- التحرك العرضى اللى شغال فيه الداو جونز ممكن ينتهى بأحد ثلاث اشكال
1- معكوس الرأس والكتفين
2- قاع مزدوج مكمل للاتجاه او ما يعرف بنمط " اذن القطه" وهو لا يختلف كثيرا عن القاع المزدوج
3- مثلث متمائل
لو حبيت كمستثمر ترجح اى الاشكال القابله للتحقق- بعيدا عن المشاعر- فى ظل معطين تقريبا عكس بعض اولهم NEGATIVE MOOD السائد فى ظل حاله عدم اليقين الحاليه واللى الراجل بتاع امريكا لا يدخر جهدا فى اشعالها كلما الت الى الهدوء ، والمعطى الاخر هو دعم المتوسط المتحرك لــ 200 جلسة والذى لا يألو جهدا فى دعم الداو جونز على فترات زمنيه ممتده سابقا وحتى اليوم
- انا جايب الحاله دى مخصوص عشان لو قابلك موقف زى ده تبدء تفكر التفكير التسلسلى وتطرح على نفسك شويه اسئله من نوعيه هتتصرف ازاى فى حاله لو النمط كذا هو اللى اتحقق ونسب ترجيحه فى ظل الحاله السائده وتربط الكلام ده بارقام معينه والنسب اللى ممكن تغامر بيها من محفظتك، وعلى اساسها هيبقى عندك خطه للتداول فى صوره خطوات سواء كنت جوه الماركت او خارجه
الحقيقه انا مش هقول رأيى ولا انا لو كنت فى الوضع ده هعمل ايه وهسيب الموضوع وكأنه استطلاع للرأى
