- مبدئيا كده نموذج الهارمونيك فشل فى الانعكاس بعد كسر 14850 😁
--مستوى 14640بيمثل نسبه 78.6% من السوينج الصاعد الذى قبله وهى احدى النسب المتعارف عليها لتصحيح الموجه الثانيه وان كان بدرجه اقل من نسب 61.8% ، و50%، وكذلك هى نسبه متعارف عليها فى سوينجات المثلثات
- لو افترضنا جدلا انه تم كسر قاع 14470 فى اى اندهاشه !! 🤔 وعليه لو وصلنا الى مستويات 14000 او اقل منها عند مثلا 13700 او حتى مستويات 13300 انت كبهير انبهرت !! ..... ابسلوتلى 😁 ..... ليه ؟!؟!
لو سعادتك عندك معرفه بسيطه بالتحليل الفنى الكلاسيكى ولو تعرف المعلوم منه بالضروره ان اى موجه تصحيحيه بتصحح ما بين ثلث الى ثلثي الموجه السابقه لها فى الغالب الاعم ، بالاضافه انك هتلاقى مستهدقف القناه الصاعده المكسوره ببساطه يصل الى تقريبا 13700نقطه (50%من الموجه) بنفس الطريقه اللى انا راسمها ، وكمان ازيدك من الشعر بيت ، انه بكسر 14470 هيكتمل نموذج قمه مزدوجه (ادم- حواء) ممكن تشوفه بوضوح على الويكلى لمستهدف يصل الى 13600 تقريبا، مش كده وبس احنا هنوصل الى اخر المدى فى التصور الدببى ، وهنفترض ان الموجه كامله انتهت عند 15320 او 15262 وكانت الموجه دى اليوتيا اما موجه اولى او البديل بتاعها انها تكون A كاول قدم فى الارتداد التصحيحى لاعلى ، وعليه ولا اى اندهاشه ان المؤشر يصل الى مستويات 14000 فيما ادنى (13700-13300-12770)...... ليه !! لان التصحيح ده هيكون وقتها اما موجه تانيه MINOR من خامسه INTERMEDIATE او موجه B على درجه MINOR ، من تصحيح ثلاثى A-B-C، والاتنين تقريبا بيصححوا بنفس النسب من منتصف الى ثلثى الموجه السابقه ، يعنى الموضوع بسيط جدا ومش محتاج حد يقيم حفلات ذعر ان المؤشر هيكسر 12000، الكلام ده بدرى الحكم عليه حاليا لان المؤشر لا وصل الى مستويات سعريه بالقرب من 12000 عشان نقول كده ولا تتوافر اسياسيات او قلاقل عالميه نقدر نرجح بيها الموضوع ده حتى الان ، ده اصحاب المشاكل نفسهم بورصاتهم وعملاتهم بتصعد ومنهم على وشك تحقيق قمم تاريخيه جديده ، ويا ريت سعادتك تلاحظ ان المؤشر ما صححش من الموجه البادئه من قاع 12076وحتى قمه 15320 الا 23.6% 😁 بالاضافه الى ان المؤشرما زال اعلى متوسط 200 يوم عند 14400 اومال لو صحح 50% او نزل تحت متوسط 200 يوم هيتعمل ايه ! وبالمناسبه التصحيح بنسبه 23.6% اذا لم يتجاوز قاع 14470 ، مناسب جداااا لان يكون موجه مثلثيه اليوتيا وفى اليوت عن المثلثات ما تسالش عن الوقت ولا تربطه بفريمات زمنيه ، ومرفق مع التحليل ده تحليل للداو كنت كتبته تقريبا بالامس او قبل ذلك واعتقد مهما المؤشر عندنا خالف الداو الا انه صعب ينفك من الدوره الزمنيه الى تربطه بالداو منذ 2009 ، وعلى الاقل نشوف ونتفرج على الناس الرايقه اللى بتحترم اصول العلم
