- الحقيقه انا ما كنت ناوى انى اتكلم عن النفط اليوم ، لكن فضلت انه يكون ثالث العناصر المؤثره مع الداو واليوان الصينى باكدج واحد مع بعض باعتبارهم اهم العناصر اللى هيرسموا خارطه الطريق للاسواق الماليه خلال 2019
- للتذكره ، الصوره الاولى فيها 3 شارتات لاحتمالين اليوتيين اتكلمت عنهم قبل كده منهم الاحتمال الاول ان الصعود الى 77 دولار هو نهايه موجه رابعه انترميديت من C بريميرى وبالتالى يتبقى للنفط موجه خامسه انترميديت تعمل قاع جديد تحت 26 دولار وبكده تنتهى الموجه C ، والاحتمال الاخر اللى ترجيحه بيضعف حاليا لكن ما زلت مش بستبعده وهو ان النفط من بدايه 2016 بيكون ترند جديد والموجه الاولى فيه هتكون على شكل قطريه اماميه (وتد متسع) وهو من الاشكال النادره فى الموجه الاولى والاحتمال ده مرتبط بعدم كسر مستوى 42 دولار عشان يظل قائم
- الصوره التانيه هو تفصيل للموجه من 2016 وحتى الهبوط الحالى فى كلا الاحتمالين ، وان كنت شخصيا على الشارت الاسبوعى ومع كسر الترند الصاعد طويل الاجل والسقوط الحر لاسعار النفط وده معناه ان الهبوط طبيعته موجه دافعه بيرجح عندى ان 77 دولار هى قمه الموجه الرابعه وان الهبوط الحالى ما زال امامه الكثير
- دايما كنت بذكر فى تحليلاتى السابقه واربطها بعدم كسر 42 فى النفط اعتقد المشاركه دى هتوضح سر رقم 42 دولار سواء كان موجه تانيه او موجه B فى كلا الاحتمالين وبالتالى كسر 42 دولار بيأكد ان النفط فى موجه خامسه انترميديت فى طريقها لتحقيق قاع جديد ربما يصل الى 22 دولار (لاحظ ان هناك علاقه مثاليه تربط الموجه الخامسه بالموجات الاولى والثالثه وهى 5=0.62×(1+3) )
- تقدر تلخص الثلاث مشاركات (اليوان الصينى ، الداو جونز ، النفط) مع بعض فى 3 ارقام مهمين 1- ان الدولار الامريكى لا يتداول باكثر من 7 يوان صينى
2- الداو جونز لا يقوم بكسر دعمه الهام جدا عند 23350
3- اعتقد ان اولى الاشارات السلبيه للتباطؤ فى النمو الاقتصادى وبالتالى الادء السلبى الاسواق الماليه العالميه بدايه من2019 يمكن التقاطها من تداول النفط تحت رقم 42 دولار
الثلاث ارقام المذكوره هما مفاتيح خارطه الطريق للاسواق الماليه الفتره المقبله ، وهما الحد الفاصل بين الاداء الايجابى وتكملته حتى 2020-2021 على اقصى تقدير وبين الاداء السلبى للاسواق الماليه بدايه من 2019 وبالتالى انتهاء الدوره الاقتصاديه قصيره الاجل لجوغلر (2009-2019)
