بسم الله الرحمن الرحيم
بالنسبه للمؤشر كنا اكدنا قبل كده فى حاله كسر مستوى 7350 تعتبر نقطه خروج لقصير الاجل، وبرغم ان معظم الاسهم القياديه الشموع الخاصه بيها بتقول انها مكمله هبوط ، وان الارتدادت اللى حصلت فى بعض منها ارتدادت ضعيفه ، الا ان جلسه اليوم تعتبر جلسه تأكيد كسر دعم 7350 من عدمه، بمعنى ان ممكن صانع السوق يكسر الدعم ده ويكمل هبوط وده وارد جدا وممكن ان يكون دى خلخله للسوق واختبار للدعم اللى كونه فى المدى القصير ويرتد منه ، والحقيقه ان التعريض بالشكل ده وفى نطاق ضيق جدا ، ما تعودناش عليه انه يكون تصريف بعد صعود ممتد وبفوليوم عالى ، خصوصا وان السوق ما زال فيه موجه صاعده كمان ، لكن بشكل عام اتعودنا ان السوق دايما هو اللى صح ، وانه يفعل ما يشاء بمنطقه هو لا بمنطقنا احنا، وقد تكون قرأتنا للسوق هى الخاطئه وده وارد ،عشان كده جلسه اليوم هى جلسه تاكيد الكسر من عدمه ، بمعنى ان لو المؤشر واصل هبوطه يبقا الافضل انك على الاقل تخفف من محفظتك وتستنى مستويات 7100-7200، وخلى 7100-7200 هى نقطه وقف خساير لمن دخل متأخرا ، او حمايه ارباح لمن دخل السوق قبل ذلك ، اما فى حاله الارتداد صعودا فنقطه الامان للشراء هى اختراق 7700 ، ولمن يدخل عند 7350 ويتحمل المغامره لاهداف قد تصل الى 8000-8200 نقطه ، عليه جعل مستوى 7350 هى نقطه الخروج بالنسبه له فى هذه الحاله
