بسم الله الرحمن الرحيم
- فى الترند الصاعد حاول انك تتاجر زى المحترفين ، والموضوع مش صعب اوى زى ما الناس متخيلاه ، يعنى فى مرحله زى markup اللى بيكون لها ملامح مميزه ، زى الصعود العمودى او بشموع اسبريدها كبير ، او ارتفاع الفوليوم ..... المرحله دى بتكون اكتر مرحله فيها تصريف على الناس من المحترفين وصانع السوق ، وبطبيعه الحال هو مش هيخيلك تحس ببيعه ده لان البيع وقتها بيكون بيع مستتر ، يعنى مش هيبان فى الشموع اللى انت بتشوفها لكن امتى يبقى واضح للناس ويعلن صانع السوق عن نفسه فى البيع !
لما تبتدى تظهر شموع زى upthrust اللى هى بيتعمل فيها قمه جديده عن قمه اليوم اللى قبلها ويدخل الناس فى بدايه الجلسه ويحبسهم فى العالى وبعدها ينزل يقفل الجلسه عند اقل سعر او بالقرب منه ، او تلاقى شمعه no demand اللى بتيجى يسيبريد ضيق وفوليوم ضعيف بعض حاله ضعف الترند ، واخيرا الشمعه اللى بتلاقى حدودها ضيقه وفوليوم عالى فيها ، دول يمكن اشهر 3 شمعات بيعلن فيهم صانع السوق عن نفسه وبما اننا حاليا فى السوق المصرى فى مرحله markup من وجهه نظرى مبنيه على حدث معين وهو ارتفاع سعر الدولار ، واننا تجاوزنا القمه اللى تراجع منها المؤشر عند 10066 ، فمن رأيى ان جنى الارباح واجب فى اثناء هذه المرحله ومش لازم تبيع كل الكميه اللى معاك ، يعنى ممكن تقسهم على مرحلتين او تلاته او حتى اكتر زى مانت عايز المهم انك ما تحولش مركز رابح الى مركز خسران ، واللى هيقولى اننا خسرانيين ومستنين المؤشر يرتفع اكتر عشان نعوض خسارتنا ، اقوله اننا فى مرحله غير طبيعيه سواء على المستوى السياسى او الاقتصادى والتذبذب فيها سيد الموقف ، يعنى لازم تستغل الموقف فى تحسين متوسطك بالبيع فى مثل هذه الاحوال وانتظار اى تراجع تشترى فيه تانى وهكذا ، اما بالنسبه للناس اللى خسرانه اكتر من 50% و60% من محفظتها الطبيعى انه كانت تكلفه الفرصه البديله لهم خلال الايام اللى فاتت هو الدهب والدولار ، لكن من رأيى انه كان يجب التضحيه بجزء من المراكز الخسرانه واستغلال اموالها فى ورق افضل نسبيا من اللى معاهم لان فرص السوق حتى فى الاتجاه الهابط مش بتخلص وموضوع انك تجازف شويه بالمتاجره لابد منها عشان تقلل من متوسطك عشان فى الاخر لو كان فيه فرصه للخروج تبقى تخرج بخساره قليله او البديل التانى انك تكبر دماغك من البورصه وتسيب الفلوس اللى فى الاسهم الخسرانه دى للورثه طالما مافيش تحرك مع الاتجاه
- من وجهه نظرى ان ممكن المؤشر المصرى مع الدولار يكونوا قمه محتمله خلال الفتره القصيره القادمه ربما على نهايه الاسبوع الحالى او بدايه الاسبوع القادم ، ولاحظ دايما ان القمم بتتكون لما الاخبار المتفائله بتنتشر والناس تتفائل و عقليه الحشود تشتغل ، عشان كده اللى مش عايز يجنى ربحه او جزء منه عليه بالمتابعه الجيده لاسهمه او لدولارته ، وبعد كده خلينا نشوف لو حصل تراجع هيكون مؤقت خصوصا فى الدولارويرجع الدولار تانى يرتفع طالما اسباب الطلب على الدولار ما زالت موجوده ولا التراجع ده هيخلى الدولار يتوازن عند مستوى 14-15 ، اما بالنسبه للمؤشر فأى ترند صاعد لابد له من تصحيحات ثانويه قصيره الاجل لا ستعاده العزم مره اخرى ودائما ينصح فى الترند الصاعد - خصوصا فى الحاله اللى احنا فيها - بالشراء الانتقائى فى تراجعات الصعود والالتزام بايقاف الخسائر
