليل الفوليوم مع التجارى والاختبار على القاع الاخير اذا كان بفوليوم ضعيف زى فوليوم جلسه اليوم هتكون اشاره كويسه على الارتداد وللمؤشر ، بالرغم من وجود نموذج ابتلاع سلبى والشمعه التانيه لوحدها ماربوزو وهى فى حد ذاتها مشكله، يعنى غالبا لسه مرجح فيه هبوط بس المهم يكون هبوط بفوليوم ضعيف عشان الاختبار على قاع 72.25 يكون اختبار ناجح ,والافضل ما يكسرش القاع ده ولو كسره يبقى سبايك ، وعموما طول ما السهم اعلى من 71.20 فيه امكانيه لتكوين دايفرجنس خفى ايجابى وبالتالى ترجيح الارتداد ، لكن الحذر من كسر الحد السفلى لنمط المتسع قائم الزاويه، فالمرجح وقتها الوصول الى تارجت 58-60 على الاقل ، مع انى شخصيا شايف ان المفترض تصحيح الموجه الحاليه يكون انتهى عند الرابعه من الثالثه فى نطاق 70-88 ، الا لو كان التجارى ناوى على تصحيح كبير يصل به الى مستويات 40-45 وحاليا ده مش مرجح الا لو الاسواق العالميه بدءت التصحيح على الفريمات الكبيره زمنيا
