- هبدء ان شاء الله التحليل الحالى بالشارت رقم 3 عشان نفتكر الاساس اللى بنيت عليه التوقع فى مشاركه بتاريخ 29/7/2019 ، وبفضل الله اولا ما زالت حركه السعر توافق هذا التوقع ، و كان التنبيه على اهميه مستويات مفصليه فى حركه التجارى زى مستوى 69 ، والهدف الصعودى المبدئى للمثلث الاليوتى عند 80 واللى اكد السيناريو ده عدم كسر مستوى 69 وبعد تكوين القاع لاخر موجات المثلث عند 70.25 تم تعديل الهدف المبدئى عند 81
- الشارت رقم 1 عندنا نموذج هارمونيك فراشه بيعى يكتمل فى منطقه 78.5-79 وقد يمتد الى منطقه 81.5-82 (تأكيد من الهارمونيك على االمستهدف الاليوتى)
- الشارت رقم 2 : باستخدام مدرسه اخرى وهى مروحه جان (رسم يدوى) لتفسير حركه السعر من الصعود الحاد الى تحرك السعر عرضيا والتوقع لحركه السعر القادمه
ولاحظ ان السعر مع زاويه 45 وهى الزاويه الاساسيه عند جان كان السعر يسير بوحده واحده مقابل وحده زمنيه واحده (1:1) وكل ما نتحرك يسار الزاويه 45 هنلاحظ الصعود بشكل حاد اكتر فى حاله الصعود ، والعكس كلما تحركنا يمين الزاويه 45، نلاحظ ان السعر بيتحرك بشكل جانبى اكتر والترند بيضعف ، ولاحظ كمان ان كل زاويه بتتحرك فيها وحده السعر مع وحدات مختلفه من الزمن ، فمثلا على الزاويه 26.25 كان السعر بيتحرك بمقدار وحده واحده مع وحدتين زمن (1:2) (بطىء نسبى فى الصعود )،وهو ما اعطى لحركه السعر ان تكون عرضيه نسبيا وعندما انتقل السعر الى الزاويه 18.75 زاد التحرك الجانبى اكثر فتحرك السعر بمقدار وحده واحده مع ثلاث وحدات زمن (1:3) بالرغم من تحقيق قمم تاريخيه جديده فى كل مره ولكنالضعف الظاهر فى كل مره من خلال التفسير المقدم لا يعطى افضليه للسعر بأن يواصل التقدم، لكن هل الكلام ده هيفيدنا فى حاجه !!
اكيد هيفيدنا فى تفسير حركه السعر ، ولما نقارن مدرسه جان بالمدرسه الكلاسيكيه والاليوتيه نقدر نرجح حركه السعر القادمه ممكن تكون شكلها ازاى
بمعنى احنا عندنا مثلث اليوتى متكون ومن المفترض ان الحركه الصاعده بعده تكون قويه ، كمان كلاسيكيا عندنا نمط رأس وكتفين فى القمه فشل ومن المفترض عند فشل الانماط الانعكاسيه فى القمه سيكولجيه البائع بتتغير ويتتحول لمشترى قوى وعلى سبيل المثال بيكون هناك مستهدف صاعد للرأس والكتفين بعد فشله والاغلاق اعلى 76.90 يوصل السعر الى مستويات 85-86 ، لكن نرجع ونسأل نفسنا يا ترى حركه السعر هتكون قويه للوصول الى مناطق 81-82 او حتى لو امتدت ووصلت الى 58-86 !!
حسب المدرسه الكلاسيكيه والاليوتيه المفروض نشوف حركه سعريه قويه وده حصل جزئيا حتى الان لكن هل هتستمر ؟
فى اعتقادى طالما ان السعر بيتداول بين زلويتي 18.75-26.25 فالارجح عندى ان حركه السعر للتجارى هتميل الى التحرك العرضى المائل للصعود مع غالبا ضعف فى حركه الفوليوم ، الا اذا ..... حدث ما يدفع الاسعاربقوه للانتقال من زاويه 18.75 الى 26.25 ومنها الى زاويه 45 وهو ما سيحدث بالتأكيد لان زاويه 45 (زاويه التوازن) اشبه بالمغناطيس الذى يجذب اليه السعر مهما ابتعد عنها ولكن فى اعتقادى ليس الان
