ببساطه كده الشارت الاول والقناه السعريه الصاعده - حتى الان- وركز على كلمه حتى الان بيقول ان شكل الموجه ثلاثيه الحركه A-B-C، وعندنا دلائل على كده اولها ان الموجه الصاعده من قاع 24700 زاويه ميلها مسطحه عن الموجه السابقه البادئه من قاع 21700 ، كمان فى الموجات التصحيحيه غالبا مش بتقدر تصل الى حد القناه العلوى فى حاله الصعود ، لان الموجات التصحيحيه بطبعها ضعيف حتى ولو حققت قمم اعلى ، وبالتالى فى الحاله دى لااااااااازم ناخد بالنا من مستوى 24680 لانه مستوى مفصلى حاليا وهو المقابل لمستوى 2730 فى مؤشر استاندرد اند بورز وكسره هيأكد ان الموجه بشكلها الحالى هى موجه ثلاثيه ، وربما وانا بقول ربما يخلينا نتبع السناريوهات البديله اللى كنت اتكلمت عنها قبل كده زى ان الموجه الرابعه INTERMDIATE تكون فلاته او مثلث بنوعيه وتكون لسه ما خلصتش ، وشكل الموجه الهابطه وقتها وانتهائها عند مستويات معينه برغم كسر 24680 ممكن تخلينى محتفظ بالسيناريو الاساسى عندى ، وحين حدوث الامر نبقى نشرح اكتر 😁😉
بس هل الكلام ده ملهوش سيناريو اخر و لا خلاص كده لا مفر من سيناريو الموجه الثلاثيه !!!
بالعكس السيناريو الاساسى الذى نتبعه ما زال صالحا ، والموجه الحاليه بشكلها الحالى تكون موجه اولى وثانيه على فريم اكير زى MINOR والموجه البادئه من قاع 24680 موجه اولى و ثانيه على فريم زمنى اقل وهو MINUTE ، يعنى الترقيم يكون 1،2& 1،2 وعندنا اكتر من سبب يخلى الترقيم ده صحيح حتى الان اولهم ان الموجه التانيه MINUTE صححت بالنسب المتعارف عليها حتى الان (78.6% تقريبا)، ، وكان شكل الموجه زجزاج بسيط وتداخلت مع الموجه الثانيه على الدرجه الموجيه الاقل وكونت نموذج كلاسيك معروف عنها فى الحالات دى وهو الدبل بوتوم المحتمل يكتمل بالاغلاق اعلى 24400 كماهو واضح فى الشارت الثانى لمستهدف يتجاوز مستويات 27000 صعودا ، وما زال السعر حاليا اعلى قاع 24680 وهو الاهم ، والسيناريو ده لابد له من تكوين قمه جديده تخترق قمه 27400 مع عدم كسر قاع24680 حتى يظل صحيحا
*الجزء التعليمى فى المتاجره مع البيتفشورك *
- البيتشفورك من الادوات العظيمه فى المتاجره خصوصا لما تكون مرسومه من نقاط محوريه ، ونشوف السلوك السعرى لما مؤشر الاستاندرد اند بورز ما قدرش يصل الى خط الميديان لاين فى البيشتفورك وده كانت اول علامات الضعف للسعر ، وبعدها تم كسر مستوى 2975 واتغير الاتجاه فى المدى القصير وكان يصلح مستوى للخروج ، ولما السعر بيفشل للوصول الى الميدين لاين ، ف السعر غالبا هيكسر خط البيتشفورك الاسفل الموازى للمديان لاين ، وعند كسره يصلح ايصا للخروج وبيكون علامه قويه كمان على كسر خط التريجر الاسفل(بدء المتاجره) اللى بيمثل علامه خروج صريحه تبعا لقواعد المتاجره مع البيتفشورك ، وفى الحاله اللى عندنا حاليا للشراء لن يتم الاكتفاء باعتلاء السعر للتريجر لاين زى ما حصل فى جلسه 18/8/2019 لكن الافضل الشراء بالاغلاق والاستقرار اعلى 2945 عند اكتمال القاع المزدوج لهدف قد يصل الى مستويات القمه السابقه عند 3050 وبكده يبقى قدرنا نستغل مدرستين مختلفتفين فى المتاجره وبسهوله وباشارات واضحه لا لبث فيها
